News World Marathi© 2024 Newsworld मराठी बाह्य इंटरनेट साइट्सच्या सामग्रीसाठी आम्ही जबाबदार नाही. बाह्य लिंक्सबद्दल आम्हाल काय वाटतं? इथे वाचा. बाह्य लिंक्सबद्दल आम्हाल काय वाटतं? इथे वाचा.

News world : Mumbai- एक कप कॉफी तुम्हाला दिवसभरात किती आरोग्यदायी फायदे देते? तसे नसेल तर आज आपण या लेखात जाणून घेणार आहोत की सकाळी एक कप कॉफी तुम्हाला कोणते फायदे देऊ शकते. सकाळच्या वेळी कॉफी पिण्याचे तोटे तुम्ही आतापर्यंत ऐकले असतील, पण आम्ही तुम्हाला कॉफीच्या फायद्यांविषयी सांगणार आहोत.सकाळी उठल्यानंतर एक कप अप्रतिम कॉफी किंवा चहा मिळाला तर दिवस चांगला होतो. इतकंच नाही तर ऑफिसच्या कामात व्यस्त असताना संध्याकाळीही सहकाऱ्यांसोबत कॉफी किंवा चहा पिणं लोकांना आवडतं. यामुळे मूड फ्रेश होतो. झटपट ऊर्जा देण्यासाठी हे दोन्ही हॉट ड्रिंक्सप्रभावी आहेत. पण तुम्हाला माहित आहे का, 1 भरपूर एनर्जी टिकून राहते. कॉफीमुळे आपली भूक नियंत्रित होते. त्यामुळे तुम्ही सकाळी ब्लॅक कॉफी किंवा नॉर्मल कॉफीचे सेवन करू शकता. सकाळी नाश्त्यासोबत एक कप कॉफी अवश्य प्यावी. कारण यामुळे दिवसभर शरीरात भरपूर ऊर्जा मिळते. मॉर्निंग कॉफी तुम्हाला दिवसभर उर्जावान ठेवण्यास मदत करते. इतकंच नाही तर ते प्यायल्याने तुम्हाला पुन्हा पुन्हा भूक लागत नाही2. वजन कमी करणेजर तुम्ही लठ्ठपणाचे शिकार असाल तर कॉफी पिणे तुमच्यासाठी खूप फायदेशीर ठरू शकते. सकाळी एक कप कॉफी प्यायल्याने तुमचे वजन झपाट्याने कमी होते आणि लठ्ठपणापासून सुटका मिळू शकते. कॉफीमध्ये क्लोरोजेनिक अॅसिड आढळते, जे शरीरात लठ्ठपणाचे गुणधर्म वाढण्यापासून प्रतिबंधित करते. जर आपण ब्लॅक कॉफी प्यायली तर ते अधिक फायदेशीर ठरू शकते, कारण त्यात कॅफिनचे प्रमाण जास्त असते.3. मेंदू मजबूतसकाळी कॉफी प्यायल्याने तुमची स्मरणशक्ती वाढते. दिवसभरात एक कप कॉफीमुळे तुमचे लक्ष आणि एकाग्रता सुधारते. मूड प्रसन्न ठेवण्यासाठीही कॉफी उपयुक्त ठरते.आरोग्य तज्ञांचे म्हणणे आहे की, कॉफीच्या सेवनाने आपला मेंदू मजबूत होतो. कॉफीमध्ये अँटीऑक्सिडंट्स आढळतात, जे आपल्या मेंदूचे कार्य सुधारतात.

Gondia shivshahi bus accident : पोलिसांत भरती होण्यासाठी अनेक तरुण-तरुणी जीव तोडून मेहनत घेत असतात. अशीच मेहनत गोंदिया जिल्ह्यातील अर्जुनी मोरगाव येथील स्मित सुर्यवंशी यांनी घेतली होती. दरम्यान तीन महिन्यांपूर्वी पोलिसांत भरती झालेल्या स्मिता सुर्यवंशी यांच्या कुटुंबात आनंदाने गहिवरले होते. मात्र, सुर्यवंशी यांच्या कुटुंबियांचा आनंद फार काळ टिकला नाही. गोंदिया येथे झालेल्या शिवशाहीच्या बस अपघातात महिला पोलीस कर्मचारी स्मिता सुर्यवंशी यांचा दुर्दैवी मृत्यू झालाय.

सहायक आयुक्त, समाज कल्याण विभाग, पुणे आणि डॉ. बाबासाहेब आंबेडकर संशोधन व प्रशिक्षण संस्था (बार्टी) पुणे यांच्या संयुक्त विद्यमाने जिल्हाधिकारी डॉ. सुहास दिवसे यांच्या उपस्थितीत ७५ वी संविधान रॅली आयोजित करण्यात आली.भारतीय संविधानाच्या प्रास्ताविकेचे सामुहिक वाचन करून कॅम्प येथील भारतरत्न डॉ. बाबासाहेब आंबेडकर पुतळा येथे डॉ. दिवसे यांच्या हस्ते हिरवी झेंडी दाखवून संविधान रॅलीची सुरुवात करण्यात आली. नवीन जिल्हा परिषद – ब्ल्यू नाईल हॉटेल चौक – पोलीस आयुक्त कार्यालय चौक – समाजकल्याण आयुक्तालय – एसबीआय बँक चौक – बंडगार्डन पोलीस ठाणे चौक ते भारतरत्न डॉ. बाबासाहेब आंबेडकर उद्यान, ससून रुग्णालयासमोर यामार्गे डॉ. बाबासाहेब आंबेडकर यांच्या पुतळा येथे संविधान रॅलीचा समारोप करण्यात आला. यावेळी विद्यार्थी मोठे बॅनर्स, घोषवाक्य फलक घेऊन रॅलीत सहभागी झाले. बार्टी कार्यालयामार्फत चित्ररथाची व्यवस्था करण्यात आली. येरवडा येथील सफाई कामगारांच्या मुलांची शासकीय निवासी शाळा मधील विद्यार्थ्यांनी छत्रपती शिवाजी महाराज, महात्मा ज्योतिबा फुले, ज्ञानज्योती सावित्रीबाई फुले, राष्ट्रपिता महात्मा गांधी व भारतरत्न डॉ. बाबासाहेब आंबेडकर यांच्या वेशभूषा परिधान करुन समाजाला समानता-बंधुता व एकात्मतेचे दर्शन घडविले. यावेळी बार्टीच्या उपायुक्त वृषाली शिंदे, सहाय्यक आयुक्त, समाज कल्याण विशाल लोंढे, जिल्हा समाज कल्याण अधिकारी, राधाकिसन देवडे, बार्टीच्या निबंधक इंदिरा अस्वार, तृतीयपंथी सामाजिक कार्यकर्ता डॉ. आम्रपाली मोहिते आदी उपस्थित होते.

माऊलींच्या मंदिरावर हेलिकॉप्टरने पुष्पवृष्टीपाहूनी समाधीचा सोहळा । दाटला इंद्रायणीचा गळा॥बाळ सिद्ध पाहता चिमुकला। कुणी गहिवरे कुणी हळहळे ।भाळी लावून चरण रजाला चरणावरी लोळला॥ चोखा गोरा आणि सावता ।निवृत्ती हा उभा एकटा । सोपानासह उभी मुक्ता अश्रूपुर लोटला॥माऊली माऊली नामाच्या गजरात,पुष्पवृष्टी,घंटानाद करत आज गुरुवार (दि.२८) रोजी तीर्थक्षेत्र आळंदी येथे संतश्रेष्ठ ज्ञानेश्वर महाराज यांचा ७२८ वा संजीवन समाधी सोहळा उत्साहात पार पडला.         श्री संत ज्ञानेश्वर महाराज समाधी मंदिरात पहाटे तीन वाजता प्रमुख विश्‍वस्त राजेंद्र उमाप यांच्या हस्ते माऊलींच्या समाधीवर पवमान अभिषेक झाला. सकाळी सात ते नऊ वाजता हैबतबाबा पायरीपुढे हैबतबाबा आरफळकर यांच्यातर्फे कीर्तन झाले. नामदेव महाराजांचे वंशज केशव महाराज नामदास यांचे संजीवन समाधी सोहळ्याचे कीर्तन झाले.          कीर्तनात केशव नामदास महाराज यांनी आळंदी तीर्थक्षेत्राचा महिमा, माऊलींचे चरित्र, समाधीचा प्रसंग आदी विषय सांगितले. समाधी सोहळ्याचा प्रसंग सांगताना नामदास महाराज यांच्यासह श्रोत्यांचे डोळे पाणावले.          यावेळी माजी मंत्री चंद्रकांत पाटील, विजय शिवतारे, खासदार संजय जाधव, प्रमुख विश्वस्त ॲड.राजेंद्र उमाप, विश्वस्त योगी निरंजननाथ, डॉ.भावार्थ देखणे, व्यवस्थापक ज्ञानेश्वर वीर, बाळासाहेब आरफळकर, बाळासाहेब चोपदार, राजाभाऊ चोपदार, मुख्याधिकारी कैलास केंद्रे, चैतन्य महाराज कबीरबुवा, मानकरी साहिल कुऱ्हाडे, राहुल चिताळकर, स्वप्नील कुऱ्हाडे, मंगेश आरु, डि.डि.भोसले पाटील, राम गावडे, रोहीदास तापकीर, संजय घुंडरे, अजित वडगावकर, राहुल चव्हाण, वैजयंता कांबळे, पुष्पा कुऱ्हाडे, सागर रानवडे, महेश कुऱ्हाडे, अमोल घुंडरे, अमोल वीरकर, ज्ञानेश्वर कुऱ्हाडे, सागर कुऱ्हाडे, संतोष भोसले, विष्णू वाघमारे तसेच वारकरी भाविक व ग्रामस्थ बहुसंख्येने उपस्थित होते.            समाधी सोहळ्यानिमित्त माऊली मंदिरात आकर्षक रांगोळी, फुलांची सजावट करण्यात आली होती. मंदिर परिसरात पोलिसांचा मोठा बंदोबस्त तैनात होता. कार्तिकी वारीत काळात अभिषेक, आरती, नैवेद्य असे नित्योपचार वगळता २४ तास दर्शन खुले ठेवण्यात आले होते. तसेच लाखो भाविकांनी महाद्वारातून मुख दर्शन घेतले. समाधी सोहळ्यानिमित्त मंदिरावर हेलिकॉप्टरने पुष्पवृष्टी करण्यात आली.