पुण्यातील गर्भवतीच्या मृत्यूप्रकरणी उपमुख्यमंत्री अजित पवार यांनी निषेध व्यक्त करत दोषी आढळ्यास कठोर कारवाईचे आदेश दिले आहेत. दीनानाथ मंगेशकर रुग्णालयातील या दुर्दैवी घटनेनंतर राजकीय आणि सामाजिक स्तरावर मोठ्या प्रमाणात संताप व्यक्त होत आहे.उपमुख्यमंत्री अजित पवार यांनी ट्विट करत संताप व्यक्त केला आहे.
काय म्हणाले अजित पवार?..
पुणे येथील दीनानाथ मंगेशकर रुग्णालयात तातडीनं उपचार न मिळाल्यानं श्रीमती तनिषा भिसे या भगिनीचा मृत्यू झाल्याच्या दुर्दैवी घटनेची गंभीर दखल शासनानं घेतली आहे. आरोग्य विभागानं तज्ज्ञ डॉक्टरांचा सहभाग असलेल्या समितीमार्फत या प्रकरणाची सखोल चौकशी करण्याचे आदेश दिले आहेत. मी स्वतः जिल्हाधिकाऱ्यांना ही चौकशी तातडीनं, पारदर्शक आणि निष्पक्षपणे पूर्ण करण्याच्या सूचना दिल्या आहेत.
रुग्णालय प्रशासनानं त्यांचं म्हणणं मांडलं असलं तरी, संबंधित सर्व घटकांचा विचार करून योग्य ती कारवाई केली जाईल. या प्रकरणी आंदोलन करणाऱ्या व्यक्ती, संस्था आणि संघटनांच्या भावना शासनानं समजून घेतल्या असून चौकशीच्या निष्कर्षानुसार दोषी आढळणाऱ्यांवर कायद्यानुसार कठोर कारवाई केली जाईल. सर्व नागरिकांनी संयम बाळगावा आणि प्रशासनाला सहकार्य करावं, असे ट्विट उपमुख्यमंत्री अजित पवार यांनी केले आहे.
Recent Comments