Newsworldmarathi Pune: प्रभाग क्रमांक २१ सॅलिसबरी पार्क – मुकुंदनगर (ड गट – सर्वसाधारण) येथील प्रेमनगर परिसरात पुणे लोकसभा समन्वयक प्रभारी व म.न.पा.चे माजी सभागृहनेते श्रीनाथ यशवंत भिमाले यांच्या वाढदिवसानिमित्त लाडक्या बहिणींना भेटवस्तू दिल्या.
यावेळी प्रभागातील महिलांनी मोठ्या उत्साहात श्रीनाथ भिमाले यांचे स्वागत केले. अनेक ठिकाणी भगिनींनी औक्षण करून त्यांना वाढदिवसाच्या शुभेच्छा दिल्या. परिसरात आनंदाचे वातावरण निर्माण झाले होते. भिमाले यांनी प्रत्येक भेटीत आपुलकीचा संवाद साधत महिला वर्गाशी संवाद साधला आणि त्यांच्या शुभेच्छा स्वीकारल्या.
या प्रसंगी भिमाले म्हणाले, “प्रभागातील नागरिकांचे प्रेम, विश्वास आणि आशीर्वाद हाच माझा खरा ठेवा आहे. बहिणींनी दाखवलेली आत्मीयता ही माझ्यासाठी अनमोल भेट आहे.”
प्रेमनगर परिसरात झालेल्या या उपक्रमाला स्थानिक नागरिक, महिला मंडळे व युवा वर्गाने उत्स्फूर्त प्रतिसाद दिला. दिवसभर चाललेल्या या भेटीच्या कार्यक्रमातून सामाजिक बांधिलकीची भावना अधिक दृढ झाल्याचे भिमाले यांनी सांगितले.
Recent Comments