मार्टिन समूहाकडून आयएससीई साठी ४ कोटी रुपयांची मदत

Newaworldmarathi Pune : मार्टिन समूह यांनी इंडो-स्विस उत्कृष्टता केंद्रासाठी(आयएससीई) साठी ४ कोटी रुपयांची मदत जाहीर करत त्यातील पहिला १ कोटी रुपयांचा धनादेश सुपूर्द केला. कोरेगाव भीमा (पुणे) येथील आयएससीईच्या परिसरात उभारण्यात येणाऱ्या ३०० आसनी बहुउद्देशीय सभागृहाच्या बांधकामासाठी ही रक्कम देण्यात आली आहे. २६ फेब्रुवारी रोजी आयोजित कार्यक्रमात मार्टिन समूहाचे व्यवस्थापकीय संचालक जोसे चार्ल्स मार्टिन यांनी धनादेश प्रदान केला.

आयएससीई संस्थेचा उद्देश वंचित घटकांतील युवकांना उद्योगाभिमुख कौशल्य प्रशिक्षण देऊन रोजगारक्षम बनविणे हा आहे. येथे राष्ट्रीय कौशल्य शिक्षण व प्रशिक्षण परिषदेच्या मान्यतेचे अभियांत्रिकी पदविका नेट्टूर तांत्रिक प्रशिक्षण प्रतिष्ठान यांच्या सहकार्याने राबविले जातात. तसेच कृषी उद्योजकता विकास उपक्रम सिंजेंटा फाउंडेशन इंडिया (सिंजेंटा प्रतिष्ठान, भारत यांच्या भागीदारीत चालविले जातात. याशिवाय नागरी विमानन महासंचालनालय मान्यताप्राप्त मानवरहित विमान चालक प्रशिक्षण तसेच सागरी क्षेत्राशी संबंधित विशेष प्रशिक्षण कार्यक्रमही राबविले जातात.

यावेळी मुकेश मल्होत्रा, अध्यक्ष, वीकफिल्ड समूह व आयएससीईचे प्रमुख कार्यकारी, यांनी उद्योग क्षेत्रातील सहकार्याचे महत्त्व अधोरेखित केले. “आजच्या तरुणांना उद्याच्या कौशल्यांनी सक्षम करण्यासाठी उद्योग-शिक्षण भागीदारी अत्यावश्यक आहे,” असे ते म्हणाले.

या उपक्रमामुळे पुणे जिल्ह्यातील कौशल्यविकासाला मोठी चालना मिळणार असून, इतर उद्योगसमूहांनीही या सामाजिक कार्यात सहभागी व्हावे, असे आवाहन आयएससीईतर्फे करण्यात आले.