Newsworldmarathi Kolhapur : यश मिळविण्यासाठी कोणत्याही प्रकारचा शॉर्टकट उपयुक्त ठरत नाही. त्यासाठी ध्येय निश्चित करूने ते साध्य करण्यासाठी खडतर मेहनतीची तयारी ठेवावी लागते. तरच शिखर गाठता येईल असे प्रतिपादक खासदार धनंजय महाडिक यांनी केले.
रोटरी क्लब ऑफ कोल्हापूर मिडटाऊन आणि इन्स्पायर एंडसीच्या माध्यमातून घेण्यात आलेल्या कोल्हापूर टॅलेंट परीक्षेच्या यशस्वी विद्यार्थ्यांचा सन्मान सोहळ्याचे आयोजन करण्यात आले होते. यात एक हजार ६०० विद्यार्थ्यांनी ही परीक्षा दिली. या परीक्षेचा बक्षिस वितरण समारंभ व्हि. टी. पाटील सांस्कृतिक भवन टाकाळा येथे संपन्न झाला. यावेळी खा. महाडिक बोलत होते.
Oplus_131072
अरुंधती महाडिक यांनी विद्यार्थ्यांना बळ देण्यासाठी टॅलेंट सर्च परीक्षेचा प्लॅटफॉर्म उपलब्ध करून दिला असे खासदार महाडिक यांनी सांगितले.
यावेळी खासदार धनंजय महाडिक, रोटरी क्लब कोल्हापूरच्या अध्यक्षा अरुंधती महाडिक, युथ आयकोन कृष्णराज महाडिक, बी. एम. हिडेकर, जिजाई मसालेच्या संस्थापिका वैशाली भोसले यांनी उपस्थित विद्यार्थ्यांना मार्गदर्शन केले.
Oplus_131072
कोल्हापूर लेंट सर्च परीक्षेत प्रथम आलेल्या अथर्व जोशी, वैष्णवी भुईक, आदित्य चेवारी, अभिनव पोवार, कल्याणी पाटील या विद्यार्थ्यांना प्रशस्तीपत्र, भेट देवून गौरविण्यात आले.
Newsworldmarathi Pune : बारामतीच्या प्रसन्न गुलाबी थंडीने सजलेली पहाट, हिरवाई नटलेले सुंदर रस्ते , एसआरपीएफ च्या शिस्तबद्ध बँड पथकाने रनर्सचे फिनिश पॉईंटवर केलेले अविस्मरणीय स्वागत आणि बारामतीचा विकास पॅटर्न न्याहाळत रनर्सने विक्रमी वेळेत साधलेली दौड यांमुळे पुनीत बालन ग्रुप प्रस्तुत बारामती पॉवर मॅरेथॉनचा दुसरा सिझन संस्मरणीय ठरला.
राज्याचे उपमुख्यमंत्री अजित पवार, खासदार सुनेत्रा पवार, युवा उद्योजक आणि पुनीत बालन ग्रुपचे अध्यक्ष व युवा उद्योजक पुनीत बालन, जान्हवी पुनीत बालन-धारिवाल, युवा नेते पार्थ पवार, अभिनेता जॅकी भगनानी यांनी पहाटे चार वाजता झेंडा दाखवून या मेरोथॉन स्पर्धेचा शुभारंभ केला. वर्ल्ड ऍथलेटिक असोसिएशनची मान्यतेने आणि तालुका स्तरावर आंतरराष्ट्रीय मानकांच्या दृष्टीने संपन्न होणारी बारामती पॉवर मॅरेथॉन ही कॉम्रेड मॅरेथॉन सारख्या आंतरराष्ट्रीय ख्यातीच्या मॅरॅथॉनसाठी पात्रता निकष गणली जाते. त्यामुळे देशभरातून अनेक ख्यातनाम रनर्स या मॅरेथॉन मध्ये सहभागी होत असतात. सलग दुसऱ्या वर्षी पुनीत बालन ग्रुपच्या सहकार्याने या मॅरेथॉन स्पर्धेचे आयोजन करण्यात आले होते.
उत्कृष्ट नियोजन , ट्रॅक वर असणारी हायड्रेशनची आणि एनर्जी पॉईंटची उत्तम व्यवस्था , मैदानावर जागोजागी उभारलेले सेल्फी पॉईंट आणि फोटोसेशन बूथ , चिंकाराच्या ब्रँडिंगने साधलेले वातावरण यांमुळे प्रोफेशनल रनर्ससोबतच यंदा बारामती आणि परिसरातील आरोग्यस्पर्धकांची संख्या वाढलेली बघायला मिळाली. एकूण २८०० हुन अधिक रनर्स मॅरेथॉन मध्ये विविध रनिंग कॅटेगरीसाठी सहभागी झाले होते. बारामती रेल्वे स्टेशन ग्राउंड येथे विविध पाच गटांमध्ये ही मॅरेथॉन पार पडली. खासदार सुनेत्रा पवार यांच्यासह विविध मान्यवरांच्या हस्ते स्पर्धेचा पारितोषिक वितरण संपन्न झाले. यावेळी त्यांनी मॅरेथॉन आणि त्याचे आयोजन करणे हे निश्चितच आव्हानात्मक काम आहे.
बारामती स्पोर्ट्स फाऊंडेशनचे सदस्यांनी हे आव्हान लीलया पेलले असल्याचे सांगितले. तर बारामती स्पोर्ट्स फाऊंडेशनचे संस्थापक – अध्यक्ष सतिश ननवरे म्हणाले , “पहिल्या पर्वाच्या यशानंतर दुसऱ्या पर्वाला रनर्सने दिलेला प्रतिसाद आम्हा सर्व आयोजकांचा उत्साह वाढविणारा आहे. मॅरेथॉन यशस्वी होण्यासाठी ज्यांचे पाठबळ लाभलेल्या युवा उद्योजक पुनीत बालन यांच्यासह सर्वच प्रमुख प्रायोजकांचे आभार व्यक्त केले.
अजित पवारांकडून पुनीत बालन यांचे कौतुक स्पर्धकांना शुभेच्छा देताना उपमुख्यमंत्री अजित पवार म्हणाले , “बारामतीची प्रगती चहुबाजूंनी होत असताना, त्याला क्रीडा क्षेत्र देखील अपवाद नाही. आरोग्यपूर्ण जीवनशैलीसाठी मॅरेथॉन सारख्या स्पर्धा महत्वाच्या ठरतात आणि या प्रकारच्या स्पर्धांच्या आयोजनात पुनीत बालन आणि त्यांच्या सौभाग्यवती जान्हवी या नेहमीच आघाडीवर असतात. त्यांच्या सहकार्यामुळे ही स्पर्धा यशस्वी रित्या सलग दुसऱ्या वर्षी ही स्पर्धा होत आहे. सतिश ननवरे आणि त्यांच्या संपूर्ण टीमने मेहनत घेऊन ही मॅरेथॉन यशस्वी केली त्याबद्दल त्यांचे मनःपूर्वक अभिनंदन केले.
पुनीत बालन ग्रुपच्या माध्यमातून विविध खेळाना प्रोत्साहन देण्याचे काम आम्ही करत आहोत. बारामती पॉवर मॅरोथॉन स्पर्धेचे नियोजन अत्यंत शिस्तबद्ध आणि निटनेटके असे होते. या स्पर्धेत हजारो नागरिक-तरुण भल्या पहाटे उपस्थित राहून सहभागी झाले. त्यामुळे आमचाही उत्साह वाढला आहे.
– पुनीत बालन, अध्यक्ष, पुनीत बालन ग्रुप.
मॅरोथॉन स्पर्धेतील विजेते
ही मॅरोथॉन तीन गटात झाली. ४५ किमी, २१ किमी, १० किमी, या रनिंग कॅटेगरी मधील , प्रथम तीन विजेते आणि मॅरेथॉन मध्ये सहभागी टॉप ५ क्लब्स आणि स्कुल रन मध्ये जास्तीत जास्त संख्येने स्पर्धक देणाऱ्या टॉप ०३ स्कुलला सुद्धा रोख बक्षिसांनी गौरविण्यात आले. विजेत्यांमध्ये ४२ किमी पुरुष (प्रथम -लते चांदेव , द्वितीय – गायकवाड दयाराम , तृतीय – पंकज सिंग ) ४२ किमी स्त्री (प्रथम -मनीषा जोशी , द्वितीय – उर्मिला बने , तृतीय – सिंधू उमेश) २१ किमी पुरुष (प्रथम -धोंडिबा गिरदवा , द्वितीय – आबासाहेब राऊत , तृतीय -डॉ.मयूर फरांदे ) २१ किमी स्त्री (प्रथम -शीतल तांबे , द्वितीय – शिवानी चौरसिया , तृतीय – स्मिता शिंदे ) १० किमी पुरुष (प्रथम -अमूल अमुने , द्वितीय -सुजल सावंत , तृतीय – आर्यन पवार ) १० किमी स्त्री (प्रथम -आरती बाबर , द्वितीय – सोनाली मटने , तृतीय -रोशनी निषाद )
आणि टॉप ५ क्लब्स प्रथम – फलटण रनर्स , द्वितीय – सनराईज सायकल ग्रुप , तृतीय – एन्व्हायरमेंटल हेल्थ क्लब , चतुर्थ – बारामती स्पोर्ट्स फाऊंडेशन , पाचवा क्रमांक -सासवड रनर्स या क्लबला तसेच , टॉप ०३ स्कूल प्रथम – एस.व्ही.पी.एम. शारदानगर , द्वितीय – विनोद कुमार गुजर विद्याप्रतिष्ठान स्कूल , तृतीय -कारभारी आण्णा चॅरिटेबल फाऊंडेशन स्कूल यांना गौरविण्यात आले.
Newsworldmarathi Pune : कर्णधार आशु मलिक याच्या पल्लेदार चढायांच्या जोरावर दबंग दिल्ली संघाने बंगाल वॉरियर्सवर ४७-२५ अशी मात केली आणि प्रो कबड्डी लीग मध्ये प्लेऑफमध्ये आपले स्थान निश्चित केले. मध्यंतराला सतरा गुणांची आघाडी घेत त्यांनी आपला विजय निश्चित केला होता.
श्री शिवछत्रपती क्रीडा संकुल म्हाळुंगे बालेवाडी येथील बॅडमिंटन हॉलमध्ये सुरू असलेल्या या स्पर्धेत दबंग दिल्ली संघाने आतापर्यंत झालेल्या १९ सामन्यांपैकी दहा सामने जिंकले होते. गेल्या पाच सामन्यांमध्ये त्यांनी चार सामन्यांमध्ये विजय मिळवला तर एक सामना बरोबरीत ठेवला होता. आजचा सामना जिंकून प्ले ऑफ मध्ये स्थान मिळवणे हेच त्यांचे मुख्य ध्येय होते. त्यांच्या तुलनेमध्ये बंगाल वॉरियर्स संघाची कामगिरी निराशा जनक झाली आहे त्यांनी आतापर्यंत १८ सामने खेळले त्यामध्ये केवळ त्यांना पाच सामन्यांमध्ये विजय मिळवता आला होता. आजची लढत जर त्यांनी गमावली तर त्यांचे प्ले ऑफ मध्ये स्थान मिळवण्याचे स्वप्नही भंगले जाण्याची शक्यता आहे. त्यामुळेच दोन्ही संघांसाठी आजची लढत महत्त्वपूर्ण होती.
प्रतिस्पर्धी संघावर दडपण आणण्याच्या दृष्टीने दिल्ली संघाने सुरुवातीपासूनच आघाडी कशी राखता येईल हीच रणनीती आखली होती. दहाव्या मिनिटापर्यंत त्यांच्याकडे दोन गुणांची आघाडी होती. अर्थात बंगालच्या खेळाडूंनीही जिद्दीने त्यांना लढत दिली. बाराव्या मिनिटाला त्यांनी दिल्लीच्या अशू मलिक याची पकड करण्याचा आततायी प्रयत्न केला मात्र त्यांचा हा प्रयत्न अपयशी ठरला आणि परिणामी कर्णधार फाजल अत्राचेली याच्यासह त्यांचे चार खेळाडू बाद झाले. त्यामुळे त्यांच्यावर लगेचच लोणही बसला. या लोणमुळे दिल्ली संघाने आघाडी दहा गुणांपर्यंत वाढवली. मध्यंतराला त्यांनी २६-९ अशी आघाडी घेतली होती.
उत्तरार्धात सुरुवातीलाच दिल्ली संघाने दुसरा लोण चढविला आणि आपली बाजू बळकट केली. त्यावेळी त्यांच्याकडे २९-१० अशी आघाडी होती. त्यानंतर त्यांनी आपली आघाडी आणखी वाढवण्याचा प्रयत्न केला. शेवटची पाच मिनिटे बाकी असताना त्यांच्याकडे २३ गुणांची आघाडी होती.
दिल्ली संघाच्या विजयामध्ये आशु मलिक याच्या चढायांबरोबरच योगेश याने पकडी मध्ये केलेली अव्वल कामगिरी याचाही मोठा वाटा होता. बंगाल संघाकडून एस विश्वास व नितेश कुमार यांची लढत अपुरी ठरली.
Newsworldmarathi Pune : राज्यात सध्या थंडीचा जोर वाढत चालला आहे. उत्तरेकडून येणाऱ्या थंड वाऱ्यांचा प्रभाव आणि अंदमानच्या समुद्रात निर्माण होणाऱ्या कमी दाबाच्या क्षेत्रामुळे राज्यात तापमानात घट होत आहे.
धुळे येथे तापमान तब्बल 4.1 अंश सेल्सिअस इतके खाली गेले असून, यंदाच्या मोसमातील हे नीचांकी तापमान नोंदवले गेले आहे. जळगाव, नाशिक, आणि अहमदनगर जिल्ह्यांमध्येही थंडीचा कडाका जाणवत आहे.
मराठवाडा आणि विदर्भातही तापमानात घट झाली असून, पहाटेच्या सुमारास थंडीचा कडाका अधिक जाणवतो आहे. मुंबई आणि कोकण भागात तुलनेने थंडी सौम्य असली तरी तापमानाच्या पाऱ्यात काही अंशांची घट नोंदली जात आहे.
पुढील दोन दिवस राज्यात थंडीची लाट कायम राहील, असा अंदाज हवामान विभागाने व्यक्त केला आहे. विशेषतः उत्तर महाराष्ट्र आणि विदर्भ भागात थंडी अधिक तीव्र होईल.
तापमानात मोठी घट झाल्यामुळे शेतकऱ्यांनी पिकांचे संरक्षण करण्यासाठी योग्य उपाययोजना कराव्यात. फळबागा आणि रब्बी पिकांवर थंडीचा परिणाम होऊ नये यासाठी पाण्याचा आच्छादन तंत्राचा वापर करावा.
उत्तर महाराष्ट्रातील हा थंडीचा कडाका पुढील काही दिवस कायम राहणार असल्याने नागरिकांनी थंडीपासून योग्य ती काळजी घेण्याची गरज आहे.
Newsworldmarathi Pune : सागर ढोले पाटील यांनी मेहनतीने संस्था मोठी करत, विद्यार्थीच्या सर्वांगीण विकासासाठी ते झटत आहेत. शिवाय दिव्यांग शिबीर सारखे सामाजिक उपक्रम राबवून समाजात आदर्श ठरत आहेत. सागर ढोले पाटील यांचा आदर्श सर्वांनी घ्यावा असे प्रतिपादन स्वयंसेवक संघाचे परमपूज्य सरसंघचालक मोहन भागवत यांनी केले ढोले पाटील एज्युकेशन सोसायटी आणि भारत विकास परिषद यांच्या संयुक्त विद्यमाने आज राज्यस्तरीय दिव्यांग शिबिराचे आयोजन करण्यात आले. यावेळी ते बोलत होते.
कार्यक्रमात सागर ढोले पाटील यांनी आपल्या भाषणात सांगितले की, “दिव्यांगांना सक्षम बनवण्यासाठी व त्यांचा आत्मविश्वास वाढवण्यासाठी आम्ही दरवर्षी अशा शिबिरांचे आयोजन करतो. ढोले पाटील एज्युकेशन सोसायटीचा वटवृक्ष करत असताना आई वडिलांची पुण्याई व सर्वांची साथ मिळाल्याने ही शक्य झाले आहे असे कार्यक्रमाच्या प्रस्ताविकात सांगितले. भविष्यात सामाजिक कार्य सोबत करण्यासाठी विविध सामाजिक संस्थान त्यांनी आव्हान केले.
दिव्यांग मित्र या पुरस्काराने विनय खटावकर यांना मोहन भागवत यांच्या हस्ते करण्यात आला.या शिबिराद्वारे अनेक दिव्यांग बांधवांना आवश्यक त्या सुविधा व सहाय्य पुरविण्यात आल्या. शिबिराचा लाभ 22 जिल्ह्यांतील दिव्यांग व्यक्तींनी घेतला.डॉ. राजेंद्र हिरेमठ यांनी या उपक्रमासाठी वेळोवळी मार्गदर्शन केले.
Newsworldmarathi Nagpur नाराजीच्या प्रश्नावर बोलताना छगन भुजबळ यांनी जहाँ नही चैना, वहाँ नही रहना असं सूचक विधान केलंय. त्यांच्या या विधानामुळे राजकीय वर्तुळात चर्चेला उधाण आलं आहे. छगन भुजबळ आता काही मोठा निर्णय घेणार का असा प्रश्न उपस्थित होत आहे.
छगन भुजबळ यांनी म्हटलं की, अजित पवार जेव्हा शरद पवार यांना सोडून बाहेर पडले तेव्हा सर्व म्हणत आहेत तर मी तुमच्यासोबत राहीन असं म्हणाले. पण मी अजित पवार यांच्यासोबत राहूनही पुन्हा सर्वांचे वार मीच झेलले.
राष्ट्रवादी काँग्रेसचे नेते आणि माजी मंत्री छगन भुजबळ यांना मंत्रिमंडळात स्थान मिळालं नाही. छगन भुजबळ यांनी आपली नाराजी उघडपणे बोलून दाखवली आहे. दरम्यान, त्यांनी एक सूचक विधान केल्यानं खळबळ उडाली आहे. छगन भुजबळ यांनी त्यांच्या मंत्रिपदाचाही आधीच राजीनामा दिला होता. त्यावेळी राजीनामा दिल्यानंतरही आमदार माझ्याविरोधात बोलले असल्याचं भुजबळ म्हणाले.
Newsworldmarathi Pune : परभणी येथे संविधानाच्या अवमानानंतर घडलेल्या घटने संदर्भात पोलिसांनी केलेल्या कॉबिंग ओपारेशन मध्ये आंबेडकरी चळवळीतील कार्यकर्ते, महिला यांना घरातून उचलून अटक करण्यात आली. रविवारी यातील सोमनाथ सूर्यवंशी या तरुणाचा पोलिस कोठडीत दुर्दैवी मृत्यू झाला. शहिद भीमसैनिक सोमनाथ सूर्यवंशीला न्याय मिळालाच पाहिजे; दोषी पोलिसांवर मनुष्यवधाचा गुन्हा दाखल करा; कोंबींग ऑपरेशनचे आदेश देणाऱ्या पोलिसांचे निलंबन करा, जिल्हाधिकारी, पोलीस अधिक्षक आणि आंबेडकरी वसाहतीमध्ये वाहनाची तोडफोड करणाऱ्या पोलिसांना निलंबित करा, सदर प्रकारणाची सीबीआय चौकशी करा आदी मागण्यांसाठी आज रिपब्लिकन पार्टी ऑफ इंडिया (आठवले) पक्षाच्या वतीने प्रशासना विरोधात पुणे जिल्हाधिकारी कार्यालय येथे तीव्र आंदोलन करीत निदर्शने करण्यात आली.
परभणी येथील जिल्हाधिकारी कार्यालयसमोरील भारतरत्न डॉ. बाबासाहेब आंबेडकर पुतळयाच्या अवरामध्ये संविधानाची तोडफोड करून विटंबना करण्यात आली. त्यातील मुख्य आरोपी व त्या मागील कटकारस्थान करणारे यांना कठोर शिक्षा करावी त्यांच्यावर देशद्रोहाचा गुन्हा दाखल करावा या हेतुने मोठे जनअंदोलन केले गेले. त्यावेळी पोलिसांनी केलेल्या कॉबिंग ओपारेशन मध्ये आंबेडकरी चळवळीतील कार्यकर्ते, महिला यांना घरातून उचलून अटक करण्यात आली. रविवारी यातील मूळचा पुणे जिल्ह्यातील सोमनाथ सूर्यवंशी या तरुणाचा पोलिस कोठडीत दुर्दैवी मृत्यू झाला. या घटनेच्या निषेधार्थ आज रिपब्लिकन पार्टी ऑफ इंडिया (आठवले) पक्षाच्या वतीने प्रशासना विरोधात पुणे जिल्हाधिकारी कार्यालय येथे शहराध्यक्ष संजय सोनावणे यांच्या नेतृत्वाखाली तीव्र निदर्शने करण्यात आली.
यावेळी राज्य सचिव बाळासाहेब जानराव, राज्य संघटक सचिव परशुराम वाडेकर, माजी उपमहापौर सुनीता वाडेकर, माजी नगरसेवक अशोक कांबळे, माजी शहराध्यक्ष महेंद्र कांबळे, संगीता आठवले, विशाल शेवाळे, माजी नगरसेविका हिमाली कांबळे, बसवराज गायकवाड, शाम सदाफुले, राहुल डंबाळे, निलेश अल्हाट, बापूसाहेब भोसले, यशवंत नडगम, मिना मालटे, संदीप धांडोरे, अविनाश कदम, चांदणी गायकवाड, मिनाज मेनन, माहादेव कांबळे, संतोष खरात, मुन्ना बक्षशेख, मंगल रासगे, राजेश गाडे, एस. बी. गायकवाड, भारत भोसले, विनोद टोपे, आशीष भोसले, विरेन साठे, रवी अवसरमल, अक्षय अवसरमल, अमित सोनवणे, सुन्नाबी शेख, संतोष गायकवाड, सुरज गायकवाड, रामभाऊ कर्वे, शंशाक माने, करण सोरटे, रविन्द्र कांबळे, सुशील मंडल, रोहित कांबळे, उमेश कांबळे आदी यावेळी उपस्थित होते.
परशुराम वाडेकर म्हणाले, परभणी येथे झालेल्या पोलिसांच्या कॉबिंग ऑपरेशन मध्ये पुण्यातील सोमनाथ सूर्यवंशी याचा मृत्यू झाला आहे. पोलिसांनी जे कॉबिंग ऑपरेशन केले ते केवळ दलित व बौद्ध वस्ती असलेल्या ठिकाणी ठरवून केलेले आहे. जय भीम लिहिलेल्या गाड्या पोलिसांनी फोडलेल्या आहेत. कॉबिंग ऑपरेशन दरम्यान जखमी झालेल्या लोकांना पोलिसांनी रुग्णालयात न नेता पोलिस ठाण्यात डांबून ठेवले. सोमनाथ सूर्यवंशी याचा मृत्यू हा हृदयविकाराच्या झटक्याने न होता पोलिसांच्या अमानुष मारहाणीमुळे पोलिस कोठडीतच झाला. मात्र सरकार हे प्रकरण दाबण्याचा प्रयत्न करीत आहे. सध्या हिवाळी अधिवेशन सुरू आहे. यामध्ये मुख्यमंत्री देवेंद्र फडणवीस यांनी या प्रकरणाला कोण जबाबदार आहे हे सांगावे. तसेच अशा प्रकारे कायदे हातात घेणाऱ्या पोलिसांवर कारवाई व्हावी, सदर प्रकारणाची सीबीआय चौकशी करावी अशी आमची मागणी आहे. अन्यथा राज्यभर तीव्र आंदोलन करू, असा इशारा वाडेकर यांनी दिला.
शहराध्यक्ष संजय सोनावणे म्हणाले, परभणीतील पोलिसांच्या कोंबीग ऑपरेशन मध्ये पुण्यातील सोमनाथ सुर्यवंशी हा सुशिक्षित तरूण मृत्यूमुखी पडला. पुण्यात त्याला लॉ कॉलेजला प्रवेश न मिळाल्याने तो परभणी येथे लॉ चे शिक्षण घेत होता. अशा भविष्यात वकील होवू पाहणाऱ्या मुलाचाच कायद्याच्या रक्षकांनी बळी घेतला आहे. ही शोकांतिका आहे. या कोंबीग ऑपरेशन चे आदेश देणाऱ्या पोलिसांवर कठोर कारवाई करण्यात यावी, संबंधीतावर मनुष्य वधाचा गुन्हा दाखल करून त्यांना ताबडतोब बडतर्फ करावे, अशी आमची मागणी आहे. अन्यथा भविष्यात आम्ही महाराष्ट्र बंद करू असा इशारा त्यांनी दिला.
Newsworldmarathi Pune : शनिवारी (14 डिसेंबर) रोजी पुणे जिल्ह्यात आयोजित करण्यात आलेल्या या वर्षातील ४थ्या राष्ट्रीय लोकअदालतमध्ये पुणे जिल्ह्याने राज्यात पुन्हा प्रथम क्रमांक पटकावला आहे. लोकअदालतमध्ये दाखल करण्यात आलेल्या एकूण प्रकारणांपैकी सुमारे 87 हजार 486 प्रकरणे निकाली काढण्यात आली तर 366 कोटीहून तडजोड रक्कम जमा करण्यात आली.
विधी सेवा प्राधिकरणाचे अध्यक्ष व प्रमुख जिल्हा व सत्र न्यायाधीश महेंद्र के महाजन यांचे हस्ते लोकअदालतचे उद्धघाटन पार पडले. याप्रसंगी न्यायालयातील अशोक हॉल येथे विधी सेवा प्राधिकरणाचे अध्यक्ष आणि प्रमुख जिल्हा व सत्र न्यायाधीश एम.के. महाजन म्हणाले की, लोकअदालत सर्वांसाठी जलद न्याय, सुलभता आणि न्याय विवाद निराकरण सुनिश्चित करण्याच्या दिशेने एक महत्त्वपूर्ण पाऊल आहे, असे प्रतिपादन त्यांनी केले. लोकअदालतला आपल्या न्याय व्यवस्थेत नेहमीच एक अनन्यसाधारण आणि विशेष स्थान आहे. यामुळे विवादांचे जलद निराकरण करण्यासाठी आणि आपल्या न्यायालयांवरील ओझे कमी करण्यासाठी एक प्रगल्भ आणि हक्काचे व्यासपीठ उपलब्ध झाले आहे.
लोकअदालतमध्ये एकूण 366 कोटीची 27 लाखाची तडजोड करण्यात आली. यावेळी 1 लाख 87 हजार 63 प्रकारणे तडजोडीसाठी दाखल करण्यात आली होती. त्यापैकी 87 हजार 486 प्रकरणे यशस्वीपणे निकाली काढण्यात आली. अशा प्रकारे तडजोडीची प्रकरणे निकाली काढण्यात पुणे जिल्हा राज्यात अव्वल ठरला आहे.
दाखल-पूर्व प्रकरणाला मोठे यश
लोकअदालतमध्ये दाखल-पूर्व प्रकरणाला मोठे यश प्राप्त झाले असून एकूण 52 कोटी 3 लाख 27 हजार रक्कमेची तडजोड झाली आहे. यामध्ये दाखल पूर्व (प्रि-लिटिगेशन) 1 लाख 45 हजार 179 प्रकरणे तडजोडीची दाखल करण्यात आली होती. त्यापैकी 51 हजार 328 प्रकरणे यशस्वीपणे निकाली काढण्यात आली आहेत. याशिवाय एकूण दाखल दाव्यात (पोस्ट लिटिगेशन) 314 कोटी 24 लाख 58 हजार 502 तडजोड रक्कम प्राप्त झाली. यामध्ये एकूण 41 हजार 884 प्रकरणे तडजोसाठी हाती घेण्यात आली होती तर त्यापैकी 36 हजार 158 प्रकरणे यशस्वीपणे निकाली काढण्यात आली आहेत.
विधी सेवा प्राधिकरणाच्या व्हिजन अंतर्गत आयोजित राष्ट्रीय लोकअदालत हे सर्वांसाठी न्याय, कार्यक्षमता आणि निष्पक्षतेचे प्रतिक म्हणून कार्य करीत असताना उत्कृष्ट कामगिरी भविष्यासाठी भारतीय न्यादानातील आशेचा किरण आहे.
कार्यक्रमाचे सुत्रसंचलन गौरीका पाटील यांनी केले तर आभारप्रदर्शन न्यायाधीश डी जे पाटील यांनी केले.
Newsworldmarathi Nagpur : राज्यात गेली अडीच वर्ष महायुती सरकारने विकास आणि लोक कल्याणकारी योजनांची सांगड घालत काम केल्याने जनतेने विश्वास टाकला आणि त्यामुळे महायुती सरकारची नवी इनिंग सुरु झाली आहे. राज्यातील जनतेचा विकास आणि समृद्ध महाराष्ट्र हेच मिशन असल्याची ग्वाही उपमुख्यमंत्री एकनाथ शिंदे यांनी आज येथे दिली. विधीमंडळाच्या हिवाळी अधिवेशनाच्या पार्श्वभूमीवर रामगिरी येथे झालेल्या पत्रकार परिषदेत उपमुख्यमंत्री श्री. शिंदे बोलत होते.
उपमुख्यमंत्री शिंदे यावेळी म्हणाले, गेली अडीच वर्ष आम्ही एक टीम म्हणून काम केले. आम्ही जे निर्णय घेतले त्यावर जनतेने विश्वास ठेवून आम्हाला प्रचंड बहुमताने निवडून दिले. जनतेप्रती आमचे उत्तरदायित्व आहे. गेल्या अडीच वर्षाच्या काळात विदर्भाला आम्ही न्याय दिला. आगामी काळात अधिक गतिमानपणे काम करून जनतेला लोकाभिमुख सरकारचा अनुभव देऊ.
गेल्या अडीच वर्षात महायुती सरकारने केलेल्या विकास कामांचा स्ट्राईक रेट देशात सर्वाधिक असल्याचे सांगत उपमुख्यमंत्री श्री. शिंदे म्हणाले, सर्वसामांन्यांचं सरकार कसं असतं हे आम्ही दाखवून देऊ. अडीच वर्षात केलेल्या विकास कामांची ही आजची फलश्रुती असल्याचे त्यांनी सांगितले. सामान्य जनता आणि राज्याच्या सर्वांगीण विकासासाठी प्रयत्नशील राहू राज्याची वन ट्रिलियन डॉलर अर्थव्यवस्थेच स्वप्न साकारले जाईल, अशी ग्वाहीही शिंदे यांनी दिली.
Newsworldmarathi Mumbai : नवी मुंबई महापालिकेतील उपायुक्त डॉ. राहुल गेठे यांच्या बेधडक कारवाईच्या शैलीमुळे त्यांना नव्या सरकारकडून मोठे प्रमोशन मिळाले आहे. बेकायदेशीर डान्सबारवर कठोर कारवाई करत, थेट इमारतींवर बुलडोझर फिरविण्याचे धाडसी पाऊल उचलणारे गेठे आता नवी मुंबई महापालिकेचे अतिरिक्त आयुक्त म्हणून नियुक्त झाले आहेत.
डॉ. गेठे यांनी नवी मुंबई महापालिकेच्या हद्दीत चालणाऱ्या बेकायदेशीर डान्सबारवर कठोर कारवाई करून स्थानिक प्रशासनाची ताकद दाखवली. रातोरात डान्सबारच्या इमारती पाडून कायदा व सुव्यवस्थेचा संदेश दिला.
त्यांच्या कामगिरीची दखल घेत एकनाथ शिंदे सरकारने त्यांना अतिरिक्त आयुक्तपदावर बढती दिली आहे. यापूर्वी ते उपमुख्यमंत्री एकनाथ शिंदे यांचे OSD (Officer on Special Duty) म्हणूनही कार्यरत होते, ज्यामुळे सरकारमधील त्यांचा दरारा वाढला आहे.
गेठेंच्या कठोर धोरणामुळे बेकायदेशीर व्यावसायिकांमध्ये भीतीचे वातावरण निर्माण झाले आहे. त्यांच्या नेमणुकीमुळे बेकायदेशीर डान्सबार आणि इतर अतिक्रमण करणाऱ्यांवर भविष्यातही कठोर कारवाई होणार असल्याचा इशारा आहे.
फडणवीस सरकार अशा अधिकाऱ्यांना प्रोत्साहन देत आहे, जे कायद्याची अंमलबजावणी प्रभावीपणे करत आहेत. बेकायदेशीर अतिक्रमण आणि व्यवसायांविरोधातील कारवाईला आणखी वेग मिळणार आहे.
पुण्यात पोर्श प्रकरण घडताच बेकायदा विशेषतः अमली पदार्थ, डान्सबार आणि रात्री-अपरात्री सुरू राहणाऱ्या हॉटेलवर कारवाईचा पवित्रा घेत, शिंदेंनी काळे धंदे बंद करण्याची ताकीद प्रशासनाला दिली. याचा फायदा उठवून डॉ. गेठेंनी नवी मुंबई महापालिकेतील बेकायदा डान्सबार पाडले. त्यावरून संतापलेल्या डान्सबार मालकांनी थेट मुख्यमंत्री शिंदेंना भेटून, डॉ. गेठेंच्या वर्किंग स्टाइलवर बोट ठेवले. त्यानंतर आपल्या पध्दतीने कारवाई सुरू ठेवून डॉ. गेठेंनी बारमालकांना धडा शिकवला. हेच गेठे आता नवी मुंबई महापालिकेत अतिरिक्त आयुक्त झाले आहेत. डॉ. गेठेंच्या या प्रमोशनमुळे आता पुन्हा बारमालकांची नशा उतरणार, हे नक्की.
Newsworldmarathi Pune : अफाट कार्यक्षमता, कामकाजातील पारदर्शकता, सूत्रबद्ध नियोजन, दूरदृष्टी, तंत्रज्ञानाचा योग्य वापर, कल्पक विचारसरणी आणि विकसित भारताचे स्वप्न उराशी बाळगून पंतप्रधान नरेंद्र मोदी यांची वाटचाल सुरू आहे. गेल्या दहा वर्षात तंत्रज्ञानाच्या वापरामुळे सर्वसामान्य व्यक्तींच्या आयुष्यातही अमूलाग्र बदल झाला आहे. रशिया आणि युक्रेनमध्ये काही काळासाठी युद्धविराम करून भारतीय विद्यार्थ्यांना सुखरूप मायदेशी आणले आहे. या मुळेच नरेंद्र मोदी हे केवळ देश पातळीवरील नेते नसून जागतिक पातळीवरील मुत्सद्दी राजकारणी आहेत हे सिद्ध होते, असे प्रतिपादन माजी केंद्रीय मंत्री प्रकाश जावडेकर यांनी केले.
रोटरी क्लब ऑफ पुणे युनिव्हर्सिटीतर्फे पंतप्रधान नरेंद्र मोदी यांच्या व्यक्तीमत्वाचे विविध पैलू उलगडून दाखविणाऱ्या ‘मोदी 3.0’ या कार्यक्रमाचे रविवारी (दि. 15) आयोजन करण्यात आले होते. त्या वेळी प्रकाश जावडेकर बोलत होते. रोटरी क्लब ऑफ पुणे युनिव्हर्सिटीचे अध्यक्ष डॉ. शंतनू देशपांडे, सचिव अमृता कुलकर्णी, माजी अध्यक्ष दीपक शिकारपूर मंचावर होते. पंतप्रधान नरेंद्र मोदी यांची कार्यपद्धती, विचारप्रणाली, दूरदृष्टी, निर्णय क्षमता, समन्वयाची भूमिका आदी वैशिष्ट्यांसह व्हिजन 2047 या विषयी प्रकाश जावडेकर यांनी मते मांडली. आबासाहेब गरवारे महाविद्यालयातील सभागृहात या कार्यक्रमाचे आयोजन करण्यात आले होते.
नरेंद्र मोदी संन्यस्त कर्मयोगी आहेत. त्यांनी काळाची गरज ओळखून सुरू केलेला समाज माध्यमांचा (सोशल मीडिया) प्रभावी वापर, ऑनलाईन पेमेंट पद्धती, मन की बात, परीक्षा पे चर्चा, हर घर शौचालय, स्वच्छ भारत अभियान, बेटी बचाओ बेटी पढाओ अभियान, संविधान सन्मान आदी क्षेत्रात त्यांनी केलेले उल्लेखनीय कार्य या मुद्द्यांकडे जावडेकर यांनी लक्ष वेधले.
मोदी यांच्या कार्यकाळात संविधानाचा योग्य सन्मान झाला असल्याचे सांगून जावडेकर म्हणाले, गुजरातचे मुख्यमंत्री आणि देशाचे पंतप्रधान म्हणून सलग 23 वर्षे कार्यरत असणारे मोदी हे एकमेव राजकीय व्यक्तीमत्व आहे. मोदींच्या पारदर्शी कारभाराची माहिती देताना त्यांच्या कार्यकालावधीत एकाही मंत्र्यावर भ्रष्टाचाराचा आरोप झालेला नाही, याकडे त्यांनी लक्ष वेधले. दैनंदिन व्यवहारात सरकारची गरज कमी करत मोदी यांच्या विविध योजनांमुळे जनतेच्या जगण्यात अमूलाग्र बदल होऊन सुलभता आली आहे. जागतिक पातळीवर घेतलेल्या आर्थिक निर्णयांमुळे देशाला झालेल्या लाभांविषयी जावडेकर यांनी माहिती दिली.
मोदी यांच्या आवडीनिवडी सांगताना जावडेकर म्हणाले, योगासने, व्यायाम, सतत कार्यमग्नता, शुद्ध शाकाहारी जेवण आवडीचे आहे. मोदी यांना गुजराती पद्धतीचे जेवण अधिक पसंत असून महाराष्ट्रातील मेतकुटही मनापासून आवडते.
व्हिजन 2047 अंतर्गत आर्थिक महासत्ता, नदी जोड प्रकल्प, सौरउर्जा, पवनउर्जा, वक्फ बोर्ड, शैक्षणिक धोरण याविषयी सुरू असलेल्या कार्याचा उहापोह केला.
कार्यक्रमाचे सूत्रसंचालन व प्रास्ताविक मंजिरी शहाणे यांनी तर स्वागत डॉ. शंतनू देशपांडे यांनी केले. आभार विशाल कुलकर्णी यांनी मानले.
Newsworldmarathi Nagpur : नागपूरमध्ये विधिमंडळाच्या हिवाळी अधिवेशनाला आजपासून सुरुवात होत आहे. १६ डिसेंबर ते २१ डिसेंबर या कालावधीत हे अधिवेशन पार पडणार आहे. महाराष्ट्राच्या राजकारणात हा महत्त्वाचा काळ असून, सत्ताधारी आणि विरोधकांमध्ये जोरदार वादावादी होण्याची शक्यता आहे.
या अधिवेशनाच्या पहिल्या दिवशी मोठ्या संख्याबळासह मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि उपमुख्यमंत्री अजित पवार हे सत्ताधारी बाकांवर दिसतील. महायुतीचा विजय आणि सरकारच्या धोरणांवर चर्चा होणार आहे.
विरोधी बाकांवरील संख्याबळ कमी असूनही, महाविकास आघाडी जोरदार भूमिका मांडण्याची शक्यता आहे. ईडी, शेतकरी प्रश्न, महागाई, आणि बेरोजगारी या मुद्द्यांवर आक्रमक विरोध होऊ शकतो.
या अधिवेशनत शेतकरी कर्जमाफी आणि पिकविमा योजना यावर चर्चा होईल. राज्याच्या विकासासाठी अपेक्षित निधी, खासगीकरण, आणि इतर आर्थिक धोरणांवर प्रश्न विचारले जाण्याची शक्यता आहे. मराठा आरक्षण, ओबीसी आरक्षण, आणि आदिवासी विकासाच्या मुद्द्यांवर जोरदार वाद होण्याची शक्यता आहे. हे अधिवेशन महाराष्ट्राच्या राजकीय परिस्थितीसाठी दिशा ठरवणारे ठरणार आहे.
भाजपचे मंत्रिमंडळातील नवे मंत्री
महाराष्ट्रात भाजपच्या वाट्याला मुख्यमंत्रिपद आलं असून, देवेंद्र फडणवीस हे मुख्यमंत्रिपदी विराजमान झाले आहेत. तसंच, 16 कॅबिनेट आणि 3 राज्यमंत्रिपदंही भाजपच्या वाट्याला आले आहेत.
भाजपनं तीन महिला नेत्यांना मंत्रिमंडळात स्थान दिलं आहे.
कॅबिनेट मंत्री :
1) चंद्रशेखर बावनकुळे
2) राधाकृष्ण विखे पाटील
3) चंद्रकांत पाटील
4) गिरीश महाजन
5) अतुल सावे
6) गणेश नाईक
7) मंगलप्रभात लोढा
8) शिवेंद्रराजे भोसले
9) जयकुमार रावल
10) पंकजा मुंडे
11) आशिष शेलार
12) अशोक उईके
13) जयकुमार गोरे
14) संजय सावकारे
15) नितेश राणे
16) आकाश फुंडकर
राज्यमंत्री :
17) माधुरी मिसाळ
18) मेघना बोर्डीकर
19) पंकज भोईर
शिवसेनेचे (शिंदे गट) मंत्रिमंडळातील नवे मंत्री
शिवसेनेचे प्रमुख नेते एकनाथ शिंदे हे उपमुख्यमंत्री झाले असून, त्यांच्या पक्षाला 9 कॅबिनेट आणि 2 राज्यमंत्रिपदं मिळाली आहेत.
तानाजी सावंत, दीपक केसरकर अशा नेत्यांना एकनाथ शिंदेंनी डच्चू दिलाय.
कॅबिनेट मंत्री :
1) शंभुराज देसाई
2) उदय सामंत
3) दादा भुसे
4) गुलाबराव पाटील
5) संजय राठोड
6) संजय शिरसाट
7) प्रताप सरनाईक
8) भरत गोगावले
9) प्रकाश आबिटकर
राज्यमंत्री :
10) आशिष जयस्वाल
11) योगेश कदम
राष्ट्रवादी काँग्रेसचे (अजित पवार गट) मंत्रिमंडळातील नवे मंत्री
उपमुख्यमंत्री अजित पवार यांच्या राष्ट्रवादी काँग्रेसला 8 कॅबिनेट, तर एक राज्यमंत्रिपद मिळालं आहे.
छगन भुजबळ, दिलीप वळसे पाटील अशा दिग्गजांना अजित पवारांनी डच्चू दिल्याचं दिसून येत आहे.
कॅबिनेट मंत्री :
1) हसन मुश्रीफ
2) आदिती तटकरे
3) बाबासाहेब पाटील
4) दत्तात्रय भरणे
5) नरहरी झिरवळ
6) माणिकराव कोकाटे
7) मकरंद जाधव-पाटील
8) धनंजय मुंडे
राज्यमंत्री :
9) इंद्रनील नाईक
भाजपकडून महाराष्ट्र मंत्रिमंडळ विस्तारासाठी काही प्रमुख नेत्यांची नावे निश्चित झाली असून, त्यामध्ये राज्यातील विविध भागांतील आणि समाजातील प्रतिनिधित्व देण्याचा प्रयत्न दिसत आहे.खालील नेत्यांना मंत्रीपदाची संधी मिळण्याची शक्यता आहे:
भाजपकडून ‘हे’ होणार मंत्री
नितेश राणे,
शिवेंद्रराजे भोसले
गिरीश महाजन
चंद्रशेखर बावनकुळे
आशिष शेलार
पंकज भोयर
मेघना बोर्डिकर
पंकजा मुंडे
जयकुमार रावल
मंगलप्रभात लोढा
चंद्रकांत पाटील
अतुल सावे
माधुरी मिसाळ
विदर्भ, मराठवाडा, पश्चिम महाराष्ट्र, कोकण, आणि मुंबई या सर्व भागांना प्रतिनिधित्व भाजप कडून देण्यात आले आहे. ओबीसी, मराठा, महिला, आणि आदिवासी समाजाचे प्रतिनिधित्व देऊन समतोल राखण्याचा प्रयत्न भाजप ने केला आहे.
हे मंत्री त्यांच्या क्षेत्रातील विकास, रोजगार निर्मिती, महिला सक्षमीकरण, आणि शेतकऱ्यांच्या प्रश्नांवर काम करतील, अशी अपेक्षा आहे. आगामी निवडणुकीच्या पार्श्वभूमीवर हा मंत्रिमंडळ विस्तार भाजपसाठी महत्त्वाचा असणार आहे.
Newaworldmarathi Mumbai : भाजपकडून पंकजा मुंडे आणि माधुरी मिसाळ या दोन सख्या मैत्रिणींना मंत्रिमंडळात संधी देण्यात आली आहे. त्यांची मंत्रीपदावर वर्णी लागल्याने राज्यात चर्चेला उधाण आले आहे. या दोघींची मैत्री संपूर्ण महाराष्ट्राला परिचित आहे, आणि आता त्या एकत्र मंत्रिमंडळात काम करताना दिसतील.
पंकजा मुंडे या स्वर्गीय गोपीनाथ मुंडे यांच्या कन्या आणि भाजपमधील ओबीसी चेहरा आहेत तर माधुरी मिसळ या शहर आणि ग्रामीण दोन्ही भागांशी समन्वय साधून काम करणाऱ्या नेत्यांपैकी आहेत. दोघीही महिला सक्षमीकरण या विषयावर अनेक वर्ष काम करत आहेत.
पंकजा मुंडे आणि माधुरी मिसाळ यांची मैत्री ही राजकीय वर्तुळात चर्चेचा विषय आहे. दोघीही एकमेकींच्या कौटुंबिक कार्यक्रमांमध्ये सहभागी होतात, आणि सार्वजनिक जीवनात एकमेकींना पाठिंबा देत असतात.
या दोघींना भाजपने मंत्री मंडळात स्थान देऊन महिला नेतृत्वाला प्राधान्य दिल्याचे यावरून दिसून येत आहे. महाराष्ट्राच्या राजकारणात महिला सक्षमीकरणावर भर देण्यासाठी हा निर्णय महत्त्वाचा आहे. ग्रामीण आणि शहरी भागातील महिलांच्या प्रश्नांवर एकत्रित काम करण्याची अपेक्षा या दोघींवर आहे.
या दोघी मैत्रिणी एकत्र काम करत महिला, ओबीसी, आणि सामाजिक विकासाच्या मुद्द्यांवर ठोस योगदान देतील, अशी अपेक्षा महाराष्ट्रातील जनतेला आहे.
Newsworldmarathi Nagapur : राष्ट्रवादी काँग्रेसच्या अजित पवार गटाकडून मंत्रीपदासाठी प्रमुख नेत्यांची निवड करण्यात आली आहे. यामध्ये अदिती तटकरे, बाबासाहेब पाटील, दत्तमामा भरणे, हसन मुश्रीफ, आणि नरहरी झिरवाळ यांची वर्णी लागली आहे.आज नागपूर मध्ये होणाऱ्या सोहळ्यात हे मंत्री शपथ घेणार असल्याची माहिती सूत्रांनी दिली आहे.
भाजपकडून अखेर राज्य मंत्रिमंडळाच्या शपथविधीसाठी आमदारांना फोन जाण्याची प्रक्रिया सुरू झाली आहे. भाजपच्या ईच्छूक आमदारांमध्ये असलेल्या प्रतिक्षेला पूर्णविरामbमिळत आहे, आणि संभाव्य मंत्र्यांची नावे हळूहळू स्पष्ट होऊ लागली आहेत.
भाजपकडून नितेश राणे, पंकज भोईर, मंगलप्रभात लोढा, शिवेंद्रराजे भोसले यांची मंत्रीपदावर वर्णी लागण्याची शक्यता आहे. भाजपकडून विविध प्रादेशिक, सामाजिक, आणि जातीय गटांचे प्रतिनिधित्व करण्याचा प्रयत्न आहे. ओबीसी, मराठा, आणि शहरी मतदारांना आकर्षित करण्यासाठी योग्य प्रतिनिधींची निवड केली जात असल्याचे दिसून येत आहे. मंत्रिमंडळात विदर्भ, मराठवाडा, कोकण, आणि पश्चिम महाराष्ट्राचा समतोल राखण्यावर भर दिसून येत आहे. पाच वाजता होणाऱ्या या सोहळ्याकडे महाराष्ट्राचे लक्ष लागले आहे.
Newsworldmarathi Nagapur : राज्य मंत्रिमंडळाच्या शपथविधीसाठी तयारी पूर्ण झाली आहे, आणि हा सोहळा रविवारी राजभवन, नागपूर येथे संपन्न होणार आहे.
मुख्यमंत्री एकनाथ शिंदे, उपमुख्यमंत्री देवेंद्र फडणवीस, आणि अजित पवार यांनी त्यांच्या पक्षातील संभाव्य मंत्र्यांची यादी अंतिम केली असून, आता यावर मुख्यमंत्री फडणवीस शिक्कामोर्तब करतील. आज होणारा हा सोहळा भव्य स्वरूपात आयोजित केला जाणार आहे. राज्यपाल रमेश बैस नव्या मंत्र्यांना शपथ देतील.
तिन्ही गटांतून नवीन चेहऱ्यांना संधी दिली जाणार असल्याची चर्चा आहे. शिंदे गट, भाजप, आणि अजित पवार गटात संतुलन राखण्याचा प्रयत्न होणार आहे. मंत्रिमंडळ विस्तारात विदर्भ, मराठवाडा, आणि कोकणातील नेतृत्वाला प्राधान्य दिले जाऊ शकते.
महायुतीच्या दणदणीत विजयानंतर राज्यात सत्ता स्थापन झाली असून, सत्तेचे गणित पूर्णतः महायुतीच्या बाजूने झुकले आहे. 288 पैकी 232 जागांवर विजय मिळवल्याने महायुतीचे वर्चस्व स्पष्ट झाले आहे, तर महाविकास आघाडी अवघ्या 46 जागांवर आक्रसली आहे.
5 डिसेंबर रोजी देवेंद्र फडणवीस यांनी मुख्यमंत्रिपदाची, तर एकनाथ शिंदे आणि अजित पवार यांनी उपमुख्यमंत्रिपदाची शपथ घेतली. हे सरकार महायुतीच्या घवघवीत यशाचे प्रतीक मानले जात आहे.
सरकार स्थापनेनंतर मंत्रीपदांच्या वाटपावरून सातत्याने चर्चा सुरू होती. खातेवाटपाचा पेच सोडवण्यासाठी 12 डिसेंबर रोजी दिल्ली येथे गृहमंत्री अमित शहा यांच्या अध्यक्षतेखाली बैठक झाली. या बैठकीत कोणते मंत्री होणार आणि कोणते खाते दिले जाणार यावर अंतिम निर्णय झाला. आज होणाऱ्या सोहळ्यात कोणाच्या गळ्यात मंत्रिपदाची माळ पडणार हे पाहणे महत्वाचे ठरणार आहे.
Newsworldmarathi Mumbai : सोनी एन्टरटेन्मेंट टेलिव्हिजनवरील “इंडियाज बेस्ट डान्सर व्हर्सेस सुपर डान्सर: चॅम्पियन्स का टशन” या त्यांनीच डिझाईन केलेल्या नवीन फॉरमॅटमध्ये दर आठवड्याला डान्सचा थरारक सामना बघायला मिळतो. या शोमध्ये हर्ष लिंबाचियाच्या सूत्रसंचालनात रेमो डिसूझा परीक्षकांच्या पॅनलवर सर्वोच्च पदी आहे. तर, मलाइका अरोरा टीम IBD ला समर्थन देते आणि गीता कपूर टीम SD ला समर्थन देते. उत्कृष्ट कोरिओग्राफर्सच्या मार्गदर्शनाखाली 12 अद्भुत डान्सर्स दोन टीममधून एकमेकांशी आमनासामना करताना दिसतात.
या आठवड्यात, ऊर्फी जावेद आणि मनीषा रानी अनुक्रमे सुपर डान्सर आणि इंडियाज बेस्ट डान्सर या टीम्सचे मनोबल वाढवण्यासाठी विशेष अतिथी म्हणून उपस्थित असतील. अंतिम सामन्यासाठी मंच सज्ज झाला. दोन्ही प्रतिस्पर्धी संघांनी आपला श्रेष्ठ डान्सर पाठवला, ज्यांच्यात अंतिम द्वन्द्व रंगले. 50 गुण मिळवून अंतिम फेरीतला पाचवा स्पर्धक निवडण्याची पात्रता मिळवण्यासाठी टीम्सची ही झुंज होती.
IBD चे प्रतिनिधित्व करण्यासाठी मलाइका अरोराने अनिकेतला पाठवले, तर गीता कपूरने गोड, छोट्याश्या फ्लोरिनाला सुपर डान्सर टीमच्या वतीने पाठवले. फ्लोरिनाची जबरदस्त एनर्जी आणि अनिकेतच्या अद्भुत मूव्ह्ज यांनी सगळ्यांना थक्क करून सोडले. लॉर्ड रेमोने दोघांच्या परफॉर्मन्सचे कौतुक केले. त्याची खास ‘सर्वगुण संपन्न’ची दादही दिली. फ्लोरिनाच्या धमाकेदार ऊर्जेने तो विशेष प्रभावित झाला होता. गीता आणि मलाइका यांनीही त्या चिमुरडीचे खूप खूप कौतुक केले.
विजेता जाहीर करण्यापूर्वी लॉर्ड रेमोने आपल्या निर्णयाचे स्पष्टीकरण दिले. तो म्हणाला, “या लढतीत वय हा मोठा घटक होता. पण ही दोन टीम्समधली स्पर्धा असल्यामुळे आपण वयावर फोकस करू शकत नाही, आपण डान्सकडेच लक्ष दिले पाहिजे. जर त्यांच्या डान्सचे विश्लेषण केले, तर असे म्हणावे लागेल की, कुणी एक कमी अजिबात नव्हते, पण स्पर्धेतला दुसरा स्पर्धक अधिक उजवा होता, ज्याने पहिल्यावर कुरघोडी केली.
माझ्यासाठी तुम्ही दोघेही विजेता आहात पण ही फेरी ड्रॉ होऊ शकत नाही, त्यामुळे मला कुणा एकाची निवड करावीच लागणार.” आणि आता प्रत्येकाच्या डोक्यात असलेला प्रश्न हा आहे की, अनिकेत IBD साठी विजयश्री घेऊन येऊ शकेल की फ्लोरिना सुपर डान्सर्सना विजयाची भेट देणार? 50 गुण कोण जिंकणार आणि अंतिम फेरीतला पाचवा स्पर्धक निवडण्याची संधी कोण मिळवणार?
असे अविस्मरणीय क्षण अनुभवण्यासाठी आणि सर्वोच्च किताब कोण जिंकणार हे जाणून घेण्यासाठी बघत रहा ही लढत, दर वीकएंडला रात्री 7.30 वाजता फक्त सोनी एन्टरटेन्मेंट टेलिव्हिजनवर!
Newsworldmarathi Pune : भारत मातेसह छत्रपती शिवाजी महाराजांचा जयजयकार, ढोल-ताशाचा गजर व टाळ-मृदुंगाच्या तालावर ‘वाचाल तर वाचाल’सारखे संदेश देणारे फलक व लोकप्रिय पुस्तकांची मुखपृष्ठे हाती घेत अन् मायमराठीची विपुल ग्रंथसंपदा विराजमान असलेली पालखी खांद्यावर मिरवित पारंपरिक वेषभूषा केलेल्या हजारो विद्यार्थ्यांनी शनिवारी दुपारी पुण्यात ‘ज्ञान सरिता ग्रंथ दिंडी’ काढली.
‘पुणे पुस्तक महोत्सवा’च्या शुभारंभाच्या निमित्ताने टिळक रस्त्यावरील न्यू इंग्लिश स्कूल ते फर्ग्युसन महाविद्यालयाच्या मैदानापर्यंत ‘ज्ञान सरिता ग्रंथ दिंडी’ काढण्यात आली. सावित्रीबाई फुले पुणे विद्यापीठाच्या सहकार्याने काढलेल्या या ग्रंथ दिंडीमध्ये पुणे परिसरातील शंभरहून अधिक महाविद्यालयातील पाच हजाराहून अधिक विद्यार्थ्यांनी सहभाग घेत पुस्तक वाचनाचे महत्त्व अधोरेखित केले.
राष्ट्रीय पुस्तक न्यासतर्फे १४ ते २२ डिसेंबर या कालावधीत फर्ग्युसन महाविद्यालयाच्या मैदानावर भव्य अशा ‘पुणे पुस्तक महोत्सवा’चे आयोजन करण्यात आले आहे. या महोत्सवाच्या उद्घाटनापूर्वी काढलेल्या या ग्रंथदिंडीत महाराष्ट्राच्या संस्कृतीचे दर्शन घडविण्यात आले, तसेच विविध साहित्यिक, समाजसुधारकांची माहिती देण्यात आली. विविध अभंग, कविता, साहित्यिकांची माहिती देणारे फलक, ‘श्यामची आई’, ‘कऱ्हेचे पाणी’ अशा लोकप्रिय पुस्तकांची मुखपृष्ठे विद्यार्थ्यांनी हाती धरली होती. पुण्याचे पोलिस आयुक्त अमितेश कुमार, उच्च शिक्षण संचालक शैलेंद्र देवळाणकर, कुलगुरू डॉ. सुरेश गोसावी, प्र – कुलगुरू डॉ. पराग काळकर, महोत्सवाचे मुख्य संयोजक राजेश पांडे, राष्ट्रीय पुस्तक न्यासाचे अध्यक्ष मिलिंद मराठे, संचालक युवराज मलिक, अभिनेते प्रवीण तरडे, डॉ. नितीन घोरपडे, संयोजन समिती सदस्य डॉ. संजय चाकणे, बागेश्री मंठाळकर, प्रसेनजित फडणवीस यांच्यासह विविध मान्यवर या ग्रंथ दिंडीत सहभागी झाले होते. या प्रसंगी प्रवीण तरडे यांनी उपस्थित विद्यार्थ्यांना मार्गदर्शन केले.
