Newsworldmarathi Pune : गेल्या काही दिवसांपासून पुणे जिल्ह्यात गुलियन-बॅरे सिंड्रोम (GBS) या दुर्मिळ आजाराचे रुग्ण वाढत आहेत. आरोग्य विभागाच्या माहितीनुसार, आतापर्यंत 149 संशयित प्रकरणांपैकी 124 रुग्णांमध्ये GBS ची पुष्टी झाली आहे, आणि त्यापैकी 28 रुग्ण सध्या व्हेंटिलेटरवर उपचार घेत आहेत. दुर्दैवाने, या आजारामुळे 5 जणांचा मृत्यू झाला आहे.
खरं तर जीबीएसचे रुग्ण पाहिले असता, सरसकट हा आजार लहानग्यांपासून ज्येष्ठांना होतोय. कारण जीबीएसची लागण झालेले अल्पवयीन रूग्णही सापडले होते आणि ज्येष्ठ नागरीक देखील सापडले होतेय. त्यामुळे हा आजार सरसकट सगळ्यांनाच होतोय, असा कयास अनेक तज्ज्ञांनी मांडला.
मात्र आता याबाबत मोठी माहिती समोर आली आहे. त्यानुसार जीबीएस आजार कोणताही आजार नसलेल्या व्यक्तींना होतोय. म्हणजेच ज्या व्यक्तींना कोणताच आजार नाहीये, त्यांना हा जीबीस टार्गेट करतोय.
दरम्यान, पुणे शहरातील जीबीएसच्या प्रादुर्भावाच्या व्यवस्थापनासाठी स्थापन केलेल्या रॅपिड रिस्पॉन्स टीम (आरआरटी) ने केलेल्या अधिकृत डेटाच्या विश्लेषणातून ही बाब समोर आली आहे. कोणताही अंतर्निहित सह-रोग नसलेले लोक गुइलेन-बॅरे सिंड्रोम (जीबीएस) ग्रस्त असल्याचे आढळून आले आहे. त्यामुळे, सार्वजनिक आरोग्य अधिकाऱ्यांनी कोणताही आजार नसलेल्या निरोगी व्यक्तींना देखील खबरदारीचे काटेकोरपणे पालन करण्याचे आवाहन केले आहे.
Recent Comments