Newsworldmarathi Pune : जे एस पी एम संचलित जयवंतराव सावंत कॉलेज ऑफ एज्युकेशन या ठिकाणी आज जागतिक सूर्यनमस्कार दिन साजरा करण्यात आला याप्रसंगी प्रमुख पाहुणे म्हणून संकुल संचालक डॉ वसंत बुगडे डॉ संजय सावंत योगाभ्यासक प्रा डॉ भरत गोरडे उपस्थित होते तर कार्यक्रमाचे अध्यक्ष स्थानी महाविद्यालयाचे प्राचार्य डॉ खुशाल मुंढे यांनी भूषविले.
प्रमुख पाहुणे योग अभ्यासक प्रा डॉ भरत गोरडे यांनी विद्यार्थ्यांना सूर्यनमस्कार चे महत्व अध्यात्म विज्ञान आणि योग अभ्यास आणि दैनंदिन जीवन यामध्ये किती महत्त्वाचा आहे. हे वेगवेगळ्या उदाहरणांच्या माध्यमातून विद्यार्थ्यांना सांगितले. गुरुकुल शिक्षण पद्धती मध्ये पहाटे उठल्यानंतर सूर्यनमस्कार केल्यामुळे शरीरामध्ये ऊर्जा आणि सकारात्मकता कशा पद्धतीने तयार होते हे शिकविले जात असे त्याची आज दैनंदिन जीवनात प्रत्येकाला गरज भासत आहे.
त्यामुळे प्रत्येकाने सदृढ शरीर आणि मानसिकतेसाठी सूर्यनमस्कार करावेत असेही मत व्यक्त केले दररोज कमीत कमी 12 सूर्यनमस्कार करावेतच असाही सल्ला विद्यार्थ्यांना त्यांनी दिला आणि प्रत्यक्ष सूर्यनमस्कार कशा पद्धतीने करावा याचे प्रात्यक्षिकही दाखविले.
कार्यक्रमाचे सूत्रसंचालन प्रा निलोफर पटेल शेख प्रास्ताविक प्रा अजित चव्हाण पाहुण्यांचा परिचय दिपाली थोरात प्रा सिबा बनसोडे तर आभार प्रदर्शन प्रा दत्तात्रय साबळे यांनी मानले या उपक्रमात अनेक विद्यार्थ्यांनी सहभाग घेतला कार्यक्रम यशस्वीतेसाठी प्रा अर्चना राऊत सुग्रीव जाधव आणि छात्रा-अध्यापक छात्र अध्यापिका यांनी परिश्रम घेतले.
कार्यक्रमाची सांगता वंदे मातरम गीताने करण्यात आली.
Recent Comments