Newsworldmarathi Team: यूकेमध्ये वास्तव्यास असलेल्या वंजारी समाजाचा पाचवा सामूहिक मेळावा लंडनमध्ये उत्साहात पार पडला. समाजातील एकतेचा, सांस्कृतिक जिव्हाळ्याचा आणि बंधुत्वाचा भक्कम परिचय देणारा हा सोहळा अनेक दृष्टीने लक्षवेधी ठरला.
या मेळाव्याला MIT चे कार्यकारी अध्यक्ष डॉ. राहुल विश्वनाथ कराड आणि यूकेमध्ये विठ्ठल-रुक्मिणी मंदिर उभारणीसाठी पुढाकार घेणारे माऊली श्री अनिल खेडकर विशेष उपस्थित होते.
मेळाव्याचे आयोजन खेडकर कुटुंबीय, श्री रुस्तम खेडकर आणि वंजारी समाजातील सर्व सदस्यांच्या पुढाकारातून पार पडले. कार्यक्रमाचे संपूर्ण नियोजन, सजावट, सेवा आणि व्यवस्थापन संघटीत स्वयंसेवक टीमने अत्यंत नेटकेपणाने पार पाडले.
श्री नाना नागरगोजे, श्री वैभव आव्हाड आणि श्री प्रवीण सानप यांच्या अथक मेहनतीमुळे व प्रेमळ पाहुणचारामुळे संपूर्ण मेळावा अविस्मरणीय ठरला. या निमित्ताने युनायटेड किंगडममधील मराठी व वंजारी बांधवांमध्ये स्नेह, आपुलकी आणि एकतेचे दृढ बंध निर्माण झाले.
या कार्यक्रमात डॉ. राहुल कराड यांनी ‘MIT’ च्या वतीने विठ्ठल मंदिराच्या उभारणीसाठी ५० लाख रुपयांची रक्कम भक्तिभावाने दान दिली.“पंढरपूरच्या विठ्ठलाचे तेज आता संपूर्ण जगभर पसरत आहे,” अशी भावना यावेळी अनेकांनी व्यक्त केली.
वंजारी सेवा संघाच्या वतीने आयोजक व सर्व स्वयंसेवकांचे विशेष अभिनंदन करण्यात आले
Recent Comments