“अभिजात मराठी, अभिमान मराठी सोहळा” तोक्यो इथे साजरा

Newsworldmarathi Team: अंतरराष्ट्रीय मराठी मंच जपानने आयोजित केलेला “आभिजात मराठी, अभिमान मराठी सोहळा” हा कार्यक्रम २३ सप्टेंबर २०२५ रोजी तोक्यो मधील इंडिया इंटरनॅशनल स्कूल मध्ये पार पडला. या कार्यक्रमा प्रमुख पाहुणे, उद्योग आणि मराठी भाषा मंत्री माननीय डॉ. उदय सामंत होते.

या शिवाय महाराष्ट्र सरकारचे मराठी भाषा विभाग सचिव डॉ. किरण कुलकर्णी, महाराष्ट्र सरकारचे उद्योग सचिव श्री. अनबलगन, श्री योगेंद्र पुराणिक आणि इतर मान्यवरांचीही उपस्थिती होती . या कार्यक्रमाचे आयोजन एदॊगावा इंडिया कल्चर सेंटरचे प्रमुख जपानचे लोकप्रिय माजी आमदार आणि शिक्षण विभागाचे सचिव डॉ. योगेंद्र पुराणिक आणि जपान आंतरराष्ट्रीय मराठी मंच समन्वयक निरंजन गाडगीळ यांच्या नेतृत्वा खाली केले गेले होते.

कार्यक्रमाला तोक्यो आणि आसपासच्या परिसरात राहणाऱ्या सुमारे ५०० मराठी लोकांची उत्साही गर्दी उपस्थित होती. कार्यक्रमात ढोल, ताशा आणि लेझीमसह पारंपारिक मराठी शैलीत मिरवणूक काढण्यात आली. ह्या व्यतिरिक्त मान्यवरांची भाषणे आणि स्थानिक मराठी कलाकारांनी सादर केलेले सांस्कृतिक कार्यक्रम ही सादर केले गेले.

या कार्यक्रमाचे मुख्य आकर्षण ठरले ते म्हणजे म्हणजे मराठी भाषा विभाग आणि तोक्यो मराठी मंडळ यांनी संयुक्तपणे प्रकाशित केलेल्या अभिव्यक्त मासिकाच्या “अभिजात मराठी अभिमन मराठी विशेषांक” चे प्रकाशन. विशेषांकात स्थानिक लोकांनी केलेल्या लिखाणाचा दर्जा तसेच छापील विशेषांकाचा दर्जा बघून आपण स्थिमित झालो आहोत.

या कार्यक्रमांमध्ये टोकियो लेझीम पथक आणि योकोहामा ढोल पथक यांनी एक सुंदर पालखीचे दृश्य सगळ्यांना दाखवले त्याचबरोबर स्वरमंडल यांचे भारुड आणि मनाचे श्लोक सादर केले. त्याच बरोबर गणेशवंदना आणि समूहगीत सादर करण्यात आले. अशी प्रतिक्रिया डॉ. किरण कुलकर्णी आणि डॉ देवरे ह्यांनी व्यक्त केली. डॉ. उदय सामंत यांनी येत्या वर्षात राबविण्यात येणाऱ्या विविध उपक्रमांना त्यांच्या विभागांकडून पूर्ण पाठिंबा देण्याचे आश्वासन दिले, ज्यामध्ये नियमित ऑनलाइन मराठी भाषेचे वर्ग, जपानमधील इंडिया इंटरनॅशनल स्कूलमध्ये पुस्तकांचे वाचनालय आणि बिगर-मराठी भाषिकांसाठी इतर प्रचारात्मक कार्यक्रमांचा समावेश आहे.

जगभरात आयोजित केल्या जाणाऱ्या कार्यक्रमांच्या मालिकेतील हा पहिलाच कार्यक्रम आहे, त्यामुळे अशाच प्रकारच्या कार्यक्रमांसाठी खूप उच्च दर्जाचा मानदंड निर्माण झाला आहे असे मंत्र्यांनी सांगितले. कार्यक्रमाच्या अखेरीस सर्व उपस्थितांना सोहोळ्या निमित्त विशेष तयार केलेली कापडी पिशवी तसेच विशेषांकाची परत आणि मिठाईचा बॉक्स भेट करण्यात आला. हा कार्यक्रम आता दर वर्षी सादर केला जाईल. या ठिकाणी हॉलची सजावट मीरा बागुल आणि अश्विनी बापट यांनी खूप सुंदररित्या केली होती.

उदय सामंत यांच्याकडून कलाकारांचे विशेष कौतुक
टोकियो लेझीम पथक आणि योकोहामा ढोल पथक यांनी एक सुंदर पालखीचे दृश्य सगळ्यांना दाखवले त्याचबरोबर स्वरमंडल यांचे भारुड आणि मनाचे श्लोक सादर केले. त्याच बरोबर गणेशवंदना आणि समूहगीत सादर करण्यात आले. या ठिकाणी सादर करण्यात आलेले कार्यक्रम पाहून राज्याचे मराठी भाषा मंत्री उदय सामंत यांनी कलाकारांचे अभिनंदन केले