Newsworldmarathi Pune: भंडारी समाजसेवा ट्रस्ट, रेणुका माता मंदिर, केशवनगर येथे सुरू असलेल्या 25 व्या रौप्यमहोत्सवी नवरात्र उत्सवानिमित्त भाजपा पुणे शहराध्यक्ष धीरज घाटे यांनी देवी रेणुका मातेस दर्शन देऊन आरतीचा लाभ घेतला. या प्रसंगी मंदिर परिसरात भक्तिमय वातावरण निर्माण झाले होते.
भंडारी समाजसेवा ट्रस्ट गेल्या अनेक वर्षांपासून सामाजिक, सांस्कृतिक आणि धार्मिक क्षेत्रात कार्यरत आहे. या विशेष वर्षात म्हणजेच रौप्यमहोत्सवी उत्सवात विविध धार्मिक आणि सांस्कृतिक कार्यक्रमांचे आयोजन करण्यात आले आहे. यामध्ये स्थानिक नागरिक, महिला मंडळे आणि तरुणाई उत्साहाने सहभागी होत असून उत्सवाला मोठा प्रतिसाद मिळत आहे.
धीरज घाटे यांनी रेणुका मातेसमोर समाजातील ऐक्य, सुख-समृद्धी व जनतेच्या कल्याणासाठी प्रार्थना केली. या भेटीवेळी त्यांचे स्वागत आणि सन्मान करण्यासाठी भंडारी समाजसेवा ट्रस्टच्या वतीने विशेष कार्यक्रमाचे आयोजन करण्यात आले होते.
ट्रस्टच्या वतीने मा. सभागृहनेते श्रीनाथ यशवंत भिमाले यांनी धीरज घाटे यांचा शाल, श्रीफळ देऊन सत्कार केला. या वेळी उपस्थित सर्व मान्यवरांनी घाटे यांचे मनःपूर्वक अभिनंदन केले आणि त्यांच्या कार्याचे कौतुक केले.
Recent Comments