जनसंवाद पदयात्रेत सुतारवाडीकरांचा ठाम विश्वास! प्रभाग ९ मध्ये लहू बालवडकरच साधणार शाश्वत विकास

Newsworldmarathi Pune: प्रभाग क्रमांक ०९ मधील सुतारवाडी परिसरात भारतीय जनता पार्टीच्या अधिकृत उमेदवार लहू गजानन बालवडकर यांच्या प्रचारार्थ आयोजित भव्य जनसंवाद पदयात्रा उत्स्फूर्त प्रतिसाद आणि जल्लोषात पार पडली. सुतारवाडीकरांनी लहू बालवडकर यांच्या सक्षम नेतृत्व, अनुभवसंपन्न दृष्टिकोन आणि दीर्घकालीन विकासाच्या भूमिकेला ठाम पाठिंबा दर्शविला.पदयात्रेदरम्यान परिसरातील माता-भगिनींनी औक्षण करत उमेदवारांचे स्वागत केले, तर अनेक ठिकाणी नागरिकांनी फुलांचा वर्षाव करून आपुलकी दर्शवली. प्रत्येक गल्लीतून मिळालेला प्रतिसाद हा केवळ राजकीय पाठिंबा नसून, गेल्या काही वर्षांतील कामावर आधारित विश्वासाचे प्रतीक असल्याचे दिसून आले.

ज्येष्ठांचे आशीर्वाद, तरुणांच्या नजरेत विकासाची स्वप्ने
लहू बालवडकर यांनी नागरिकांशी थेट संवाद साधताना सुतारवाडीतील स्थानिक प्रश्न, विकासाच्या गरजा आणि अपेक्षा यावर सविस्तर चर्चा केली. ज्येष्ठ नागरिकांचे आशीर्वाद आणि तरुणांच्या डोळ्यांत दिसणारी प्रगतीची अपेक्षा ही सुतारवाडीच्या उज्ज्वल भविष्यासाठी प्रेरणादायी ठरली. बालवडकर यांचा ठाम विश्वास आहे की निवडणूक ही केवळ सत्तेसाठी नव्हे, तर जनसेवेची जबाबदारी आहे.

निवडणूक नव्हे, विकासाची आखणी
लहू बालवडकर यांनी स्पष्ट केले की प्रभाग क्रमांक ०९ साठी तयार केलेला दीर्घकालीन विकास आराखडा ठोस, नियोजित आणि सर्वसमावेशक आहे. यात पायाभूत सुविधांचा सर्वांगीण विकास, अंतर्गत रस्त्यांचे मजबुतीकरण, आधुनिक ड्रेनेज व्यवस्था, नियोजित वाहतूक व्यवस्थापन आणि नागरिकांसाठी सोयीसुविधा या सर्व बाबींचा समावेश आहे.बालवडकर यांचे नेतृत्व ही फक्त पदवीच नव्हे तर कामावर आधारित, लोकाभिमुख आणि शाश्वत विकासावर लक्ष केंद्रित करणारे आहे, जे नागरिकांमध्ये विश्वास निर्माण करते.

आरोग्य, पर्यावरण आणि सुरक्षिततेला प्राधान्य
लहू बालवडकर यांच्या दृष्टिकोनातून सुतारवाडी परिसरात स्वच्छ हवा, शुद्ध आणि मुबलक पाणीपुरवठा, आधुनिक नागरी आरोग्य केंद्रे आणि अत्याधुनिक उद्याने तयार करण्यावर भर दिला जाणार आहे. यासोबतच परिसरातील सुरक्षिततेसाठी प्रगत पथदिवे आणि सीसीटीव्ही यंत्रणेचे विस्तृत जाळे उभारण्याची योजना आखण्यात आली आहे.

कार्यकर्त्यांचा मोठा सहभाग
या पदयात्रेत भाजपच्या उमेदवार सौ. रोहिणीताई चिमटे, श्री. गणेश कळमकर, सौ. मयुरीताई कोकाटे यांच्यासह शेकडो समर्पित कार्यकर्त्यांचा सहभाग होता. लहू बालवडकर यांनी नागरिकांना दिला की सुतारवाडीच्या सर्वांगीण, संतुलित आणि शाश्वत विकासासाठी त्यांनी पूर्ण कटिबद्धता दर्शवली आहे.
प्रभाग ९ मधील सुतारवाडीकरांचा विश्वास आणि पाठिंबा, लहू बालवडकर यांच्या नेतृत्वाखाली शाश्वत विकास साध्य होईल याचे ठोस संकेत देत आहे.