Newaworldmarathi Pune : संजय रविकांत मयेकर यांना सावित्रीबाई फुले पुणे विद्यापीठाची विद्यावाचस्पती (पीएच. डी.) पदवी नुकतीच जाहीर झाली आहे. त्यांच्या या यशाबद्दल विविध स्तरातून अभिनंदनाचा वर्षाव होत आहे.
मयेकर यांनी पुणे विद्यापीठाच्या शिक्षणशास्त्र विभागातून ‘पुणे महानगरपालिका शिक्षण विभागातील योजनांचा अभ्यास’ या विषयावर संशोधन करत आपला शोधप्रबंध सादर केला होता. शिक्षण क्षेत्रातील विविध योजना, त्यांची अंमलबजावणी तसेच विद्यार्थ्यांवर होणारा परिणाम यांचा त्यांनी आपल्या संशोधनामध्ये सखोल अभ्यास केला आहे.
त्यांच्या संशोधन कार्यासाठी विद्यापीठातील शिक्षणशास्त्र विभागाच्या प्राध्यापिका डॉ. गायत्री चौकडे यांनी मार्गदर्शक म्हणून मोलाचे मार्गदर्शन केले. त्यांच्या मार्गदर्शनाखाली मयेकर यांनी हे संशोधन पूर्ण केले.
शैक्षणिक क्षेत्रात सातत्याने कार्यरत असलेल्या संजय मयेकर यांच्या या यशामुळे शैक्षणिक व सामाजिक क्षेत्रात आनंदाचे वातावरण निर्माण झाले आहे. त्यांच्या या उल्लेखनीय यशाबद्दल मित्रपरिवार, सहकारी तसेच विविध संस्थांकडून त्यांचे अभिनंदन करण्यात येत आहे.
Recent Comments