Newsworldmarathi Pune: विठ्ठल रुक्मिणी सेवा प्रतिष्ठान व मा. पै. श्री. मोहन (आप्पा) वणवे युवा मंच यांच्या वतीने वंजारी समाजाचा भव्य वधू-वर सूचक स्नेह मेळावा आयोजित करण्यात आला आहे. हा मेळावा रविवारी, दि. १७ ऑगस्ट २०२५ रोजी सकाळी ११ ते ४ या वेळेत तीर्थक्षेत्र भक्तिधाम, टॉम्स कंपनी शेजारी, मुंढवाडी, मुंढी (जि. पुणे) येथे होणार आहे.
समाजातील युवक-युवतींना योग्य जीवनसाथी मिळावा तसेच समाजामध्ये एकोपा आणि संवाद वाढावा, या उद्देशाने या स्नेह मेळाव्याचे आयोजन करण्यात आले आहे. कार्यक्रमास विविध क्षेत्रातील मान्यवरांची उपस्थिती लाभणार असून सामाजिक, राजकीय, शैक्षणिक आणि पोलीस प्रशासनातील अनेक मान्यवर सहभागी होणार आहेत.
मेळाव्याचे मुख्य आयोजक मा. पै. श्री. मोहन (आप्पा) वणवे असून त्यांनी समाजबांधवांना मोठ्या संख्येने उपस्थित राहण्याचे आवाहन केले आहे. कार्यक्रमाच्या आयोजनासाठी विविध कार्यकर्ते व पदाधिकाऱ्यांनी पुढाकार घेतला आहे.
या मेळाव्यात वधू-वर परिचय, संवाद तसेच समाजातील विविध विषयांवर चर्चा होणार असून युवक-युवती आणि पालकांसाठी हा उपक्रम मार्गदर्शक ठरणार आहे. समाजातील ऐक्य आणि सामाजिक बांधिलकी दृढ करण्यासाठी अशा उपक्रमांची गरज असल्याचे आयोजकांनी सांगितले.
Recent Comments