News World Marathi© 2024 Newsworld मराठी बाह्य इंटरनेट साइट्सच्या सामग्रीसाठी आम्ही जबाबदार नाही. बाह्य लिंक्सबद्दल आम्हाल काय वाटतं? इथे वाचा. बाह्य लिंक्सबद्दल आम्हाल काय वाटतं? इथे वाचा.

Newsworld solapur : मारकडवाडीला राष्ट्रवादी काँग्रेस शरदचंद्र पवार पक्षाचे अध्यक्ष शरद पवार यांनी भेट दिली. या गावात त्यांनी काही प्रश्न उपस्थित केले. गाव तुमचं आणि तुम्हाला जमावबंदी; हा कसला कायदा? असे म्हणत त्यांनी अनेक प्रश्न उपस्थित केले. शरद पवार म्हणाले, आपल्या देशामध्ये ईव्हीएम पद्धत स्वीकारली त्यात बदल केला पाहिजे. मतदान झाल्यानंतर गावकऱ्यांच्या मनात शंका आली. मग गावाने ठरवले की, गावात पुन्हा एकदा बॅलेट वर मतदान करायचं. मग पोलीसांनी त्याला विरोध का केला? तुमच्याच गावात जमावबंदी केली, हे कसे काय? जर गावाने ठरवले एखाद्या नव्या दिशेने जायचे तर मग विरोध का? सध्या लोकसभेत मला अनेक खासदार भेटतात आणि तुमच्या गावाची चर्चा करतात सगळे खासदार आम्हाला विचारतात की हे गाव कुठे आहे त्यामुळे गावाचे अभिनंदन आहे राज्यात काही ठिकाणी निवडणूक झाल्यानंतर ईव्हीएम च्या बाबतीत लोकांच्या मनात शंका निर्माण झाले आहे इतर देशांमध्ये ईव्हीएम वर मतदान होत नाही अमेरिकेने सुरुवातीला ईव्हीएमचा विचार केला पण नंतर तो बदलला आमच्या देशात पण ईव्हीएम वर शंका आम्हाला उपस्थित झाली आहे. माळशिरस तालुक्यातील मारकडवाडी हे गाव सध्या देशात चर्चेत आले आहे. काँग्रेसचे नेते राहुल गांधी या गावातून ईव्हीएम विरोधात लॉन्ग मार्च काढण्याच्या तयारीत आहेत.

Newsworld Pune : नुकत्याच पार पडलेल्या विधानसभा निवडणुकीत मिळालेल्या घवघवीत यशानंतर आता पुणे म्हणारपालिकेवर सुद्धा भारतीय जनता पार्टीचा भगवा फडकविणार असल्याचे प्रतिपादन शहराध्यक्ष धीरज घाटे यांनी केले. भारतीय जनता पार्टीच्या वतीने पुणे शहरात ८ ही मतदारसंघात सदस्य नोंदणी अभियानाचा प्रारंभ होत आहे ह्या पार्श्वभूमीवर आज भारतीय जनता पार्टीच्या पदाधिकाऱ्यांची बैठक पार पडली प्रत्येक मतदारसंघात कमीत कमी ५० हजार सदस्य तसेच प्रत्येक प्रभागात कमीतकमी १० हजार सदस्य नोंदणीचा संकल्प यावेळी करण्यात आला या अभियानाचे प्रमुख म्हणून पुणे शहर सरचिटणीस राघवेंद्र उर्फ बापु मानकर यांची निवड या वेळी करण्यात आली. या वेळी बोलताना शहराध्यक्ष धीरज घाटे म्हणाले ‘ देशात पंतप्रधान नरेंद्र मोदी राज्यात मुख्यमंत्री देवेंद्र फडणवीस यांच्या नेतृत्वावर जनतेने विश्वास दाखवत शाश्वत विकासाला प्राधान्य देत जे प्रेम भारतीय जनता पार्टीला दाखवले आहे सामान्य नागरिक भारतीय जनता पार्टी शी जोडू इच्छित आहे. त्यामुळे भारतीय जनता पार्टीने राष्ट्रीय स्तरावर सदस्य नोंदणी अभियान सुरू केले आहे त्याचा एक भाग म्हणून शहरामध्ये सदस्य नोंदणी अभियान राबविण्यात येणार आहे ह्या अभियानामध्ये भारतीय जनता पार्टीचा प्रत्येक कार्यकर्ता जास्तीत जास्त सदस्य नोंदणी करतील असा विश्वास आहे. या बैठकीला सरचिटणीस पुनीत जोशी, रवींद्र साळेगावकर, वर्षा तापकीर ,सुभाष जंगले राघवेंद्र मानकर, प्रमोद कोंढरे, राजेंद्र शिळीमकर, राहुल भंडारे,महेश पुंडे, गणेश कळमकर,सुशील मेंगडे यांच्या सह माजी नगरसेवक शहर पदाधिकारी व कार्यकर्ते मोठ्या संख्येने उपस्थित होते.

Newsworld Pune : भिमाकोरेगाव शौर्यदिन कार्यक्रमासाठी येणाऱ्या भीम अनुयायांना देण्यात येणाऱ्या सुविधांमध्ये मोठ्या प्रमाणात वाढ करावी अशी मागणी भीमाकोरेगाव विजयस्तंभ शौर्यदिन समन्वय समितीचे अध्यक्ष राहुल डंबाळे यांनी जिल्हाधिकारी डॉ. सुहास दिवसे यांच्याकडे केली. शौर्यदिनाच्यै अनुषंगाने जिल्हाधिकारी यांच्या अध्यक्षतेखाली पार पडलेल्या बैठकीत राहुल डंबाळे यांनी समाजाच्या वतीने भूमिका मांडताना वरील मागणी केली ” मागील वर्षीपेक्षा जास्त गर्दी यावर्षी होणार असल्याने त्या तुलनेत सुविधांमध्ये वाढ करण्याची आवश्यकता आहे . संविधानाच्या अमृत महोत्सवी वर्षाच्या पार्श्वभूमीवर स्तंभाची याही वर्षी सजावट करावी अशी मागणी देखील डंबाळे यांनी केली आहे. महाराष्ट्रातून येणाऱ्या आंबेडकरी अनुयायांना राज्य परिवहन महामंडळाकडून विशेष गाड्या उपलब्ध करून द्याव्यात अशी देखील मागणी यावेळी त्यांनी केली. ” ज्येष्ठ नागरिक व इतर अनुयायांच्या सुविधांसाठी एक जानेवारी सोबतच 31 डिसेंबर रोजी देखील सर्व पायाभूत सुविधा देण्याच्या जिल्हाधिकाऱ्यांच्या निर्णयाचे समाजाच्या वतीने स्वागत करण्यात आले असून यंदाचा उत्सव हा अधिक आनंदात साजरा केला जाईल ” असा विश्वास देखील डंबाळे यांनी यावेळी बैठकीत दिला.

Newsworld Pune : हडपसर येथील भाजपचे नेते विधान परिषदेचे आमदार योगेश टिळेकर यांचे मामा सतीश सातबा वाघ यांचे फुरसुंगी फाटा येथून सोमवारी सकाळी पहाटेच्या सुमारास अपहरण केल्याची घटना घडली होती. या प्रकरणाचा तपास सुरू असताना, पुणे शहरापासून जवळपास ४५ किलो मीटर अंतर असलेल्या यवत पोलिस स्टेशनच्या हद्दीत सतीश वाघ यांचा मृतदेह आढळला आहे. सतीश वाघ असे खून झालेल्या व्यक्तीचे नाव आहे. त्यांच्या मुलाने हडपसर पोलीस ठाण्यात तक्रार दाखल केली आहे. मोटारीतून आलेल्या चौघांनी सतीश वाघ यांचे सोमवारी सकाळच्या सुमारास अपहरण केले होते. याप्रकरणी हडपसर पोलीस ठाण्यात गुन्हा दाखल करण्यात आला. हडपसर आणि गुन्हे शाखेची पथके त्यांचा शोध घेत होती. वाघ हे सोमवारी सकाळी हडपसर येथील ब्लु बेरी हॉटेलबाहेर थांबले होते. त्यावेळी अचानक गाडी त्यांच्याजवळ आली. त्यातून उतरलेल्या दोघांनी त्यांना जबरदस्तीने गाडीत घातले. आतमध्ये अगोदरच दोघे बसले होते. यानंतर त्यांना सोलापूरच्या दिशेने नेण्यात आले. हा सर्व घटनाक्रम सीसीटीव्हीमध्ये कैद झाला आहे. हडपसर पोलिसांची आणि गुन्हे शाखेची पथके तपास करत होती. दरम्यान वाघ यांचा मृतदेह यवत गावाच्या हद्दीत सापडला.

Newsworld Pune : पुणे रेल्वे स्टेशनच्या विकासासाठी आणि प्रवाशांना अधिक चांगल्या सुविधा देण्यासाठी आता या स्टेशनचे रुपडे बदलण्याचा आराखडा तयार करण्यात आला आहे. वाढत्या प्रवासी संख्येला आणि गाड्यांच्या वाढत्या वहातुकीला सामोरे जाण्यासाठी स्टेशनच्या रचना आणि यार्डचे रिमॉडेलिंग करणे अत्यावश्यक झाले आहे. सध्याच्या 6 फलाटांव्यतिरिक्त आणखी फलाटांची निर्मिती होईल. यामुळे अधिक गाड्या सहज हाताळता येतील. 24 डब्यांच्या गाड्या थांबण्यासाठी सध्याच्या फलाटांच्या लांबीमध्ये सुधारणा केली जाणार आहे. व्यवस्थापनासाठी यार्डचे रिमॉडलिंग होईल, जेणेकरून गाड्यांची घडामोड गतीने आणि सुरळीत होईल. स्टेशन परिसर स्वच्छ आणि पर्यावरणपूरक करण्यासाठी हरित उपाययोजना राबवण्यावर भर दिला जाईल. स्टेशनवर अत्याधुनिक तंत्रज्ञान, उदा. QR कोड आधारित तिकीट तपासणी व जलद प्रवेशासाठी विशेष गेट्स उभारली जातील. या बदलांमुळे पुणे रेल्वे स्टेशन देशातील उच्च दर्जाच्या स्थानकांमध्ये मोजले जाईल. प्रवाशांचा वेळ आणि त्रास कमी होईल तसेच वाहतुकीची कार्यक्षमता वाढेल. यामुळे स्थानकाच्या एकूणच विकासाला चालना मिळेल आणि प्रवासी अनुभव सुधारेल. प्रवाशांसाठी सुधारित सुविधा: – स्वच्छ व आधुनिक प्रतीक्षालये. – अपग्रेडेड स्वच्छतागृह सुविधा. – अन्न व पिण्याच्या पाण्याच्या दर्जेदार सुविधा. – डिजिटल माहिती पटल व स्क्रीन. – २४ डब्यांची गाडी थांबेल असे दोन नवीन फ्लॅटफॉर्म – १८ ते २० डब्यांची गाडी थांबेल असे दोन नवीन फ्लॅटफॉर्म – मालधक्काच्या बाजूने मुंबईच्या दिशेने आणखी दोन नवे प्लॅटफॉर्म – एक प्लॅटफॉर्मवर पादचारी पूल – पुणे रेल्वे स्टेशन येथे दोन स्वतंत्र मुख्य लाइन

Newsworld Pune : मुख्यमंत्री देवेंद्र फडणवीस यांनी राष्ट्रवादी काँग्रेसचे नेते शरद पवार यांना पराभव स्वीकारण्याचा सल्ला दिला आहे. शिरूर येथे एका लग्न समारंभाच्या निमित्ताने पत्रकारांशी संवाद साधताना फडणवीस यांनी सांगितले की, “जनतेच्या मनात जे होतं, तेच निकालात दिसलं आहे. शरद पवार यांनी हा पराभव स्वीकृत करावा आणि जनतेच्या मताचा आदर करावा.” फडणवीस यांनी अप्रत्यक्षपणे निवडणुकीतील जनतेच्या स्पष्ट मताला मान्यता दिली असून विरोधकांनीही ते स्वीकारायला हवे, असा संदेश दिला. हे विधान पवार यांच्यावर टीकेचे सूचक असल्याचे मानले जात असून सध्याच्या राजकीय परिस्थितीत भाजप-राष्ट्रवादी यांच्यातील संघर्षावर प्रकाश टाकते. नुकत्याच झालेल्या निवडणुकीत राष्ट्रवादी काँग्रेसला अपेक्षित यश मिळालेले नाही, आणि त्यावरून शरद पवार यांच्यावर विविध पातळ्यांवर टीका केली जात आहे. “लोकशाहीत जनता अंतिम निर्णय घेते. त्यामुळे विरोधकांनीही जनादेशाचा आदर करत पुढे जाण्याची गरज आहे,” असे त्यांनी सूचित केले. यामुळे शरद पवार यांच्यासह विरोधकांकडून काय प्रतिक्रिया येते, याकडे सर्वांचे लक्ष आहे.

Newsworld Pune : 3 डिसेंबर रोजी संपूर्ण जगभरात जागतिक दिव्यांग दिन साजरा करण्यात आला. या दिवसाचा उ‌द्देश दिव्यांग व्यक्तीच्या अधिकारांना प्रोत्साहन देणे, त्यांचे जीवनमान उंचावणे आणि त्यांना समाजात सन्मानाने स्थान मिळवून देणे हा आहे. ढोले पाटील एज्युकेशन सोसायटीचे चेअरमन श्री सागर ढोले पाटील यांनी दिव्यांग कॅम्पच्या माध्यमातून दिव्यांग व्यक्तींना सहकार्य करत समाजामध्ये एक नवा आदर्श निर्माण केला आहे. ढोले पाटील परिवार सामाजिक आणि शैक्षणिक कार्यात सुरुवातीपासून सक्रिय असून त्यांनी समाजातील दुर्बल घटकांसाठी योगदान दिले आहे. ढोले पाटील एज्युकेशन सोसायटीने आजवर चार मोठे दिव्यांग कॅम्प आयोजित केले असून त्यामधून हजारो दिव्यांग व्यक्तींना लाभ मिळाला आहे. या कॅम्पच्या माध्यमातून दिव्यांगांना मोफत अवयव पुरवले गेले आहेत. त्यांनी या व्यक्तींना मानसिक व शारीरिकदृष्ट्या सक्षम बनवण्याचा ध्यास घेतला आहे. “शारीरिक अडथळे मनाला खचवू शकत नाहीत, कारण जिथे मनाची शक्ती असते तिथे अशक्य काहीच नसते,” हे सागर ढोले पाटील नेहमी सांगतात. त्यांच्या प्रयत्नांमुळे दिव्यांग व्यक्तींना आत्मविश्वास आणि आत्मसन्मान प्राप्त झाला आहे. येणाऱ्या 16 डिसेंबर रोजी ढोले पाटील एज्युकेशन सोसायटी, भारत विकास परिषद विकलांग केंद्र आणि अन्य सहयोगी संस्था यांच्या संयुक्त विद्यमाने दिव्यांग कॅम्पचे आयोजन करण्यात आले आहे. या कॅम्पद्वारे 1,000 दिव्यांग व्यक्तींची नोंदणी करून त्यांना आवश्यक सेवा देण्याचे उद‌दिष्ट ठेवण्यात आले आहे. या दिव्यांग कॅम्पसाठी राष्ट्रीय स्वयंसेवक संघाचे परमपूज्य सरसंघचालक डॉ. मोहन भागवत है कार्यक्रमाचे मुख्य अतिथी म्हणून उपस्थित राहणार आहेत. डॉ. मोहन भागवत यांच्या मार्गदर्शनामुळे या उपक्रमाला आणखी बळ मिळणार असून, दिव्यांग व्यक्तींना आत्मनिर्भर बनवण्यासाठी हा उपक्रम प्रेरणादायी ठरेल. जागतिक दिव्यांग दिनाच्या निमित्ताने समाजातील प्रत्येकाने दिव्यांग व्यक्तींना प्रोत्साहन देण्याचे ठरवले पाहिजे. त्यांना सहानुभूती नव्हे तर समानता आणि सन्मानाची गरज आहे. सागर ढोले पाटील यांच्या प्रेरणादायी कार्याचा आदर्श घेऊन आपण दिव्यांगांसाठी योगदान देऊ शकतो. इच्छाशक्ती आणि दया असल्यास आपण समाजातील प्रत्येक घटकाला उन्नतीसाठी हातभार लावू शकलो. या कार्याला पुढे नेण्यासाठी आणि दिव्यांग व्यक्तींच्या जीवनात सकारात्मक बदल घडवण्यासाठी आपण सर्वांनी सक्रिय सहभाग नोंदवण्याचा संकल्प करूया.

Newsworld Mumbai : जहांगीर हॉस्पिटल मध्ये मातंग समाजाच्या ३५ वर्षीय गृहिणीचे निधन झाले. सकाळी आज दि. 8 डिसें. 2024 रोजी सकाळी 09.00 वाजता मृत्यू झाला मात्र बिल भरले नाही, म्हणून मृतदेह ताब्यात दिला नाही. या अत्यंत संवेदनशील, संतापदायक – भयंकर बाबीचा निषेध करण्यासाठी मयत रुग्णाचे नातेवाईक पुण्यातील जहांगीर हॉस्पिटल गेट समोर उपोषणास बसले आहेत. विशेष म्हणजे ३५ वर्षीय तरुणीचे किडनी ट्रान्सप्लांट ऑपरेशन यशस्वी होईल, असे सांगितल्याने हॉस्पिटलने आत्मविश्वासपूर्वक सांगितल्याने त्यांच्या कुटुंबियांनी गेल्या वर्षभरात जहांगीर हॉस्पिटल मध्ये ५२ लाख रुपये खर्च केले आहेत.

Newsworld Mumbai : भारतीय जनता पार्टीच्या वतीने मराठवाड्यामध्ये पुन्हा एकदा मुंडे कार्ड खेळले जाणार असल्याच्या चर्चेना उधाण आले आहे. महिला ओबीसी चेहरा म्हणून पंकजा मुंडे यांची देवेंद्र फडणवीस यांच्या मंत्रिमंडळामध्ये निश्चितपणे वर्णी लागणार असल्याचे मानले जात आहे. मागील आठवड्यापासून पंकजा मुंडे आणि मुख्यमंत्री देवेंद्र फडणवीस यांच्यात मध्ये सातत्याने भेटी होत आहे आज रविवारी देखील पुन्हा एकदा पंकजा मुंडे यांनी देवेंद्र फडणवीस यांची भेट झाली आहे. राज्यामध्ये भारतीय जनता पार्टीचे सरकार आल्यापासून देवेंद्र फडणवीस आणि पंकजा मुंडे यांच्या सातत्याने भेटी होत असल्याचे वास्तव पाहायला मिळत आहे.मागील निवडणुकीमध्ये पंकजा मुंडे यांचा पराभव झाल्यानंतर भारतीय जनता पार्टीच्या वतीने अनेक वेळा मुंडेंना डावलण्यात आले. एवढेच नव्हे तर समाजातून अन्य नेतृत्व उभारण्याचे देखील प्रयोग करण्यात आले. मात्र हे प्रयोग सर्व अयशस्वी ठरल्याने पुन्हा एकदा पंकजा मुंडे यांना संधी देण्याचा निर्णय घेण्यात आला. पंकजा मुंडे यांना डावलून केंद्रामध्ये डॉ. भागवत कराड यांना संधी देण्यात आली. मात्र तितकासा भाजपला फायदा होताना दिसला नाही. पुन्हा एकदा पंकजा मुंडे यांच्या खांद्यावरती भाजपने जबाबदारी टाकण्याचा निर्णय घेतला असून भारतीय जनता पार्टीच्या वतीने पंकजा मुंडे यांना विधान परिषद देण्यात आली. त्या पाठोपाठ लगेच त्यांना लोकसभेची निवडणूक लढवण्याचे देखील सांगण्यात आले. लोकसभेच्या निवडणुकीमध्ये काही मताने पराभूत झाल्यानंतर संपूर्णपणे मराठवाड्यातील ओबीसी समाज पंकजा मुंडे यांच्या पाठीशी उभा राहिल्याचे चित्र पाहायला मिळाले. ओबीसी समाजाची असलेली वोट बँक आपल्या ताब्यात ठेवण्यासाठी भाजप यापुढे सातत्याने प्रयत्न करत राहणार आहे. त्याकरता पंकजा मुंडे यांची वर्णी मंत्रिमंडळामध्ये निश्चित मानली जात आहे.

Newsworld Pune : पुण्यातील बावधन परिसरात एका खाजगी फोटो स्टुडिओला लागलेल्या आगीच्या घटनेने खळबळ उडाली आहे. घटनास्थळी अग्नीशमन दलाच्या दोन गाड्या दाखल झाल्या असून आग विझवण्याचे काम सुरू आहे. आग कशामुळे लागली याचे कारण अद्याप अस्पष्ट आहे. पोलिस आणि अग्निशमन दलाचे जवान घटनास्थळी दाखल झाले असून परिस्थिती नियंत्रणात आणण्याचे प्रयत्न सुरू आहेत. अग्नीशमन दल आग आटोक्यात आणण्यासाठी प्रयत्नशील आहे, तर प्रशासनाकडून परिसर सुरक्षित करण्यासाठी उपाययोजना केल्या जात आहेत. सुदैवाने, आगीमुळे कोणतीही जीवितहानी झालेली नाही.

Newsworld Pune : राज्यातील सरकारने मनाचा मोठेपणा दाखवून विरोधी पक्षनेता पद द्यायला हवे, अशी अपेक्षा खासदार सुप्रिया सुळे यांनी व्यक्त केली. १९८० साली काँग्रेस पक्षाने विरोधकांच्या कमी जागा असल्या, तरी दिलदारपणा दाखवून ‘लीड ऑफ अपोझिशन’ दाखविला होता. त्यामुळे आताच्या सरकारनेही मनाचा मोठेपणा दाखवून राज्यात विरोधी पक्षनेता पद द्यायला हवे. मात्र, यावर ते काय निर्णय घेतात हा त्यांचा प्रश्न असल्याचेही त्या म्हणाल्या मार्केटयार्ड येथील पक्ष कार्यालयात खासदार सुळे यांनी पत्रकारांशी संवाद साधला. या वेळी शहराध्यक्ष प्रशांत जगताप उपस्थित होते. खासदार सुळे म्हणाल्या. नागरिकांकडून आमच्याकडे तक्रारी येत असतात. लोकांचा मतपत्रिकेवर विश्वास असेल, तशी त्यांची मागणी असेल, तर त्याचा विचार झाला पाहिजे. लोकशाही आहे ती लोकांसाठीच आहे. त्यांच्या मागण्यांकडे दुर्लक्ष होत असेल, तर त्याला अर्थ नाही. ‘ईव्हीएम’ऐवजी मतपत्रिकेवर निवडणूक घेण्यासाठी न्यायालयात जाण्याचा निर्णय घ्यायचा की नाही, यावर दोन दिवसांत निर्णय घेऊन पुढील पाऊल उचलले जाईल. की कोणत्याही परीक्षेचा पेपर फुटला, तर परीक्षा रद्द केली जाते. मग जनतेमध्ये ‘ईव्हीएम’बद्दल आक्षेप असतील, तर ते दूर करणे हे निवडणूक आयोगाचे कामच आहे. विधानसभा निवडणूक निकालाबाबत मतदारांमध्ये मोठ्या प्रमाणावर उलटसुलट चर्चा आहे. नागरिकांकडून आमच्याकडे तक्रारी येत असतात. लोकांचा मतपत्रिकेवर विश्वास असेल, तशी त्यांची मागणी असेल, तर त्याचा विचार झाला पाहिजे.

Newsworld Team : नवीन वर्षे आलेकी थंडीची (winter season) चाहूल लागते. पावसाळ्यानंतर येणारा थंडीचा ऋतू बहुतेकांना आवडतो. गुलाबी थंडीमध्ये विविध ठिकाणी भटकंती करण्याची मजा काही औरच असते नाही? साधारण डिसेंबरच्या शेवटी किंवा या काळात अनेकजण बाहेर फिरायला जाण्याचा प्लॅन करतात. नवीन वर्षाची नियोजित ट्रीप असते. सोनमर्ग (काश्मीर) – साधारण नोव्हेंबरच्या पहिल्या आठवड्यात हलकी थंडी जाणवते. अशा परिस्थितीत, तुम्ही काश्मीरच्या निसर्गरम्य पर्वतरांगांना भेट देण्याचा विचार करू शकता. सोनमर्ग (Sonamarg) हे नवविवाहित जोडप्यांसाठी एक उत्तम हनिमून डेस्टिनेशन (Honeymoon Destination) आहे. काश्मीरमधील पर्वतरांगा, बागा आणि विविध लहान-मोठी सरोवरं त्याच्या सौंदर्यात भर घालतात. काश्मीरमधला दल सरोवर (Dal Lake) जगप्रसिद्ध आहे. जर, तुम्ही जास्तचं नशीबवान असाल तर तुम्हाला या ठिकाणी हिमवर्षाव देखील अनुभवता येऊ शकतो. बीर बिलिंग (हिमाचल प्रदेश) – दिल्ली-एनसीआरमध्ये राहणारे लोक 4 ते 5 दिवसांत बीर बिलिंगला (Bir Billing) भेट देण्याचा प्लॅन करू शकतात. हिमाचल प्रदेशमध्ये असलेलं हे सुंदर ठिकाण पॅराग्लायडिंग, ट्रेक सारख्या साहसी क्रीडा प्रकारांसाठी प्रसिद्ध आहे. याशिवाय याठिकाणी मेडिटेशन (Meditation) देखील करता येते. येथील ठिकाणांमध्ये तुम्हाला तिबेटी संस्कृतीची झलक पहायला मिळेल. 10 हजार रुपयांच्या खर्चामध्ये ही मिनी ट्रिप करू शकता. मुक्तेश्वर (Mukteshwar) (उत्तराखंड) – उत्तराखंडमधील मुक्तेश्वर (Mukteshwar) हे ठिकाण निसर्गसौंदर्यासाठी पर्यटकांमध्ये प्रसिद्ध आहे. येथे जाऊन तुम्ही स्वच्छ आणि थंड हवेचा आनंद घेऊ शकता. याशिवाय ट्रेकिंग, पॅराग्लायडिंग, बाइकिंग, राफ्टिंगची देखील या ठिकाणी सुविधा आहे. तीर्थन व्हॅली (हिमाचल प्रदेश) – निसर्गाच्या सान्निध्यात वेळ घालवण्यास इच्छुक असणाऱ्यांसाठी हिमाचल प्रदेशातील तीर्थन व्हॅली (Tirthan Valley) एक सर्वोत्तम पर्याय आहे. या ठिकाणी स्वर्गीय वातावरणाचा अनुभव घेता येतो. तीर्थन व्हॅली हिमालय राष्ट्रीय उद्यानापासून ३ किलोमीटर अंतरावर आहे. हे ठिकाण ट्राउट माशांसाठी (Trout Fish) लोकप्रिय आहे. जवळपास 10 हजार रुपये खर्च करून तुम्ही या ठिकाणाला भेट देऊ शकता हृषीकेश (हरिद्वार) – धार्मिक आणि नैसर्गिक दृष्टिकोनातून पाहिल्यास हृषीकेश (Rishikesh) हे एक उत्तम ठिकाण आहे. गंगा घाट (Ganga Ghat) आणि कलात्मक मंदिरं हे याठिकाणचं प्रमुख आकर्षण आहेत. येथील मंदिरांमध्ये रात्री होणारी आरती पर्यटकांना आकर्षित करते. हृषीकेशपासून जवळ असलेल्या शिवपुरीलाही तुम्ही भेट देऊ शकता. तिथे राफ्टिंग, कॅम्पिंग, ट्रेकिंग आणि बंजी जंपिंगचा आनंद घेता येतो. वाचा :  औली (उत्तराखंड) – औली (Auli) हे भारतातील सर्वात थंड ठिकाणांपैकी एक आहे. सूर्यकिरणांच्या प्रकाशात चमकणारी सोनेरी हिरवळ आपलं मन प्रसन्न करून टाकते. येथे तुम्ही ट्रेकिंगचा आनंद घेऊ शकता. हनिमूनसाठी देखील हे ठिकाण प्रसिद्ध आहे. या ठिकाणाचा मुक्तपणे आनंद घेण्यासाठी तुम्हाला थोडा वेळ आणि खर्च दोन्ही वाढवावे लागतील. रानीखेत (उत्तराखंड) – उत्तराखंडमध्ये वसलेलं रानीखेत (Ranikhet) हे एक सुंदर हिल-स्टेशन आहे. जर तुम्हाला निसर्गाच्या सान्निध्यात वेळ घालवायला आवडत असेल तर तुम्ही या नोव्हेंबरच्या सुट्ट्यांमध्ये रानीखेतला भेट देऊ शकता. याठिकाणी तुम्ही पॅराग्लायडिंग, बाईक रायडिंग, राफ्टिंगचा देखील आनंद घेऊ शकता. रानीखेतमधील झुला देवी मंदिर (Jhula Devi Temple) देखील प्रसिद्ध आहे. तुम्ही त्याला देखील भेट देऊ शकता.

Newsworld Mumbai : शरद पवार साहेब मारकडवाडी येथील ग्रामस्थांनी कायम वेगवेगळ्या पक्षांना साथ दिली. तुमच्या माहितीसाठी २०१४, २०१९ आणि २०२४ ची मतांची आकडेवारी देत आहे जरा डोळेउघडून नीट वाचा असा टोला प्रदेशाध्यक्ष चंद्रशेखर बावनकुळे यांनी लागवला. २०१४ मध्ये लोकसभा निवडणुकीत राष्ट्रवादी काँग्रेसकडून लढलेल्या विजयसिंह मोहिते पाटील यांना ५३३ मतं मिळाली तर महायुतीतील घटकपक्ष असलेल्या सदाभाऊ खोत यांना ६६४ मतं मिळाली होती. त्याच वर्षी झालेल्या विधानसभा निवडणुकीत राष्ट्रवादीच्या हनुमंत डोळस यांना २९४ मते मिळाली तर अपक्ष अनंत खंडागळे यांना ९७९ मते मिळाली.ही माहिती ही बावनकुळे यांनी दिली. २०१९ मध्ये लोकसभा निवडणुकीत भाजपच्या रणजितसिंह निंबाळकर यांना ९५६ मतं मिळाली तर राष्ट्रवादीच्या संजय शिंदे यांना ३९५ मतं मिळाली. मात्र त्याच वर्षी झालेल्या विधानसभा निवडणुकीत मात्र राष्ट्रवादीकडून लढलेल्या उत्तमराव जानकर यांना १३४६ मतं मिळाली तर भाजपाकडून लढलेल्या राम सातपुते यांना ३०० मतं मिळाली. २०२४ मध्ये लोकसभा निवडणुकीत राष्ट्रवादी शरद पवार गटाच्या धैर्यशील मोहिते पाटील यांना १०२१ मतं तर भाजपाच्या रणजितसिंह निंबाळकर यांना ४६६ मतं मिळाली विधानसभा निवडणुकीत मात्र राष्ट्रवादी शरद पवार गटाच्या उत्तमराव जानकर यांना ८४३ मतं तर भाजपच्या राम सातपुते यांना १००३ मतं मिळाली. या आकडेवारीवरून स्पष्ट होत की, मारकडवाडी ग्रामस्थांनी कधी राष्ट्रवादीला साथ दिली, कधी अपक्ष तर कधी भाजपाला साथ दिली. त्यामुळे हे गाव कुणा एकाची मक्तेदारी नाही. यावेळी लोकांनी आणि लाडक्या बहिणींनी तुम्हाला नाकारलं. त्यामुळे उगाच भ्रम पसरवून ईव्हीएमवर खापर फोडू नका. जरा मारकवाडी येथे झालेल्या मतांची आकडेवारी डोळे उघडून वाचा म्हणजे तुमचं डोकं ठिकाणावर येईल.

Newsworld Pune : पुण्याच्या पालकमंत्री पदासाठी अजित दादा पवार आणि चंद्रकांत दादा पाटील यांच्यामध्ये तीव्र स्पर्धा सुरू झाली आहे नेमकी ही माळ कोणाच्या गळ्यामध्ये पडणार याकडे सर्व पुणेकरांचे लक्ष लागले आहे. राज्यात सत्ताबदल झाल्यानंतर राजकीय समीकरणे बदलली असताना, पुण्याचे पालकमंत्री नक्की कोण? असा संदिग्ध प्रश्न उभा राहिला आहे. चंद्रकांत पाटील हे पालकमंत्री असले, तरी सत्तांतरानंतर राज्याचे उपमुख्यमंत्री अजित पवार यांनी पुणे, पिंपरी-चिंचवड या शहरांबरोबरच जिल्ह्याचा कारभार हाती घेत या पदावर कब्जा केला आहे. त्यामुळे अल्पावधीतच पाटील हे नाममात्र पालकमंत्री असल्याचे चित्र निर्माण झाले आहे. पुणे हा अजित पवारांचा बालेकिल्ला असल्याने, पुण्यात प्रशासकीय आणि राजकीय वर्चस्व पुन्हा त्यांनी काबीज केले. त्यांच्याकडून आपल्या जवळच्या सहकाऱ्यांना कामे व टेंडर देण्यात आली असल्याचा आरोप भाजप कार्यकर्त्यांनी केला होता. याबाबत अनेकदा भाजप आणि राष्ट्रवादीच्या नेत्यांमध्ये खटके उडाले. त्यामुळे मंत्रीपदाचा विस्तार होण्यापूर्वीच भाजप कार्यकर्ते सतर्क झाले आहेत आणि पुण्याचा पालकमंत्री म्हणून चंद्रकांत पाटील यांची नियुक्ती व्हावी, अशी मागणी करत आहेत. परंतु अजित पवार पुण्याच्या पालकमंत्रीपदाचा दावा सोडतील का, हा प्रश्न अजूनही अनुत्तरित आहे आणि महायुतीपुढे मोठे आव्हान उभे आहे. त्यामुळे आता पुण्याचा पालकमंत्री कोण होणार हे पाहणं पुन्हा एकदा ‘इंटरेस्टींग’ होणार आहे.

Newsworld Pune : बॅलेट पेपरवर मतदान घेण्यासाठी सोलापूर जिल्ह्यातील मारकडवाडी येथील ग्रामस्थ आग्रही आहेत. त्यावरून गेल्या आठवडाभरापासून आंदोलन सुरू आहे. त्यांची बाजू ऐकण्यासाठी ज्येष्ठे नेते शरद पवार आज मारकडवाडी येथे पोहचले. त्यांनी ग्रामस्थांची बाजू ऐकून घेतली. त्यांचा कशामुळे विरोध आहे याची माहिती त्यांच्याकडूनच घेतली. त्यानंतर शरद पवार यांनी ग्रामस्थांना याप्रकरणी निवडणूक आयोग आणि पंतप्रधान नरेंद्र मोदी यांच्या कानावर हा विषय घालण्याचे आश्वासन दिले. .कोणता कायदा असा आहे. या ठिकाणी मी भाषण करतो. तुम्ही ऐकत आहेत. उद्या पोलीस खात्याने निर्णय घेतला मी बोलायचं नाही आणि तुम्ही ऐकायचं नाही. हा कुठला कायदा. असा कुठं कायदा आहे. तुम्हाला इथे जमायचं नाही. जमावबंदी. तुमच्याच गावात ही गंमतीची गोष्ट आहे. हे का केलं मला समजत नाही.” असा टोला त्यांनी लगावला. ग्रामस्थांच्या भावना ऐकून घेतल्यानंतर शरद पवार यांनी भाषण केले. तुमच्या मतदानाच्या विचारामुळे मी येथे यायचे निश्चित केल्याचे त्यांनी सांगीतले. “तुम्ही असं ठरवलं आपल्या गावात फेरमतदान घेऊ. ते अधिकृत नव्हतं. ते सरकारी नव्हतं. तुम्ही गावाने ठरवलं. पुन्हा एकदा मतदान वेगळ्या पद्धतीने करायचं. हा तुमचा अधिकार होता. पण हा निर्णय तुम्ही घेतल्या नंतर पोलीस खात्याने इथं बंदी का केली.

Newsworld Pune : बुधवार पेठेत मागील १९ वर्षांपासून वेश्याव्यवसाय करणाऱ्या महिलांसाठी आणि त्यांच्या मुलांसाठी कार्यरत असलेल्या रेव्ह. हरीभाऊ वाघमोडे पाटील प्रतिष्ठानतर्फे जागतिक एड्स दिनाचे औचित्य साधून ‘मार्ग हक्काचा, सन्मानाचा’ या विशेष थीमवर आधारित कार्यक्रम आयोजित करण्यात आला. बुधवार पेठ प्रांगणात आयोजित या कार्यक्रमाची सुरुवात आकर्षक रांगोळी आणि कॅंडललाइट मार्चने झाली. या मार्चद्वारे एचआयव्ही/एड्समुळे मृत्यूमुखी पडलेल्या व्यक्तींना श्रद्धांजली वाहण्यात आली. यावेळी उपस्थितांना सुरक्षित लैंगिक संबंधांबाबत जागरूक करण्यासाठी फ्री कंडोम वितरण करण्यात आले. कार्यक्रमादरम्यान, प्रतिष्ठानच्या प्रतिनिधी सारिका लष्करे यांनी आपले विचार व्यक्त करताना सांगितले की, “समाजाच्या दुर्लक्षित घटकांना सन्मानाने जगण्यासाठी आवश्यक त्या सुविधा आणि पाठिंबा देणे ही काळाची गरज आहे. अशा उपक्रमांद्वारे या घटकांना नवा आत्मविश्वास आणि समाजाचा स्वीकार मिळवून देण्याचा आमचा प्रयत्न आहे.” कार्यक्रम यशस्वी करण्यासाठी संस्थेने आपल्या समर्थकांचे आणि सहभागींचे मनःपूर्वक आभार मानले, ज्यामध्ये संवाद फाउंडेशन, अलका ताई, सीमा ताई, आरतीताई, अमोल कांबळे, आकाश ससाणे, सागर भाऊ, चेतन भाऊ, तसेच API प्रतीक्षा शेडगे मॅडम यांचा विशेष उल्लेख करण्यात आला. रेव्ह. हरीभाऊ वाघमोडे पाटील प्रतिष्ठानने वेश्याव्यवसाय करणाऱ्या महिलांसाठी आणि त्यांच्या कुटुंबासाठी गेल्या अनेक वर्षांपासून चालवलेल्या कार्यामुळे समाजात सकारात्मक बदल घडत असून, अशा उपक्रमांमुळे त्यांचे कार्य अधिक प्रभावीपणे पुढे नेले जात आहे.

Newsworld Pune : देवेंद्र फडणवीस मुख्यमंत्री झाल्यानंतर एकनाथ खडसेंचे ( Eknath Khadse ) सूर बदलले आहेत. देवेंद्र फडणवीस यांच्याशी माझं व्यक्तिगत वैर नाही असं आता एकनाथ खडसेंनी म्हटलं आहे. देवेंद्र फडणवीस यांनी आपलं राजकीय करिअर संपवण्याचा प्रयत्न केला. आपला प्रचंड छळ केला असं म्हणणाऱ्या एकनाथ खडसेंनी ( Eknath Khadse ) मुख्यमंत्री देवेंद्र फडणवीस यांच्याबाबत एक महत्त्वाचं वक्तव्य केलं आहे. एकनाथ खडसे यांनी देवेंद्र फडणवीसांनी छळ केला म्हणून मी पक्ष सोडला असाही आरोप केला होता. देवेंद्र फडणवीस मुख्यमंत्री झाले आहेत. बहुमत, जनमत त्यांच्या बाजूला आहे. फडणवीस हे निवडून आले हे मान्यच करावं लागणार आहे. व्यक्तिगत मतभेद, टीका वगैरे असू शकते. त्याला फार महत्त्व न देता लोक ज्यांना निवडून देतात त्यांच्या बाजूला बहुमत असतं हे तुम्हाला मान्य करावंच लागणार आहे. आमचा पराभव झाला आहे, त्याची कारणं असू शकतात. पुढे काय घडेल? ते काळ ठरवेल. पण विरोधी पक्षाची भूमिका सक्षमपणे पार पाडणं ही माझ्यावरची जबाबदारी आहे.