News World Marathi© 2024 Newsworld मराठी बाह्य इंटरनेट साइट्सच्या सामग्रीसाठी आम्ही जबाबदार नाही. बाह्य लिंक्सबद्दल आम्हाल काय वाटतं? इथे वाचा. बाह्य लिंक्सबद्दल आम्हाल काय वाटतं? इथे वाचा.

Newsworldmarathi Mumbai : देशातील महागाईचा स्थिर कल पाहता, रिझर्व्ह बँकेने (RBI) चलनविषयक धोरण समितीच्या (MPC) बैठकीनंतर रेपो दरात 0.50 टक्के कपात केली आहे. पावसाळा सुरू होण्यापूर्वी झालेल्या MPC च्या या बैठकीत सलग तिसऱ्यांदा रेपो दर कमी करण्याचा निर्णय घेण्यात आला. तो आता 5.5 टक्क्यांवर आला आहे. आरबीआच्या या निर्णयामुळं सामान्य नागरिकांना मोठा दिलासा मिळाल आहे.

Newsworldmarathi Pune: स्कॉटलंड संसदेकडून आयोजित विकसित भारत परिषदेसाठी पुण्यातील ज्येष्ठ पत्रकार राजेंद्र वाघमारे यांची निवड करण्यात आली आह. येत्या 25 जून रोजी होणाऱ्या स्कॉटलंड येथे भारतीय डायसपोरा साजरा करण्यासाठी एक विशेष कार्यक्रम आयोजित केला आहे. या कार्यक्रमासाठी जगातील अनेक मान्यवर उपस्थित राहणार आहेत. यावेळी स्कॉटलंड संसदेने डॉ.राजेंद्र वाघमारे यांना प्रमुख अतिथी म्हणून निमंत्रित केले आहे. यापूर्वी त्यांना लंडन येथील युनायटेड किंगडम ट्रायडेंट इव्हेंट्स अँड मीडिया या संस्थेच्या वतीने भारतीय स्वातंत्र्याच्या अमृत महोत्सव वर्षा निमित्ताने आयोजित कार्यक्रमात माध्यम क्षेत्रातील ग्लोबल इन्स्पिरेशनल अवॉर्ड्स देऊन गौरविण्यात आले होते .सदर सोहळा युनायटेड किंग्डमचे खासदार वीरेंद्र शर्मा यांच्या हस्ते पुरस्कार सोहळा पार पडला होता. या परिषदेत गजेंद्र सिंह शेखावत केंद्रीय मंत्री – संस्कृती आणि पर्यटन, भारत सरकार,श्रीपाद वाय नाईक, केंद्रीय राज्यमंत्री, भारत सरकार,राज्यवर्धन एस राठोड कॅबिनेट मंत्री सरकार राजस्थान,लॉर्ड रामी रेंजर, सदस्य हाऊस ऑफ लॉर्ड्स, यूके, खासदार बॉब ब्लॅकमन हाऊस ऑफ कॉमन, यूके,बॅरोनेस संदीप वर्मा सदस्य हाऊस ऑफ लॉर्ड्स, यूके बॅरी गार्डिनर खासदार-हाऊस ऑफ कॉमन्स यूके,गॉर्डन मॅकडोनाल्ड, स्कॉटिश संसद सदस्य, स्कॉटलंड ,मार्टिन डे, माजी खासदार-हाऊस ऑफ कॉमन्स यूके,रॉबर्ट मसीह नहर माजी- स्पेनच्या सिनेटचे सदस्य ,कुलदीप सिंह शेखावत, भाजप अध्यक्ष – युके आणि युरोप डॉ. संदीप मारवाह ,मधुर भांडारकर प्रख्यात भारतीय चित्रपट दिग्दर्शक आणि निर्माता,डॉ. मुकेश त्यागी, बॉलिवूड अभिनेते आणि भाजपचे राष्ट्रीय प्रवक्ते,डॉ. कुमार राकेश संपादकीय अध्यक्ष ग्लोबल, गव्हर्नन्स न्यूज ग्रुप, समग्र भारत मीडिया ग्रुप नवी दिल्ली, भारत सुधीर चौधरी, प्रसिद्ध वरिष्ठ पत्रकार, डीडी न्यूज, भारत,मनोग्या लोईवाल वरिष्ठ संपादक आणि निवेदक एनडीटीव्ही इंडिया,डॉ. टी. अनिल कुमार सीनियर प्रख्यात कलाकार, चित्रकार. छायाचित्रकार, नवी दिल्ली, भारत,डॉ.राजेंद्र वाघमारे, मुकेश के मीणा संस्थापक-मुकेशवर आयुर्वेद जिनिव्हा, स्वित्झर्लंड आदी मान्यवर उपस्थित राहणार आहेत .

Newsworldmarathi Raigad: ट्रेकिंगसाठी प्रसिद्ध असलेल्या राजगड किल्ल्यावर एक हृदयद्रावक दुर्घटना घडली आहे. पुण्यातील २० वर्षीय तरुणी बालेकिल्ल्यावरून १५० फूट दरीत कोसळून ठार झाली. कोमल सतीश शिंदे (वय २०, रा. आळंदी) ही आपल्या पतीसोबत पर्यटनासाठी आली होती. गुरुवारी सायंकाळी साडेपाचच्या सुमारास उतरताना तिचा पाय घसरून ती दरीत कोसळली. तात्काळ मदत, पण जीव वाचला नाही अपघातानंतर कोमलला तातडीने वेल्हे ग्रामीण रुग्णालयात नेण्यात आले. मात्र उपचार सुरू होण्याआधीच डॉक्टरांनी तिला मृत घोषित केले. पोलीस जवान युवराज सोमवंशी आणि आपत्ती व्यवस्थापन पथकातील तानाजी भोसले, गणेश सपकाळ यांनी मृतदेह गडावरून खाली आणण्यासाठी महत्त्वाची मदत केली. राजगड ट्रेकिंगसाठी प्रसिद्ध, पण सुरक्षिततेचा अभाव? राजगड किल्ला पुण्यापासून सुमारे ४० किमी अंतरावर असून, ट्रेकिंगप्रेमींसाठी लोकप्रिय ठिकाण आहे. बालेकिल्ला हा गडाचा सर्वोच्च आणि देखणं भाग मानला जातो. परंतु, या ठिकाणी सुरक्षेच्या पुरेशा सुविधा नाहीत, अशी तक्रार स्थानिकांकडून व्यक्त केली जात आहे. अपघातानंतर राजगडवरील पर्यटक सुरक्षेच्या उपाययोजनांवर प्रश्नचिन्ह उपस्थित झाले आहेत. पोलिस तपास सुरू या घटनेनंतर वेल्हे पोलिसांनी अपघाती मृत्यूची नोंद केली असून अधिक तपास सुरू आहे. स्थानिक प्रशासन आणि पर्यटन विभागाने गडावरील सुरक्षा उपाय पुन्हा एकदा विचारात घेण्याची गरज निर्माण झाली आहे.

Newsworldmarathi Pune : हिंजवडीतील ‘द क्राऊन ग्रीन’ सोसायटीच्या २१ व्या मजल्यावरून उडी घेत एका २५ वर्षीय आयटी अभियंता तरुणीने जीवन संपवल्याची धक्कादायक घटना ३१ मेच्या पहाटे घडली. मृत तरुणीचे नाव अभिलाषा भाऊसाहेब कोथिंबिरे असून, तिने जीवन संपवण्यापूर्वी एक चिठ्ठी लिहून ठेवली होती. त्या चिठ्ठीत तिने लिहिले आहे “सॉरी, मला माफ करा. मी हे स्वच्छेने करत आहे. माझी आता जगायची इच्छा संपली आहे…” पोलिसांनी दिलेल्या माहितीनुसार, अभिलाषा पहाटे ४.३० वाजता दुचाकीवरून सोसायटीमध्ये आली आणि लिफ्टने थेट २१ व्या मजल्यावर गेली. ४.४२ वाजता तिने इमारतीवरून उडी घेत आपले जीवन संपवले. शवविच्छेदन अहवालात तिच्या महत्त्वाच्या अवयवांना गंभीर इजा झाल्याचे नमूद करण्यात आले आहे. या प्रकरणी हिंजवडी पोलीस ठाण्याचे वरिष्ठ पोलीस निरीक्षक कन्हैया थोरात यांनी आकस्मिक मृत्यूची नोंद केली असून, कोणताही घातपात अथवा संशयास्पद बाब आढळली नसल्याचे स्पष्ट केले आहे. पोलीस तपासात नैराश्यामुळे जीवन संपवल्याचा प्राथमिक अंदाज व्यक्त करण्यात आला आहे. अधिक तपास हिंजवडी पोलीस करत आहेत.

Newsworldmarathi Pune: पुणे शहरात रात्री उशिरापर्यंत सुरू असलेल्या पब्सवर आता पोलीस आयुक्त अमितेश कुमार यांनी थेट कारवाईचा इशारा दिला आहे. यापुढे कोणताही पब ठरलेल्या वेळेनंतर सुरू आढळल्यास त्याची जबाबदारी संबंधित वरिष्ठ पोलीस निरीक्षकावर टाकण्यात येणार आहे. अशा पोलीस अधिकाऱ्यांवर शिस्तभंगाची कारवाई केली जाईल, असा स्पष्ट इशारा आयुक्तांनी दिला आहे. पोर्शे अपघात प्रकरणानंतर पुण्यातील नाइटलाइफ आणि पब संस्कृतीवर लक्ष केंद्रित करण्यात आले असून, यावर नियंत्रण आणण्यासाठी कडक पावले उचलण्यात आली आहेत. त्यानंतरही अनेक पब ठरलेल्या वेळेपेक्षा उशिरापर्यंत सुरू असल्याच्या तक्रारी पोलीस आयुक्त कार्यालयात पोहोचत होत्या. ही परिस्थिती पाहता पोलीस आयुक्त अमितेश कुमार यांनी आता थेट कठोर भूमिका घेतली आहे. त्यांनी स्पष्टपणे सांगितले की, “पब नियमबाह्य सुरू राहिल्यास केवळ त्यांच्यावर नव्हे, तर त्या भागातील वरिष्ठ पोलीस निरीक्षकालाही जबाबदार धरले जाईल.” आयुक्तांनी पोलिसांना सूचना देताना, “केवळ पब मालकांवर कारवाई न करता, संबंधित पोलीस अधिकाऱ्यालाही उत्तरदायी धरलं जाईल. कायदा आणि शिस्त पाळण्यासाठी कडक पावलं उचलली जातील,” असा इशारा दिला आहे. या निर्णयामुळे पुण्यातील पोलीस विभागात हालचाल सुरू झाली असून, स्थानिक पोलीस निरीक्षक आता अधिक सतर्क झाले आहेत. तसेच पब चालकांमध्येही चिंता निर्माण झाली आहे, कारण यापुढे कोणतीही दिरंगाई त्यांच्या व्यवसायावर आणि परवान्यांवर गंभीर परिणाम करू शकते.

Newsworldmarathi Pune: राज्यात पुन्हा एकदा कोरोनाचा धोका गडद होताना दिसत आहे. पुण्यातील सांडपाणी प्रक्रिया केंद्रांमध्ये (Sewage Treatment Plants) कोरोनाचे विषाणू आढळल्याने खळबळ उडाली आहे. राष्ट्रीय रासायनिक प्रयोगशाळेने (NCL) दिलेल्या माहितीनुसार, पुण्यातील सर्व १० सांडपाणी प्रक्रिया केंद्रांमधील नमुन्यांमध्ये COVID-19 विषाणूचे अंश आढळले आहेत. या घटनेने शहरात कोरोनाचा संसर्ग वाढण्याचा धोका अधोरेखित केला आहे. एनसीएलचे मायक्रोबायोलॉजिस्ट डॉ. महेश एस. धर्ने यांनी सांगितले की, सांडपाण्यातील विषाणूंची पातळी कोरोना काळातील स्तराशी मिळतीजुळती आहे. याचा अर्थ असा की पुण्यात पुन्हा एकदा कोरोनाचा प्रसार होण्याचा धोका वाढत आहे. नागरिकांनी अलर्ट राहणे अत्यंत गरजेचे आहे, असं त्यांनी स्पष्ट केलं. कोविड ट्रॅकिंगसाठी ‘सांडपाणी निरीक्षण’ महत्त्वाचं माध्यम बनलं आहे. संक्रमित व्यक्तींच्या मलमूत्रातून SARS-CoV-2 चं जेनेटिक मटेरियल सांडपाण्यात मिसळतं आणि त्याच्या आधारे संपूर्ण समुदायातील संसर्गाचा अंदाज लावता येतो. विशेष म्हणजे, लक्षणं दिसण्यापूर्वीच संसर्ग पसरतो आहे की नाही हे समजते, ज्यामुळे वेळीच खबरदारी घेता येणं शक्य होतं. पहिला सैंपल २२ एप्रिल रोजी घेण्यात आला होता, जो पॉझिटिव्ह निघाला. त्यानंतर ६ मे रोजी घेतलेल्या सर्व नमुन्यांमध्येही कोरोनाचे अंश आढळले. हे पाहता सध्या क्लिनिकल चाचण्या न करता देखील शहरातील कोरोना संक्रमणाचे ‘रेअल टाइम’ संकेत मिळत असल्याचे सांगण्यात येत आहे. आरोग्य विभागासाठी ही माहिती अत्यंत उपयुक्त ठरते कारण यातून लक्षण नसलेले आणि निदान न झालेले रुग्ण सुद्धा ओळखता येतात. त्यामुळे प्रशासनाने आणि नागरिकांनी सावधगिरीचा इशारा म्हणून ही माहिती गांभीर्याने घेणे गरजेचे आहे.