Newsworldmarathi Mumbai : भारतीय जनता पक्षाच्या नेत्या आणि मंत्री पंकजा मुंडे यांनी आपल्या काकांना, भाजपचे ज्येष्ठ नेते दिवंगत प्रमोद महाजन यांना त्यांच्या स्मृतिदिनी सोशल मीडियाच्या माध्यमातून भावपूर्ण श्रद्धांजली अर्पण केली. पंकजा यांनी प्रमोद महाजन यांचा एक जुना फोटो शेअर करत त्यांच्या आठवणी जागवताना आपल्या भावना व्यक्त केल्या. या पोस्टमध्ये त्यांनी कोणताही राजकीय मुद्दा न मांडता केवळ कुटुंबीय नात्यातून आठवणींना उजाळा दिला.
पंकजा मुंडे यांनी लिहिले की, “तुमचं आयुष्य, तुमचा प्रवास, तुमचं नेतृत्व… सर्व काही आजही प्रेरणादायी आहे. तुम्ही दिलेला वारसा माझ्यासाठी मार्गदर्शक आहे.”
या भावनिक पोस्टवर अनेक भाजप समर्थक, कार्यकर्ते आणि सामाजिक माध्यमांवरील अनुयायांनी प्रतिसाद दिला असून, प्रमोद महाजन यांचे राजकीय योगदान आणि दूरदृष्टी याची आठवण करत त्यांना श्रद्धांजली वाहिली.
प्रमोद महाजन हे भाजपा पक्षाच्या स्थापनेपासून संघटनात्मक बांधणीसाठी झटणारे नेते होते. तंत्रज्ञान, संवाद आणि धोरण यामध्ये त्यांचा प्रभाव मोठा होता. आजही त्यांचे कार्य अनेकांना प्रेरणा देते.
Recent Comments