Newsworldmarathi Pune: पुणे महापालिकेच्या आयुक्तपदाची सूत्रे आता नवल किशोर राम यांच्या हाती जाणार आहेत. राज्य सरकारने त्यांची अधिकृत नियुक्ती केली असून, ते ३१ मे रोजी आयुक्तपदाचा कार्यभार स्विकारणार आहेत.
नवल किशोर राम हे 2003 बॅचचे आयएएस अधिकारी असून, याआधी ते पुण्याचे जिल्हाधिकारी म्हणून काम पाहत होते. त्यांच्या कार्यकाळात त्यांनी प्रशासनात प्रभावी निर्णयक्षमता दाखवत पुण्यातील विविध शासकीय कामकाजात महत्त्वाची भूमिका बजावली होती.
नुकतेच राम हे पंतप्रधान कार्यालयात कार्यरत होते. तिथून त्यांची पुणे महापालिकेच्या आयुक्तपदी नियुक्ती करण्यात आली आहे.
पुणे महापालिका ही राज्यातील एक महत्त्वाची महापालिका असून, येत्या निवडणुकांच्या पार्श्वभूमीवर आयुक्तपदावर येणाऱ्या अधिकाऱ्याची भूमिका फारच निर्णायक ठरणार आहे.
नवल किशोर राम यांच्या प्रशासनातील अनुभवामुळे पुण्यातील शासकीय आणि नागरी कामकाजात गती येण्याची अपेक्षा व्यक्त केली जात आहे.
Recent Comments