Newsworldmarathi Pune: पर्वती पायथा परिसरातील शिवाजी गदादे पाटील यांचे सुपुत्र प्रेमराज गदादे पाटील यांचा वाढदिवस अत्यंत उत्साहात आणि जल्लोषात संपन्न झाला. या वाढदिवसाचे औचित्य साधून सामाजिक, शैक्षणिक आणि राजकीय क्षेत्रातील विविध मान्यवरांनी कार्यक्रमास उपस्थित राहून शुभेच्छा दिल्या.
या प्रसंगी प्रेमराज यांच्या सामाजिक कार्याचा गौरव करण्यात आला. परिसरातील नागरिकांनी मोठ्या संख्येने उपस्थित राहून आपली भावना व्यक्त केली. कार्यक्रमस्थळी हजारो नागरिकांनी उपस्थिती लावली आणि प्रेमराज यांना पुढील वाटचालीसाठी शुभेच्छांचा वर्षाव केला.या वाढदिवसानिमित्त आरोग्य सेवा, विद्यार्थ्यांना शैक्षणिक मदत असे अनेक सामाजिक उपक्रम राबविण्यात आले.
प्रेमराज आणि प्रिया गदादे यांनी पत्रकारांशी संवाद साधताना, गेल्या काही वर्षांमध्ये त्यांनी केलेल्या सामाजिक कार्याचा थोडक्यात आढावा घेतला. शिक्षण, आरोग्य, महिला सक्षमीकरण, युवकांच्या मार्गदर्शन शिबिरांसारख्या उपक्रमांतून समाजसेवेचे कार्य सातत्याने सुरू असल्याचे त्यांनी सांगितले.
या समाजकार्याच्या बळावर आपण येणाऱ्या पुणे महानगरपालिका निवडणुकीसाठी सज्ज असून, जनतेच्या विश्वासाने पुढे जाण्याचा निर्धार असल्याचे प्रेमराज यांनी स्पष्ट केले.
वाढदिवसाच्या निमित्ताने झालेले हे सभासदांचे आणि समर्थकांचे संमेलन एकप्रकारे त्यांच्या राजकीय भवितव्याची नांदी ठरले असून, या सोहळ्याने परिसरात एक सकारात्मक ऊर्जा निर्माण केली आहे.
Recent Comments