Newsworldmarathi Pune : वैष्णवी हगवणे प्रकरणातील नवनवीन घडामोडी समोर येत असताना आता सावकार नानासाहेब गायकवाडची मायावी संपत्तीही उघड झाली आहे. पोलिसांनी गायकवाडच्या रोल्स रॉयस, रेंज रोवर, मर्सिडीज, ऑडी, पजेरो आणि इतर महागड्या गाड्या जप्त केल्या आहेत. या गाड्या चतु:शृंगी पोलीस ठाण्याच्या आवारात उभ्या आहेत.
नानासाहेब गायकवाडने सावकारीच्या जीवावर मोठं आर्थिक साम्राज्य उभारलं. लोकांकडून जमीनी ताब्यात घेणे आणि त्यावर व्याजाचे साम्राज्य उभे करणे, हेच त्याचं मुख्य आर्थिक चक्र होतं. याच माध्यमातून कोट्यवधींची संपत्ती त्याने जमवली होती.
गणेश आणि नानासाहेब गायकवाड (Ganesh nanasaheb gaikwad) या पिता-पुत्रांवर पुणे आणि पिंपरी चिंचवड पोलिसांनी चार वर्षांपूर्वी मोक्का अंतर्गत गुन्हे दाखल करून कारागृहात पाठवले होते. मात्र मागील दीड महिन्यापासून दोघंही पोलिसांना गुंगारा देत होते.
गायकवाडवर आधीच गुन्हे दाखल असून, आता वैष्णवी हगवणे प्रकरणात आयपीएस जालिंदर सुपेकर यांच्याकडून खंडणी मागितल्याचा गंभीर आरोप करण्यात आला आहे. त्यामुळे पोलिसांनी तात्काळ कारवाई करत त्याच्या मालमत्तेवर हात घातला.
Recent Comments