मोठा निर्णय…! कुंडमळा दुर्घटनेनंतर पुणे प्रशासन सतर्क; जिल्ह्यातील सर्व धोकादायक पूल पडणार?

Newsworldmarathi Pune: मावळ तालुक्यातील इंद्रायणी नदीवरील कुंडमळा पूल दुर्घटनेने पुणे जिल्हा हादरला असून, या घटनेनंतर प्रशासन ॲक्शन मोडमध्ये आले आहे. रविवारी (15 जून) घडलेल्या या अपघातात चार जणांचा मृत्यू झाला, तर 51 पर्यटक नदीच्या प्रवाहात वाहून गेले होते. सुदैवाने सर्वांना वाचवण्यात यश मिळाले, पण ही घटना प्रशासनाला जागे करणारी ठरली आहे. यानंतर जिल्हाधिकाऱ्यांनी जिल्ह्यातील सर्व धोकादायक पूल पाडण्याचा निणर्य घेतला आहे, तर पुणे महानगरपालिकेने पुलांच्या सुरक्षिततेवर लक्ष केंद्रीत केले आहे.

धोकादायक पुलांवर कात्री
कुंडमळा दुर्घटनेनंतर जिल्हा प्रशासनाने तातडीने पावले उचलली असून, संभाव्य धोका टाळण्यासाठी सर्व जुन्या आणि कमकुवत पुलांचे सर्वेक्षण करण्याचे आदेश दिले आहेत. धोकादायक ठरलेले पूल पाडून त्यांच्या जागी नवीन संरचनांचे बांधकाम करण्याचा निर्णय घेण्यात आला आहे. या उपाययोजनांमुळे नागरिकांमध्ये दिलासा निर्माण झाला आहे.

पालिकेची गती वाढवली
दरम्यान, पुणे महानगरपालिकेनेही पुलांच्या स्ट्रक्चरल ऑडिटला गती दिली आहे. यापूर्वी 98 मोठ्या पुलांचे ऑडिट पूर्ण झाले असून, त्यापैकी 38 पुलांच्या दुरुस्तीला सुरुवात झाली आहे. 11 पुलांची दुरुस्ती पूर्ण झाली असून, उर्वरित 62 पूल आणि 438 कल्व्हर्टचे ऑडिट बाकी आहे.

तज्ज्ञ सल्लागारांच्या नेमणुकीत होणारा विलंब लक्षात घेता, पालिकेने नव्या निविदा काढून या प्रक्रियेला वेग देण्याचा निर्णय घेतला आहे. या उपाययोजनांमुळे शहरातील सार्वजनिक संरचनेची सुरक्षितता लवकरच सुधारण्याची शक्यता आहे. या निर्णयांमुळे कुंडमळा दुर्घटनेसारख्या घटना पुन्हा होणार नाही, याची काळजी घेण्याचा प्रशासनाचा प्रयत्न असल्याचे दिसते.

प्रशासनाचे तातडीचे निर्णय
१) ५०० धोकादायक ठिकाणांची यादी
मुख्यमंत्री देवेंद्र फडणवीस यांनी पहिल्यांदाच पुणे जिल्ह्यातील ५०० मुलभूत धोका असलेल्या ठिकाणांवर विशेष लक्ष देण्याचे निर्देश दिले आहेत. यात पूल, वाहतूक मार्ग, पाण्याच्या प्रवाहामुळे प्रभावित ठिकाणे आणि कट्याराखाली येणारी जागा अनेक प्रकारे समाविष्ट आहेत.

२) संपूर्ण पूलांचा पुनरावलोकन आणि ढळणाऱ्या पूलांची रचना
पुणे जिल्हाधिकाऱ्यांनी सर्व जुने पूल संरचनात्मक तपासणीसाठी आदेश दिले आहेत; आढळल्यास, पूल ताबडतोब बंद, काढून टाकला किंवा नव्याने बांधला जाईल. तसेच उपमुख्यमंत्री एकनाथ शिंदे यांनी राज्यभरातील सर्व नदीवरील पूलांची तपासणी करण्याचा आदेश दिला आहे .