Newsworldmarathi Pune: छत्रपती शिवाजीनगर विधानसभा मतदारसंघातील जनवाडी जनता वसाहत येथे “मोफत छत्री वाटप उपक्रम” आयोजित करण्यात आला. या उपक्रमाचे आयोजन भारतीय जनता पक्षाचे ज्येष्ठ कार्यकर्ते मा. सतीश बहिरट (पाटील) यांनी केले होते. कार्यक्रमात आमदार सिद्धार्थ शिरोळे यांच्या हस्ते नागरिकांना छत्र्यांचे वाटप करण्यात आले.
या प्रसंगी उपस्थित नागरिकांशी संवाद साधताना आमदार शिरोळे म्हणाले की, “भारतीय जनता पक्षाच्या कार्यसंस्कृतीत सर्वसामान्य नागरिक केंद्रस्थानी ही संकल्पना केवळ घोषवाक्य नाही, तर ती आमच्या प्रत्यक्ष कृतीतून दिसून येते. अशा उपक्रमांद्वारे आम्ही मतदारसंघात सेवा आणि विकासाचा ठोस ठसा उमटवत आहोत.”
ते पुढे म्हणाले की, “सामान्य जनतेच्या दैनंदिन जीवनात थेट उपयोगी ठरणारे उपक्रम हेच खरे जनतेचे प्रतिनिधित्व आणि विकासाचे खरे प्रतिबिंब आहे. हीच आमची कार्यपद्धती आणि आमचे उद्दिष्ट आहे.”
कार्यक्रमात अपर्णा कुऱ्हाडे, संतोष काळे, विकास डाबी, सुरेश शिंदे, सुजित गोटेकर, रमेश भंडारी, शशिकांत अंबेडे आदी भाजप पदाधिकारी आणि कार्यकर्ते उपस्थित होते. नागरिकांनी या उपक्रमाचे स्वागत करत समाधान व्यक्त केले.
Recent Comments