Newsworldmarathi Pune: जागतिक योग दिनाचे औचित्य साधून प्रजापिता ब्रह्मकुमारी ईश्वरी विश्व विद्यालय यांच्या वतीने कोंढवा-येवलेवाडी क्षेत्रीय कार्यालयातील अधिकारी व कर्मचाऱ्यांसाठी योग शिबिराचे आयोजन करण्यात आले. या शिबिराचे आयोजन सहायक आयुक्त लक्ष्मण कादबाने यांच्या पुढाकाराने करण्यात आले.
शिबिरामध्ये लक्ष्मण कादबाने यांनी दैनंदिन जीवनातील योगाचे महत्व स्पष्ट करत प्रत्यक्ष प्रात्यक्षिकांद्वारे उपस्थितांना योगाभ्यासाचे मार्गदर्शन केले. यावेळी ब्रह्मकुमारी आश्विनी दीदी यांनी मनःशांतीचे महत्व पटवून दिले. जीवराज भाई यांनी शिबिराची प्रस्तावना सादर करत प्रजापिता ब्रह्मकुमारी ईश्वरी विश्वविद्यालय संस्थेचा थोडक्यात परिचय करून दिला.
कार्यक्रमाच्या यशस्वी आयोजनासाठी संस्थेचे पदाधिकारी आणि प्रशासन अधिकारी सुनील मोरे, वरिष्ठ आरोग्य निरीक्षक राजू दुल्लम, जालिंदर कदम, अधीक्षक राजकुमार कोंडे, कनिष्ठ अभियंता अशोक पवार यांची उपस्थिती लाभली. अधिकारी व कर्मचारी मोठ्या संख्येने या उपक्रमात सहभागी झाले.
कोंढवा-येवलेवाडी क्षेत्रीय कार्यालयाचे सहायक आयुक्त लक्ष्मण कादबाने यांनी सर्व उपस्थितांचे आभार मानले.
Recent Comments