इंटरॅक्ट क्लब अपटाऊनची मॉडर्न हायस्कूल मध्ये स्थापना.

Newsworld Pune : रोटरी क्लब अपटाऊनच्या वतीने प्रोग्रेसिव्ह एज्युकेशन सोसायटीच्या मॉडर्न हायस्कूल शिवाजीनगर येथील इयत्ता आठवी अ च्या वर्गात रोटरी इंटरॅक्ट क्लबची स्थापना करण्यात आली. या कार्यक्रम प्रसंगी डायरेक्टर युथ राजेंद्रकुमार सराफ, रोटरी क्लब अपटाऊनचे अध्यक्ष अरविंद मिठसागर, सचिव डॉ.राजेंद्र भारद्वाज, मुख्याध्यापक प्रकाश पाबळे, पर्यवेक्षक निवृत्ती गोपाळे, वर्गशिक्षिका ईशानी ढेरे आदी मान्यवरांच्या बरोबरच विद्यार्थी उपस्थित होते.

या कार्यक्रम प्रसंगी इंटरॅक्ट क्लबची स्थापना करण्यात आली. अध्यक्ष म्हणून कु.आदित्य धुळधुळे याची निवड करण्यात आली. सचिवपदी कु.वेदांत बारगजे याची निवड करण्यात आली. या प्रसंगी बोलतांना राजेंद्रकुमार सराफ यांनी मुलांमध्ये समाजकार्य करण्याची प्रेरणा व सामुहीक नेतृत्वविकास यासाठी या उपक्रमाचे आयोजन केल्याचे सांगितले. अरविंद मिठसागर यांनी या इंटरॅक्ट क्लबमुळे विद्यार्थ्यांचा व्यक्तिमत्व विकास होण्यास मदत मिळेल असे सांगितले.