Newsworldmarathi pune: लाजवाब लेडीज क्लबतर्फे बहुगुणी आणि लोकप्रिय अभिनेते कन्वलजीत सिंह यांच्या उपस्थितीत आयोजित प्रेरणादायी सत्राला सदस्यांनी उत्स्फूर्त प्रतिसाद दिला. साधेपणा, आत्मीयता आणि मैत्रीपूर्ण स्वभावाने मनं जिंकणारे कन्वलजीत यांनी आपल्या अभिनय प्रवासातील अनेक अनुभव, संघर्ष आणि आठवणी सहजपणे मांडत उपस्थितांना मंत्रमुग्ध केले.
कार्यक्रमादरम्यान त्यांनी चित्रपटसृष्टीतील प्रवास, कलाविश्वातील बदल, जीवनातील शिकवणी तसेच कुटुंब आणि मूल्ये या विषयांवर हृद्य शब्दांत संवाद साधला. त्यांचे स्पष्ट आणि जमिनीवरचे बोलणे सदस्यांसाठी प्रेरणादायी ठरले. दरम्यान, प्रश्नोत्तर सत्रात महिलांनी विविध प्रश्न विचारत संवाद रंगवला.
लाजवाब लेडीज क्लब हे महिलांसाठी रचनात्मकता, संस्कृती आणि समाजाभिमुख उपक्रमांचे अनोखे व्यासपीठ आहे. शिकणे–सामायिक करणे–जुळून राहणे या मूल्यांवर आधारित हा क्लब नेहमीच नवीन उपक्रम राबवत असतो. या कार्यक्रमाने पुन्हा एकदा सिद्ध केले की क्लब हा फक्त सामाजिक गट नसून एक सर्जनशील आणि सांस्कृतिक कुटुंब आहे.
यावेळी क्लब च्या फाउंडर कविता गोयल आणि ललिता अग्रवाल यांनी या कार्यक्रमासाठी विशेष प्रयत्न केले. क्लबच्या पदाधिकाऱ्यांनी कन्वलजीत सिंह यांचे मनःपूर्वक आभार मानले. त्यांच्या उपस्थितीमुळे हा सायंकाल अधिक खास आणि संस्मरणीय ठरल्याचे त्यांनी सांगितले
Recent Comments