लोकहिताच्या कामातून जनतेला दिलासा; छत्रपती शिवाजी महाराज महाराज्य समाधान शिबिर उत्साहात संपन्न

Newsworldmarathi Pune: सर्वसामान्य नागरिकांच्या शासकीय कामांना गती मिळावी तसेच विविध शासकीय योजना व सेवा एकाच ठिकाणी उपलब्ध व्हाव्यात या उद्देशाने आयोजित करण्यात आलेले *छत्रपती शिवाजी महाराज महाराज्य समाधान शिबिर* उत्साहात व नागरिकांच्या मोठ्या प्रतिसादात यशस्वीरित्या पार पडले.

या शिबिरामध्ये फेरफार, उत्पन्न दाखले, जात प्रमाणपत्र, आधार कार्ड दुरुस्ती, मतदान नोंदणी, आरोग्य सेवा, शासकीय योजना मार्गदर्शन, बँक खाते उघडणे, डीबीटी सेवा, रेशन कार्ड संबंधित कामे, पाणीपुरवठा आदी विविध सेवांचा लाभ नागरिकांनी घेतला. अनेक नागरिकांच्या समस्या जागेवरच सोडविण्यात आल्याने समाधान व्यक्त करण्यात आले.

कार्यक्रमास लोकप्रिय आमदार मा. श्री. सिद्धार्थदादा शिरोळे यांचे मार्गदर्शन लाभले. तसेच नगरसेवक रविंद्र सळेगावकर, नगरसेविका पूजाताई जागडे, नगरसेविका अमृताताई म्हेत्रे, सतीश बहिरट, शैलेश बडदे, योगेश बाचल, गणेश बगाडे, सुरेश शिंदे, विकास डाबी व सोमनाथ भोसले यांची उपस्थिती लाभली.

नागरिकांच्या समस्या तत्काळ मार्गी लावण्यासाठी विविध विभागातील अधिकारी व कर्मचाऱ्यांनी सकारात्मक सहभाग नोंदवत आवश्यक मार्गदर्शन केले. मोठ्या संख्येने उपस्थित राहून नागरिकांनी शिबिराला उत्स्फूर्त प्रतिसाद दिला.

सदर कार्यक्रमाचे आयोजन नगरसेविका व स्थायी समिती सदस्य निशा सचिन मानवतकर व सचिन मानवतकर यांनी केले होते. जनतेच्या सेवेसाठी अशाच लोकहिताच्या उपक्रमांद्वारे नागरिकांच्या समस्या सोडविण्यास कटिबद्ध असल्याची भावना यावेळी व्यक्त करण्यात आली.