Newsworldmarathi Pune : प्रत्येक काम करताना चांगले वाईट अनुभव येत असतात. पण आपल्याला चांगले काम करायचे असेल तर वाईट गोष्टीकडे लक्ष न देता आपल्या ध्येया कडे लक्ष केंद्रीत कर असा सल्ला माझा शुभम हा नेहमी मला देतो आणि माझा पाठीशी खंबीरपणे उभा असतो. त्यामुळे मी अशा ट्रोलिंगकडे लक्ष देत नसल्याचे माझी सरपंच निर्मला नवले यांनी सांगितले. स्टोरी डॉट कॉम या यु ट्यूब चॅनलला दिलेल्या मुलाखती वेळी त्या बोलत होत्या.
Oplus_131072
यावेळी त्यांनी गावात अनेक विकास कामे केली त्याचा आढावा दिला. शिवाय गावाकऱ्यांच्या साथीने गावात सर्वात जास्त कर संकलन करणारी आमची ग्रामपंचायत आहे. यावेळी जास्तीत जास्त महिलांनी राजकारणात यावे आणि समाजसेवा करावी असा सल्ला निर्मला नवले यांनी दिला.
गावात नळ पाणी पुरवठ्याचे काम पूर्ण करण्यात मला यश आले याचा मला खूप आनंद वाटतो. ही योजना तात्पुरती चालू न राहता कायम स्वरूपी कशी सुरु राहील या साठी मी आणि गावकरी मिळून टेकनॉलॉजीचा वापर करून नळ मिटर लावून घेतला आणि ही योजना मला यशस्वी करता आल्याचेही नवले यांनी सांगितले.
स्टोरी डॉट कॉमची निर्मला नवले यांची संपूर्ण मुलाखत पाहण्यासाठी खालील लिंकवर क्लिक करा….
https://youtu.be/YC_rEY5E_Jc?si=7OhcDjB4u2ospb6_
Newsworldmarathi Mumbai : मुंबईतून एक धक्कादायक घटना समोर आली आहे. रेल्वे रुळालगत भांडण करत असलेल्या तीन मित्रांपैकी दोघांनी रेल्वे रूळ ओलांडून पळून जाण्याचा प्रयत्न करताना वेगात आलेल्या लोकलच्या धडकेत दोघांचा जागीच मृत्यू झाल्याची घटना घडली आहे. ऐरोली व दिघा रेल्वे स्थानकांदरम्यान ही घटना घडली आहे. सागर संजीव सोनवणे (वय-२२), सचिन छबुराव रोकडे (वय-२४) अशी या अपघातात मृत्यू झालेल्या दोघांची नावे आहेत. या अपघाताप्रकरणी ठाणे रेल्वे पोलिसांनी आकस्मिक मृत्यूची नोंद केली आहे.
याबाबत अधिक माहिती अशी की, सागर सोनवणे आणि सचिन रोकडे हे ऐरोली नाका परिसरात राहत होते. रविवारी सायंकाळी ५ वाजण्याच्या सुमारास सागर आणि सचिन व त्यांचा तिसरा साथीदार नरेश सोनवणे (वय-२७) हे तिघेही ऐरोली व दिघा गाव या रेल्वे स्थानकांदरम्यान रेल्वे रुळाजवळ एकमेकांसोबत भांडण करत होते.
Oplus_131072
या भांडणादरम्यान नरेश दोघांना मारण्यासाठी त्यांच्या मागे धावला असता सागर आणि सचिन या दोघांनी त्याच्यापासून दूर पळून जाण्यासाठी रेल्वे रूळ ओलांडून जाण्याचा प्रयत्न केला. यावेळी ठाण्याच्या दिशेने जाणाऱ्या लोकलने सागर आणि सचिन या दोघांना जोरदार धडक दिली. या अपघातात गंभीर जखमी झालेल्या सागर व सचिन या दोघांचा मृत्यू झाला.
या अपघाताची माहिती रेल्वे पोलिसांना आणि आरपीएफच्या जवानांना मिळताच त्यांनी घटनास्थळी धाव घेऊन दोघांचे मृतदेह ठाणे येथील सिव्हील हॉस्पिटलमध्ये पुढील कार्यवाहीसाठी पाठवून दिले. या अपघाताप्रकरणी ठाणे रेल्वे पोलीस ठाण्यात आकस्मिक मृत्यूची नोंद करून पुढील कारवाई सुरू असल्याची माहिती वरिष्ठ पोलीस निरीक्षक अर्चना दुसाणे यांनी दिली आहे.
Newsworldmarathi Pune : समाजात प्रचंड असंवेदनशीलता, क्रूरता, हेवेदावे, माणूसकीचा अंत आणि अस्वस्थता माजवणाऱ्या घटना सातत्याने घडत आहेत. अशा घटना घडू नये असे वाटत असेल तर बालवायताच संवेदनशीलता हे मूल्य प्रत्येक शाळेत रुजवले गेले पाहिजे. माणूस म्हणून जगताना माणूसकीचा अर्थ प्रत्येक विद्यार्थ्याला समजला गेला पाहिजे तरच समाज सुखी आणि समृद्ध होईल असे प्रतिपादन शिवाजी खांडेकर यांनी केले.
नुकतेच राष्ट्र सेवा दल संचालित शिक्षण प्रशासक मंडळाच्या साने गुरुजी प्राथमिक शाळेत ” संवेदना निधी प्रदान समारंभ” पार पडला.त्या प्रसंगी ते बोलत होते.
Oplus_131072
मन समृद्ध माणसं समाज समृद्ध करतात, आदर्श मूल्य संस्कार हेच सामाजिक भान निर्माण करतात या उद्देशाने साने गुरूजी प्राथमिक शाळेत मधूकरराव निरफराके सहज शिक्षण प्रकल्पांतर्गत विविध उपक्रम राबविले जातात त्यापैकी सर्व समाजाला दिशादर्शक ठरावा असा हा संवेदना निधी उपक्रम नूकताच संपन्न झाला.
या उपक्रमांतर्गत दर शुक्रवारी संवेदनशीलता मूल्यावर अधारित एक कथा सांगितली जाते व दर शनिवारी प्रत्येक विद्यार्थ्याला एक रुपया आणण्याचे आवाहन केले जाते. वर्षभर हा निधी संवेदना निधी डब्यात टाकला जातो. जमा झालेला हा निधी दरवर्षी अंध, अपंग,वृद्धाश्रम अशा समाजातील दुर्लक्षित संस्थेला प्रदान करण्यात येतो.संवेदनशिलतेबरोबरच अशा दुर्लक्षित व्यक्तिंविषयी आपूलकी निर्माण व्हावी व आपणही समाजाचे काही देणे लागतो ही भावना विद्यार्थ्यांत निर्माण व्हावी हा या उपक्रमाचा उद्देश आहे.
या वर्षी हा निधी नर्हे येथील लुई ब्रेल अंध अपंग कल्याण संस्थेच्या आश्रमास प्रदान करण्यात आला. संस्थेचे प्रमुख अर्जून केंद्रे यांनी तो कृतज्ञतेने स्वीकारला.
सोबत शिक्षक,पालक व विद्यार्थ्यांनी “एक मूठ तांदूळ एक मूठ साखर” हा उपक्रम राबवत साधारण ५० -५० किलो तांदूळ व साखरही या संस्थेकडे सुपूर्द केली. यात इनरव्हील क्लब ऑफ पुणे प्लॅटीनमच्या कोषाध्यक्षा माधूरी बोरा, अध्यक्षा प्रिती शिरुडकर, चिटणीस वृषाली शिरूडकर, सदस्या संगिता गोवळकर यांचाही वाटा मोठा होता.
यावेळी व्यासपीठावर प्रशासक मंडळाचे सचिव मा शिवाजी खांडेकर, मुख्याध्यापक मीना काटे, सामाजिक कार्यकर्ते अमोल कुलकर्णी उपस्थित होते.कार्यक्रम यशस्वी करण्यासाठी संजय ससे, तेजस्विनी फूलफगर, विठ्ठल शेवते,शितल खेडकर, लक्ष्मी कांबळे यांनी परिश्रम घेतले.प्रास्ताविक मुख्याध्यापक मीना काटे यांनीकेले.सूत्रसंचालन सोपान बंदावणे यांनी केले तर आभार संगिता गोवळकर यांनी मानले.
Newsworldmarathi Pune : भोर तालुक्यातील काँग्रेसचे माजी आमदार राहिलेले संग्राम थोपटे मंगळवारी (दि. २२) मुंबईत भाजपात प्रवेश करणार आहेत. मुख्यमंत्री देवेंद्र फडणवीस, प्रदेशाध्यक्ष चंद्रशेखर बावनकुळे, कार्यकारी अध्यक्ष रवींद्र चव्हाण यांच्या प्रमुख उपस्थितीत थोपटे कमळ हातात घेणार आहेत.
Oplus_131072
दरम्यान, थोपटे यांच्या पक्षप्रवेशाला स्थानिक भाजप नेत्यांनी विरोध केला असून, घरात बाहेरचे पाहुणे जास्त झाले की घरातील लोकांना बाहेर झोपावे लागते, अशा शब्दांत नाराजी व्यक्त करणारे पत्र चंद्रशेखर बावनकुळे आणि कार्यकारी अध्यक्ष रवींद्र चव्हाण यांना लिहिले आहे.
पुण्यातील भोर तालुक्यात गेली ४० वर्षे वर्चस्व राखलेल्या थोपटे कुटुंबीयांच्या राजकारणाला २०२४ च्या विधानसभा निवडणुकीत घरघर लागली. संग्राम थोपटे यांचा पराभव झाला. अखेर भविष्याची राजकीय दिशा व गरज ओळखून संग्राम थोपटे यांनी भाजपमध्ये जाण्याचा निर्णय दोन दिवसांपूर्वी जाहीर केला. त्यानुसार, मंगळवार, २२ एप्रिल रोजी प्रदेश भाजप कार्यालयात थोपटे यांचा मुख्यमंत्री फडणवीस, प्रदेशाध्यक्ष बावनकुळे, चव्हाण यांच्या उपस्थितीत प्रवेश होत आहे.
तालुक्यातील गेली अनेक वर्षे काम करत असलेल्या भाजप कार्यकर्त्यांना विश्वासात न घेता बाहेरच्या लोकांना पक्षात घेतले जात आहे. ज्यांचा आयुष्यभर तिरस्कार केला ते आता आपल्यासोबत येत आहेत. घरात बाहेरचे पाहुणे जास्त झाले की घरातील लोकांना बाहेर झोपावे लागते, अशा शब्दांत नेत्यांनी वरिष्ठांकडे पत्राद्वारे नाराजी व्यक्त केली आहे.
नेत्यांच्या पायाशी लुडबूड करणारे लोक पुढे निघून जातात आणि हाडाचा कार्यकर्ता कायम दुर्लक्षित राहतो? हे असे का याचे उत्तर वरिष्ठांनी अवश्य द्यावे, असे या पत्रात म्हटले आहे.
पुणे : पुणे-सातारा महामार्गावरील राजगड वॉटर पार्क अँड रिसॉर्टमध्ये झिपलाईनवरुन पडून एका महिलेचा दुर्दैवी मृत्यू झाला. ही घटना 18 एप्रिल 2025 रोजी सायंकाळी घडली. तरल अरुण अटपळकर (वय 28) असे मृत तरुणीचे नाव आहे. या घटनेमुळे अटपळकर कुटुंबीयांवर दुःखाचा डोंगर कोसळला आहे. पार्कमध्ये पुरेशी सुरक्षा नसल्यामुळे हा अपघात झाला, असा आरोप नातेवाईकांनी केला आहे. पोलिसांनी सध्या आकस्मिक मृत्यूची नोंद केली असून, अधिक तपास करत आहेत.
अटपळकर कुटुंबीय सुट्ट्यांचा आनंद घेण्यासाठी राजगड वॉटर पार्कमध्ये गेले होते. तिथे झिपलाईन करताना तरलचा तोल गेला आणि ती खाली पडली. तिला तातडीने रुग्णालयात दाखल करण्यात आले, परंतु डॉक्टरांनी तिला मृत घोषित केले. या दुर्घटनेमुळे पार्कमधील सुरक्षा व्यवस्थेवर प्रश्नचिन्ह निर्माण झाले आहे.
तरलचे काका नंदकिशोर श्रीपती अटपळकर (वय 50) यांनी सांगितले की, उन्हाळ्याची सुट्टी असल्याने कुटुंबातील 12 सदस्य राजगड वॉटर पार्कमध्ये मजा करण्यासाठी गेले होते. प्रत्येकी 1200 रुपये प्रवेश शुल्क भरले. दिवसभर खेळ खेळले, जेवण केले आणि सायंकाळी झिपलाईन करण्याचं ठरलं. तरल उत्साहाने झिपलाईन करायला गेली, पण अचानक ती 25-30 फूट उंचीवरुन खाली सिमेंटच्या ब्लॉकवर पडली.
पोलिसांनी या घटनेचा तपास सुरू केला आहे. पुणे ग्रामीणचे पोलीस अधीक्षक पंकज देशमुख म्हणाले, “आमचे पथक राजगड वॉटर पार्कमधील तरुणीच्या मृत्यू प्रकरणाची चौकशी करत आहे. लवकरच अहवाल आल्यानंतर कारवाई सुरू करू. राजगड वॉटर पार्क अँड रिसॉर्ट सध्या बंद ठेवण्यात आले आहे. अशा घटना टाळण्यासाठी योग्य सुरक्षा उपाययोजना करणे आवश्यक आहे.”
बीड जिल्ह्यातील गुन्हेगारी संपायचं काही नाव घेत नसताना माजलगाव शहरातून आणखी एक धक्कादायक बातमी समोर आली आहे. आधी भाजपच्या पदाधिकाऱ्याची भरदिवसा निर्घृण हत्या, नंतर चिकन विक्रीच्या किरकोळ वादातून अल्पवयीन मुलाची हत्या तर आता बिल देण्यावरून झालेल्या क्षुल्लक वादातून हॉटेल मालकाची हत्या करण्यात आली आहे. महादेव गायकवाड (वय 54 वर्षे) असे हत्या झालेल्या व्यक्तीचं नाव आहे.
मिळालेल्या माहितीनुसार, बीड जिल्ह्यातील माजलगाव पुन्हा एकदा निर्घृण हत्येच्या घटनेने हादरले आहे. हॉटेल (ढाबा) मालक व त्याच्या मुलावर प्राणघातक हल्ला करण्यात आला आहे. ही घटना रविवारी (20 एप्रिल) रात्री उघडकीस आली. यात गंभीर जखमी असलेल्या बाप-लेकावर हॉस्पिटलमध्ये उपचार सुरू होते, यात महादेव गायकवाड यांचा मृत्यू झाल्याने खळबळ उडाली आहे. आशुतोष महादेव गायकवाड याच्यावर उपचार सुरू आहेत.
माजलगाव शहरापासून 4 किलोमिटर अंतरावर नागडगाव पाटी कॉर्नरवरील गावरान ढाबा मालक महादेव गायकवाड यांची एका टोळक्याने धारदार शस्त्राने सपासप वार करून हत्या केली. महादेव गायकवाड (रा. मंजरथ रोड, माजलगाव) हे रविवारी संध्याकाळी साडेसात वाजता हॉटेलमध्ये नेहमीप्रमाणे बसले होते. तितक्यात माजलगाव तालुक्यातील आनंदगाव येथील एका टोळक्याने बिल देण्यावरून महादेव गायकवाड यांच्याशी वाद घातला. वाद वाढला असता टोळक्याने महादेव गायकवाड यांच्यावर धारदार शस्त्राने सपासप वार केले. यात महादेव गायकवाड यांच्या डोक्याला गंभीर दुखापत झाली. टोळक्याने महादेव गायकवाड यांचा मुलगा आशुतोष याच्यावरही प्राणघातक हल्ला केला.
Newsworldmarathi pune : सध्या जागतिक स्तरावर सुरू असलेल्या आर्थिक अस्थिरतेमुळे सोन्याच्या दरात मोठी उसळी पाहायला मिळत आहे. चीन आणि अमेरिकेतील व्यापार युद्धामुळे गुंतवणूकदार सुरक्षित पर्याय शोधत असून, त्याचा परिणाम सरळपणे सोन्याच्या दरांवर होत आहे. परिणामी, आज सोन्याचा दर तब्बल 1,01,400 रुपये प्रति तोळा या ऐतिहासिक उच्चांकावर पोहोचला आहे.
लग्नसराईच्या पार्श्वभूमीवर आधीच सोन्याला मागणी (Gold Rate Increase) वाढलेली असताना आता दरवाढीमुळे सामान्य खरेदीदारांचे बजेट ढासळण्याची शक्यता आहे. केवळ शोभेची वस्तू म्हणून नव्हे, तर गुंतवणुकीसाठी सोनं खरेदी करणाऱ्यांच्या टेन्शनमध्येही लक्षणीय वाढ झाली आहे.
चीन-अमेरिका दरम्यान वाढणाऱ्या तणावामुळे जागतिक आर्थिक परिस्थितीत अस्थिरता निर्माण झाली आहे. जागतिक मंदी येण्याची शक्यता गुंतवणूकदारांना सतावत असून, अशा परिस्थितीत पारंपरिक व सुरक्षित गुंतवणूक म्हणून सोन्याकडे झुकाव वाढला आहे. त्यामुळे सोन्याची मागणी (Gold Rate) वाढत आहे आणि दरही झपाट्याने वर जात आहेत.
गुंतवणूक तज्ज्ञांच्या मते, येत्या काही महिन्यांतही सोन्याचे दर चढे राहू शकतात. त्यामुळे अधिक परतावा मिळवण्यासाठी अनेक तज्ज्ञांनी यापूर्वीच सोन्यात गुंतवणूक करण्याचा सल्ला दिला होता. हीच गोष्ट आता प्रत्यक्षात उतरतेय, असंही स्पष्ट होत आहे. त्यामुळे सोन्याची गुंतवणूक करणाऱ्यांसाठी हा योग्य काळ असू शकतो.
Newsworldmarathi Pune : पुण्यातील सर्वात विश्वासार्थ जेईई कोचिंग इन्स्टिट्यूट असलेल्या बाकलीवाल ट्यूटोरियल्सचा (BT) २० वर्षांचा यशस्वी प्रवास पुन्हा एकदा सार्थ झाला आहे. इयत्ता ८वी पासून बाकलीवाल विद्यार्थी असलेल्या आयुष रवी चौधरी यांने परिपूर्ण १०० पर्सेन्टाइल आणि ऑल इंडिया रँक (AIR 7) मिळवून महाराष्ट्रात प्रथम स्थान पटकावले आहे. पुणे शहरात दुसऱ्या क्रमांकावर असलेल्या सोहन चेलेकर यानेही AIR ६१ मिळवून बाकलीवालच्या यशोगाथेला भर घातली आहे.
एकूण 8 विद्यार्थ्यांनी कॉमन रँक लिस्टमध्ये टॉप ५०० मध्ये स्थान मिळवले आहे.
बाकलीवालच्या विद्यार्थ्यांची संख्या टॉप १०००/१०००० एकूण यादीत इतर कोणत्याही संस्थेपेक्षा लक्षणीय फरकाने अधिक आहे, हे महाराष्ट्रातील कोणत्याही संस्थेच्या सर्वोत्तम कामगिरीचे द्योतक आहे. ही यशस्वी कहाणी इथेच थांबत नाही. बाकलीवाल ट्यूटोरियल्सच्या 15 विद्यार्थ्यांनी ऑल इंडिया टॉप १००० मध्ये स्थान मिळवले असून, अनेकांनी १८ मे २०२५ रोजी होणाऱ्या जेईई ऍडव्हान्स २०२५ साठी कटऑफ पार केला आहे. हे यश संस्थेच्या संकल्पनात्मक समज, समस्या सोडवण्याच्या क्षमता आणि विद्यार्थ्यांच्या मानसिक सहनशक्तीवर असलेल्या अविचल लक्ष्याचे प्रतिबिंब आहे.
या निकालाबाबत बाकलीवाल ट्यूटोरियल्सचे संचालक वैभव बाकलीवाल म्हणाले, “मी नम्रतेने भारावून गेलो आहे. केवळ महाराष्ट्रातील पहिला क्रमांक आणि इतर उच्च रँकच नव्हे तर टॉप ५००० एकूण यादीतील विद्यार्थ्यांची संख्या मागील वर्षांपेक्षा लक्षणीय वाढली आहे. वर्षानुवर्षे केलेल्या सातत्यपूर्ण प्रयत्नांनंतर, संपूर्ण टीमसाठी हा क्षण खरोखर समाधानाचा आहे. जेईई ऍडव्हान्स २०२५ साठी पात्र ठरलेल्या सर्व विद्यार्थ्यांना माझ्या हार्दिक शुभेच्छा आणि त्यांना पुढील परीक्षेसाठी शुभेच्छा.”सात हा बाकलीवाल ट्यूटोरियलचा लकी नंबर असावा! चौथ्यांदा, बाकलीवाल ट्यूटोरियल्सच्या विद्यार्थ्याने (जेईई मेन आणि ऍडव्हान्स मिळून) मध्ये AIR 7 मिळवला आहे. याआधीही बाकलीवालच्या विद्यार्थ्यांनी AIR 2, 3 आणि 3 अशा उत्कृष्ट रँक मिळवून संस्थेच्या सातत्यपूर्ण उत्कृष्टतेची साक्ष दिली आहे. टॉपर आयुषचा भाऊ अक्षत हा देखील बाकलीवाल ट्यूटोरियलचा विद्यार्थी होता आणि त्याने आयआयटीकेमधून पदवी प्राप्त केली आहे.
जेईई मेन २०२५ मधील ही यशस्वी कामगिरी बाकलीवालच्या शैक्षणिक उत्कृष्टतेच्या प्रतिष्ठेला आणखी बळकटी देते. वर्षानुवर्षे जेईई मेन आणि जेईई ऍडव्हान्समध्ये सातत्याने उच्च रँक देणाऱ्या या संस्थेमध्ये विद्यार्थ्यांना अत्यंत पात्र शिक्षक मंडळ, सुविचारित अभ्यास साहित्य, नियमित चाचण्या, आनंददायी आणि प्रेरणादायी वातावरण आणि एकांतिक शंका निरसन सत्रांसारखी सोय मिळते.
Newsworldmarathi shirdi: ज्यांच्या चरणी श्रद्धा आणि सबुरीने नतमस्तक झाल्यावर माणसाचं जीवनच पालटतं, अशा साईनाथांच्या चरणी पुन्हा एकदा एका भक्ताने भक्तीचा अनमोल नजराणा अर्पण केला आहे. आंध्र प्रदेशमधील गुंटूर येथील साईभक्ताने श्री साईचरणी ७८८.४४ ग्रॅम वजनाचा आकर्षक नक्षीकाम केलेला सुवर्ण मुकुट अर्पण केला आहे. या नव्या अर्पणामुळे साई संस्थानकडे असलेल्या सुवर्ण मुकुटांची संख्या आता २८ वर पोहोचली आहे.
श्री साईबाबा संस्थानचे मुख्य कार्यकारी अधिकारी गोरक्ष गाडीलकर यांनी सांगितले की, साईचरणी अर्पण केलेल्या मुकुटाची किंमत अंदाजे ६८ लाख रुपये असून मुकुट अर्पण करणाऱ्या भाविकांच्या इच्छेनुसार त्यांचे नाव गुप्त ठेवण्यात आले आहे. साईबाबांच्या दानपेटीत सोने, रोकड, जड जवाहीर दान केले जाते. शनिवारी (दि. १९) आंध्र प्रदेश मधील गुंटूर येथील साईभक्ताने श्री साईचरणी ७८८.४४ ग्रॅम वजनाचा आकर्षक नक्षीकाम केलेला सुवर्ण मुकुट अर्पण केला आहे.
सुंदर कोरीव कलाकुसर केलेला हा सुवर्ण मुकुट आकर्षक आहे. मुकुटाच्या मधोमध ‘ओम’ लिहिलेले असून त्यावरती हिरवा तर खाली लाल रंगाची टिकली आहे. विविध कलात्मक पद्धतीने बारीकसारीक कोरीव काम सुवर्ण मुकुटावर केल्याचे दिसत आहे.
Newsworldmarathi Sambhajinagar: छत्रपती संभाजीनगर जिल्ह्यातून एक धक्कादायक घटना समोर आली आहे. चोरी केलेल्या दुचाकीच्या वादातून कुख्यात गुन्हेगाराने सतरा वर्षांच्या मुलासह त्याच्या मेहुण्याची दगडाने ठेचून निघृण हत्या केल्याची घटना घडली आहे. ही घटना बायजीपुरा भागातील गंजे शाहिदा मशिदीमागे शनिवारी (दि. १९) घडली आहे. याप्रकरणी पसार झालेल्या आरोपीला गुन्हे शाखा पोलिसांनी अटक केली आहे. शेख आसिफ शेख हाफीज असं अटक करण्यात आलेल्या आरोपीचे नाव आहे. याप्रकरणी इम्रान खान आरेफ खान याने तक्रार दाखल केली आहे.
पोलिसांनी दिलेल्या माहितीनुसार, इम्रान शनिवारी सकाळी चंपा चौकात उभा होता. तेव्हा त्याचा चुलत भाऊ मुज्जू खानने इम्रानला सांगितले की, तुझा भाऊ सलमान खान आरेफ खान व त्याचा मेहुणा सुलतान शेख इसा यांना तुझ्या काकाच्या घरासमोर कोणीतरी मारले असून, ते मृत झाले आहेत. हे ऐकताच इम्रानने तत्काळ घटनास्थळी धाव घेतली.
खुनाच्या घटनेपूर्वी सलमानचा चुलत भाऊ जुबेरला रात्री १२.३० वाजता आरोपी शेख आसिफचा कॉल आला होता. तेव्हा घाबरलेल्या जुबेरने त्याला आपण बुलढाणा येथे असल्याचे सांगितले. आसिफने फोनवर सुलतानबद्दल विचारणा केली होती. आपली दुचाकी सुलतान परत देत नाही. ती पोलिसांनी पकडली असून, त्यावरून पोलीस माझा शोध घेत आहेत.
त्यामुळे सुलतानला आपण सोडणार नसल्याची धमकीही आसिफने दिली होती. या कॉलनंतर आसिफ हा सुलतानचा शोध घेत गंजे शाहिदा मशिदीच्या मागे आला. शनिवारी पहाटे त्यांच्यात वाद झाल्यानंतर सलमान व सुलतानवर प्राणघातक हल्ला केला. या घटनेत त्याचा मृत्यू झाला. या घटनेने परिसरात मोठी खळबळ उडाली आहे.
