गौरव संविधानाचा’ कार्यक्रमातून उलगडला महामानवाचा संघर्षमय प्रवास
Newsworldmarathi Pune: भारतीय संविधानाच्या अमृत महोत्सवी वर्षानिमित्त विश्वभूषण डॉ. बाबासाहेब आंबेडकर सांस्कृतिक महोत्सव समिती, पुणे आणि रिपब्लिकन पार्टी आॅफ इंडिया (आठवले) तर्फे जागर संविधानाचा या उपक्रमाअंतर्गत आज ‘गौरव संविधानाचा’ या सांगीतिक कार्यक्रमाच्या माध्यमातून भारतीय राज्यघटनेचे शिल्पकार डॉ. बाबासाहेब आंबेडकर यांचा संघर्षमय जीवनप्रवास उलगडला, तसेच छत्रपती शिवाजी महाराज आणि महात्मा ज्योतिबा फुले यांच्या कार्याला ‘गौरव संविधानाचा’ मधून उजाळा देण्यात आला.
विश्वभूषण डॉ. बाबासाहेब आंबेडकर सांस्कृतिक महोत्सव समिती, पुणे आणि रिपब्लिकन पार्टी आॅफ इंडियाचे प्रदेश संघटक सचिव परशुराम वाडेकर, माजी उपमहापौर सुनीता वाडेकर यांच्या पुढाकारातून यांच्या वतीने छत्रपती शिवाजी महाराज, प्रियदर्शी सम्राट अशोक, महात्मा ज्योतिबा फुले आणि भारतरत्न डाॅ. बाबासाहेब आंबेडकर यांच्या जयंतीनिमित्ताने संयुक्त जयंती महोत्सव साजरा करण्यात येत आहे. या उपक्रमाअंतर्गत आज राजर्षी शाहू महाराज चौक बोपोडीमध्ये दिमाखदार सांगीतिक कार्यक्रम पार पडला. या कार्यक्रमाला पुण्यातील आंबेडकर प्रेमी जनतेची मोठी उपस्थिती होती. कार्यक्रमात सादर करण्यात आलेल्या एकाहून एक सुमधूर व दर्जेदार गीतांना उपस्थितांनी उत्स्फूर्त दाद दिली.
उदय साटम निर्मित – दिग्दर्शित ‘गौरव संविधानाचा’ या कार्यक्रमाची सुरुवात ‘नमस्कार घ्यावा अहो बुद्धदेवा’ या गीताने करण्यात आली, त्यांनंतर छत्रपती शिवाजी महाराज आणि डॉ. आंबेडकर यांच्यावरील ‘दोनच राजे इथे ….’ , महात्मा फुले यांच्या वरील ‘धन्य धन्य ते महात्मा फूले’, ‘बुद्ध -कबीर – भीमराव – फुले’ यासह डॉ. आंबेडकर यांचा संघर्षमय जीवणप्रवास विविध गीते आणि संगीत नाटिका मधून उलगाडण्यात आला. या कार्यक्रमाचे लेखन आणि निवेदन प्रतिक जाधव यांनी केले होते तर गायक दर्शन साटम, गायिका उमा गावड, स्वाती हरवंदे यांनी गाण्यांचे सादरीकरण केले तर संगीत संयोजन शरद वाणी, अभिजीत मोरे यांनी केले होते. यावेळी रिपब्लिकन पक्षाचे नेते शैलेन्द्र चव्हाण, सांसकर्तीक महोत्सव समितीचे सचिव दीपक म्हस्के यांच्यासह समितीचे पदाधिकारी आणि रिपब्लिकन पक्षाचे शिवाजीनगर पदाधिकारी, कार्यकर्ते उपस्थित होते.
दुर्दैवी घटना…! नदीपात्रात पाय घसरुन पडलेल्या विद्यार्थ्याचा मृत्यू; परिसर हळहळला
Newsworldmarathi Rajapur: राजापूर तालुक्यातील रायपाटण येथे १७ एप्रिल रोजी सकाळी नववीत शिकणाऱ्या विद्यार्थ्यांचा नदीच्या पात्रात पाय घसरून बुडून मृत्यू झाल्याची घटना घडली आहे. गंधार अमित पळसुलेदेसाई (१५ मु. रायपाटण, कदमवाडी) असे दुर्घटनेत मृत्यू झालेल्या विद्यार्थ्याचे नाव आहे. तो रायपाटण येथील जिजामाता विद्यामंदिरात इयत्ता नववीमध्ये शिकत होता.
याबाबत मिळालेल्या माहितीनुसार गंधार गुरुवारी सकाळी परीक्षा देऊन घरी निघाला होता. वाटेतच असलेल्या अर्जुना नदीवर हातपाय धुण्यासाठी मित्रांसमवेत तो गेला असता, नदीच्या पात्रातील एका दगडावर त्याचा पाय घसरला आणि तो पाण्यात बुडाला. या घटनेची माहिती मिळताच ग्रामस्थांनी तातडीने घटनास्थळी धाव घेतली. त्यांनी गंधारला पाण्यातून बाहेर काढले आणि नजीकच्या ग्रामीण रुग्णालयात दाखल केले.
मात्र, रुग्णालयात पोहोचण्यापूर्वीच त्याचा मृत्यू झाला असल्याचे डॉक्टरांनी घोषित केले. शवविच्छेदनानंतर गंधारचा मृतदेह त्याच्या कुटुंबियांच्या ताब्यात देण्यात आला. गुरुवारी १७ एप्रिल रोजी सायंकाळी रायपाटण येथील स्मशानभूमीत शोकाकूल वातावरणात गंधार याच्यावर अंत्यसंस्कार करण्यात आले. त्याच्या पश्चात आई, मोठा भाऊ, काका, आजी-आजोबा आणि इतर कुटुंबीय आहेत. दुःखद घटनेमुळे रायपाटण परिसरात सर्वत्र हळहळ व्यक्त होत आहे.
पुण्यातील काँग्रेसला मोठा धक्का; संग्राम थोपटे उद्या करणार ‘मन की बात’
Newsworldmarathi Pune : Sangram Thopate राज्यातील काँग्रेसच्या गोटातून एक मोठी बातमी समोर आली आहे. संग्राम थोपटे यांनी अखेर काँग्रेसला राजीनामा दिला आहे. शिवाय ते लवकरच भाजपमध्ये पक्ष प्रवेश करणार असल्याची माहिती पुढे आली आहे. हा पक्ष प्रवेश करण्याच्या आधी थोपटे यांनी उद्या (20 एप्रिल ) काँग्रेस पदाधिकाऱ्यांची बैठक बोलावली असून या बैठकीत ते पदाधिकारी आणि कार्यकर्ते यांच्याशी चर्चा करून ते आपली पुढील घोषणा करणार असल्याची शक्यता आहे. या बैठकीला तालुक्यातील सर्व समर्थक उपस्थित राहणार असल्याची ही चर्चा आहे. संग्राम थोपटे हे काँग्रेसचे बडे नेते असून ते तीन वेळा आमदार होते. तर त्यांचे वडील अनंतराव थोपटे हे सहा वेळा भोर विधानसभेचे आमदार होते. त्यामुळे पुण्याच्या राजकीय वर्तुळातील एक बडा नेता भाजपच्या वाटेवर असल्याने राज्यात हा काँग्रेसला मोठा धक्का असल्याचे बोलले जात आहे.
मागील काही दिवसांपासून:
थोपटे यांची केंद्रीय गृहमंत्री अमित शाह यांच्याशी झालेली भेट आणि त्यांच्या हालचालींनी भाजप प्रवेशाच्या चर्चांना वेग दिला होता. पुणे जिल्ह्यात काँग्रेससाठी हा मोठा धक्का मानला जात आहे, कारण थोपटे घराणं या मतदारसंघात अनेक वर्षांपासून प्रभावी राहिलं आहे.
भाजपच्या गोटात स्वागताची तयारी सुरू:
भाजपकडून त्यांच्या प्रवेशासाठी जोरदार तयारी सुरू आहे आणि थोपटे यांना महत्त्वाची जबाबदारी दिली जाण्याची शक्यता आहे.
कारखाना अडचणीत असल्याने भाजप प्रवेश?
संग्राम थोपटे अध्यक्ष असलेला राजगड सहकारी साखर कारखाना हा अडचणीत असल्याची माहिती आहे. या कारखान्याला राज्य सरकारने 80 कोटींचे मार्जिन लोन मंजूर केलं होतं. पण लोकसभेत संग्राम थोपटे यांनी सुप्रिया सुळे यांना मदत केली आणि सुनेत्रा पवार यांचा पराभव झाला. त्यानंतर अजित पवारांच्या विरोधाने त्यांच्या कारखान्याला जाहीर करण्यात आलेली मदत मागे घेण्यात आली होती.
मंगेशकर रुग्णालयासंदर्भातला तो अहवाल जाळून टाका; खासदार सुप्रिया सुळे संतापल्या
पुणे-दीनानाथ मंगेशकर रुग्णालय आणि डॉ. घैसास यांना वाचवणारा अहवाल जाहीर झाला आहे. त्याचा आम्ही निषेध करतो. या संदर्भात आमचे सहकारी प्रशांत जगताप हे न्यायालयात जात आहेत. त्यामुळे त्याचे मी जाहीर आभार मानते. एखाद्याची लेक, बायको, आई गेली आहे. असे असताना एखादा रिपोर्ट इतका चुकीचा कसा येऊ शकतो? असा प्रश्न खासदार सुप्रिया सुळे यांनी उपस्थित केला. एखादे सरकार महिलेबद्दल इतके असंवेदनशील कसे होऊ शकते? हे धक्कादायक असल्याचे सुप्रिया सुळे यांनी म्हटले आहे.
आम्ही तो अहवाल मानत नाही. त्या अहवालाला कचऱ्याच्या डब्यात नाहीतर जाळून टाकले पाहिजे, अशा शब्दात सुप्रिया सुळे यांनी संताप व्यक्त केला. प्रशांत जगताप या संदर्भात न्यायालयात लढत आहेत. आम्ही देखील त्यांच्या पाठीमागे ताकतीने उभे राहणार असल्याचे सुप्रिया सुळे यांनी म्हटले आहे. जोपर्यंत त्या महिलेला न्याय मिळत नाही, तोपर्यंत आम्ही स्वस्थ बसणार नाही. सरकार माणुसकी विसरले असेल, मात्र आम्ही माणुसकी विसरलो नसल्याचे सुप्रिया सुळे यांनी म्हटले आहे.
या संदर्भात सुळे म्हणाल्या की, जाहीर झालेल्या या अहवालावर आमचा विश्वासच नाही. त्यामुळे अहवालात काय आहे? काय नाही? यामध्ये आम्ही वेळ घालवणार नाही. आमच्या राज्यात एका बहिणीची हत्या झाली आहे. त्या राज्यात आम्ही पुन्हा दुसऱ्या लेकीची किंवा महिलेची हत्या होऊ देणार नाही. सरकारच्या वतीने आरोपींना वाचवले जात आहे, असा आरोप त्यांनी केला. आम्हाला न्याय मिळत नाही त्यामुळेच आम्हाला न्यायालयात जावे लागत आहे. या राज्यात सर्वसामान्य नागरिकांना न्याय मिळत नसेल तर आम्हाला न्यायालयात जावेच लागेल. वेळ पडली तर आम्ही रस्त्यावर उतरू. मात्र, ज्यांनी ज्यांनी आमच्या लेकीची हत्या केली, त्यांना शिक्षा मिळाल्याशिवाय आम्ही स्वस्थ बसणार नसल्याचे सुप्रिया सुळे यांनी म्हटले आहे.
खळबळजनक…! घरातून उचलून नेत अल्पवयीन मुलावर सामूहिक बलात्कार
Newsworldmarathi Ahilyanagar: अहिल्यानगर जिल्ह्यातून एक खळबळजनक घटना समोर आली आहे. मित्राच्या घरात झोपलेल्या अल्पवयीन मुलाला १२ जणांच्या टोळक्याने उचलून नेत त्याच्यावर सामूहिक बलात्कार केल्याची घटना घडली आहे. ही घटना रविवारी (दि.१४) मध्यरात्री केडगावमध्ये बाह्यवळण रस्त्यावरील नेप्ती मार्केटजवळील मोकळ्या जागेत घडली आहे.
धक्कादायक बाब म्हणजे अत्याचार करताना निर्दयी टोळक्याने त्याचे व्हिडिओ काढले. तसेच तिथे त्याला मारहाण करीत नग्न करून सामूहिक बलात्कार केला. याला जिवंत सोडून नका असे म्हणत कापडी पंचाने गळा आवळून ठार मारण्याचा प्रयत्नही त्यांनी केला. याप्रकरणी कोतवाली पोलिस ठाण्यात १२ जणांविरुद्ध गुन्हा दाखल करण्यात आला आहे.
एकनाथनगर येथील रावण साम्राज्य ग्रुपचा अध्यक्ष मयूर अनिल आगे, शाहरुख अन्सार पठाण, ओमकार ऊर्फ भैया राहिंज, रोहित पंडागळे, सोनू बारहाते, ऋषिकेश सातपुते (सर्व रा. केडगाव) यांच्यासह अन्य सहा जणांचा आरोपीमध्ये समावेश आहे. याबाबत पीडित युवकाने तीन दिवसांनंतर गुरुवारी (दि. १७) कोतवाली पोलिस ठाण्यात फिर्याद दिली आहे.
किरकोळ वादातून १२ जणांच्या टोळक्याने अल्पवयीन मुलाला मित्राच्या घरातून उचलून नेले. त्याला मारहाण करीत अनैसर्गिक अत्याचार केला. बेशुद्ध अवस्थेत मेला म्हणून सोडून दिल्याने सुदैवाने तो वाचला. या घटनेचं अधिक तपास कोतवाल पोलीस करत आहेत.
आई-वडिलांचे छत्र हरवलं; सासू सासऱ्यांनी वधूला आणण्यासाठी पाठवले हेलिकॉप्टर; धाराशिवमधील शेतकऱ्याची हटके स्टाईल
Newsworldmarathi Dharashiv : धाराशिव जिल्ह्यातील भूम तालुक्यातील पाथरूड येथे आई-वडिलांचे छत्र हरवलेल्या वधूचे आदरयुक्त स्वागत करण्यात आले आहे. या विवाह सोहळ्यासाठी सासरच्या मंडळींनी अस्मिताला पाथरूड येथून नळी वडगाव फाटा येथील विवाहस्थळी आणण्यासाठी चक्क हेलिकॉप्टर पाठवत सर्व पाहुण्यांना आश्चर्याचा धक्का दिला आहे.
अस्मिता तिकटे असं वधूचं नाव आहे. अस्मिता ही सर्वसामान्य शेतकरी कुटुंबातील मुलगी असून तिच्या लहानपणीच डोक्यावरील आई-वडिलांचे छत्र हरपले आहे. अस्मिताचा मामाने सांभाळ केला आणि तालुक्यातीलच आंतरवलीच्या तरुणाशी लग्न जुळवून या शेतकरी कन्येचा विवाह सोहळा धूमधडाक्यात पार पडला.
लग्नामध्ये चक्क नवरीसाठी पाठवले हेलिकॉप्टर
अस्मिता ही भूम तालुक्यातील पाथरूड या मूळ गावची आहे. तिचा तालुक्यातीलच आकाश शिकेतोड याच्याशी शुक्रवारी विवाह सोहळा संपन्न झाला. या माध्यमातून आई-वडिलांचे छत्र हरपलेली एक अनाथ मुलगी शिकेतोड घराण्याची सून झाली. मुलीचे मामा लहू दासू माने यांनी पालक म्हणून कन्यादान केले. अतिशय भारावून टाकणाऱ्या या सोहळ्यासाठी अंतरवली येथील शेतकरी भास्कर शिकेतोड यांनी त्यांच्या या मुलाच्या लग्नामध्ये चक्क नवरीसाठी हेलिकॉप्टर पाठवले.
मामानी केला सांभाळ
अस्मिताची आई सुशिला व वडील केशव तिकटे यांचे निधन झाले आहे. या दोघांच्या मृत्यूने अस्मिताच्या डोक्यावरील छत्र हरवले होते. मामा लहू दासू माने हेही सर्वसाधारण शेतकरी असताना यांनी अस्मिता हिचा लहानपणापासून सांभाळ करून पोटच्या मुलीप्रमाणे पालनपोषण करून तिचा विवाह थाटामाटात लावून दिला. अस्मिताच्या सासू-सासऱ्यांनीही यापुढील पालकत्व स्वीकारत तिला हेलिकॉप्टरमधून लग्नस्थळी आणून स्वागत केल्याच्या क्षणाने सगळेच भारावून गेले होते.
लेका शेतकऱ्याचा नाद करायचा नाही! मुलाची वरात थेट हेलिकॉप्टरने
Newsworldmarathi Dharashiv : लग्नसमारंभ म्हटलं की गडगडाट वाजंत्री, नाच-गाणी, आणि दमदार वरात यांचीच तर मजा असते. पण या सगळ्यात एक शेतकरी मात्र चांगलाच चर्चेत आला आहे — कारण त्याच्या स्वागताची स्टाईलच काहीशी वेगळी आणि भन्नाट होती!
या शेतकऱ्यानं आपल्या मुलाच्या लग्नात वाजतगाजत वरात आणण्याऐवजी यांच्याच लग्नात नवरदेवाची मिरवणूक थेट हेलीकॉप्टरने काढण्यात आल्याने पंचक्रोशीत या फिल्मी स्टाईल लग्नाची चर्चा झाली आहे. यामुळे शेतकऱ्याने आपल्या मुलाची हौसच पूर्ण केली आहे.
गावकऱ्यांनी कौतुकाने म्हटलं – “लेका शेतकऱ्याचा नाद करायचा नाही!” या हटके स्वागतामुळे फक्त नववधूच नव्हे, तर पाहुणे आणि सोशल मीडियावरचे युजर्सही भारावून गेलेत.
धाराशिव जिल्ह्यातील एका शेतकऱ्याची हौस म्हणून त्याने आपल्या मुलाच्या लग्नाची मिरवणूक थेट हेलिकॉप्टरने काढली आहे. यामुळे याची जोरदार चर्चा सुरु आहे. धाराशिवच्या भूम तालुक्यातील अंतरवली गावातील शेतकरी भास्कर शिकेतोड या शेतकऱ्याने आपल्या मुलाच्या लग्नासाठी थेड हेलीकॉप्टर मागवला आहे.
भास्कर शिकेतोड यांनी त्यांच्या मोठ्या मुलाच्या लग्नात ही हेलीकॉप्टरमधून मिरवणूक काढाली होती, असे त्यांनी स्वतः सांगितले. भास्कर शिकेतोड यांच्या स्वतःच्या लग्नात त्यांची मिरवणूक मोटारसायकलवरुन काढण्यात आली होती. आपली हौस भागवण्यासाठी त्यांनी आपल्या मुलांच्या लग्नात हेलीकॉप्टरने मिरवणूक काढली. यामुळे याची जिल्ह्यात चर्चा सुरु आहे.
Beed crime : बाबासाहेब आगे खून प्रकरणात नवा ट्विस्ट; आरोपीच्या पत्नीने सांगितले सत्य
Newsworldmarathi Beed : बाबासाहेब आगे यांच्या खून प्रकरणात आता एक वेगळं आणि धक्कादायक वळण समोर आलं आहे. बीडच्या माजलगाव तालुक्यातील किटी आडगाव ग्रामपंचायतीचे सदस्य व भाजपचे बूथ विस्तारक असलेले बाबासाहेब आगे यांची हत्या १५ एप्रिल रोजी भरदिवसा करण्यात आली होती. ही घटना स्वामी समर्थ मंदिराजवळील भाजप कार्यालयाजवळ घडल्याने परिसरात खळबळ माजली होती. आरोपी नारायण शंकर फपाळ याने पुढाकार घेऊन स्वतःहून पोलीस ठाण्यात हजर होत, “मीच हत्या केली” अशी कबुली दिली होती.
नवीन वळण काय आहे?
सुरुवातीला ही घटना राजकीय द्वेषातून घडल्याचा संशय होता. मात्र, पोलिसांच्या प्राथमिक तपासानंतर समोर आलेल्या माहितीप्रमाणे, नारायण फपाळ याला आपल्या पत्नीवर आणि बाबासाहेब आगे यांच्यावर ‘अनैतिक संबंधाचा’ संशय होता. याच संशयातून त्याने ही हत्या केली, असे समजले जात आहे.
आरोपीच्या पत्नीने सांगितले खरं कारण
आता आरोपी नारायण फपाळ याच्या पत्नीने हत्येचे खरे कारण सांगितले असून बाबासाहेब आगे हे मला भावाप्रमाणे होते, त्यांनी केवळ भाऊ म्हणून आम्हाला मदत केली. माझ्या पतीला दारुचे व्यसन आहे. यातून ते नेहमी मला शिवीगाळ करायचे. गावातील काही व्यक्तींचे नाव घेवून संशय घ्यायचे. आगे यांच्याबद्दल देखील त्यांच्या मनात संशय होता. यातूनच हा प्रकार घडला, असे फपाळच्या पत्नीने म्हटले आहे. तर बाबासाहेब आगे हे मला भावाप्रमाणेच होते, असे देखील या महिलेने सांगितले आहे.
आरोपीच्या पत्नीनेही काही महत्त्वाचे खुलासे केले असून, तिचे जबाब पोलिसांकडून नोंदवले जात आहेत. यामुळे हा खून वैयक्तिक सूडातून झाला की यामागे अजून काही मोठं षडयंत्र आहे, हे शोधण्यासाठी तपास अधिक खोलात चालू आहे.
सुप्रसिद्ध न्युरोसर्जन डॉ. शिरीष वळसंगकर यांची डोक्यात गोळ्या झाडून आत्महत्या
Newsworldmarathi Solapur : सोलापूर येथील प्रसिद्ध न्युरोसर्जन डॉ. शिरीष पद्माकर वळसंगकर यांनी १८ एप्रिल २०२५ रोजी सायंकाळी आत्महत्या केली.
सोलापूरचे पोलीस आयुक्त एम. राजकुमार यांच्याकडून मिळालेल्या प्राथमिक माहितीनुसार, सायंकाळी साडेआठच्या सुमारास त्यांनी त्यांच्या राहत्या घरी असलेल्या बाथरूममध्ये स्वतःच्या परवानाधारक रिव्हॉल्व्हरने डोक्यात गोळी झाडून घेतली.
गोळी लागल्यानंतर त्यांना तातडीने त्यांच्या स्वतःच्या वळसंगकर सुपरस्पेशालिटी हॉस्पिटलमध्ये नेण्यात आले, मात्र उपचारादरम्यान त्यांचा मृत्यू झाला आहे.
अहवालांनुसार, डॉ. वळसंगकर हे काही दिवसांपासून तणावाखाली होते, मात्र त्यांनी आत्महत्येसारखा टोकाचा निर्णय का घेतला, याचे नेमके कारण अद्याप स्पष्ट झालेले नाही.
डॉ. वळसंगकर हे सोलापूरच नव्हे तर आंतरराष्ट्रीय स्तरावरही प्रसिद्ध आणि प्रतिष्ठित न्यूरोसर्जन होते. त्यांच्या जाण्यामुळे वैद्यकीय क्षेत्रात मोठी पोकळी निर्माण झाली आहे. ते सोलापूरमधील वळसंगकर सुपरस्पेशालिटी हॉस्पिटलचे संस्थापक होते. त्यांनी शिवाजी विद्यापीठातून एमबीबीएस आणि एमडी पदवी प्राप्त केली होती, तसेच लंडनच्या रॉयल कॉलेज ऑफ फिजिशियनकडून एमआरसीपी ही पदवीही मिळवली होती. त्यांचे पुत्र डॉ. अश्विन आणि सून डॉ. सोनाली दोघेही न्यूरोलॉजिस्ट आहेत.
डॉ. वळसंगकर यांचे कार्य हे समर्पण, गुणवत्ता, आणि सेवाभावाचे प्रतीक होते. त्यांच्या जाण्याने सोलापूर व संपूर्ण वैद्यकीय क्षेत्रात एक मोठी पोकळी निर्माण झाली आहे, जी सहज भरून निघणे कठीण आहे.
त्यांच्या मागे पत्नी, मुलगा सुन आणि मुली असा परिवार आहे.सध्या पोलिसांकडून या घटनेचा सविस्तर तपास सुरू आहे.
दिल्लीत 4 मजली इमारत पत्त्याच्या पानासारखी कोसळली; 4 जणांचा दुर्दैवी मृत्यू
Newsworldmarathi delhi : Mustafabad Building Collapsed: दिल्लीतील न्यू मुस्तफाबादमध्ये एक मोठी दुर्घटना घडली आहे. शक्ती विहारमध्ये एक चार मजली इमारत कोसळली. या दुर्घटनेमध्ये 4 जणांचा मृत्यू झाला आहे. ढिगाऱ्याखाली 8 ते 10 जण अडकल्याची शक्यता वर्तवली जात आहे. एनडीआरएफ आणि अग्निशमन विभागाच्या कर्मचाऱ्यांनी ढिगाऱ्यातून चार मृतदेह बाहेर काढण्यात आले आहेत. बचाव पथकाकडून मदतकार्य सुरू आहे.
नेमकं काय घडलं…
न्यू मुस्तफाबाद येथील शक्ती विहारमध्ये चार मजली इमारत कोसळल्याची घटना मध्यरात्रीच्या सुमारास घडली. अग्निशमन दलाला शुक्रवार आणि शनिवारी रात्री 2:50 वाजता इमारत कोसळल्याची माहिती मिळाली. माहिती मिळताच दिल्ली अग्निशमन सेवा विभागाने तात्काळ अग्निशमन दलाच्या गाड्या आणि एनडीआरएफ पथके घटनास्थळी दाखल झाली. 40 हून अधिक जण बचावकार्य करत आहेत.
