News World Marathi© 2024 Newsworld मराठी बाह्य इंटरनेट साइट्सच्या सामग्रीसाठी आम्ही जबाबदार नाही. बाह्य लिंक्सबद्दल आम्हाल काय वाटतं? इथे वाचा. बाह्य लिंक्सबद्दल आम्हाल काय वाटतं? इथे वाचा.

Newsworld Pune : संपत्ती व समृद्धीसाठी आवश्यक अशा महत्त्वाच्या गोष्टींची जाणिव करून देण्याचे काम वन्नेस मूव्हमेंटच्या वतीने करण्यात येते. वन्नेस मूव्हमेंटचे संस्थापक मुक्ती गुरु श्री. कृष्णाजी यांच्या “एक्सपिरीयन्स एनलाईटेनमेंट” या कार्यक्रमाचे आयोजन येत्या 8 डिसेंबर 2024 रोजी करण्यात आल्याची माहिती वन्नेस मूव्हमेंटच्या महाराष्ट्र प्रमुख रोमा दासाजी यांनी पत्रकार परिषदेत दिली. या पत्रकार परिषदेला ॲड वसंत पाटील, उद्योजक दत्ता बोडके, तृप्ती शहापूर, शेफ सर्वेश जाधव आदि मान्यवर उपस्थित होते. कार्यक्रमांबद्दल अधिक माहिती देताना रोमा दासाजी म्हणाल्या, कृष्णाजी, त्यांच्या पत्नी प्रीताजी यांच्यासह, वन्नेस संस्थेचे सह-संस्थापक आहेत. ते ज्ञानी ऋषी आणि गूढवादी, चेतनेचे तंत्रज्ञ आणि ज्ञानाचे जागतिक केंद्र असलेल्या एकमचे सह-संस्थापक आहेत. त्यांनी ध्यान, अंतर्दृष्टी, प्रक्रिया आणि पद्धतींची संपूर्ण परिसंस्था स्थापन केली आहे. जी असंख्य समस्यांचे निराकरण करण्यात, विपुलतेला चालना देण्यासाठी आणि व्यक्तींना चेतनेच्या शक्तिशाली अवस्थेत मार्गदर्शन करण्यास मदत करते. ते जागतिक नेते, साधक आणि जगभरातील लाखो तरुणांना मार्गदर्शन करतात. प्रबोधनाची उत्कट इच्छा जागृत करण्यासाठी ते सध्या 6 खंडांमध्ये जगाच्या दौऱ्यावर आहेत आणि त्यांच्या जागतिक दौऱ्याचा एक भाग म्हणून पुणे शहराला भेट देत आहेत. मुक्ती गुरु श्री.कृष्णाजी यांच्या नेतृत्वाखालील हा ४ तासांचा “एक्सपिरीयन्स एनलाईटेनमेंट” कार्यक्रम तुमच्यासाठी ऐश्वर्य चैतन्याचे एक प्रवेशद्वार म्हणून कार्य करते. तुमची आंतरिक स्थिती तुमच्या जीवनात घटना आणि परिस्थिती यावर भाष्य करते. जर तुम्ही संकटाचे, समस्यांचे प्रगतीमध्ये रूपांतर करू इच्छित असाल तर चैतन्याच्या शक्तिशाली अवस्थेला जागृत करण्यासाठी हा कार्यक्रम एक प्रेरणा असेल. ८ डिसेंबर २०२४ रोजी संध्याकाळी ४ ते रात्री ८ यावेळेत मुहूर्त लॉन्स सर्व्हे क्र. १२६, फ्लेम रिंग रोड, खंडोबा मंदिराजवळ, मुंडे वस्ती, बावधन, पुणे येथे होणार आहे. उद्योजक, व्यावसायिक, शिक्षक, पालक, विद्यार्थी, ध्यान करणारे व्यक्ती किंवा आर्थिक व वैयक्तिक बदल शोधणाऱ्या प्रत्येकासाठी हा कार्यक्रम उपयुक्त असून कार्यक्रम सर्वांसाठी विनामूल्य असल्याचे रोमा दासाजी यांनी सांगितले.

Newsworld Pune : भारतीय जनता पक्षाच्या गटनेतेपदी देवेंद्र फडणवीस यांची निवड झाल्या निमित्त पुण्यातील अलका टॉकीज चौकात भाजपच्या वतीने जल्लोष साजरा करण्यात आला. पुणे भाजप शहराध्यक्ष धीरज घाटे यांनी कार्यकर्त्यांसह स्वतः ढोल वादन करत देवेंद्र फडणवीस यांची मुख्यमंत्रीपदी वर्णी लागल्या निमित्त आनंद साजरा केला. यावेळी पुणे शहर सरचिटणीस , ,पुनीत जोशी, राघवेंद्र मानकर, राजेंद्र शिळीमकर, राहुल भंडारे, सुभाष जंगले,वर्षा तापकीर, प्रमोद कोंढरे,,रवींद्र साळे गावकर गणेश घोष,माजी नगरसेवक जयंत भावे आदित्य माळवे, अजय खेडेकर, राजेंद्र काकडे, पुष्कर तुळजापूरकर,राजू परदेशी ,प्रणव गंजीवाले, उमेश शाह, दिलीप उंबरकर, संदीप काळे उपस्थित होते. घाटे म्हणाले, देवेंद्र फडणवीस हे राज्याचे तिसऱ्यांदा मुख्यमंत्री पदावर विराजमान होत आहे. राज्यातील युवक आणि महिला यांचा सन्मान आणि उद्धार करण्यासाठी फडणवीस यांची निवड पदावर करण्यात आली आहे. राज्यातील लाडकी बहीण यांना त्यांचा हक्काचा देवाभाऊ मिळणार आहे. पुण्यातील सर्व पदाधिकारी आणि लोकप्रतिनिधी असे मोठ्या प्रमाणात कार्यकर्ते शपथविधीसाठी उद्या मुंबई मध्ये जाणार आहे. देवेंद्र फडणवीस हे समाजातील सर्व घटकांना सोबत घेऊन यापुढील काळात वाटचाल करतील. 2014 ते 2019 या दरम्यान देवेंद्र फडणवीस यांनी यशस्वीपणे राज्याची धुरा सांभाळलेली आहे .त्यामुळे ते पुन्हा एकदा चांगल्याप्रकारे राज्याला विकासाच्या वाटेवर नेतील असा विश्वास राज्यातील जनतेला आहे. लाडक्या बहिणी सोबत लाडके भाऊ देखील भाजपच्या पाठीशी विधानसभा निवडणूकीत राहिलेली आहे. महायुतीला राज्यात ऐतिहासिक यश मिळालेले असून विरोधकांचा सुफडा साफ झालेला आहे.

Newsworld Pune : बालाजीनगरला अतिरिक्त भुयारी मेट्रो स्टेशन, “स्वारगेट-कात्रज” मेट्रो मार्गिकेला सुधारित मान्यता देण्यात आली आहे. पुणे मेट्रो रेल प्रकल्पाच्या “स्वारगेट ते कात्रज” (टप्पा क्र. २) भुयारी मेट्रो मार्गिकेत आता ४ भुयारी मेट्रो स्थानके असणार आहेत, ज्यामध्ये बालाजीनगर हे नवीन स्टेशन समाविष्ट करण्यात आले आहे. हा निर्णय सुधारित प्रकल्प आराखड्यांतर्गत घेतला गेला असून, प्रकल्पाच्या अंमलबजावणीसाठी आर्थिक सहभाग मान्य करण्यात आला आहे. अतिरिक्त भुयारी स्टेशन: बालाजीनगर हे अतिरिक्त भुयारी स्टेशन मेट्रो प्रवास अधिक सुलभ आणि सोयीस्कर करण्यासाठी प्रस्तावित करण्यात आले आहे. स्थायी समितीचा प्रस्ताव: या प्रकल्पासाठी सुधारित प्रस्ताव स्थायी समितीसमोर मान्यतेसाठी ठेवण्यात आला आहे.समितीकडून मंजुरी मिळाल्यानंतर प्रकल्पाच्या पुढील टप्प्यांवर काम सुरू होईल. -स्थानिक प्रवाशांना मोठा लाभ: बालाजीनगर भागातील रहिवाशांना मेट्रो स्टेशनमुळे अधिक सोयीचा व जलद प्रवास शक्य होणार आहे. – वाहतुकीवरील ताण होणार कमी : या स्थानकामुळे स्वारगेट-कात्रज भागातील वाहतूक समस्या कमी होण्यास मदत होईल. – आर्थिक कार्यक्षमतेची खात्री: महापालिकेवर कोणतेही अतिरिक्त आर्थिक ओझे नसल्याने हा प्रकल्प आर्थिकदृष्ट्या शाश्वत ठरण्याची अपेक्षा आहे. या निर्णयामुळे पुणेकरांसाठी सार्वजनिक वाहतुकीचा दर्जा सुधारेल व मेट्रो प्रकल्पाचा विस्तार अधिक प्रभावी ठरेल.

Newsworld Pune : आंतरराष्ट्रीय अपंग दिनाचे औचित्य साधून दिव्यांग व कर्णबधिर विद्यार्थ्यांसाठी “आनंदाची सहल” उपक्रमाचे आयोजन करण्यात आले होते. एकनाथ शिंदे फाउंडेशनच्या वतीने हडपसर मतदारसंघातील महाराष्ट्र फेलोशिप ऑफ डीफ, पुणे या संस्थेतील विद्यार्थ्यांसाठी विशेष सहलीचे आयोजन करण्यात आले होते. दिव्यांग व कर्णबधिर विद्यार्थ्यांना अभ्यासात्मक व प्रेरणादायी स्थळांना भेटी देण्याची संधी मिळावी या उद्देशाने “आनंदाची सहल” उपक्रम राबविण्यात आला. या उपक्रमाचे आयोजन शिवसेनेचे शहर प्रमुख प्रमोद नाना भानगिरे यांच्या पुढाकाराने करण्यात आले. विविध वयोगटातील विद्यार्थी व विद्यार्थिनींनी या सहलीत सहभाग घेतला. या उपक्रमामुळे विद्यार्थ्यांना शैक्षणिक व सामाजिक जाणीवेचा अनुभव मिळाला तसेच त्यांचा आत्मविश्वास वाढीस लागला. हा उपक्रम विद्यार्थ्यांसाठी उत्साहवर्धक ठरला असून, अशा प्रयत्नांमुळे दिव्यांग विद्यार्थ्यांच्या शिक्षण व सामाजिक सहभागामध्ये सकारात्मक बदल होण्यास मदत होईल असे मत नाना भानगिरे यांनी सांगितले.

Newsworld Mumbai : काँग्रेस नेते पृथ्वीराज चव्हाण यांनी माजी सरन्यायाधीश धनंजय चंद्रचूड यांच्यावर खोचक शब्दांत टीका केली आहे. “माजी न्यायमूर्ती धनंजय चंद्रचूड यांच्याकडून आमच्या खूप अपेक्षा होत्या. पण निर्णय न घेऊन त्यांनी लोकशाहीचा गळा घोटला”, अशी टीका पृथ्वीराज चव्हाण यांनी केली. पृथ्वीराज चव्हाण म्हणाले. “भारतीय लोकशाही बळकट असली पाहिजे असं सर्वांचं मत आहे. प्रत्येकाच्या मनात ईव्हीएमबद्दल शंका आहे. या वर्षाच्या सुरुवातीला मोदींनी निवडणूक आयुक्त नेमण्याचा कायदा बदलला. तक्रार करायची कोणाकडे? निवडणूक आयोगाची जबाबदारी आहे. पण त्यांच्यावर विश्वास राहिला नाही”, अशी टीका पृथ्वीराज चव्हाण यांनी केली. या देशातील लोकशाही सर्वात मोठी लोकशाही म्हणून आपण काम करतोय. त्या लोकशाहीला गंभीर धोका निर्माण झालाय. विधानसभा निकाल अनपेक्षित लागले. आणीबाणीबद्दल अनेक वेळा काँग्रेसने माफी मागितली आहे. या निवडणुकीत विरोधात वातावरण नव्हतं. ही निवडणूक अत्यंत महत्त्वाची होती. हरियाणा आणि महाराष्ट्रात जर भाजप विरोधात सत्ता गेली तर केंद्रातील सरकारला धोका होणार होता. निकाल लागल्यानंतर अनेक उलटसुलट चर्चा सुरु आहेत. बाबा आढाव यांनी आंदोलन केलं. या देशात लोकशाही नांदतेय हे सिद्ध करणं निवडणूक आयोग आणि सरकारची जबाबदारी आहे”, असं पृथ्वीराज चव्हाण म्हणाले. “माझा 2019 चा ईव्हीएमबद्दलचा माझा जुना व्हिडीओ दाखवला जातोय. ईव्हीएम मशीनमध्ये ट्रान्समीटर आणि रिसिव्हर नाही अशी माझी माहिती आहे. मतदान झाल्यानंतर ईव्हीएम हॅक करता येणार नाही ,असं माझं मत त्यावेळी होतं. जगात अशी मशीन कुठेही निवडणुकीसाठी वापरली जात नाही. माझी मागणी अशी आहे, 100 टक्के VVPAT ची मोजणी करा. खर्च होईल, काही दिवस लागतील. पण हे करा. तुम्ही जर केलं नाही तर संशय वाढणार आहे”, असंही पृथ्वीराज चव्हाण म्हणाले पक्षांतर बंदी कायद्याचा सर्वात मोठा निर्णय होता, तो झाला नाही”, असं पृथ्वीराज चव्हाण म्हणाले. तसेच “लोकशाहीचा जर खून झाला तर संविधानाला काही अर्थ राहणार नाही.

Newsworld Mumbai : शिंदे-फडणवीस सरकारमध्ये गृहखात्याच्या वाटपावरून सुरु असलेल्या वादावर आता तोडगा निघाल्याचे दिसत आहे.सूत्रांच्या माहितीनुसार, गृहखातं देवेंद्र फडणवीस यांच्याकडेच राहणार आहे. गेल्या काही दिवसांपासून गृहमंत्री पदाच्या वाटपावरून शिंदे गट आणि भाजपमध्ये तणाव होता. शिंदे गटाने गृहखातं मिळावं यासाठी आग्रह धरला होता, परंतु भाजपने हे खाते सोडण्यास नकार दिल्याचे समजते. शेवटी भाजपने फडणवीस यांची ताकद कायम ठेवत त्यांच्याकडेच हे खाते ठेवण्याचा निर्णय घेतल्याचे स्पष्ट झाले आहे. यामुळे शिंदे गटाच्या असंतोषाला थोडासा आळा बसेल की हा वाद आणखी चिघळेल, याकडे सर्वांचे लक्ष आहे. याचवेळी अजित पवार गटाने केलेल्या मागण्यांवरही चर्चा सुरू असल्याने, आगामी काळात महाराष्ट्रातील सत्ताकारणात आणखी बदल होण्याची शक्यता आहे.

Newsworld Mumbai : महायुती सरकारच्या शपथविधीपूर्वीच मंत्रिमंडळातील नावांवरून भाजप BJP आणि शिंदे गटामध्ये तणाव उफाळून आला आहे. मंत्र्यांच्या निवडीवरून सुरू असलेल्या या चर्चांमुळे महायुतीतील एकजूट आणि सत्तेची वाटणी यावर प्रश्नचिन्ह उभे राहिले आहे. मुख्य मुद्दे: कलंकित चेहऱ्यांना भाजपचा विरोध: – शिवसेनेने पाठवलेल्या मंत्र्यांच्या यादीतील संजय राठोड, तानाजी सावंत, अब्दुल सत्तार, आणि दीपक केसरकर यांच्या नावांवर भाजपने आक्षेप घेतला आहे.भाजपची भूमिका आहे की, कलंकित किंवा वादग्रस्त नेत्यांचा मंत्रिमंडळात समावेश होऊ नये. शिंदे गटाची नाराजी: – भाजपने मंत्रिमंडळासाठी पाठवलेल्या शिवसेना नेत्यांची यादी फेटाळल्यामुळे शिंदे गटात असंतोष आहे. आमच्या मंत्र्यांची नावे भाजपच ठरवणार का? असा थेट सवाल शिंदे गटाने केला आहे. मुख्यमंत्रीपद गमावल्यानंतर शिंदे गटाने गृहखात्याचा आग्रह धरला आहे, मात्र त्यालाही भाजपकडून विरोध केला गेला आहे. नेत्यांमधील चर्चा: मंगळवारी रात्री वर्षा बंगल्यावर देवेंद्र फडणवीस आणि एकनाथ शिंदे यांची बैठक झाली.या बैठकीत मंत्र्यांची नावे आणि खाती यावर चर्चेचा मुख्य फोकस होता. अद्याप या चर्चेचा अधिकृत तपशील समोर आलेला नाही. शपथविधीतील मंत्रिमंडळाची रचना: गुरुवारी होणाऱ्या शपथविधी सोहळ्यात प्रत्येक पक्षाचे सात मंत्री शपथ घेतील, अशी शक्यता आहे. एकूण २१-२२ मंत्र्यांचा समावेश पहिल्या टप्प्यात केला जाणार आहे. महायुती सरकार स्थापन होण्यापूर्वीच भाजप आणि शिंदे गटातील तणाव उघड झाला आहे. शपथविधीपूर्वी या तणावावर तोडगा निघाला तरच सरकार स्थिर आणि प्रभावी होऊ शकेल.

Newsworld Mumbai : महाराष्ट्र विधानसभेच्या निवडणुकीत महायुतीला स्पष्ट बहुमत मिळाल्यानंतरही सरकार स्थापनेच्या प्रक्रियेत विलंब होत असल्याने राजकीय वर्तुळात चर्चा आणि तर्क-वितर्कांना उधाण आले आहे. महायुतीतील घटक पक्षांमध्ये मंत्रिमंडळ वाटप आणि प्रमुख पदांवरून रस्सीखेच सुरू असल्याचे दिसत आहे.

तिढ्याचे मुख्य मुद्दे:

1. गृहमंत्री पदाचा वाद: – एकनाथ शिंदे गृहमंत्री पदासाठी आग्रही आहेत, परंतु भाजप हे पद सोडण्यास तयार नसल्याचे सांगितले जात आहे.

2. मंत्रिमंडळातील वाटप: – शिंदे गट, भाजप, आणि अजित पवार गट यांच्यात मंत्रीपदांच्या वाटपावर सहमती होताना अडचणी येत आहेत.

3: दिल्लीतील बैठक: काळजीवाहू मुख्यमंत्री एकनाथ शिंदे, उपमुख्यमंत्री देवेंद्र फडणवीस, आणि अजित पवार यांनी दिल्लीतील गृहमंत्री अमित शाह यांच्याशी महत्त्वाची चर्चा केली. मात्र, बैठकीनंतरही ठोस निर्णय झाल्याचे समोर आले नाही.

4: एकनाथ शिंदेंची तब्येत : दोन दिवसांपासून आजारी असलेले एकनाथ शिंदे उपचारानंतर वर्षा निवासस्थानी दाखल झाले. त्यांची तब्येत चर्चेचा विषय असतानाच, भाजप नेते गिरीश महाजन आणि उपमुख्यमंत्री देवेंद्र फडणवीस यांनी त्यांची भेट घेतली. #

5 :तिढा सुटण्याबाबतची शक्यता: महायुतीतील घटक पक्षांनी आपापसातील मतभेद बाजूला ठेवून सामंजस्याने निर्णय घेतल्यास सरकार स्थापन होण्याचा मार्ग सुकर होईल. परंतु, मंत्रिमंडळातील स्थान आणि महत्त्वाच्या पदांवरून सुरू असलेला संघर्ष तातडीने सोडवण्याची आवश्यकता आहे. 5 डिसेंबर रोजी होणाऱ्या शपथविधी सोहळ्यापर्यंत महायुतीत सर्व काही आलबेल होईल का, हे पाहणे महत्त्वाचे ठरणार आहे.

Newsworld Pune : जिल्हा अधीक्षक भूमि अभिलेख कार्यालय सि.स.नं.२२२२/१, शासकीय बंगला क्र.१, विमानतळ रस्ता, समता नगर, बदामी चौक, येरवडा, पुणे-६ येथे कार्यरत आहे. या कार्यालयाच्या जागेवर “जमाबंदी आयुक्तालयाच्या इमारतीचे बांधकाम चालू करण्याचे असल्याने जिल्हा अधीक्षक भूमि अभिलेख, पुणे हे कार्यालय सि.स.नं.१९८२, शासकीय बंगला क्र. १४, पुनावाला बिझनेस बे इमारती शेजारी, येरवडा, पुणे ४११००६ या पत्तावर स्थलांतरीत करण्यात आले आहे, अशी माहिती जिल्हा अधीक्षक भूमि अभिलेख सुर्यकांत मोरे यांनी दिली आहे.

Newsworld pune : महाराष्ट्र ही संत, महापुरुषांची भूमी असून त्याला समाजसुधारकांचा वारसा लाभलेला आहे; न्यायपालिकेत पुरोगामी राज्याला सुसंगत अशी भूमिका मध्यस्थींनी घ्यावी, न्यायानंतर संबंधित व्यक्तींच्या चेहऱ्यावर आंनद व समाधानाची भावना दिसली पाहिजे, यादृष्टीने काम करावे, असे प्रतिपादन सर्वोच्च न्यायालयाचे न्यायमुर्ती व राष्ट्रीय विधी सेवा प्राधिकरणाचे (नालसा) कार्याध्यक्ष भुषण गवई यांनी केले.

पुणे येथे 30 नोव्हेंबर रोजी आयोजित एकदिवसीय विभागीय मध्यस्थी परिषदेच्या उद्धाटनप्रसंगी ते बोलत होते. यावेळी सर्वोच्च न्यायालयाचे न्यायमुर्ती प्रसन्न वराळे, मुंबई उच्च न्यायलयाचे न्यायमुर्ती तथा महाराष्ट्र विधी सेवा प्राधिकरणाचे कार्याध्यक्ष अतुल चांदूरकर, मुंबई उच्च न्यायलयाचे न्यायमुर्ती रेवती मोहिते-ढेरे, रवींद्र घुगे, नितीन सांभरे, भारती डांगरे, अमित बोरकर, जिल्हा विधी सेवा प्राधिकरणाचे अध्यक्ष तथा प्रमुख जिल्हा व सत्र न्यायाधीश महेंद्र महाजन, महाराष्ट्र राज्य विधी सेवा प्राधिकरण, मुंबई चे सदस्य सचिव समीर अडकर. तसेच चेतन भागवत, श्रीपाद देशपांडे, सागर इंगळे व जिल्हा विधी सेवा प्राधिकरणाच्या सचिव सोनल पाटील आदी उपस्थित होते.

सर्वोच्च न्यायालयाचे न्यायमुर्ती गवई म्हणाले, भारतीय राज्यघटनेत न्यायाचा हक्काला मुलभूत हक्क मानला आहे. देशात महाराष्ट्राची न्यायपालिका देशात अतिशय चांगली न्यायपालिका म्हणून ओळखली जाते, याचा आम्हाला अभिमान आहे. देशात विविध कायदे निर्माण करुन गावागावातील तंटे सर्वांनुमते मिटवून सकारात्क मार्ग काढण्याचा प्रयत्न करण्यात येत आहे.मध्यस्थींनी दोन व्यक्ती, संस्थामधील मतभेद दूर करुन समान न्याय मिळेल यादृष्टीने प्रयत्य करावे.

न्यायपालिकेत व्यक्तींना न्याय देतांना तो कमी वेळेत व कमी खर्चासोबतच चांगल्यारितीने न्याय देण्यावर भर दिला पाहिजे, हे उद्दिष्ट साध्य करण्यावर सकारात्म दृष्टीकोन अंगीकारत मध्यस्थीची महत्वाची भूमिका पार पाडावी. राज्यात मध्यस्थीची सुरू असलेली चळचळ यशस्वी करण्याकरीता प्रयत्न करावे. याकरीता अंगी इच्छा, तळमळ असावी लागते, असेही न्यायमुर्ती गवई म्हणाले.

यावेळी मान्यवरांच्या हस्ते महाराष्ट्र विधी सेवा प्राधिकरणाचे (मालसा) मराठी भाषेतील उद्धघोष गीत, मध्यस्थी हस्तपुस्तिका तसेच विधी सेवा हस्तपुस्तिकेचे अनावरण करण्यात आले त्याच बरोबर राष्ट्रीय विधी सेवा प्राधिकरणाच्या समाज माध्यमांचे ई-लोकार्पण करण्यात आले.