Newsworldmarathi Pune: चैतन्य उत्पात,रा. पंढरपूर अवघ्या देशभरात सुप्रसिद्ध असलेले पंढरपूर येथील श्री विठ्ठल रुक्मिणी मंदिर, आणि वारीची, संत परंपरेची गाथा आता जगभरात पोहोचणार असून काही वर्षात यु के म्हणजेच लंडन येथे श्री विठ्ठल रुक्मिणी मातेचे भव्यदिव मंदिर साकारणार आहे.
यानिमित्ताने पुढील महिन्यात (एप्रिल २०२५ ते जून २०२५) पंढरपूर ते लंडन अशी जगातील सर्वात मोठी आंतरराष्ट्रीय दिंडी निघणार आहे. यासाठी लंडन येथील श्री विट्ठल रुक्मिणी मंदिर टीम प्रयन्तशील आहेत.
याबाबत माहिती देताना अनिल खेडकर म्हणाले, मी गेल्या ७ वर्षांपासून आळंदी ते पंढरपूर पायी अशी वारी करत आहे. अमेरिका, यूरोप, लंडन येथे अनेक भारतीय मंदिरे आहेत. इस्कॉन, अक्षरधाम तसेच राजस्थान येथील देवतांची मंदिरे परदेशात आहेत पण एवढी जुनी संत साहित्य परंपरा असलेले पंढरपूर येथील मंदिर नाही, यासाठी वारी साता समुद्रापार नेण्यासाठी हा उपक्रम राबविण्यात येत आहे.
वारीतील प्रेम, जिव्हाळा, सलोखा मी अनुभवला आहे. याचा लाभ जगभरात व्हावा ही प्रामाणिक ईच्छा आहे असे ते म्हणाले. परदेशात मॉरिशस, जर्मनी, न्यू जर्सी येथे भारतीय मंदिरे आहेत, पण वारीची परंपरा, विश्वमालक पांडुरंग यांचे मंदिर नाही, ही मराठी माणसाची खंत होती.
खरेतर दिंडीतील पादुका विमानातून लंडन येथे जाऊ शकतात, पण समर्पण म्हणून सुखी संसाराची वाट सोडून लाखो भाविक पायी वारी करतात, यासाठी सुमारे २२ देशातून १८००० किलोमीटर चा प्रवास करत ही दिंडी निघणार असून भक्तीची परंपरा भारता बाहेर पोहोचणार आहे. दिनांक, १५ एप्रिल ला पंढरपूर येथूनपासूनमार्गस्थ होणार आहे. दि १८ एप्रिल रोजी भारत सोडून नेपाळ, चीन, रशिया, अशा २२ देशातून ७० दिवसात १८ हजार किमी एवढा प्रवास करत कारने या पादुका घेऊन जाणार असल्याचे सांगण्यात आले.
बावीस देशातून वारीचा सुगंध जगभरात दरवळणार आहे. यासाठी पंढरपूर येथील श्री विठ्ठल रुक्मिणी मंदिर समितीने पुर्ण सहकार्य केले असून कार्यकारी अधिकारी राजेंद्र शेळके, अध्यक्ष गहिनीनाथ महाराज औसेकर यांनी उत्तम नियोजन केले आहे.
या उपक्रमास राज्याचे मुख्यमंत्री देवेंद्र फडणवीस, केंद्रीय मंत्री नितीन गडकरी, खासदार उदयनराजे भोसले, एम आय टी चे विश्वनाथ कराड व वारकरी संप्रदयाच्या व्यक्तिनी शुभेच्छा देऊन सर्वतोपरी मदत केली जाईल असे आश्वासन दिले आहे. यूके मधील ४८+ मराठी मंडळ, आखात, जर्मनी, आयर्लंड, अमेरिका येथील मराठी मंडळ संलग्न होत असून लवकरच भव्य मंदिर उभे करण्यात येणार आहे. तमिळ, कानडी, गुजराथी, तेलगू भाविकही या निमित्ताने जोडले जात आहेत. या लोकांना मराठी भाषा येत नाही पण अभंग म्हणता येतात.
महाराष्ट राज्यातील सातशे वर्षांची जुनी परंपरा, राज्याचे आराध्य दैवत श्री विठ्ठल जगभरात पोहोचणार आहे!
Newsworldmarathi Pune : भोसरी येथे राहणारी दोन दाम्पत्य पुण्याहून नुकतीच फुकेत येथे सहलीसाठी गेले. चौघेही फुकेतमधील कलीम बीचवरील अमरीतसर रेस्टॉरंटमध्ये राहत होते. मात्र सहलीच्या दुसऱ्याच दिवशी एका दाम्पत्याचा झोका खेळताना अपघात झाला आणि दोघेही गंभीररित्या जखमी झाले होते. ही माहिती केंद्रीय राज्यमंत्री मुरलीधर मोहोळ यांना समजताच त्यांनी या दाम्पत्याच्या पुढील उपचारांसाठी भारतात आणण्याची सोय केली. मोहोळ यांनी दाखवलेल्या संवेदनशीलतेमुळे या दाम्पत्यावर पुण्यात यशस्वीपणे उपचार सुरू झाले आहेत.
घडलेल्या प्रकाराबाबत माहिती अशी की, फुकेत सहलीत संध्याकाळी दोनपैकी एक दांपत्य शुभम फुगे (वय २७ वर्षे) आणि त्यांची पत्नी सिद्धी (वय २१ वर्षे) हे दोघेही एकत्र झोका खेळत होते. खेळता खेळता झोका इतका उंच गेला, की त्या झोक्यावरुन ते दोघे सटकले आणि जवळजवळ १० फूट उंचीवरुन जोरात खाली आदळले. या अपघातानंतर त्यांना प्रचंड वेदना होऊ लागल्या. त्यांना ताबडतोब ‘पटाँग हॉस्पिटल’मध्ये दाखल केले गेले. शुभम यांचे मांडीचे हाड आणि सिद्धी यांचे मणक्याचे हाड मोडले. तेथे त्यांना फक्त पेन किलर गोळ्यांवर ठेवण्यात आले. ऑपरेशनसाठी त्यांना तत्काल भारतात आणणे गरजेचे होते.
या संदर्भात केंद्रीय मंत्री मोहोळ म्हणाले, घडलेल्या प्रकाराची माहिती मला माझ्या एका कार्यकर्त्याकडून मिळाली आणि प्रकरणाचे गांभीर्य ओळखून आमची सर्व यंत्रणा कामाला लावली. विमानाच्या खुर्चीत बसून येणे दोघांनाही अशक्यप्राय होते, त्यामुळे दोन्ही जखमींना विमानात स्ट्रेचर अरेंजमेंटची गरज होती आणि त्यासाठी डॉक्टर्सपासून तर हवाई वाहतूक कंपन्यांपर्यंत खूपसाऱ्या परवानग्या लागत होत्या. या सगळ्या परवानग्या आणि विमानातल्या जागेची उपलब्धता यावर युद्धपातळीवर काम सुरू होते. कारण स्ट्रेचर ठेवण्यासाठी काही खुर्च्या काढाव्या लागणार होत्या, त्याचीही पूर्तता या सगळ्या करावी लागली’
ते पुढे म्हणाले, ‘परराष्ट्र व्यवहार मंत्रालयासह माझ्या कार्यालयातील यंत्रणाही दाम्पत्याला परत आणण्यासाठी कार्यरत होती. शुभम आणि सिद्धी यांच्यासोबत असलेले दुसरे जोडपे अभिजीत पठारे आणि काजल मोरे यांनाही सोबतच लवकरात लवकर भारतात आणायचे होते. अखेर सर्व प्रयत्नांना यश येत त्यांना इंडिगो एयरलाइनच्या दोन वेगळ्या विमानाने त्यांना आणले. पुण्यात पोहोचल्यावर त्यांच्यावर पुण्यात संचेती रुग्णालयात त्यांना शस्त्रक्रियेसाठी दाखल केले.
गरजूंना मदतीचा हात देणे माझे कर्तव्यच : मोहोळ
परदेशात गेल्यावर अनेकांना विविध अडचणी येतात. असे प्रकार माझ्याकडे आल्यावर त्यावर तातडीने कार्यवाही करणे आवश्यक असते. म्हणूनच गरजूंना मदतीचा हात देणे, हे मी माझे कर्तव्य समजून सर्व यंत्रणा कामाला लावत असतो. अशा प्रकारांमध्ये आमच्या सरकारचे सर्व विभाग संवेदनशीलपणातून मदत करत असतात. त्याचा फायदा निश्चितच गरजूंना होत असतो.
Newsworldmarathi Pune : आमदार अण्णा बनसोडे (Mla Anna Bansode) यांची संघर्षमय वाटचाल खरोखरच प्रेरणादायी आहे. पानटपरीवर काम करणाऱ्या एका सामान्य कार्यकर्त्यापासून ते थेट महाराष्ट्र विधानसभेचे उपाध्यक्ष होण्यापर्यंतचा त्यांचा प्रवास हा मेहनत, जिद्द आणि राजकीय धैर्याचा उत्तम नमुना आहे.
आमदार अण्णा बनसोडे यांची महाराष्ट्र विधानसभेच्या उपाध्यक्षपदी बिनविरोध निवड झाल्याने ते आता या महत्त्वाच्या पदाची धुरा सांभाळणार आहेत. त्यांची निवड एकमताने झाल्याने हे पद कोणत्याही राजकीय संघर्षाशिवाय त्यांना मिळाले आहे. (Maharashtr politics)
या पदासाठी सुरुवातीला राजकुमार बडोले, संजय बनसोडे आणि अण्णा बनसोडे यांची नावे चर्चेत होती. मात्र अखेर एकमेव अर्ज अण्णा बनसोडे यांचा आल्याने त्यांची बिनविरोध निवड झाली. विधानसभा अध्यक्ष राहुल नार्वेकर यांनी अधिकृत घोषणा केली.
पिंपरी-चिंचवडचे आमदार असलेले अण्णा बनसोडे यांचा प्रवास अत्यंत संघर्षमय आहे. एका सामान्य कुटुंबातून येत त्यांनी पानटपरीवर काम करत संघर्ष केला आणि राजकारणात उंच झेप घेतली. 2019 मध्ये त्यांनी राष्ट्रवादी काँग्रेसकडून (अजित पवार गट) पिंपरी मतदारसंघातून विजय मिळवला. पक्षात गटबाजीच्या पार्श्वभूमीवरही त्यांची निवड झाली, हे विशेष उल्लेखनीय आहे.
विधानसभा उपाध्यक्षपद हे खूप महत्त्वाचे पद असून सभागृहाच्या कामकाजात ते मध्यस्थाची भूमिका बजावणार आहेत. राज्यात महाविकास आघाडी आणि भाजप-शिंदे-गट यांच्यात तणावाची परिस्थिती असताना त्यांना संतुलन राखण्याचे मोठे आव्हान असेल. आगामी निवडणुकीच्या पार्श्वभूमीवर सभागृहात अनेक वादग्रस्त चर्चा होण्याची शक्यता आहे, त्यावेळी त्यांच्या भूमिकेकडे लक्ष असेल.
अजित पवार गटासाठी ही निवड मोठा दिलासा मानली जात आहे, कारण त्यांच्या गटातील आमदाराला हे पद मिळाले आहे. शरद पवार गट आणि विरोधक यावर काय प्रतिक्रिया देतात, याकडेही लक्ष असेल.
अण्णा बनसोडे यांचा राजकीय प्रवास संघर्षमय आणि प्रेरणादायी आहे. अत्यंत साध्या परिस्थितीतून आलेल्या बनसोडे यांनी आपल्या मेहनतीच्या जोरावर स्थानिक पातळीवर मजबूत पकड मिळवली आणि आता ते महाराष्ट्र विधानसभेचे उपाध्यक्ष झाले आहेत.
Oplus_131072
राजकारणात येण्यापूर्वी पानटपरी व्यवसाय करत होते. याच काळात सामाजिक आणि राजकीय कार्यात रुची घेतली. पहिल्यांदा 1997 मध्ये पिंपरी-चिंचवड महापालिकेची निवडणूक लढवली आणि नगरसेवक बनले. त्यानंतर सलग तीन टर्म नगरसेवक राहिले, ज्यामुळे स्थानिक पातळीवर त्यांची लोकप्रियता वाढली.
महापालिकेतील सर्वात शक्तिशाली पदांपैकी एक असलेल्या स्थायी समितीचे अध्यक्षपद त्यांनी भूषवले. या काळात महापालिकेतील विविध विकासकामांमध्ये त्यांनी महत्त्वाची भूमिका बजावली.
पहिली निवडणूक 2009 मध्ये राष्ट्रवादी काँग्रेसकडून पहिल्यांदा आमदार म्हणून निवडून आले. 2014 मध्ये भाजपच्या लाटेत पराभव पत्करावा लागला. 2019 मध्ये त्यांनी पुन्हा राष्ट्रवादी काँग्रेसकडून विजय मिळवला. राष्ट्रवादी काँग्रेसमध्ये झालेल्या फुटीनंतर त्यांनी 2024 मध्ये अजित पवार गटाची साथ देत तिसऱ्यांदा विधानसभा गाठली.
2024 मध्ये महायुती सरकार स्थापन झाल्यानंतर ते मंत्रिपदासाठी इच्छुक होते. मात्र, त्यांना संधी न मिळाल्याने ते काहीसे नाराज होते. नंतर, विधानसभा उपाध्यक्षपद ही संधी त्यांना मिळाली, त्यामुळे त्यांच्या राजकीय कारकिर्दीला नवी दिशा मिळाली आहे.
Oplus_131072
2019 मध्ये राष्ट्रवादी काँग्रेसकडून (अजित पवार गट) पिंपरी मतदारसंघातून आमदार म्हणून निवडून आले. विधानसभा सदस्य म्हणून त्यांनी विविध विकासकामे हाती घेतली आणि स्थानिक जनतेत चांगली प्रतिमा तयार केली. विधानसभेच्या उपाध्यक्षपदासाठी नाव चर्चेत आल्यानंतर त्यांची बिनविरोध निवड झाली. आता ते महाराष्ट्राच्या राजकारणात अधिक महत्त्वाची भूमिका बजावणार आहेत.
विधानसभा उपाध्यक्षपद सांभाळताना सर्व पक्षांना सोबत घेऊन काम करण्याचे मोठे आव्हान त्यांच्यासमोर असणार आहे. आगामी विधानसभा निवडणुकीच्या पार्श्वभूमीवर सभागृहात तणावपूर्ण वातावरण राहणार, अशावेळी त्यांनी दिलेल्या निर्णयांकडे लक्ष राहील. अजित पवार गटातील नेते म्हणून त्यांना पक्षसंघटना मजबूत करण्याची जबाबदारीही पार पाडावी लागणार आहे.
अण्णा बनसोडे यांनी स्थानीय स्तरावरून संघर्ष करत मोठ्या राजकारणात स्थान मिळवले आहे. मंत्रिपद न मिळाल्याने सुरुवातीला नाराजी असली तरी विधानसभा उपाध्यक्षपदामुळे त्यांना नवा राजकीय वाव मिळाला आहे. अण्णा बनसोडे यांचा प्रवास सामान्य कार्यकर्त्यापासून एका जबाबदार नेत्यापर्यंतचा आहे. पानटपरीवर काम करणाऱ्या व्यक्तीने नगरसेवक, आमदार आणि आता विधानसभा उपाध्यक्ष होणे हे मेहनत, संघर्ष आणि राजकीय दूरदृष्टीचा उत्तम आदर्श आहे.
Newsworldmarathi Pimpri: देशभरातील लाखो ऑटो, टॅक्सी, बस ट्रक चालकांच्या मागण्यांकडे केंद्र सरकार दुर्लक्ष करत आहे. त्यांच्या मागण्या मान्य करण्यासाठी अनेक वर्ष लढा दिला जात आहे. राष्ट्रीय चालक आयोग निर्माण झाले पाहिजे.
देशभरातील चालकांसाठी कल्याणकारी बोर्ड निर्माण करून त्या माध्यमातून त्यांना सामाजिक सुरक्षा म्हातारपणी पेन्शन व इतर योजनांचा लाभ मिळाला पाहिजे, ओला उबेर या भांडवलदार कंपन्यांवरती बंदी आणली पाहिजे टू व्हीलर टॅक्सीला देशभरामध्ये बंद केली पाहिजे, इलेक्ट्रिक वाहनांचे धोरण ठरवताना पूर्वीचे वाहन वरती कोणतीही बाधा येणार नाही यासाठी सर्व संघटनांना विश्वासात घेण्यात यावे, यासह इतर विविध मागण्यांसाठी नुकतेच दिल्ली येथील जंतर मंतर वरती देशपापी आंदोलन करण्यात आले या आंदोलनातील मागण्या मान्य होईपर्यंत मागे हटणार नाही असा निर्धार ऑटो टॅक्सी ट्रान्सपोर्ट फेडरेशनचे राष्ट्रीय अध्यक्ष बाबा कांबळे यांनी व्यक्त केला.
दिल्ली जंतर मंतर येथे देश वापी आंदोलन आयोजित करण्यात आले या वेळी मार्गदर्शन करताना बाबा कांबळे बोलत होते.
कष्टकरी, श्रमिक नेते बाबा कांबळे यांच्या नेतृत्वाखाली 21 मार्च 2025 रोजी जंतर-मंतर येथे आंदोलन करण्यात आले,23 तारखेला राष्ट्रीय अधिवेशन आयोजित करण्यात आले होते यासाठी देशभरातील सर्व 28 राज्यातून प्रतिनिधी उपस्थित होते.
यात मिर मोहम्मद शफी,(कश्मीर) अज्जू प्रसाद मंडोली (ओडिसा) सुरेंद्र प्रसाद (पंजाब) मनोज कुमार साहू , वासू एलडी(आंध्र प्रदेश) के.डी.गिल (राजस्थान) रवी रेड्डी (कर्नाटका) आनंद तांबे, राकेश शिंदे (महाराष्ट्र) शिन्तल कुमार (तामिळनाडू) प्रीतम सिंग (छत्तीसगड) गुलजार सिंग (उत्तराखंड) नरेंद्र ठाकूर (हिमाचल प्रदेश ) निजामुद्दीन भाई, विनोद तिवारी (आसाम) भूपेंद्र यादव (बिहार) धर्मेंद्र यादव (दिल्ली एनसीआर) डॉ राजीव मिश्रा (उत्तर प्रदेश) सहभागी झाले होते.
बाबा कांबळे म्हणाले केंद्र सरकार देशभरातील 25 करोड चालकांकडे सहानुभूतीने बघत नाही. त्यामुळे वारंवार निवेदने, आंदोलन करूनही मागण्या सोडविण्याबाबत सरकार उदासीन आहे. देशातील 25 कोटी चालकांसाठी राष्ट्रीय चालक आयोग निर्माण झाले पाहिजे. तसेच चालकांसाठी कल्याणकारी योजना स्थापन झाले पाहिजे. त्यामधून चालकांचे कल्याण होणार आहे. म्हातारपणी पेन्शन मिळाल्यास त्यांना आधार होणार आहे. यासह सामाजिक सुरक्षा योजना मिळावे, यासाठी वेलफेअर बोर्ड म्हणजे कल्याणकारी मंडळ स्थापन झाले पाहिजे. केंद्रीय पातळीवर हे कल्याणकारी महामंडळ स्थापन व्हावा. अन्यथा न थकता आंदोलन सुरूच राहील, असे बाबा कांबळे म्हणाले.
Newsworldmarathi Pune : मुंबईमध्ये
स्टॅडअप कॉमेडियन कुणाल कामरा याने उपमुख्यमंत्री एकनाथ शिंदे यांच्यावर एक गाणे गायले. या गाण्याचा आणि कुणाल कामरा चा निषेध करत शिंदे गटाची शिवसेना चांगलीच आक्रमक झाल्याची पाहायला मिळत आहे. शिंदे गटाच्या शिवसैनिकांनी खर येथे कुणाल कामरा (Kunal Kamra) चा ज्या स्टुडिओ मध्ये शो झाला त्याची तोडफोड केली. महाराष्ट्रातील शिंदे गटाचे शिवसैनिक आक्रमक झाले आहेत. कुणाल कामरा यानी उपमुख्यमंत्री एकनाथ शिंदे यांच्यावर गायलेल्या गाण्यामुळे शिवसेनेत चांगलेच डीजे वॉर सुरु झाल्याचे पाहायला मिळत आहे.
याउलट मात्र ठाकरे गटाच्या शिवसैनिकांकडून कुणाल कामरा च्या गाण्याचे समर्थन केले जात आहे. ठाकरे गटाच्या प्रवक्त्या सुषमा अंधारे (Sushma Andhare) यांनी कुणाल कामारा चे थाने की रिक्षा, चेहरे पे दाढी, आँखो में चष्मा.. हाये एक झलक दिखलाए कभी, गुवाहाटी में छुप जाए मेरी नजर से तुम देखो गद्दार नजर वो आए… हे गाणे स्वतः गाऊन एक व्हिडिओ करत तो सोशल मीडियावर अपलोड केला आहे.
याला पालटवर देत शिंदे गटाच्या ज्योती वाघमारे (Jyoti wghmare) यांनी ठाकरे गटावर गाणे तयार करून उत्तर दिले आहे. भांडुप का भामटा…, सुबह की प्रेस…, माईक देखते ही भौके…, हाय हाय…बंदरा का बंदर.., हिंदुत्व को बेचकर…सी एम को खुर्ची को लग जाये…,इन कबीलो को मिठी मे मिलाके.., भगवा झेंडा फाहराए… हाय हाये.. ज्योती वाघमारे यांनी असे उत्तर देत पालटवर केला आहे.
Newsworldmarathi Pune: महसूल प्रशासनातील कर्तव्यदक्ष महिला अधिकारी, पीएमआरडीएच्या अपर जिल्हाधिकारी स्नेहल रवींद्र बर्गे (वय- 48) यांचे अल्पशा आजाराने निधन झाले आहे. त्यांच्या पश्चात आई व बहीण असा परिवार आहे.
हवेली तालुक्याच्या प्रांताधिकारी म्हणून त्यांची कारकीर्द उल्लेखनीय राहिली आहे. अवैध गौणखनिज उत्खनन व वाहतूक यावर त्यांनी कडक कारवाई केली होती. अर्धन्यायीक अपील प्रकरणे विहित मुदतीत मार्गी लावली होती. त्यानतंर अपर जिल्हाधिकारी म्हणून पदोन्नती झाल्यानंतर त्यांनी पीएमआरडीएचा कार्यभार सांभाळला होता. त्यांच्या आई भारती बर्गे या डॉक्टर, तर बहीण पल्लवी बर्गे या जिल्हा पोलीस अधिक्षक म्हणून कार्यरत आहेत.
Newsworldmarathi Pune : मुंबई येथे प्रसिद्ध स्टॅण्डअप कॉमेडिअन कुणाल कामरा याने उपमुख्यमंत्री एकनाथ शिंदे यांचा गद्दार असा उल्लेख करत गाणे सादर केले. याच्या निषेधार्थ शिवसैनिकांनी कुणाल कामरा याचा
खार येथील दि हॅबिटेट स्टुडिओमध्ये तोडफोड केली.
या घटनेबाबत आता महाराष्ट्रातील शिवसैनिक आक्रमक झाले आहेत. पुणे शहर अध्यक्ष प्रमोद नाना भानगिरे यांनी सोशल मीडिया वर ट्विट करत कुणाल कामराचा आबरा का डाबरा करायला वेळ लागणार नाही असा इशारा दिला आहे.
पुढे ते ट्विट मध्ये म्हणाले, कुणाल कामरा याने महाराष्ट्र राज्याचे उपमुख्यमंत्री एकनाथ शिंदे साहेब यांच्याविषयीच्या अश्लाघ्य वक्तव्याचा पुणे शहर शिवसेनेच्या वतीने तीव्र निषेध करत असून राज्याच्या लोकप्रतिनिधींना अश्लाघ्य आणि हीन पातळीवर जाऊन हिणवण्याचा प्रकार अत्यंत निंदनीय आहे. एकनाथ शिंदे हे महाराष्ट्राच्या जनतेने निवडून दिलेले लोकप्रिय उपमुख्यमंत्री आहेत आहेत. त्यांनी अनेक संकटांना तोंड देत, राज्याच्या विकासासाठी आणि जनतेच्या हितासाठी सतत कार्यरत राहण्याचा वसा घेतला आहे. अशा नेत्याविषयी जाहीरपणे विनोदाच्या नावावर अश्लाघ्य भाषेत केले गेलेले हीन पातळीचे विनोद हे केवळ शिंदे साहेबांचा नव्हे, तर महाराष्ट्राच्या जनतेचा अपमान आहे.
कुणाल कामरा याने आपली हीन पातळीची भाषा आणि अवमानकारक वक्तव्यांसाठी महाराष्ट्राच्या जनतेची आणि उपमुख्यमंत्री एकनाथ शिंदे यांची जाहीर माफी मागावी, अन्यथा या कुणाल कामराचा आबरा का डाबरा करायला आम्हाला वेळ लागणार नाही. याच्यावर कायदेशीर कारवाईसाठी सक्षम यंत्रणांनी पावले उचलावीत, अशी ही मागणी त्यांनी केली आहे.
Newsworldmarathi Pune: गट शेतीला राज्य शासनाच्या वतीने 100 एकर जमीन असेल तर एक कोटी रुपये अनुदान देण्यात येत होते. आता गट शेतीचे नावे धोरण आणणार असून अनुदान ही वाढवून देणार असल्याची महत्वाची घोषणा मुख्यमंत्री देवेंद्र फडणवीस यांनी केली.
सत्यमेव जयते शेतकरी चषक २०२४’च्या भव्य पारितोषिक वितरण समारंभात ते बोलत होते. पाणी फाउंडेशन च्या वतीने बालेवाडी येथील शिवछत्रपती शिवाजी क्रीडा संकुलात या कार्यक्रमाचे आयोजन करण्यात आले होते.
2016 पासून दुष्काळमुक्त आणि समृद्ध महाराष्ट्र बनविण्यासाठी अभिनेता अमीर खान आणि किरण राव यांनी ही संस्था स्थापन केली.
यावेळी कृषिमंत्री माणिकराव कोकाटे, सह्याद्री फार्म्सचे अध्यक्ष व व्यवस्थापकीय संचालक विलास शिंदे, भारतीय जैन संघटनेचे संस्थापक शांतीलाल मुथा आणि पद्मश्री पोपटराव पवार आदी मान्यवर यावेळी उपस्थित होते. तसेच मनोरंजन व सामाजिक क्षेत्रातील अनेक मान्यवर यावेळी उपस्थित होते.
महाराष्ट्रातील ४६ तालुक्यांतील ४,३०० पेक्षा अधिक शेतकरी गटांनी (सुमारे २००० महिला गट) यंदाच्या शेतकरी चषक स्पर्धेत भाग घेतला. यात सांगली जिल्ह्यातील तासगाव तालुक्यातील तेरती या गावातील ‘भाग्योदय शेतकरी गट’ संघाने राज्य पातळीवरील प्रथम पारितोषिक पटकवले. २५ लाख रुपयांचे रोख पारितोषिक, तसेच प्रतिष्ठेची शेतकरी चषक ट्रॉफी जिंकली. सातारा जिल्ह्यातील भोसरे (ता. खटाव) येथील सरसेनापती प्रतापराव गुजर महिला शेतकरी गट आणि छत्रपती संभाजीनगर जिल्ह्यातील सोबलगाव (ता. खुलताबाद) या दोन संघांना संयुक्तरीत्या १५ लाख रुपयांचे राज् पातळीवरील द्वितीय पारितोषिक देण्यात आले.
हिंगोली जिल्ह्यातील कवडा (ता. कळमनुरी) येथील जय बिरसा मुंडा शेतकरी गट आणि वाशिम जिल्ह्यातील नागी (ता. मंगरूळ पीर) येथील माऊली शेतकरी गटाने संयुक्तरीत्या १० लाख रुपयांचे तृतीय पारितोषिक जिंकले.सर्व महिला गटांना दोन राज्यस्तरीय पारितोषिके आणि तालुकास्तरीय प्रत्येकी ५० हजार रुपयांची पारितोषिके देण्यात आली.
मुख्यमंत्री फडणवीस यांनी पाणी फाऊंडेशनच्या प्रयत्नांचे कौतुक केले आणि अखिल महाराष्ट्र स्पर्धेचे अधिकृतरीत्या उद्घाटन केले. शाश्वत पाणी व शेती पद्धतीतील उल्लेखनीय कार्याबद्दल त्यांनी सर्व शेतकऱ्यांचे अभिनंदन केले. जमिनीवर मोठ्या प्रमाणावर बदल घडवून आणण्यासाठी फाऊंडेशनसोबत सकारात्मक सहकार्य सुरू ठेवण्याची कटिबद्धताही त्यांनी व्यक्त केली.
आमीर खान आणि किरण राव यांनीही आपल्या भाषणात शेतकऱ्यांचे अभिनंदन केले. कृषीमंत्री माणिकराव कोकाटे यांच्या हस्ते सर्व तालुकास्तरीय पुरस्कारांचे वितरण करण्यात आले.
Newsworldmarathi Pune: वंजारी समाजाच्या वतीने येत्या रविवार दिनांक 23 मार्च 2025 रोजी सकाळी 11 ते 4 या वेळेत होणार आहे. या मेळाव्याचे श्री गौड ब्राम्हण समाज मंदीर कार्यालय बिबवेवाडी पुणे, येथे वधू-वर सूचक व स्नेह मेळाव्याचे आयोजन करण्यात आले आहे. यंदा मेळाव्याचे 18 वे वर्ष आहे. तरी वंजारी समाज बांधवाना उपस्थित राहण्यासाठी,कार्यक्रमाचे आयोजक अध्यक्ष पै.मोहन आप्पा वणवे,पै.निखिल भाऊ वणवे यांनी आवाहन केले आहे.
Newsworldmarathi Pune : अर्थशास्त्र क्षेत्रातील योगदानाबद्दल 2025 चा पुण्यभूषण पुरस्कार जेष्ठ अर्थतज्ञ डॉ.विजय केळकर यांना जाहीर झाला आहे. ज्येष्ठ शास्त्रज्ञ डॉक्टर रघुनाथ माशेलकर यांच्या अध्यक्षतेखाली झालेल्या बैठकीत निवड समितीने हा निर्णय घेतला आहे. तसेच जखमी झालेल्या जवानांना आणि विरमातांना देखील यावेळी गौरवण्यात येणार असल्याची माहिती पुण्यभूषण संस्थेचे संस्थापक अध्यक्ष सतीश देसाई यांनी दिली.
पुण्या भूषण पुरस्काराचे यंदाचे सदस्य वर्ष आहे. संस्थेच्या माध्यमातून अनेक पुरस्कार भव्य उपक्रम राबवले जातात. स्मृतीचिन्ह आणि दोन लाख रुपये असे पुरस्काराचे स्वरूप आहे. यंदा देखील लवकरच होणाऱ्या दिमाखदार सोहळ्यात पुण्यभूषण पुरस्कार प्रदान करण्यात येणार आहे.
पुण्यभूषण संस्थेने याआधी महामहिम राष्ट्रपती प्रणव मुखर्जी, डॉ. ए.पी.जे. अब्दुल कलाम, उपराष्ट्रपती हमीद अन्सारी, व्यंकय्या नायडू, माजी पंतप्रधान अटलबिहारी वाजपेयी, सभापती सोमनाथ चटर्जी, मनोहर जोशी, शरद पवार, स्वरसम्राज्ञी लता मंगेशकर व क्रिकेटपटू कपिल देव आणि सचिन तेंडूलकर, पांडुरंगशास्त्री आठवले, विलासराव देशमुख, ज्येष्ठ अभिनेते दिलीपकुमार, वसंतराव साठे, नानासाहेब गोरे, तत्कालीन राज्यपाल सी. सुब्रह्मण्यम्, मधु दंडवते, दि हिंदुचे संपादन एन. राम, न्यायमूर्ती चंद्रशेखर धर्माधिकारी, सुशिलकुमार शिंदे, सिताराम येचुरी, गिरीश कर्नाड, ज्येष्ठ साहित्यिक डॉ. एस. एल. भैरप्पा, महेश एलकुंचवार, विकास आमटे, आशा भोसले, शरद यादव, नितीन गडकरी, पं.हरिप्रसाद चौरासिया, पं. अमजद अली खान, पं. शिवकुमार शर्मा, प्रफुल्ल पटेल, ज्येष्ठ अभिनेत्री शर्मिला टागोर, ज्येष्ठ अभिनेते अनुपम खेर, पद्मविभूषण नारायण मूर्ती आदी मान्यवरांनी नामांकित पुणेकरांचा यथोचित सन्मान केला आहे.
या पदासाठी सुरुवातीला राजकुमार बडोले, संजय बनसोडे आणि अण्णा बनसोडे यांची नावे चर्चेत होती. मात्र अखेर एकमेव अर्ज अण्णा बनसोडे यांचा आल्याने त्यांची बिनविरोध निवड झाली. विधानसभा अध्यक्ष राहुल नार्वेकर यांनी अधिकृत घोषणा केली.
पिंपरी-चिंचवडचे आमदार असलेले अण्णा बनसोडे यांचा प्रवास अत्यंत संघर्षमय आहे. एका सामान्य कुटुंबातून येत त्यांनी पानटपरीवर काम करत संघर्ष केला आणि राजकारणात उंच झेप घेतली. 2019 मध्ये त्यांनी राष्ट्रवादी काँग्रेसकडून (अजित पवार गट) पिंपरी मतदारसंघातून विजय मिळवला. पक्षात गटबाजीच्या पार्श्वभूमीवरही त्यांची निवड झाली, हे विशेष उल्लेखनीय आहे.
विधानसभा उपाध्यक्षपद हे खूप महत्त्वाचे पद असून सभागृहाच्या कामकाजात ते मध्यस्थाची भूमिका बजावणार आहेत. राज्यात महाविकास आघाडी आणि भाजप-शिंदे-गट यांच्यात तणावाची परिस्थिती असताना त्यांना संतुलन राखण्याचे मोठे आव्हान असेल. आगामी निवडणुकीच्या पार्श्वभूमीवर सभागृहात अनेक वादग्रस्त चर्चा होण्याची शक्यता आहे, त्यावेळी त्यांच्या भूमिकेकडे लक्ष असेल.
अजित पवार गटासाठी ही निवड मोठा दिलासा मानली जात आहे, कारण त्यांच्या गटातील आमदाराला हे पद मिळाले आहे. शरद पवार गट आणि विरोधक यावर काय प्रतिक्रिया देतात, याकडेही लक्ष असेल.
अण्णा बनसोडे यांचा राजकीय प्रवास संघर्षमय आणि प्रेरणादायी आहे. अत्यंत साध्या परिस्थितीतून आलेल्या बनसोडे यांनी आपल्या मेहनतीच्या जोरावर स्थानिक पातळीवर मजबूत पकड मिळवली आणि आता ते महाराष्ट्र विधानसभेचे उपाध्यक्ष झाले आहेत.
अण्णा बनसोडे यांनी स्थानीय स्तरावरून संघर्ष करत मोठ्या राजकारणात स्थान मिळवले आहे. मंत्रिपद न मिळाल्याने सुरुवातीला नाराजी असली तरी विधानसभा उपाध्यक्षपदामुळे त्यांना नवा राजकीय वाव मिळाला आहे. अण्णा बनसोडे यांचा प्रवास सामान्य कार्यकर्त्यापासून एका जबाबदार नेत्यापर्यंतचा आहे. पानटपरीवर काम करणाऱ्या व्यक्तीने नगरसेवक, आमदार आणि आता विधानसभा उपाध्यक्ष होणे हे मेहनत, संघर्ष आणि राजकीय दूरदृष्टीचा उत्तम आदर्श आहे. 
