Newsworldmarathi Mumbai : मुख्यमंत्री लाडकी बहीण योजना ही महिलांच्या आर्थिक सक्षमीकरणासाठी महाराष्ट्र सरकारने सुरू केलेली एक महत्त्वाची योजना आहे. योजनेअंतर्गत पात्र महिलांना दरमहा ₹1500 आर्थिक मदत दिली जाते. डिसेंबर महिन्याचा हप्ता लाभार्थींना दिल्यानंतर जानेवारी महिन्याचा हप्ता अद्याप वाटप झालेला नाही.
तथापि, मंत्रिमंडळाने जानेवारी महिन्याचा हप्ता वाटप करण्यासाठी ₹3690 कोटी रुपयांचा निधी मंजूर केला आहे. हा हप्ता येत्या २६ जानेवारीपूर्वी लाभार्थींच्या खात्यात जमा केला जाईल, अशी घोषणा करण्यात आली आहे. या निर्णयामुळे लाभार्थींना दिलासा मिळेल आणि योजनेंतर्गत आर्थिक सहाय्याचा नियमित पुरवठा सुनिश्चित होईल.
‘मुख्यमंत्री लाडकी बहीण योजना’ महाराष्ट्रातील महिलांना आर्थिक स्थैर्य आणि सक्षमता प्रदान करण्याच्या उद्देशाने सुरू करण्यात आली आहे. जुलै 2023 मध्ये महायुती सरकारच्या अर्थसंकल्पात या योजनेची घोषणा करण्यात आली होती. या योजनेचा लाभ 21 ते 65 वयोगटातील पात्र महिलांना दिला जातो. आतापर्यंत 2 कोटी 46 लाख महिलांना दरमहा ₹1500 प्रमाणे मदत देण्यात येत आहे.
डिसेंबर महिन्याचे हप्ते 2 कोटींहून अधिक महिलांच्या खात्यात जमा करण्यात आले आहेत. योजनेच्या निधीची उपलब्धता कायम असून, महिलांविषयी सकारात्मक दृष्टिकोनातून सरकार हे प्रयत्न करत असल्याचे महिला व बालकल्याण विभागाचे अधिकारी आणि मंत्री अदिती तटकरे यांनी सांगितले.
जानेवारी महिन्यासाठी आवश्यक असलेल्या ₹2690 कोटींच्या निधीला मंत्रिमंडळाने मंजुरी दिली असून, हा हप्ता येत्या 26 जानेवारीपूर्वी लाभार्थींच्या खात्यावर जमा केला जाईल. या निर्णयामुळे महिलांना योजनेचा लाभ वेळेत मिळण्याची अपेक्षा आहे.
