Newsworldmarathi Mumbai : CM Fadnavis : मुख्यमंत्री देवेंद्र फडणवीस यांनी बुधवारी अक्षय्य तृतीयेच्या मुहूर्तावर ‘वर्षा’ निवासस्थानी गृहप्रवेश केला. फडणवीस यांच्या पत्नी अमृता फडणवीस यांनी एक्सवर पोस्ट करत ही माहिती दिली. मुख्यमंत्र्यांच्या वर्षावरील गृहप्रवेशावरून राजकारण रंगले होते. शिवसेना (ठाकरे) नेते संजय राऊत यांनी केलेल्या दाव्यानंतर मोठी खळबळ उडाली होती.
राज्यात महायुतीच्या सरकारमध्ये देवेंद्र फडणवीस यांनी मुख्यमंत्रीपद स्वीकारताच, वर्षा बंगल्यावर ते राहायला कधी जाणार, अशी चर्चा रंगली होती. विरोधकांनी सातत्याने त्यावरून मुख्यमंत्र्यांना लक्ष्य केले. तसेच फडणवीस यांनी मात्र ‘वर्षा’ बंगल्यावर जाणे टाळल्याने या
चर्चेला वेगळे वळण लागले होते.
वर्षा बंगल्यावर काही अद्भुत असल्याचे बोलले गेले. दरम्यान, मुलगी दिविजा हिची १० वी परीक्षा आहे. वर्षा निवासस्थानी डागडुजीचे काम बाकी आहे. ते काम आणि मुलीची परीक्षा संपल्यानंतर राहायला जाणार, असे मुख्यमंत्र्यांनी स्पष्ट केले होते. अखेर अक्षय्य तृतीयेच्या मुहूर्तावर पूजाअर्चा करत गृहप्रवेश केला. या गृहप्रवेशाची चांगलीच गुप्तता पाळण्यात आली होती. पत्नी अमृता फडणवीस यांनी गृहप्रवेशाचे फोटो एक्स माध्यमावरून सर्वत्र व्हायरल केले आहेत.
Recent Comments