Newsworldmarathi Pune: पुणे जिल्ह्यातल्या दौंडमध्ये साडेपाच वर्षांच्या चिमुकलीचे अपरहण करून तिच्यावर अत्याचाराचा प्रयत्न झाल्याची संतापजनक घटना समोर आली आहे. ही घटना दौंड तालुक्यातील मळद गावच्या परिसरातील ऊसाच्या शेतात १६ मे २०२५ रोजी दुपारी साडेचार वाजण्याच्या सुमारास घडली आहे. या घटनेने परिसरात एकाच खळबळ उडाली आहे.
या प्रकरणी पोलिसांनी आरोपीविरोधात गुन्हा दाखल करून अटक केली आहे. नवनाथ रिठे (वय-२७) असं नराधमाचे नाव आहे.
पोलिसांनी दिलेल्या माहितीनुसार, पुणे जिल्ह्यातल्या दौंड तालुक्यातील कुरकुंभ गावामध्ये माणुसकीच्या नात्याला काळिमा फासणारी घटना घडली. साडेपाच वर्षांची मुलगी ही पुणे-सोलापूर महामार्गावरील किराणा दुकाना समोर उभी होती. त्यावेळी कुरकुंभ येथील भागवतवस्ती जवळ एका किराणा दुकानासमोरून आरोपीने पीडित चिमुकलीचे अपहरण केले.
अपरहणानंतर आरोपीने चिमुकलीला मळद गावातील उसाच्या शेतात नेऊन तिच्यावर बलात्कार केला. त्यावेळी त्याने चिमुकलीच्या शरीराचे लचके तोडून तिला जखमी केले.तसेच चिमुकलीच्या अंगावरील कपडे काढून मारहाण देखील केली.
दरम्यान, तेथील स्थानिकांनी मुलीच्या रडण्याचा तसेच किंचाळण्याचा आवाज ऐकला. त्यांनी तातडीने ऊसाच्या शेताकडे धाव घेतली. तेव्हा हा भयानक प्रकार उघडकीस आला. गावकऱ्यांनी आरोपीला पकडून चांगला चोप दिला. त्यानंतर त्याला पोलिसांच्या ताब्यात देण्यात आले.
Recent Comments