Newsworldmarathi Pune: Rupali Chakankar : राज्य महिला आयोगाच्या अध्यक्षा रूपाली चाकणकर यांच्यावर वैष्णवी हगवणे मृत्यू प्रकरणानंतर चौफेर टीका होत असतानाच, आता आता, संगिता भालेराव यांना फोन करून धमकी दिल्याप्रकरणी, भालेराव यांनी राज्य महिला आयोग, मुख्यमंत्री कार्यालय व पुणे पोलीस आयुक्तांकडे तक्रार दाखल केली आहे.
राज्य महिला आयोगाच्या अध्यक्ष रूपाली चाकणकर यांच्या कार्यकर्त्या व राष्ट्रवादी काँग्रेस पक्ष युवती सेल च्या पश्चिम महाराष्ट्र अध्यक्ष सोनाली गाडे यांनी ही धमकी दिल्याचं संगिता भालेराव यांनी तक्रारीत म्हटलं आहे. यामुळे आता राजकीय वातावरण तापणार आहे.
सामाजिक कार्यकर्त्या संगिता भालेराव यांनी आरोप केला आहे की, राष्ट्रवादी काँग्रेसच्या युवती सेलच्या पश्चिम महाराष्ट्र अध्यक्ष सोनाली गाडे यांनी त्यांना फोन करून धमकी दिली. भालेराव यांनी फेसबुकवर महिला आयोगाच्या नेतृत्वावर टीका करणारी पोस्ट केल्यानंतर, गाडे यांनी त्यांना अनेक वेळा फोन करून धमकावले आणि शिवीगाळ केली, असा दावा भालेराव यांनी केला आहे. या प्रकरणाची ऑडिओ क्लिपही त्यांनी तक्रारीसोबत सादर केली आहे.
या प्रकरणामुळे रूपाली चाकणकरांच्या भूमिकेवर प्रश्नचिन्ह उपस्थित झाले आहे. वैष्णवी हगवणे प्रकरणातही चाकणकर यांच्यावर निष्क्रियतेचे आरोप करण्यात आले होते. या पार्श्वभूमीवर, त्यांच्या अध्यक्षपदाच्या कार्यपद्धतीवर आणि महिला आयोगाच्या कार्यक्षमतेवर नव्याने चर्चा सुरू झाली आहे.
राजकीय वर्तुळातही या प्रकरणाची तीव्र प्रतिक्रिया उमटली आहे. राष्ट्रवादी काँग्रेसच्या काही नेत्यांनी चाकणकर यांच्या भूमिकेवर नाराजी व्यक्त केली आहे, तर विरोधी पक्षांनी त्यांच्या राजीनाम्याची मागणी केली आहे. या सर्व घटनांमुळे चाकणकरांच्या अडचणी वाढण्याची शक्यता आहे.
Recent Comments