Newsworldmarathi Pune: महेश नागरी मल्टीस्टेट को-ऑपरेटिव्ह क्रेडिट सोसायटीचे कार्यकारी संचालक आणि सीईओ, तसेच फेडरेशन ऑफ मल्टीस्टेट को-ऑपरेटिव्ह क्रेडिट सोसायटी लिमिटेडचे संचालक मगराज राठी यांना ‘बिझनेस आयकॉन’ पुरस्काराने सन्मानित करण्यात आले.
हा पुरस्कार पुणे जिल्हा रिटेल व्यापारी संघ आयोजित व्यापारी दिन सन्मान समारंभात देण्यात आला. या वेळी संघाचे सचिन निवंगूने, नवनाथ सोमसे, दत्तात्रेय जाधव आदी मान्यवर उपस्थित होते.
मगराज राठी हे गेल्या अनेक वर्षांपासून बँकिंग आणि रिअल इस्टेट क्षेत्रात कार्यरत असून, महेश नागरी मल्टीस्टेटच्या माध्यमातून सामान्य नागरिकांना मोठ्या प्रमाणावर पतपुरवठा करण्याचे कार्य त्यांनी यशस्वीपणे केले आहे. त्यांच्या नेतृत्वाखाली अनेक आर्थिकदृष्ट्या दुर्बल घटकांना वित्तीय सेवा मिळवून देण्यात महत्त्वपूर्ण योगदान दिले आहे.
या पुरस्कार स्वीकारल्यानंतर राठी यांनी आपले मनोगत व्यक्त करत पुणे जिल्हा रिटेल व्यापारी संघाचे कार्य हे सर्वसामान्य व्यापाऱ्यांना बळ देणारे असून, ते अत्यंत प्रभावीपणे पार पडत असल्याचे सांगितले. तसेच, आगामी काळात राजस्थानी समाज संघ आणि महेश नागरी मल्टीस्टेट यांच्या माध्यमातून सुरू असलेल्या उपक्रमांना संघाचे असेच पाठबळ मिळेल, अशी अपेक्षाही त्यांनी व्यक्त केली.
Recent Comments