Newsworldmarathi Nashik: राज्यातील लाडकी बहिण योजना बंद होणार नाही, उलट टप्प्याटप्याने निधी वाढवण्यात येईल, अशी स्पष्ट ग्वाही उपमुख्यमंत्री एकनाथ शिंदे यांनी दिली आहे. त्यांनी सांगितले की, विधानसभा निवडणुकीत महायुतीने दिलेली आश्वासने मुख्यमंत्री देवेंद्र फडणवीस, उपमुख्यमंत्री अजित पवार आणि मी मिळून पूर्ण करू, असं ठाम वक्तव्य त्यांनी केलं.
इगतपुरीच्या माजी आमदार निर्मला गावित यांनी शिंदेसेनेत प्रवेश करत पक्षाला रामराम ठोकला. यावेळी एकनाथ शिंदे बोलत होते. त्यांच्या पाठोपाठ इगतपुरी व त्र्यंबकेश्वर तालुक्यातील १५०० महिला कार्यकर्त्यांनीही शिवसेनेत प्रवेश केला. त्यामुळे उद्धव ठाकरे यांच्या नेतृत्वाखालील सेनेला नाशिकमध्ये पुन्हा मोठा धक्का बसला आहे.
निर्मला गावित या दोन वेळा आमदार राहिल्या असून त्यांचे वडील माणिकराव गावित सलग ९ वेळा खासदार होते. यामुळे हा प्रवेश उद्धवसेनेसाठी मोठा धक्का मानला जात आहे. स्थानिक स्वराज्य संस्थांच्या निवडणुका लक्षात घेता शिंदेसेनेचा हा मजबूत पाऊल असल्याचे राजकीय वर्तुळात बोलले जात आहे.
शिंदे यांचे शिवसैनिकांना आवाहन: “गाव तिथे शिवसेना, घर तिथे शिवसैनिक” या घोषवाक्यानुसार काम करा व महायुतीचा भगवा आगामी निवडणुकांमध्ये फडकवा, असे आवाहनही यावेळी एकनाथ शिंदे यांनी केले.
१५०० महिला कार्यकर्त्यांनी शिवसेनेत प्रवेश
श्रमिक वर्तमान कामगार संघटनेच्या शालेय पोषण आघार समितीचे अध्यक्ष शरद लोहकरे पाटील, तालुका अध्यक्ष मच्छिंद्र पवार, नाशिक जिल्हा परिषदेच्या उबाठाच्या माजी उपाध्यक्षा नयना गावित यांच्यासह इगतपुरी व त्र्यंबकेश्वर तालुक्यातील १५०० महिला कार्यकर्त्यांनी शिवसेना पक्षात जाहीर प्रवेश केला.
Recent Comments