Newsworldmarathi pune: पुणे महापालिकेच्या आगामी निवडणुकांची चाहूल लागताच पक्षांमध्ये संघटनात्मक हालचालींना वेग आला आहे. कार्यकर्त्यांनी तळागाळातील शेवटच्या नागरिकापर्यंत पोहोचून त्यांच्या समस्या समजून घेण्याची गरज अधिक अधोरेखित झाली असून, भाजपचा प्रत्येक कार्यकर्ता यासाठी कटिबद्ध आहे. साठे दाम्पत्यांनी सुरू केलेल्या जनसंपर्क कार्यालयातून सेवा अधिक वेगाने होतील असा वविश्वास राज्यमंत्री माधुरी मिसाळ यांनी व्यक्त केला.
बिबवेवाडी अप्पर डेपो परिसरातील भाजप अनुसूचित जाती मोर्चा पुणे शहराध्यक्ष भीमराव साठे आणि माजी नगरसेविका वर्षा साठे यांच्या जनसंपर्क कार्यालयाचे उद्घाटन केंद्रीय राज्यमंत्री मुरलीधर मोहोळ आणि राज्यमंत्री मिसाळ यांच्या हस्ते करण्यात आले. या वेळी साठे दाम्पत्याच्या कामाचे दोन्ही मंत्र्यांनी कौतुक केले.
केंद्रीय राज्यमंत्री मोहोळ म्हणाले, “भाजपचा कार्यकर्ता हा तळातून तयार झालेला असतो. वर्षा साठे आणि भीमराव साठे यांचे काम आम्ही जवळून पाहिले आहे. अनुभवी आणि जनतेशी सातत्याने जोडलेला कार्यकर्ता कसा असतो, याचे उत्तम उदाहरण म्हणजे भीमराव साठे.” त्यांच्या कार्यातून सेवा, संघटन आणि नेतृत्वगुण स्पष्टपणे दिसत असल्याचेही त्यांनी सांगितले.
राज्यमंत्री माधुरी मिसाळ म्हणाल्या, “साठे दाम्पत्याने गेल्या दहा-बारा वर्षांत नगरसेवक नसतानादेखील अतिशय नियोजनबद्ध आणि उत्कृष्ट काम केले आहे. महिला, ज्येष्ठ नागरिक, युवक व सर्वसामान्यांसाठी घेतलेले परिश्रम लक्षणीय आहेत. पुढील दोन महिन्यांत त्यांच्या कार्याची फलश्रुती आणि या कार्यालयासमोर मोठी उत्सुकता पाहायला मिळेल, याबद्दल मला विश्वास आहे.” नवीन कार्यालयातून गोरगरिबांच्या तातडीच्या समस्या सोडवण्यासाठी अधिक तत्पर राहावे, अशी अपेक्षा त्यांनी व्यक्त केली.
या कार्यक्रमाला भाजप राज्य कार्यकारिणी निमंत्रित सदस्य बाबाशेठ मिसाळ, आमदार सुनील कांबळे, शहराध्यक्ष धीरज घाटे, रंजना टिळेकर, युवा मोर्चा अध्यक्ष करण मिसाळ, माजी नगरसेवक दिनेश धाडवे, रूपाली धाडवे, आनंद रिठे,, महेश वाबळे, बाळा ओसवाल, रघु गौडा, वीरसेन जगताप, राजेंद्र शिळीमकर, वृषाली कामठे, संगीता ठोसर, मनीषा कदम, गणेश मोहिते, अविनाश खेडेकर, स्वामीभक्त दिनकर उर्फ बाळा कसबे आदी उपस्थित होते.
Recent Comments