Newsworldmarathi Pune: पुणे शहर जिल्हा काँग्रेस कमिटीच्या सचिवपदी ॲड. राजश्री अडसूळ यांची नुकतीच नियुक्ती करण्यात आली आहे. पुणे शहराध्यक्ष अरविंद शिंदे यांनी त्यांना अधिकृत नियुक्तीपत्र दिले.
यावेळी महाराष्ट्र प्रदेश काँग्रेस कमिटीचे खजिनदार अभयजी छाजेड, माजी महापौर कमलताई व्यवहारे, माजी नगरसेवक अजित दरेकर, माजी नगरसेविका लता राजगुरू, प्राचीताई दुधाने, उषाताई राजगुरू, प्रियांका मधाळे, ज्योती चंदेवळ, अनिताताई धिमधिमे यांसह अनेक पदाधिकारी उपस्थित होते. पक्ष संघटन मजबूत करण्यासाठी, कार्यकर्त्यांपर्यंत पक्षाची धोरणे पोहोचवण्यासाठी आणि शहरातील पक्षाच्या विविध उपक्रमांना गती देण्यासाठी अडसूळ यांची नियुक्ती महत्त्वाची मानली जात आहे.
नियुक्तीनंतर ॲड. राजश्री अडसूळ यांनी पक्ष नेतृत्वाचे आभार मानत सांगितले की, काँग्रेसच्या मूलभूत मूल्यांनुसार पक्ष संघटन अधिक बळकट करण्यासाठी आणि सर्व स्तरातील कार्यकर्त्यांना न्याय मिळवून देण्यासाठी आपण कटिबद्ध राहू. यामुळे पुणे शहर काँग्रेसच्या नेतृत्वात नवीन ऊर्जा आणि दिशा मिळेल, अशी प्रतिक्रिया उपस्थित पदाधिकाऱ्यांनी व्यक्त केली.
Recent Comments