रावसाहेब पटवर्धन विद्यालयात संविधान दिन उत्साहात साजरा

Newsworldmarathi Pune: संविधान दिनाच्या निमित्त रावसाहेब पटवर्धन विद्यालय व ज्युनिअर कॉलेज पुणे येथे 26 नोव्हेंबर रोजी शाळेतील विद्यार्थ्यांसाठी कार्यक्रमाचे आयोजन करण्यात आले होते सर्वप्रथम राज्यघटनेचे शिल्पकार डॉक्टर बाबासाहेब आंबेडकर यांना पुष्पहार अर्पण करून त्यांच्या स्मृतींना अभिवादन करण्यात आले याप्रसंगी राष्ट्र सेवा दल संचालित शिक्षण प्रशासक मंडळाचे सचिव श्री शिवाजी खांडेकर विद्यालयाचे प्राचार्य श्री अनिल कांबळे पर्यवेक्षक श्री जीवन इंगळे, शिक्षक प्रतिनिधी श्री. पुष्पक कांदळकर विद्यार्थी प्रतिनिधी सुमित सरोज व सोनाली बनसोडे उपस्थित होते.

श्रीमती वाझेदा मुलाणी यांनी विद्यार्थ्यांना संविधान दिनाचे व भारतीय संविधानाचे आपल्या आयुष्यातील महत्त्व याविषयी मार्गदर्शन केले. श्री खांडेकर यांनी सर्वांना संविधान दिनाच्या शुभेच्छा देऊन आपल्या जगण्यात संविधानाचा अंमल कसा करावा याबाबत मार्गदर्शन केले. प्राचार्य कांबळे सर यांनी शाहू, फुले, आंबेडकर यांच्या वैचारिक वारशाचे आपण पाईक आहोत त्यांचा वारसा आपल्यालाच पुढे न्यायचा आहे आणि ही जबाबदारी तुम्हा सर्व विद्यार्थ्यांची आहे याची जाणीव करून देतानाच संविधानाने दिलेल्या अधिकारांचे आपल्या जीवनातील महत्त्व अधोरेखित केले.

इयत्ता पाचवीतील विद्यार्थिनी राजश्री सातपुते हिने सर्व विद्यार्थ्यांकडून संविधानाच्या उद्देशिकेचे सामूहिक वाचन करून घेतले. यानंतर भारतीय संविधान चिरायू होवो, माणसा माणसा जागा हो संविधानाचा धागा हो, अशा घोषणा देत विद्यार्थ्यांनी दांडेकर पूल चौक ते निलायम ब्रिज अशी मानवी साखळी तयार करून भारतीय संविधाना प्रति आदर व्यक्त करत परिसरातील सर्वांचे लक्ष वेधून घेतले. कार्यक्रमास शाळेतील सर्व शिक्षक-शिक्षकेतर उपस्थित होते.