थंडीचे शहरात पुन्हा आगमन

Newsworld Pune : डिसेंबरच्या पहिल्या आठवड्यात झालेल्या पावसामुळे गायब झालेल्या थंडीचे शहरात पुन्हा आगमन झाले आहे. रविवारी सकाळी 19 अंश सेल्सियस किमान तापमानाची नोंद झाली. जिल्ह्यातील काही भागांमध्ये तापमानाचा पारा नऊ अंशांपर्यंत घसरला असून, पुढील काही दिवसांत थंडीचा कडाका आणखी वाढण्याची शक्यता आहे.
नोव्हेंबरमध्ये शहरात किमान तापमान १०.८ अंशांपर्यंत घसरले होते. त्यानंतर झालेल्या पावसामुळे विचित्र वातावरण तयार होऊन थंडी गायब झाली होती. गेल्या अनेक दिवसांपासून पुणेकरांना थंडीची प्रतीक्षा होती. गेल्या काही दिवसांत किमान तापमानात घट सुरू होती. रविवारी तापमान 19 अंशांपर्यंत कमी झाले. रात्री उशिरा आणि पहाटेच्या गारठ्यात वाढ झाली आहे