Newsworldmarathi Pune : पुना गोल्फ लीग चे यावर्षी पुण्यातील येरवडा गोल्फ कोर्स येथे दिमाखदार असे आयोजन करण्यात आले होते .या राष्ट्रीय गोल्फ स्पर्धेला देशभरातील अनेक खेळाडू आणि त्यांचे संघ मोठ्या प्रमाणात सहभागी झाले होते.
या गोल्फ लीग मध्ये उत्कृष्ट कामगिरी करणारे अपवादात्मक योगदानाबद्दल अर्किन पाटील* – गोल्ड डिव्हिजनचे प्रतिनिधीत्व करत त्यांनी सन्मान मिळवला.मनप्रीत, एबी आणि जीजीच्या जग्वार्स चे,आर्किन पाटील चे अतुलनीय कौशल्य आणि संयम दाखवला, ज्यामुळे तो लीगच्या मुख्य विभागात त्याच्या संघाची प्रमुख सर्वोत्कृष्ट खेळाडू बनला.
या स्पर्धेचे मुख्य आकर्षण ठरले ते पुण्याचे आशुतोष लिमये ,त्यांनी उपविजेता पदक मिळवित पुना गोल्फ लीग च्या संघाचे वर्चस्व टिकवले. मनप्रीत, एबी आणि जीजीच्या जग्वार्समधील आणखी एक स्टार, कांस्य विभागात आशुतोषची उत्कृष्ट कामगिरी त्याच्या संघाच्या यशात मोलाची ठरली.
या वेळी विजेत्यांचा सन्मान करण्यात आला. संघाचे मालक मनप्रीत उप्पल,अमित बोरा,आणि गौरव गाढोके यांचा विशेष गौरव करण्यात आला. यावेळी पुन्हा गोल्फ क्लब चे कप्तान इक्रम खान यासह देशभरातील विविध संघाचे प्रायोजक ,कॅप्टन आणि खेळाडू मोठ्या संख्येने उपस्थित होते.
आशुतोष लिमये यांनी काश्य पदक मिळवित पुण्याचे वैभव वाढवल्याची प्रतिक्रिया क्रीडा रसीकांडून व्यक्त होत आहे .
Newsworldmarathi Pune : पुण्यातील गुलेन बॅरी सिंड्रोम (GBS) आजाराच्या वाढत्या प्रकरणांमुळे नागरिकांमध्ये चिंता निर्माण झाली आहे. तथापि, उपचारांच्या बाबतीत एक दिलासादायक बातमी समोर आली आहे. पुणे महानगरपालिकेच्या कमला नेहरू रुग्णालयात GBS रुग्णांवर मोफत उपचार केले जाणार आहेत. राज्याचे उपमुख्यमंत्री आणि पुण्याचे पालकमंत्री अजित पवार यांनी याबाबत माहिती दिली आहे.
GBS हा एक दुर्मीळ आजार असून, शरीराची प्रतिकारशक्ती स्वतःच्या परिधीय नसांवर हल्ला करते, ज्यामुळे मांसपेशींची कमजोरी, सुन्नपणा आणि कधी कधी लकवा येतो. पुण्यात या आजाराचे 149 संशयित रुग्ण आढळले आहेत, ज्यापैकी काहींचा मृत्यू झाला आहे. महापालिकेने या परिस्थितीवर लक्ष ठेवले असून, प्रतिबंधात्मक उपाययोजना केल्या जात आहेत.
नागरिकांनी घाबरून न जाता, आवश्यक ती काळजी घ्यावी आणि आरोग्य विभागाच्या सूचनांचे पालन करावे. GBS आजाराच्या उपचारांसाठी महात्मा फुले जनआरोग्य योजनेअंतर्गत असलेल्या दरांमध्ये दुप्पट वाढ करण्यात आली आहे, ज्यामुळे रुग्णांना आर्थिक दिलासा मिळणार आहे.
आज पुण्यातील ससून रुग्णालय येथे गुलेन बारी सिंड्रोम जीबीएस आजाराच्या पाच रुग्णांना एकत्रित डिस्चार्ज देण्यात आला. यावेळी या रुग्णांना फुलांचा पुष्पगुच्छ देत, पेढे भरवत डिस्चार्ज देण्यात आला. यावेळी या रुग्णांच्या चेहऱ्यावर स्मितहास्य पाहायला मिळालं.
Newsworldmarathi Pune : हडपसर विधानसभा मतदारसंघाचे आमदार चेतन तुपे यांच्या वाढदिवसानिमित्त एक लाख मुले व मुली यांची मोफत नेत्र तपासणी, औषधोपचार शिबिर, ॲम्बुलन्सचे उद्घाटन आणि पुणे जिल्हा शिक्षण मंडळाचे, अण्णासाहेब वाघिरे कला, विज्ञान व वाणिज्य महाविद्यालय, ओतूर येथील हिंदी विभागाचे प्रमुख डॉ. राजेंद्र रसाळ यांच्या “समकालीन हिंदी कविता में सामाजिक एवं राजनैतिक व्यंग्य” या पुस्तकाचा प्रकाशन उपमुख्यमंत्री अजित पवार यांच्या हस्ते झाले.
याप्रसंगी आमदार चेतन तुपे, सुरेश अण्णा घुले, शहरअध्यक्ष दिपक मानकर आदी मान्यवर उपस्थित होते. डॉ. राजेश रसाळ यांनी आपल्या मनोगतात सदर पुस्तक लिहिण्यासाठी जी काही प्रेरणा भेटली ती माझ्या आईकडूनच भेटली. माझी आई ही अतिशय शिस्तबद्ध व प्रेमळ स्वभावाची होती त्यामुळेच मी माझ्या पुस्तकाचे समर्पण माझ्या आईच्या चरणी केले आहे. सदर पुस्तकाचे प्रकाशन हे कडक शिस्तीसाठी, आणि तरुणांची आवडती राजकीय व्यक्ती असलेल्या प्रसिद्ध व्यक्तिमत्त्वाच्या हस्ते व्हावे. ही माझी मनोमन इच्छा होती.उपमुख्यमंत्री अजित पवार यांच्या हस्ते माझ्या पुस्तकाचे प्रकाशन ही बाब मला जास्त अभिमानास्पद वाटते, असे रसाळ म्हणाले.
यावेळी डॉ शंतनू जगदाळे, अजित दूधभाते, प्रदीप देशमुख, अजित घुले, संदीप नाना तुपे, खलाटे सर, संदीप बधे, अमर आबा तुपे, शिवाजी डोंबे, वैष्णवी सातव आदी मान्यवर उपस्थित होते.
Newsworldmarathi Pune : श्रद्धा आणि उत्कृष्ट कारागिरीची परंपरा पुढे नेत पीएनजी ज्वेलर्सने श्रीमंत दगडूशेठ हलवाई गणपती ट्रस्टला दहा पदरी भव्य ‘कमळ हार’ अर्पण करत पुन्हा एकदा अध्यात्म आणि कलेप्रती आपली निष्ठा दर्शवली आहे. एक किलो वजनाच्या या हारामध्ये ४०० हून अधिक उपरत्ने जडवलेली असून हा हार म्हणजे अखंड भक्तीचे प्रतीक आहे. ‘कमळ हार’ हा पवित्र कमळाच्या प्रेरणेतून साकारलेला सोन्याच्या दागिन्याचा उत्कृष्ट नमुना आहे. पीएनजी ज्वेलर्सचे संस्थापक आणि गणपती भक्त दाजीकाका गाडगीळ यांनी ही अर्पण परंपरा सुरू केली अशी माहिती ट्रस्टचे सरचिटणीस हेमंत रासने यांनी दिली.
‘कमळ हार’ हा अत्यंत नाजूकपणे साकारलेला दागिन्याचा एक उत्कृष्ट नमुना आहे. यात अनेक आध्यात्मिक प्रतीके जडविण्यात आली आहेत. या हाराच्या मध्यभागी असलेले तेजस्वी कमळ शुद्धतेचे प्रतीक आहे, त्याला दोन मोरांचा आधार मिळाला आहे. मोर हे दिव्य वैभव आणि समृद्धीचे प्रतीक आहेत. हाराच्या आठ पदरांची रचना रुद्राक्षांच्या मण्यांसारखी आहे. ही रचना आध्यात्मिक संरक्षण आणि समतोलाचे प्रतीक दर्शवते. या हाराला भक्तीचा अनोखा स्पर्श देण्यासाठी गणपती बाप्पाच्या आवडत्या मोदकाच्या आकारातील गडद लाल रत्नांचा समावेश करण्यात आला आहे.
यातून परंपरा आणि कलात्मक कौशल्याचा सुंदर मिलाफ घडवला आहे. हा अद्वितीय दागिना २० कुशल कारागीरांनी २५ दिवसांच्या परिश्रमाने साकारला आहे. या हाराच्या निमित्ताने पूर्ण भक्तीभावाने आणि समर्पित भावनेने त्यांनी हा सुंदर दागिना घडवला, असे पीएनजी ज्वेलर्सचे अध्यक्ष आणि व्यवस्थापकीय संचालक डॉ. सौरभ गाडगीळ यांनी सांगितले.
Newsworldmarathi Delhi : केंद्रीय अर्थमंत्री निर्मला सीतारमण यांनी आज संसदेत 2024-25 या आर्थिक वर्षासाठीचा अर्थसंकल्प सादर केला. या अर्थसंकल्पात सर्वसामान्य नागरिकांना दिलासा देणाऱ्या अनेक घोषणा करण्यात आल्या आहेत. करदात्यांच्या अपेक्षेनुसार, नवीन कर प्रणालीत (New Tax Regime) काही बदल करण्यात आले आहेत, तर जुन्या कर प्रणालीत (Old Tax Regime) कोणतेही बदल प्रस्तावित केलेले नाहीत.
12 लाख रुपयांपर्यंत कोणताही टॅक्स लागणार नाही. भारत सरकारने 2020 मध्ये नवीन कर प्रणाली सादर केली, जी जुन्या रिजीमच्या तुलनेत अधिक साधी आणि सुलभ आहे. नव्या रिजीममध्ये फक्त NPS वर सूट दिला जाते. तर जुन्या रिजीममधून अनेक गोष्टींवर लाभ घेता येऊ शकतो.
नवीन कर प्रणालीत कर स्लॅबमध्ये बदल करण्यात आले आहेत, ज्यामुळे करदात्यांना अधिक लाभ होणार आहे.
जुनी कर प्रणालीत कोणतेही बदल प्रस्तावित केलेले नाहीत. म्हणून, ज्यांनी जुन्या कर प्रणालीचा अवलंब केला आहे, त्यांच्यासाठी विद्यमान नियम लागू राहतील. या बदलांमुळे करदात्यांना त्यांच्या उत्पन्नानुसार योग्य कर प्रणाली निवडण्यास अधिक लवचिकता मिळेल.
Newsworldmarathi Delhi : अर्थमंत्री निर्मला सीतारमण या सलग आठव्यांदा बजेट सादर करत आहेत, ज्यामुळे त्या सलग आठ वेळा बजेट सादर करणाऱ्या पहिल्या अर्थमंत्री ठरतील.
बजेट 2025 बद्दल महत्त्वपूर्ण मुद्दे तज्ञ मांडत आहेत. मध्यमवर्गीयांना आयकरात दिलासा मिळावा, अशी अपेक्षा व्यक्त होत आहे. तज्ज्ञांच्या मते, सरकार मानक वजावटीची मर्यादा ५०,००० रुपयांवरून १ लाख रुपयांपर्यंत वाढवू शकते.
तसेच, आयकर स्लॅबमध्ये बदल करून करदात्यांना सवलत देण्याची शक्यता आहे. या उपायांमुळे मध्यमवर्गीयांना काहीसा दिलासा मिळू शकतो.
केंद्रीय अर्थमंत्री निर्माला सीतारमण थोड्याच वेळात त्यांचे आठवे बजेट सादर करतील. मध्यमवर्गाला दिलासा देण्यासाठी आयकर स्लॅबमध्ये मोठा दिलासा मिळण्याची शक्यता वर्तवण्यात येत आहे. वित्तीय तूट कमी करण्यासोबतच आर्थिक वृद्धी दर गाठण्याचे आव्हान सरकारसमोर आहे. काल पंतप्रधान नरेंद्र मोदी यांनी गरीब आणि मध्यमवर्गावर आई महालक्ष्मीचा आशीर्वाद कायम असो, असे शुभ संकेत दिले आहेत. त्यामुळे मध्यमवर्गीयांच्या आशा पल्लवित झाल्या आहेत.
अर्थव्यवस्थेला गती देण्यासाठी आणि महागाईच्या पार्श्वभूमीवर, सरकारकडून मध्यमवर्गीयांना कर सवलती देण्याची अपेक्षा आहे. आता थोड्याच वेळात, या अपेक्षांची पूर्तता होते का, हे समजेल.
Newsworldmarathi Pune : समाजात स्रियांचे स्थान बदलत चालले असले तरी स्रियांना त्रासदायक अशा अनेक अनिष्ट प्रथा आजही चालू आहेत. विशेषतः विधवांना समाजात अत्यंत क्लेशदायक पद्धतीने वागवले जाते. त्यांच्या मनाचा विचार न करता काही विशिष्ट कार्यक्रमात त्यांना सामावून घेतले जात नाहीच शिवाय त्यांना वेगळी अशी अवमानकारक वागणूक मिळते. सवाष्ण नसणं हा तिचा दोष नसतानाही समाजात काही अनिष्ट प्रथांमुळे तिला माणूस म्हणून आपला समाज वागवताना दिसत नाही. हे बदलायचं असेल तर प्रत्येक स्रिने बोलायला शिकले पाहिजे आणि प्रत्येक आई जागी झाली तर समतेच्या दिशेने सकारात्मक परीवर्तन होऊ शकते असे विचार वैदेही सावंत यांनी मांडले.
साने गुरुजी प्राथमिक शाळा, चक्रभेदी फाऊंडेशन देवरुख व इनरव्हील क्लब पुणे यांच्या संयुक्त विद्यमाने अनोख्या अशा तीळगुळ समारंभाचे आयोजन करण्यात आले होते त्या वेळी प्रमुख पाहुण्या म्हणून त्या बोलत होत्या.
Oplus_131072
शिव्या देणे बंद केले पाहिजे, वाईट प्रथा बंद व्हाव्यात म्हणून प्रबोधन केले पाहिजे व समाजात हळूहळू बदल घडविण्यासाठी प्रत्येक नागरिकाने पुढे आले पाहिजे. शासनाच्या वतीने दिलेल्या विविध योजनांचा अशा विधवा परित्यक्ता असहाय्य महिलांना लाभ मिळवून दिला पाहिजे असे विचार पुढे बोलताना त्यांनी मांडले.
यावेळी शासनाच्या बालकल्याण अधिकारी संगिता जाधवर मॅडम यांनी बाल संगोपन योजना,लेक लाडकी योजनांसारख्या महिलांना उपयुक्त अशा विविध योजनांची माहिती दिली.परित्यक्तांचे पूनर्वसन व्हावे म्हणून शासनाच्या वतीने योजना सुरू आहेत मात्र गरजू महिला याचा लाभ घेताना दिसत नाही याबाबत त्यांनी भाष्य केले.
यावेळी काही विधवा, परित्यक्ता महिलांचा गजरा माळवून तसेच साडी देऊन सन्मान करण्यात आला. विधवांनाही हा मान मिळावा, संक्रांतीच्या हळदीकुंकू समारंभात त्यांची अवहेलना होऊ नये व अशा स्वरूपाच्या अनिष्ट प्रथा बंद व्हाव्यात या उद्देशाने या उपक्रमाचे आयोजन करण्यात आले होते.
Oplus_131072
यावेळी उपस्थित सर्व महिलांना वाण म्हणून साडी देऊन सन्मानित करण्यात आले. अनामिका जानराव यांनी पालकांच्या वतीने सुंदर मनोगत व्यक्त केले. विधवा महिलांचा अशा पद्धतीने सन्मान होताना संपूर्ण सभागृह सद्गदित झाले.पाहुण्यांनाही अश्रू अनावर झाल्याचे चित्र सभागृहाने पाहिले.
कार्यक्रमास अध्यक्ष म्हणून राष्ट्र सेवा दल संचलित शिक्षण प्रशासक मंडळाचे सचिव मा शिवाजी खांडेकर उपस्थित होते. तसेच व्यासपीठावर मुख्याध्यापिका मीना काटे,इनरव्हील क्लबच्या अध्यक्षा प्रिती शिरोडकर, स्वाती हिरवे, चित्रा आदमाने,संगिता गोवळकर ,चक्रभेदी फाऊंडेशन च्या सदस्या प्रभावती उबाळे, संस्थेचे संचालक तुषार शिंदे, प्रज्ञा वझे,निलेश शेकदार,अविनाश खंडारे, सोपान बंदावणे उपस्थित होते.
कार्यक्रमाची संकल्पना मांडणाऱ्या मुख्याध्यापिका मीना काटे यांनी स्वागत प्रास्ताविक केले. संपूर्ण उपक्रमाचे सुंदर नियोजन करणाऱ्या संगिता गोवळकर यांनी सूत्रसंचालन केले तर शितल खेडकर यांनी आभार मानले. कार्यक्रम यशस्वी करण्यासाठी सुषमा शिंगाडे,पूनम कदम,सारिका नांगरे यांचे मोठे सहकार्य लाभले तसेच संजय ससे, विठ्ठल शेवते, तेजस्विनी फूलफगर या शिक्षकांनी विशेष परिश्रम घेतले.
Newsworldmarathi Pune :
राज्याचे क्रीडामंत्री दत्तात्रय भरणे यांच्या सुविद्य पत्नी सारिका भरणे (मामी)आणि निर्मला काळे या दोन मैत्रिणींनी एकाच गाडीवर बसल्यानंतर एकच चर्चा रंगली. डांगे चौकातील प्रतिभा मोटर्स या ठिकाणी हिरोच्या नवीन गाडीचे लॉन्चिंग करण्यात आले यावेळी सारिका भरणे उपस्थित होत्या.
बारामती होस्टेलचे प्रमुख शिवाजी काळे, गंधाली काळे, शिवानी काळे यांच्यासह हिरो कंपनीचे अनेक अधिकारी उपस्थित होते. यावेळी प्रतिभा मोटर्सच्या प्रमुख निर्मला काळे यांनी उपस्थित मान्यवरांचे स्वागत केले.
यावेळी बोलताना सारिका भरणे म्हणाल्या, निर्मला ताईंचे नियोजन अतिशय काटेकोर असते. कोणत्याही क्षेत्रामध्ये यश मिळवणे इतकं सोपं नसतं त्यासाठी मेहनत आणि प्रामाणिक प्रयत्न आवश्यक असतात. या प्रयत्नामध्ये कुठेही काळे फॅमिली कमी पडत नाही. त्यामुळेच ते आज यशाच्या शिखरावर असल्याचे आपणास पाहायला मिळते. यावेळी कंपनीच्या अधिकाऱ्याने देखील प्रतिभा मोटरचे कौतुक भरभरून केले.
Newsworldmarathi Pune : पुण्यातील कायदा आणि सुव्यवस्थेबाबत नागरिकांमध्ये वाढती चिंता व्यक्त होत आहे. गेल्या काही दिवसांपासून शहरात गुन्हेगारीच्या घटनांमध्ये वाढ झाल्याचे दिसत आहे. विशेषतः, वाहनांची तोडफोड आणि ‘कोयता गँग’च्या दहशतीच्या घटना समोर येत आहेत.
मंगळवारी रात्री दत्तवाडी, लक्ष्मीनगर, आणि पर्वती परिसरात सुमारे ४० वाहनांची तोडफोड झाल्याची घटना घडली. या तोडफोडीत चारचाकी वाहने आणि रिक्षांचा समावेश होता. पोलिसांनी या प्रकरणी तपास सुरू केला आहे.
‘कोयता गँग’च्या दहशतीमुळेही पुणेकरांमध्ये भीतीचे वातावरण आहे. गेल्या काही महिन्यांमध्ये या गँगच्या सदस्यांनी विविध भागात कोयत्यांचा वापर करून दहशत माजवली आहे. उदाहरणार्थ, लोहगाव येथील साठे वस्ती परिसरात कोयता आणि दगडांचा वापर करून वाहनांची तोडफोड करण्यात आली होती.
या वाढत्या गुन्हेगारीच्या घटनांमुळे नागरिकांमध्ये असुरक्षिततेची भावना निर्माण झाली आहे. पोलिसांनी या घटनांवर नियंत्रण आणण्यासाठी कठोर उपाययोजना कराव्यात, अशी मागणी नागरिकांकडून होत आहे.
Newsworldmarathi Pune :प.पू.गणेशलालजी महाराजसाहब यांनी देशभर अहिंसा प्रसाराचे मोठे कार्य केले, ते जैन समाजाचे महान तपस्वी होऊन गेले, सोबत खादी प्रचार प्रसार, अंगीकार, गोशाळा उभारणी आणि इतर अनेक मोठी कार्यें केली. त्यांच्या प्रेरणेने देशभरातील मंदिरात धर्माच्या नावाखाली होणाऱ्या अनेक पशु हत्या बंद झाल्या.
गेल्या 132 महिन्यांपासून अमावस्येला पुणे ते जालना ( गुरुगणेश धाम ) ते आहिल्यानगर (आनंदधाम) ते पुणे अशी बस यात्रा अगदी नाममात्र मूल्य घेऊन पार्श्व प्रतिष्ठान च्या वतीने सुरु केली.
मार्गदर्शक महेंद्र सुंदेचा व पार्श्व प्रतिष्ठान चे संस्थापक अध्यक्ष सौरभ पारसमल धोका यांच्या वाढदिवसाच्या निमित्ताने २८ जानेवारी २०२५ रोजी जवळपास 200 पेक्षा जास्त भाविकांना नाम मात्र मुल्यात – सेवा रुपात नेण्यात आले.
सौ. जया महेंद्रजी सुंदेचा मुथ्था, सौ. दिक्षा सौरभजी धोका, सौ.पुनिता रोहनजी भटेवरा व गुरुभक्त परिवार यांच्या विशेष सहयोगाने यात्रा आयोजित झाली.
२८ जानेवारी २०२५ रोजी पुण्यातून रात्री 8:30 वाजता युवारत्न महेंद्रजी सुंदेचा मुथ्था, समाजरत्न प्रकाशजी भंडारी, राजेंद्रजी ताथेड़, सुनिलजी पारख, युवा उद्योजक पवन चोरडिया, गौरव धोका, देवेंद्र पारख, संदेश गादिया आणि अनेक मान्यवरांच्या उपस्थितीत जैन ध्वजा दाखवून या बसेस सोडण्यात आल्या.
या यात्रेला भाविकांनी उत्स्फूर्त प्रतिसाद दिला.
या यात्रेचे आयोजन यशस्वी करण्यासाठी पार्श्व प्रतिष्ठान चे संस्थापक अध्यक्ष सौरभ पारसमल धोका, उपाध्यक्ष चेतन पारख, खजिनदार प्रशिल ताथेड यांनी मेहनत घेतली.
तसेच जालना श्री संघ यांनी खुप चांगली व्यवस्था केल्याने सर्वांनी आभार मानले.
