धनंजय मुंडे आणि करुणा मुंडेचा तो व्हिडिओ होतोय व्हायरल

Newsworld Mumbai : राजकीय आणि सामाजिक वर्तुळात चर्चेचा विषय ठरलेल्या धनंजय मुंडे आणि करुणा शर्मा यांच्यातील वाद पुन्हा एकदा चर्चेत आला आहे. करुणा शर्मा यांनी मतदानाच्या आदल्या दिवशी इन्स्टाग्रामवर व्हिडिओ शेअर करत परळी विधानसभा मतदारसंघातील नागरिकांना धनंजय मुंडेंना पराभूत करण्याचं आवाहन केलं.

या व्हिडिओमध्ये त्यांनी काही तरुणींची नावं घेत गंभीर आरोप केले असून, या आरोपांमुळे खळबळ माजली आहे. करुणा शर्मा यांची ही कृती राजकीय वर्तुळात मोठी चर्चा निर्माण करणारी ठरली आहे. यापूर्वी देखील करुणा शर्मा यांनी धनंजय मुंडेंवर विविध आरोप करत वाद निर्माण केला होता. या प्रकरणावर अद्याप धनंजय मुंडे किंवा त्यांच्या पक्षाकडून अधिकृत प्रतिक्रिया आलेली नाही.करुणा शर्मा यांनी त्यांच्या व्हिडिओमध्ये परळी मतदारसंघातील जनतेला धनंजय मुंडेंविरोधात मतदान करण्याचं आवाहन केलं आहे. त्यांनी व्हिडिओत सांगितलं की, “नमस्कार, मी करुणा धनंजय मुंडे. परळीच्या जनतेला माझी हात जोडून कळकळीची विनंती आहे की, धनंजय मुंडे यांना पाडा. त्यांना एकही मतदान करु नका, कारण धनंजय मुंडेंइतका सत्तेचा गैरवापर कुणीच केला नाही.

स्वतःच्या बायकोला तीन-तीन वेळा जेलमध्ये टाकणं, गुंडांकरवी मारहाण करुन घेणं, पोलिसांकडून पत्नीला मारहाण करणं… तुमचं काय भलं करेल तो?”यासोबतच त्यांनी धनंजय मुंडेंवर गंभीर आरोप करत त्यांचा सत्तेचा गैरवापर, कुटुंबीयांवरील अत्याचार, आणि त्यांच्या वर्तनाचा परळीच्या जनतेवर होणारा परिणाम यावर जोर दिला आहे. हा व्हिडिओ सध्या राजकीय वर्तुळात मोठ्या चर्चेचा विषय बनला आहे. करुणा शर्मा यांनी त्यांच्या व्हिडिओमध्ये धनंजय मुंडेंवर अतिशय गंभीर स्वरूपाचे आरोप केले आहेत.