सोमवार पेठेतील नवरात्र महोत्सवाला सभागृहनेते गणेश बिडकर व अभिनेता प्रविण तरडे यांच्या उपस्थितीने उत्साह

Newswroldmarathi Pune: प्रभाग क्र. २४ मधील सोमवार पेठेत नवरात्र महोत्सवानिमित्त आयोजित भव्य देवीची आरती मोठ्या भक्तिभावाने पार पडली. या प्रसंगी नगरसेवक तथा मा. सभागृहनेते गणेश बिडकर आणि सुप्रसिद्ध अभिनेते प्रविण तरडे यांच्या हस्ते देवीची आरती करण्यात आली.

देवी आरतीच्या या सोहळ्यात परिसरातील नागरिक मोठ्या संख्येने सहभागी झाले होते. गणेश बिडकर आणि प्रविण तरडे यांनी मंडळाच्या कार्याची आणि नवरात्र महोत्सवाच्या भव्यतेची प्रशंसा केली. आरतीनंतर मंडळाचे विश्वस्त अध्यक्ष सुनील पवार आणि अध्यक्ष प्रसाद गोरे यांच्या हस्ते मान्यवरांचा सत्कार करण्यात आला.

कार्यक्रमात सुप्रसिद्ध अभिनेते-दिग्दर्शक प्रविण तरडे तसेच सैरभ कर्डे यांच्या उपस्थितीमुळे उत्सवाला अधिकच ऊर्जस्वल वातावरण लाभले. समाजातील बंधुभाव, ऐक्य आणि सांस्कृतिक परंपरा अधोरेखित करण्याचे कार्य या महोत्सवातून घडत असल्याचे मान्यवरांनी सांगितले.

नागरिकांच्या उत्स्फूर्त सहभागामुळे सोमवार पेठेतील नवरात्र महोत्सव अधिकच भव्य आणि उत्साहपूर्ण होत असून धार्मिक भावनांसह सांस्कृतिक एकतेचा संदेश देत आहे.