पुण्यातील कोथरूड आणि कर्वेनगर परिसरात चोरीच्या घटना उघड झाल्या आहेत.कोथरूडमध्ये मॉर्निंग वॉकसाठी जात असलेल्या एका महिलेच्या गळ्यातील मंगळसूत्र चोरट्यांनी हिसकावून नेले. कर्वेनगरमध्ये एका सोसायटीच्या आत प्रवेश करून चोरट्यांनी महिलेच्या गळ्यातील सोनसाखळी जबरदस्तीने हिसकावली.
या घटनांमुळे स्थानिक रहिवाशांमध्ये भीतीचे वातावरण निर्माण झाले आहे. पोलिसांकडून दोन्ही घटनांची चौकशी सुरू असून चोरट्यांचा तपास केला जात आहे.
पुण्यात मॉर्निंग वॉकसाठी गेलेल्या महिलेचे मंगळसूत्र चोरट्याने हिसकावल्याची (Crime News) घटनी घडली आहे. पुण्यातील कर्वेनगरमध्ये घडलेल्या घटनेचे सीसीटीव्ही फुटेज समोर आले आहे. पहाटेच्या वेळेचा फायदा घेत पाळत ठेऊन दुचाकीवरून आलेल्या चोरट्याने मंगळसूत्र हिसकावले आहे. वृध्द महिला असल्यामुळे त्यांना पाठलाग करणे शक्य नव्हते.
या घटनेबाबत मिळालेल्या माहितीनुसार, आज (बुधवारी ता-22) सकाळी 6.42 वाजता ही घटना घडली आहे. नवसह्याद्री सोसायटीतील चंदन पथ येथे सकाळी फिरायला जाणार्‍या जेष्ठ महिलांचे खुलेआम मंगळसूत्र चोरून (Crime News) हिसकावून नेले. हिसकवताना अर्धा भाग तुटून खाली पडला. चोरटा परत मागे आला व पडलेला भाग उचलून नेला. ना कोणाचे भय ना कोणती सुरक्षा अशी चिंता या ठिकाणी व्यक्त होते आहे.
