Newsworldmarathi Pune : छत्रपती सहकारी साखर कारखान्याच्या प्रचारासाठी इंदापूर तालुक्यातील अकोले गावात उपमुख्यमंत्री अजित पवार यांची जाहीर सभा पार पडली. या सभेत अजित पवारांनी तुफान फटकेबाजी केली.
”मी शब्दाचा पक्का आहे, एखाद्याला सांगितलं की खासदार करतो तर करतोच. मी एखाद्याला सांगितलं की याचा काटा काढतो, तर त्याचा काटा काढतोच. एखाद्याला सांगितलं की याला पाडतो, तर त्याला पाडतोच…” असं अजित पवार यांनी म्हटले.
इंदापूर तालुक्यातील प्रलंबित पाण्याचा प्रश्न आम्ही मार्गी लावणारच, मी शब्दाचा पक्का आहे. लोकसभेला, विधानसभेला कुणी कुठले काम केले हे न बघता 53 गावातील लोकांना न्याय देण्यासाठी प्रयत्न केला, असं अजित पवार यावेळी म्हणाले.
छत्रपती सहकारी साखर कारखाना हा शरद पवार साहेबांनी तसेच घोलप,जाचक यांनी उत्तम चालवला. आम्ही राज्यातील अनेक कारखाने उभे केले. काही बिनविरोध देखील केलेले आहेत. छत्रपतीसाठी देखील बिनविरोध करण्याचं आवाहन केलं होतं. इंदापूर तालुक्यातील कारखान्यांपेक्षा तुलनात्मक जादा दर छत्रपती कारखाना देतो, असंही यावेळी सांगितलं
मला तर अमित शहा नावाने ओळखतात
बारामतीत बोलताना म्हणाले, विरोधक सांगतात केंद्रीय मंत्री अमित शहा यांच्याशी माझी ओळख आहे. मात्र, मला तर अमित शहा नावाने ओळखतात. तुम्हाला ओळखतात का? असा टोला अजित पवारांनी यावेळी लगावला.
पुढे म्हणाले, तुम्हाला स्वतःचे धंदे नीट करता येत नाहीत. बाप जाद्यांनी एवढं गडगंज करून ठेवलं होतं ते तुम्हाला सांभाळता येत नाही. आणि तुम्ही २२ हजार सभासदांचा संसार करायला निघालात, असा जोरदार प्रहार उपमुख्यमंत्री अजित पवार यांनी विरोधकांवर लगावला आहे.
Recent Comments