News World Marathi© 2024 Newsworld मराठी बाह्य इंटरनेट साइट्सच्या सामग्रीसाठी आम्ही जबाबदार नाही. बाह्य लिंक्सबद्दल आम्हाल काय वाटतं? इथे वाचा. बाह्य लिंक्सबद्दल आम्हाल काय वाटतं? इथे वाचा.

पुणे : पुणे शहरामध्ये वाढत्या शहरीकरणाबरोबरच लोकसंख्येचा विचार केला तर सध्या असलेली उद्यानांची संख्या अगदीच अपुरी आहे. मात्र योग्य नियोजनातून आपल्याच घराच्या, ऑफिसच्या टेरेसवर घरातील टाकाऊ वस्तू आणि ओल्या कचऱ्यापासून सुंदर आणि हिरवेगार टेरेस गार्डन आपण स्वत: तयार करू शकतो याचा आदर्श घालून देत पुणे महानगरपालिका, कोंढवा-येवलेवाडी क्षेत्रीय कार्यालय आणि साई जनसेवा प्रतिष्ठान यांच्या संयुक्त विद्यमाने कोंढवा येवलेवाडी क्षेत्रीय कार्यालयाच्या ८०० चौ. फुट टेरेसवर मनमोहक टेरेस गार्डन तयार करण्यात आले आहे. याचे उद्घाटन नुकतेच अतिरिक्त महापालिका आयुक्त पृथ्वीराज बी पी आणि उपायुक्त, परिमंडळ क्रमांक ४ जयंत भोसेकर यांच्या शुभहस्ते करण्यात आले. पुणे महानगरपालिका, कोंढवा-येवलेवाडी क्षेत्रीय कार्यालयाच्या टेरेसवर या पर्यावरणपूरक गार्डनची निर्मिती करण्यात आली असून या गार्डनमध्ये टाकाऊ टायर, ड्रम आणि विटांचा उपयोग करून ८०० चौरस फूट जागेत फळे, फुले, भाज्या आणि शोभेच्या झाडांनी ही बाग फुलवण्यात आली आहे. या टेरेस गार्डनमध्ये शेवगा, कारले, संत्रा, पपई, कांचन, बहावा, चाफा, जास्वंद, सदाफुली, कर्दळी, तगर, गुलाब, बांबू, ऊस, शोभेची रोपे अशी फळझाडे, फुलझाडे आल्याने ही बाग अतिशय सुंदर आणि मनमोहक दिसत आहे. यासोबतच उन्हाची दाहकता लक्षात घेवून पक्षासाठी केलेली पिण्याचे पाणी व्यवस्था तसेच परिसरात केलेली नागरिकांसाठीची बैठक व्यवस्था सर्वांचे लक्ष वेधून घेत आहे. यावेळी बोलताना अतिरिक्त महापालिका आयुक्त पृथ्वीराज बी पी म्हणाले कि, “ पुणे महानगरपालिका ही संस्था नागरिकांशी निगडीत असून तिचे ब्रिदवाक्य वरं जनहितं ध्येयम असे आहे. आपण केलेल्या कामाचा प्रभाव हा नागरिकांवर होत असतो व नागरिकांकडून आपल्या सेवेबाबत मिळणारे समाधान आणि कौतुक हे आपल्या कामाची पोचपावती असते आणि हि पोचपावती कोंढवा येवलेवाडी कार्यालयास मिळाली आहे” याप्रसंगी कोंढवा-येवलेवाडी क्षेत्रीय कार्यालयाचे सहाय्यक आयुक्त लक्ष्मण कादबाने यांचेसह सहाय्यक आयुक्त दिपक राऊत, जगले, मंदार वेदक, अपेक्स कमिटी मेंबर, नेराळे मॅडम, तंवर मॅडम, मोहल्ला कमिटी सदस्य, धायभर तसेच उपअभियंता चौधरी मॅडम , प्रशासन अधिकारी मोरे, वरिष्ठ आरोग्य निरीक्षक दुल्लम व कदम व कार्यालयातील सर्व अधिकारी, कर्मचारी व साई जनसेवा प्रतिष्ठानचे सुरज लोखंडे यांचेसह कार्यकर्ते मोठया संख्येने उपस्थित होते.

Newsworldmarathi Pune: पुणे शहरात पुन्हा एकदा हिट अँड रनची घटना समोर आली आहे. पुण्यातील नवले ब्रिज जवळ ‘हिट अँड रन’ची घटना घडली आहे. नवले ब्रिज जवळ एका मर्सिडीज कारने दुचाकीस्वाराला उडवले आहे. या घटनेत दुचाकीस्वाराचा जागीच मृत्यू झाला आहे. कुणाल हुशार (रा. चिंचवड) असं मृत्यू झालेल्या तरुणाचे नाव आहे. कारमधील मद्यधुंद चालकासह चार लोकांची अद्यापही मेडिकल झालेली नाही. आरोपींना वाचवण्यासाठी पोलिसांचा प्रयत्न असल्याचा आरोप नातेवाईकांनी केला आहे. या घटनेने पुणे शहरात मोठी खळबळ उडाली आहे. दरम्यान या घटनेचा पोलीस तपस करत आहेत. वाघोलीत डंपरने महिलेला फरफटत नेलं, जागीच मृत्यू वाघोलीत डंपरने पाठीमागून धडक दिल्याने दुचाकीवरील महिला जागीच ठार झाली, तर तिचा पती किरकोळ जखमी झाला आहे. ही घटना बुधवारी सायंकाळी सहा वाहण्याच्या सुमारास बायफ रोडवरील आयडीबीआय बँकेसमोर घडली आहे. रुपाली सुरज तिवारी ( वय- २७ वर्षे, रा. पार्थ व्हीलाज, बायफ रोड ) असे मृत्युमुखी पडलेल्या महिलेचे नाव आहे. तिचे पती सूरज हे किरकोळ जखमी झाले. या प्रकरणी डंपर चालक शुभम सुदाम मस्के (वय- २५ वर्षे, रा. लोणीकंद ) व डंपर मालक प्रमोद संभाजी भाडळे ( रा. वाघोली ) या दोघांवर गुन्हा दाखल करण्यात आला आहे.

Newsworldmarathi Pune : राज्य माध्यमिक व उच्च माध्यमिक शिक्षण मंडळामार्फत फेब्रुवारी-मार्च २०२५ मध्ये घेण्यात आलेल्या इयत्ता दहावी आणि बारावीच्या परीक्षांचे निकाल तयार करण्याचे काम अंतिम टप्प्यात आले आहे. सुरुवातीला हे निकाल मे महिन्याच्या पहिल्या आठवड्यात लागतील, अशी अपेक्षा होती. मात्र आता मिळालेल्या माहितीनुसार, बारावीचा निकाल मे महिन्याच्या दुसऱ्या आठवड्यात शेवटच्या टप्प्यात जाहीर होण्याची शक्यता आहे. राज्य मंडळाचे अध्यक्ष शरद गोसावी यांनी दिलेल्या माहितीनुसार, दहावी आणि बारावीचे निकाल १५ मेपर्यंत नक्की जाहीर करण्यात येणार आहेत. यंदा लेखी परीक्षा दरवर्षीपेक्षा दहा दिवस लवकर घेण्यात आल्या होत्या. त्यामुळे निकालही लवकर लागणार असून, विद्यार्थ्यांना पुढील अभ्यासक्रम आणि करिअरच्या योजना करण्यासाठी अधिक वेळ मिळेल. बारावीच्या परीक्षा ११ फेब्रुवारीपासून, तर दहावीच्या परीक्षा २१ फेब्रुवारीपासून सुरू झाल्या होत्या. सध्या सर्व विभागीय मंडळांचे निकाल एकत्र करून त्याचा अंतिम आढावा घेतला जात आहे. बारावीचा निकाल ५ मे ते १० मेदरम्यान, तर दहावीचा निकाल १५ मेपर्यंत लागेल, असे सांगण्यात आले आहे

Newsworldmarathi Mumbai : विधानसभा निवडणुकीनंतर महायुती सरकारची महत्त्वाकांक्षी योजना मानली जाणारी मुख्यमंत्री माझी लाडकी बहीण योजनेच्या एप्रिल महिन्याच्या हप्त्याची रक्कम पात्र महिलांच्या खात्यात वर्ग करण्याची प्रक्रिया सुरु करण्यात आल्याची माहिती महिला व बालविकास मंत्री अदिती तटकरे यांनी सोशल मीडियावर पोस्ट करत दिली आहे. मुख्यमंत्री लाडकी बहीण योजना गुंडाळणार अशी विरोधकांची ओरड असताना राज्य सरकारने सन २०२५-२६ या आर्थिक वर्षाकरिता ४१० कोटी रुपयांचा निधी योजनेसाठी मंजूर केला आहे. शासकीय धोरण लक्षात घेऊन नियंत्रक अधिकारी यांनी निधी खर्च करताना काटकसरीच्या उपाययोजना आखून खर्च करावा, असे निर्देश देखील महिला व बालविकास विभागाकडून देण्यात आले आहेत. “मुख्यमंत्री माझी लाडकी बहिण” या महत्वाकांक्षी योजनेअंतर्गत एप्रिल महिन्याचा सन्मान निधी पात्र लाभार्थी लाडक्या बहिणींच्या आधार लिंक असलेल्या बँक खात्यांमध्ये जमा करण्याची प्रक्रिया आजपासून सुरू करण्यात येत आहे. पुढील २ ते ३ दिवसांत ही प्रक्रिया पूर्ण होईल आणि सर्व पात्र लाभार्थींना निधी थेट त्यांच्या खात्यात प्राप्त होईल. तसेच की, या माध्यमातून महिलांच्या आर्थिक सशक्तीकरणासाठीचा सरकारचा संकल्प अधिक दृढ केला जात आहे.” असं मंत्री अदिती तटकरे यांनी आपल्या पोस्ट मध्ये म्हटलं आहे. दरम्यान, योजनेचे निकष डावलून योजनेचा लाभ घेणाऱ्या लाभार्थ्यांची छाननी करण्यास सुरुवात केली. त्यानंतर तब्बल ५० हजार महिलांनी लाडकी बहीण योजनेचा लाभ स्वतःहून सोडला. विरोधकांनी यावरून राज्य सरकारवर टीकेची झोड उठवली. तसेच कालांतराने ही योजना बंद करण्याचा सरकार डाव असल्याचा आरोपदेखील करण्यात आला. शिवाय लाडक्या बहिणीला अक्षय्य तृतीयेच्या मुहूर्तावर १५०० रुपयांचा हप्ता देण्याची घोषणाही हवेत विरली. लाडक्या बहिणींनी यानंतर नाराजी व्यक्त करण्यास सुरुवात केली. अखेर महिला व बालविकास विभागाने आर्थिक वर्षाकरिता ४१०.३० कोटी रुपयांच्या निधी खर्चाच्या प्रस्तावाला मान्यता दिली. मुख्यमंत्री माझी लाडकी बहीण योजनेसाठी अनुसूचित जाती घटकांकरिता सन २०२५-२६ या आर्थिक वर्षात विशेष घटक योजना, अनुसूचित जाती घटक कार्यक्रमांतर्गत मुख्यमंत्री माझी लाडकी बहीण योजना तसेच ३१ सहाय्यक अनुदाने (वेतनेतर) खर्चासाठी ३९६० कोटी इतका निधी मंजूर करण्यात आला आहे.

Newsworldmarathi Pune : तापमानाचा पारा ४०च्या वर गेल्या शहरात पाण्याची मागणी २५ टक्के पेक्षा अधिक वाढली आहे. त्यातच, धरणातून शहरातील उचलण्यात येणारे पाणी मर्यादीत असल्याने पाण्याच्या मागणी एवढा पुरवठा करणे शक्य नसल्याने महापालिकेकडून अखेर शहरात पाण्याची कपात करण्यास सुरूवात करण्यात आली आहे. दक्षिण पुण्यातील कात्रज, आंबेगाव, धायरी, सिंहगड रस्ता परिसरापासून ही सुरूवात करण्यात आली आहे. या भागात आता आठवडयातून एक दिवस पाणी बंद ठेवले जाणार आहे. या परिसरात महापालिकेच्या वडगाव जलशुध्दीकरण केंद्रातून पाणी पुरवठा करण्यात येतो. मात्र, उपलब्ध असलेले पाणी कमी पडत असल्याने कात्रज परिसरात मोठया प्रमाणात पाणी पुरवठा विस्कळीत झाला असल्याने सर्व भागात पुरेसे पाणी देण्यासाठी आठवडयातून एक दिवस पाणी बंद ठेवले जाणार आहे. या निर्णयाची अंमलबजावणी येत्या सोमवार (दि,५ मे) पासून केली जाणार आहे. या भागात चक्राकार पध्दतीने पाणी दिले जाणार आहे. वार आणि पाणी पुरवठा बंद असणारा भाग सोमवार बालाजीनगर : बालाजीनगर, श्रीहरी सोसयाटी,गुरूदत्त सोसायटी, साईकृपा सोसायटी, सर्वे नं २३, गुलमोहर सोसायटी, पवार हॉस्पीटल परिसर कात्रज : उत्कर्ष सोसायटी परिसर, गुजर वस्ती, कात्रज तलावा लगतचा पूर्व भाग, चौधरी गोठा कोंढवा : साईनगर, गजानन महाराज नगर, शांतीनगर सोसायटी, महानंदा सोसायटी, सावंत कॉलनी, श्रीकृष्ण कॉलनी. मंगळवार सनसिटी : सनसिटी संपूर्ण, माणिकबाग, सनसिटी परिसर, समर्थ नगर, महालक्ष्मी सोसायटी, मधुकर हॉस्पीटल परिसर, विठ्ठलवाडी, विठठलनगर जुनी धायरी : संपूर्ण जुनी धायरी, उज्वल टेरेस, बारंगणी मळा, दळवीवाडी, पारी कंपनी रस्ता कात्रज : राजस सोसायटी परिसर, निरंजन सोसायटी, कमला सिटी, स्टेट बँक सोसायटी, नवीन पोस्ट आफिसचा भाग कोंढवा : कामठे पाटील नगर, खडीमशिन चौक, सिंहगड कॉलेज, हब टाऊन सोसायटी, कोलते पाटील सोसायटी, प्रभाग ३७ बुधवार वडगाव हिंगणे : वडगाव बुद्रूक, वडगाव हिंगणे, पेरूची बाग, धावडी, जाधवनगर, वडगाव गावठाण, जाधवनगर, खोरड वस्ती, सुदत्त संकूल, समर्थ नगर, संतोष मागील परिसर, हिंगणे, महादेवनगर, आंनद विहार, राजीव गांधी वसाहत कात्रज : वघजाईनगर, भांडेआळी, सुखदा-वरदा सोसायटी, सम्राट टॉवर, आंबामाता मंदीर पाठीमागील परिसर. शिवशंभोनगर गल्ली १, माऊलीनगर, सिल्वहर ओक सोसायटी, बलकवडे नगर कोंढवा : सुखसागर नगर २, शिवशंभोनगर ( कात्रज- कोंढवा रस्ता) स्वामी समर्थ नगर गुरुवार धनकवडी : सर्वे नं. २,३ धनकवडी गावठाण, बाळकृष्ण सोसायटी, सौदागर सोसायटी, राजमुद्रा सोसायटी, चित्तविहारी सोसायटी, अक्षयनगर, दौलतनगर, कलानगर, गुलाबनगर, चैतन्यनगर, सर्वे. नं. ३४,३५,३६, ३७सह्याद्रीनगर, आदर्शनगर, प्रतिभानगर तळजाई पठार सर्व्हे नं.४,५,७,८, गणेशदत्त सोसायटी, टिळकनगर, सावरकर सोसायटी, आंबेडकर वसाहत, ग्रीन पार्क, अविष्कार सोसायटी, सन्मित्र सोसायटी, सागर सोसायटी, सहकारनगर भाग १, दाते बसस्टॉप कात्रज : सुखसागरनगर भाग १, मॅजेस्टीक टॉवर, रोहितदास महाराज मठ, शिवशंभोनगर, स्वामी समर्थनगर (डोंगर भाग) निलया सोसायटी, महादेवनगर भाग – २. कोंढवा : सावकाशनगर, काकडे वस्ती, शिवशंभोनगर (काकडे वस्तीचा भाग) गोकुळनगर (रस्त्याचा व डोंगर भाग), वृंदावननगर. शुक्रवार आंबेगाव पठार : आंबेगाव पठार सर्वे नं. १५ ते सर्वे नं. ३०, महाराणा प्रताप चौक, सर्वे नं. १७ ते दत्तनगर भुयारी मार्ग, चंद्रभागानगर, त्रिमूर्ती चौक, भारती विहार सोसायटी, भारती विद्यापीठ मागील संपूर्ण परिसर कात्रज : वसवडेनगर, पोलीस कॉलनी, जाधवनगर, जोगेश्वरीनगर, मोरे-निंबाळकर वस्ती, भारतनगर, दत्तनगर. आगम मंदिर संतोषनगर अन्जलीनगर, दत्तनगर, जांभूळवाडी रस्ता, दत्तनगर, वंडर सिटी परिसर, साईनगर कोंढवाः कोंढवा बु. (गावठाण), वटेश्वर मंदिर, भोलेनाथ फर्निचर, हिल व्यू सोसायटी, मरळ नगर, कांतिन अपार्टमेंट, विष्णू ठोसरनगर, कोंढवा बु. (भाऊ कामठे गल्ली) कपिलनगर, लक्ष्मीनगर संपूर्ण. आचल फार्म शनिवार कात्रज :, कात्रज गाव, गुजरवाडी फाटा, अखील नवीन वसाहत कात्रज कोंढवा : राजीवगांधी वसाहत संर्पूण, चैत्रबन वसाहत, कुष्णनगर, झांबरे वस्ती, ग्रीन पार्क, अजमेरा पार्क, काकडेवस्ती गल्ली क्रमांक १ शिवशक्ती नगर, अशरफ नगर गल्ली क्रमांक ७,८ आणि ११ कोंढवा : राजीवगांधी वसाहत संर्पूण, चैत्रबन वसाहत, कुष्णनगर, झांबरे वस्ती, ग्रीन पार्क, अजमेरा पार्क, काकडेवस्ती गल्ली क्रमांक १ शिवशक्ती नगर, अशरफ नगर गल्ली क्रमांक ७,८ आणि ११ रविवार कात्रज : महादेवनगर भाग १, आनंद नगर, विद्या नगर, महावीर नगर कोंढवा : शिवप्लाझा पिसोळी रस्ता, एच अॅड एम सोसायटी, पारगे नगर, १५ नंबर, आंबेडकर नगर संपूर्ण, पुण्यधाम आश्रम रस्ता, हगवणे नगर, अशरफ नगर पूर्ण