News World Marathi© 2024 Newsworld मराठी बाह्य इंटरनेट साइट्सच्या सामग्रीसाठी आम्ही जबाबदार नाही. बाह्य लिंक्सबद्दल आम्हाल काय वाटतं? इथे वाचा. बाह्य लिंक्सबद्दल आम्हाल काय वाटतं? इथे वाचा.

Newsworldmarathi Pune : मराठी चित्रपटसृष्टीत एका नवीन आणि बहुचर्चित स्वप्नसुंदरी चित्रपटाचा मुहूर्त सोहळा मोठ्या दिमाखात पुण्यातील कॅम्प भागातील विला मारिया बंगल्यात पार पडला. रेडबेल मीडिया निर्मित आणि अक्षय जयसिंगराव शिंदे दिग्दर्शित स्वप्नसुंदरी या चित्रपटाची अधिकृत घोषणा करण्यात आली. चित्रपटाचे निर्माता सतीश महादेव गेजगे असून, या चित्रपटात काही नामांकित कलाकार झळकणार आहेत. भूषण प्रधान, सायली पाटील, अशोक शिंदे आणि शिल्पा नवलकर हे कलाकार प्रमुख भूमिका साकारणार आहेत.मुहूर्त सोहळ्याला मराठी सिनेसृष्टीतील मान्यवरांची उपस्थिती होती. चित्रपटाच्या कथानकाबाबत अधिक माहिती अद्याप गुलदस्त्यात ठेवण्यात आली असली, तरी हा एक दमदार आणि उत्कंठावर्धक स्वप्नसुंदरी चित्रपट ठरणार असल्याची निर्मात्यांनी ग्वाही दिली आहे. स्वप्नसुंदरी चित्रपटाचा मुहूर्त महिलादनिानिमित्त 8 मार्च 2025 रोजी चित्रपटाच्या चित्रीकरणाला सुरुवात करण्यात आली. प्रेक्षकांना एक वेगळी कथा अनुभवायला मिळणार आहे.

Newsworldmarathi Pimpri : महिलांचे सामाजिक आणि आर्थिक सक्षमीकरण होण्यासाठी प्रयत्न करणे गरजेचे आहे. त्यासाठी पिंक रिक्षा योजनेमध्ये एक हजार महिलांच्या सहभागासाठी प्रयत्न करणार असल्याचा निर्धार पिंपरी चिंचवड महापालिका फेरीवाला समिती सदस्य व पिंक रिक्षा संघटनेच्या अध्यक्ष सौ आशा बाबा कांबळे यांनी व्यक्त केला. जागतिक महिला दिनाच्या कार्यक्रमा निमित्ताने चिंचवड येथील ऑटो क्लस्टर येथे आंतरराष्ट्रीय इलेक्ट्रिक वेहिकल ऑटो एक्जीबिशन 2025 सुरू करण्यात आले आहे. यानिमित्ताने आयोजित कार्यक्रमात आशा कांबळे बोलत होत्या. या वेळी पिंपरी येथील डॉ. बाबासाहेब आंबेडकर चौकातून महिलांनी सुरुवातीला पिंक रिक्षाचे रॅली आयोजित केली, पिंपरी ते ऑटो कस्टर पर्यन्त हि पिंक रिक्षा रैली काढण्यात आली. या कार्यक्रमासाठी जगभरातील प्रतिनिधी उपस्थित होते. अमेरिका येथून जिम बँनसोन, जर्मनी येथुन क्रिस्तोफ स्प्रिंग,तसेच इंग्लंड, दुबई, जपान, व्हिएतनाम सह, दिल्ली राजस्थान, पंजाब, गुजरात, चेन्नई हैदराबादसह देशभरातील व प्रदेशातील मान्यवर उपस्थित होते. यावेळी ऑटो रिक्षा, टॅक्सी, ट्रॅक, टेम्पो, ट्रान्सपोर्ट फेडरेशनचे राष्ट्रीय कष्टकऱ्यांचे नेते अध्यक्ष बाबा कांबळे, इंटरनॅशनल फेडरेशन असोसिएशन ऑफ इलेक्ट्रिक वेहिकल के चेअरमन डॉ. एस. के. सरोज, अध्यक्ष डॉ.राजीव मिश्रा, डॉ दीपक वाधवा, श्रीनिवास कुमार, MSME केंद्र सरकार लघुउद्यो विभागाचे के.के.गोयल, डॉ कल्याण हट्टी, पुणे रिक्षा फेडरेशनचे अध्यक्ष आनंद तांबे, महाराष्ट्र रिक्षा पंचायत युवक अध्यक्ष शुभम तांदळे, चंद्रकांत बराटे, संजय चव्हाण,आदी यावेळी उपस्थित होते. इंटरनॅशनल फेडरेशन असोसिएशन ऑफ इलेक्ट्रिक वेहिकल या संघटनेचे चेअरमन डॉ. एस. के. सरोज म्हणाले की, ऑटोचा इलेक्ट्रिक वेहिकल मध्ये परिवर्तित होण्यासाठी प्रयत्न करणे गरजेचे आहे. त्यासाठी महिलांच्या पुढाकाराने पुढे कार्य सुरू ठेवणार आहे. केंद्र शासनाने महिलांना इलेक्ट्रिक व्हेहिकलसाठी अनुदान द्यावे यासाठी केंद्र पातळीवरती पंतप्रधान नरेंद्र मोदी यांची भेट घेऊन याबाबत पाठपुरवठा करू असे डॉ सरोज म्हणाले, आशा कांबळे म्हणाल्या की, पिंपरी चिंचवड आणि पुणे शहरातील काबाडकष्ट करणाऱ्या तसेच अत्यंत दुर्बल घटकातील 100 महिलांना रिक्षा चालवण्याचे प्रशिक्षण देऊन त्यांचा परवाना काढून त्यांना शंभर रिक्षा देण्याचा उपक्रम घरकाम महिला सभा आणि बाबा सामाजिक फाउंडेशन या संयुक्त संस्थेच्या वतीने करण्यात आला होता. याला चार वर्षापेक्षा अधिक काळ होत आहे. कोविड काळामुळे ही योजना मध्यंतरी बंद होती. परंतु आता नव्याने पुन्हा ही योजना सुरू करून पिंपरी चिंचवड पुणे शहरातील एक हजार महिलांना पिंक रिक्षा योजनेमध्ये सहभागी करून त्यांना पिंक रिक्षा योजनेमध्ये स्वावलंबित करणार असल्याचे आशा कांबळे म्हणाल्या. ही योजना टप्प्याटप्प्याने महाराष्ट्र भरून नंतर देशभर वाढवणार असल्याची घोषणा त्यांनी केली. मधुरा डांगे-( कष्टकरी कामगार पंचायत सरचिटणीस),ममता मनुरकर -( पिंपरी चिंचवड महापालिका नगरसदस्य,) सरोजा कुचेकर – (टपरी पथारी हातगाडी पंचायत महीला शहर अध्यक्ष,) कल्पना घाडगे-( टपरी पथारी हातगाडी पंचायत महिला उपाध्यक्ष,) एडवोकेट काजल कांबळे, यमुना काटकर, संगीता कांबळे, रेखा भालेराव, मनीषा माने, सारिका गलपलू,योगिता शिंदे, राणी तांगडे, वैशाली सोनवणे, आधी पिंक रिक्षा चालक महिला सहभागी झाल्या होत्या EV TECH INDIE EXPO वतिने कार्यक्रमाचे आयोजन करण्यात आले होते, या कंपनीचे डायरेक्टर मुकेश यादव, गणेश महाले, सतीश मांडोले, यांनी हा आंतरराष्ट्रीय उपक्रम राबवला. या कार्यक्रमात चाकण हिंजवडी सह महाराष्ट्रातील उद्योजक, लघुउद्योग संघटनेचे प्रतिनिधी तसेच कंपनीचे डायरेक्टर व सी ओ आदी मान्यवर उपस्थित होते.

Newsworldmarathi Pune : : माण-हिंजवडी ते शिवाजीनगर मेट्रो लाईन-३ प्रकल्पासाठी आवश्यक असलेल्या सर्व जागा उपलब्ध झाल्या असून, आता या प्रकल्पाच्या कामाला आणखी गती मिळणार आहे. पुणे महानगर प्रदेश विकास प्राधिकरणाने (पीएमआरडीए) मेट्रो सवलतकार कंपनी पुणे आयटी सिटी मेट्रो रेल लि. यांना १०० टक्के जागा हस्तांतरित केल्या आहेत. हा मेट्रो प्रकल्प २३.२०३ किलोमीटर लांबीचा असून, त्याची अंमलबजावणी सार्वजनिक-खाजगी भागीदारी (PPP) तत्वावर करण्यात येत आहे. या प्रकल्पास ९ फेब्रुवारी २०१८ रोजी शासनाने मान्यता दिली होती. आतापर्यंत या प्रकल्पाचे ८३ टक्के काम पूर्ण झाले आहे. प्रकल्पासाठी पुणे विद्यापीठ परिसरातील राजभवन कार्यालयाजवळील २६३.७८ चौ.मी. जागा जीन्यासाठी आवश्यक होती. त्यासाठी नोव्हेंबर २०२२ मध्ये प्रस्ताव सादर करण्यात आला होता. राजभवन कार्यालयाने या जागेच्या हस्तांतरणास मंजुरी दिल्याने आता मेट्रो प्रकल्पासाठी आवश्यक असलेली संपूर्ण जागा उपलब्ध झाली आहे.

Newsworldmarathi Pune : बुद्धम् शरणम् गच्छामि ॥ धम्मम् शरणम् गच्छामि॥ संघम् शरणम् गच्छामि .. च्या स्वरात शांततेचा संदेश देत महाबोधी महाविहार मुक्ती आंदोलनाच्या पाठिंब्यासाठी पुण्यात बौद्ध अनुयायांचा विराट मोर्चा काढण्यात आला. महाबोधी महाविहार मुक्ती आंदोलन समिती, पुणेच्या वतीने आयोजित या महामोर्चात लाखोंच्या संख्येने बौद्ध अनुयायी सहभागी झाले होते. बिहार मधील बूद्धगया येथे तथागत भगवान गौतम बुद्धांचे हजारो वर्षापासूनचे विहार आहे. मात्र त्याचा ताबा बौद्धेतर विशेषता ब्राम्हणी धर्मपंडितांकडे आहे.  या गोष्टीचा जगभरातून निषेध होत असून  महाबोधी विहाराचे व्यवस्थापन हे बौद्ध अनुयायांच्या देखरेखी खाली कार्यान्वित करण्यात यावे, अशी मागणी होत आहे. सध्या बुद्धगया येथे जगातील बौद्ध भिख्खूंचे प्रतिनिधी आंदोलन करत आहेत. याच महाबोधी महाविहार मुक्ती आंदोलनाला पाठिंबा देण्यासाठी आज बालगंधर्व ते अलका चौक दरम्यान बौद्ध समाजाचा महामोर्चा काढण्यात आला. भदंत नागघोष महाथेरो, भंते राजरत्न, भंते बुद्धघोष थेरो, भंते धम्मधर थेरो.भंते पय्यारक्खित.भंते धम्मानंद, भंते यश, भंते प्रियदर्शी भंते सुमंगल, भंते राहुल आदी बौद्ध भिख्खूंच्या नेतृत्वाखाली निघालेल्या या महामोर्चातलाखोंच्या संख्येने बौद्ध अनुयायी सहभागी झाले होते. बालगंधर्व चौकात बुद्ध वंदना करून मोर्चाची  सुरूवात झाली. तथागत भगवान गौतम बुद्धांच्या मूर्तीसह शांतता संदेश देत हा मुक महामोर्चा मार्गस्थ झाला. भंते च्या हस्ते डेक्कन येथे छत्रपती संभाजी महाराज यांच्या पुतळ्यास पुष्पहार अर्पण करून अभिवादन करण्यात आले. अलका चौकात सभा घेवून मोर्चाचा समारोप करण्यात आला. यावेळी राष्ट्रपती कार्यालय, पंतप्रधान कार्यालय, मुख्यमंत्री कार्यालय व जिल्हाधिकारी यांना मागणीचे निवेदन देण्यात आले. पोलिस उपायुक्त संदीप सिंग गिल यांनी निवेदन स्वीकारले. मोर्चाला संबोधीत करताना भंते राजरत्न म्हणाले, इ. स. पूर्व 563 पासून तथागत भगवान गौतम बुद्धांना ज्या ठिकाणी ज्ञानप्राप्ती झाली त्या ठिकाणी सम्राट अशोकाने त्यांच्या काळात ऐतिहासिक बौद्ध विहाराची निर्मिती केली आहे. मात्र आज त्या विस्तीर्ण बौद्ध विहाराच्या परिसरात अतिक्रमण करण्यात आले असून इतर देवी देवतांच्या नावाने तेथील विहार रूपांतरीत करण्यात आली आहेत. ज्या ठिकाणी महाविहार आहे त्याच्या उजव्या बाजूस बौद्ध मूर्तीं सापडून देखील तिथे  इतर देवी देवतांची मंदिर उभारली जात आहेत. तथागत भगवान गौतम बुद्धांची जन्मभूमी म्हणून आज जागतिक स्थरावर भारताकडे आदराने पाहिले जात. अन् आज त्याच देशात महाबोधी महाविहार मुक्तीसाथी जगभरात आनंदोलन केली जात आहेत. लोकं रस्त्यावर उतरली आहेत. ही भारतसरकारसाठी निंदनीय बाब आहे. पंतप्रधान नरेंद्र मोदी यांनी यामध्ये तात्काळ लक्ष घालावे, अशी मागणी देखील भंते राजरत्न यांनी केली. भंते नागघोष म्हणाले, जगात बौद्ध धम्म बुद्धगया येथून प्रसारित झाला आहे, भारत देशाची ओळख जगात बुद्धभूमी अशी आहे. आपले पंतप्रधान, राष्ट्रपती  अन्य देशांच्या प्रमुखांना बुद्ध मूर्ती देतात. सम्राट अशोकाणे बांधलेले बुद्ध विहार  आपल्या ताब्यात नाही. बुद्धिस्ट टेंपल मॅनेजमेंट कामिटी मध्ये ९ पैकी ५ लोक हिंदू आहेत यामुळे तिथे हिंदूचे बहुमत आहे, त्या जोरावर तिथे कर्मकांड केले जाते. बुद्ध चरणी आलेल्या अनुयायांना मात्र कोणत्याही सुविधा मिळू शकत नाहीत, यामुळे जो पर्यंत १९४९ चा कायदा रद्द होणार नाही तो  पर्यंत महाविहार मुक्त होणार नाही. बिहार पोलिस आणि शासन तिथे बसलेल्या उपोषण करत असलेल्या भंते आणि बौद्ध अनुयायांवर दडपशाही करत आहे. श्रीलंकेतून आलेले भंते अनागारिक यांनी १८९१ साली सुरू केलेला महायबिधी महाविहार मुक्तीचा लढा १३५ वर्षे सुरू असल्याचेही त्यांनी नमूद केले.  धम्म पालन गाथेने या विराट मोर्चाची सांगता झाली.

Newsworldmarathi Pune : धंनजय मुंडे यांनी आजाराच्या कारणास्तव मंत्रीपदाचा राजीनामा दिल्यावर आज बुधवार रोजी पुण्यात डॉ आंबेडकर पुतळा , जिल्हा अधिकारी कार्यालयाजवळ आम आदमी पार्टी तर्फे आक्रोश आंदोलन करण्यात आले. महाराष्ट्रातील कायदा व सुव्यवस्थेची परिस्थिती दिवसेंदिवस ढासळत चाललेली असून याचा फटका सर्वसामान्य जनतेला बसत आहे. सत्तेच्या नादात सामान्य माणसाला या शासनाकडून काय अपेक्षित आहे हेच शासन विसरले आहे. बीड मधील सरपंच संतोष देशमुख यांची हत्या ज्या वाल्मीक कराड ने केलेली आहे तो वाल्मिक कराड, मंत्री धनंजय मुंडे जवळचा सहाय्यक , व्यवसायिक भागीदार असून आर्थिक खंडणी च्या कारणास्तव ही हत्या झालेली आहे. यातील आर्थिक व्यवहारचे आकडे भाजप च्याच आमदारांनी मांडलेले आहेत. म्हणूनच धनंजय मुंडे यांना देखील या प्रकरणात वाल्मिक कराड सोबत सह आरोपी करावे व त्या अनुषंगानेच इडी ने आर्थिक गैरव्यवहार प्रतिबंधक कायदा (पीएमएलए) अंतर्गत गुन्हे नोंदवावे अशी मागणी यावेळी करण्यात आली. केवळ सत्तेसाठी एकत्र आलेल्या नीतीभ्रष्ट लोकांचे सरकार असून धनंजय मुंडे सह संजय राठोड, तानाजी सावंत, माणिकराव कोकाटे, छगन भुजबळ, अजित पवार, राणे, जयकुमार गोरे अश्या सर्व कलंकित, भ्रष्ट प्रवृत्तीच्या नेत्यांना देवेंद्र फडणवीस पाठीशी घालत आहेत. राज्यात मागील काही काळामध्ये महिला अत्याचारच्या अनेक घटना घडलेल्या असून या सर्व केसेस फास्टट्रॅक कोर्टामध्ये चालवल्या जाव्यात अशीही मागणी यावेळी करण्यात आली. यावेळी आंदोलनात आम आदमी पार्टीचे राज्य प्रवक्ते मुकुंद किर्दत, शहर अध्यक्ष सुदर्शन जगदाळे, धनंजय बेनकर, निखिल खंदारे, शिवाजी डोलारे, सुभाष करांडे, गजानन भोसले, संदेश दिवेकर, शीतल कांडेलकर, सचिन गरुड, कुमार धोंगडे, मनोज शेट्टी, मनोज एरंडकर, गुणाजी मोरे, अमित म्हस्के, उमेश बागडे, किरण कांबळे, नौशाद अन्सारी, प्रशांत कांबळे, सुरेखा भोसले, संजय कटारनवरे, इम्रान खान, मंगेश आंबेकर, विकास चव्हाण, सोमनाथ भगत, शंकर थोरात, सतीश यादव, चंद्रकांत गायकवाड, अभिजीत बागडे, निलेश वांजळे, अली सय्यद व इतर कार्यकर्ते मोठ्या संख्येने सहभागी झाले होते. – मीडिया टीम, आम आदमी पार्टी

Newsworldmarathi Pune : साने गुरूजींचे बालपण पालगडला गेले, सहा वर्षे त्यांनी प्रताप हायस्कूल अमळनेर येथे सेवा केली.याच दरम्यान त्यांना गुरुजी ही आदराची पदवी लोकांनी दिली. अध्यापनासाठी साने गुरुजींची स्वतःची अशी एक पद्धत होती. म्हणून ते समाजासाठी आदर्श शिक्षक म्हणून गणले गेले.त्यांच्याप्रमाणेच सर्व शिक्षकांनी स्वतःची पद्धती विकसित करुन भावी पिढी समृद्ध करावी असे प्रतिपादन साने गुरुजी कथामालेचे राष्ट्रीय अध्यक्ष शामराव कराळे यांनी केले.कै. चंद्रकांत दांगट पाटील प्राथमिक विद्यालय, वडगाव बु पुणे येथे शिक्षक क्षमतावृद्धी प्रशिक्षण २.० या टप्प्यातील समारोप प्रसंगी ते बोलत होते. इ २री,४ थी व ६ वी इयत्तेतील तिसऱ्या टप्प्यातील हे प्रशिक्षण होते.सदर प्रशिक्षणात राष्ट्रीय शैक्षणिक धोरण, अभ्यासक्रम आराखडा,मूल्यांकन तसेच समग्र प्रगती पुस्तक याबाबत चर्चा झाली.यावेळी संस्थेचे कार्याध्यक्ष विकास दांगट,चिरंजीव दांगट, मंजू मते,मधुरिमा देशमुख,सारंग पाटील, सोपान बंदावणे उपस्थित होते. तज्ज्ञ मार्गदर्शक म्हणून अविनाश महाजन,आर एन देशपांडे,सत्यवती कांबळे,व्ही डी महाजन,प्रिती जोशी, महेश माळी , बसवराज कांबळे, नितीन जोगदंड उपस्थित होते. कार्यक्रमाचे प्रास्ताविक सोपान बंदावणे यांनी केले, वैशाली रणधीर व अनिता स्वामी यांनी शिक्षकांच्या वतीने मनोगत व्यक्त केले.सूत्रसंचालन श्रीनिवास शिंदे यांनी तर आभार दिपक अंदुरे यांनी मानले.