मुळशी धरणात दोन जण बुडाले
Newsworldmarathi Pune : मुळशी धरण भागात ढोकळवाडी-चाचिवली येथे फिरण्यासाठी आलेल्या आठ मित्रांमधील दोन जण बुडाल्याची घटना रविवारी (दि. १६) दुपारी घडली. अनिश राऊत (वय १८, डॉ. पाटील काॅलेज, पिंपरी) आणि विशाल राठोड (वय १७, फत्तेचंद जैन विद्यामंदिर चिंचवड) अशी या दोघांची नावे आहेत.
मिळालेल्या माहितीनुसार, पडवळनगर-थेरगाव पिंपरी (पुणे) येथील अविश राऊत (वय १८), विशाल राठोड (वय १७), गोविंदा चाकली (वय १६), जीत लोंढे (वय १७),अथर्व राऊत (वय १६), राज यादव (वय १७), सोहम जाधव (वय १६),आदित्य बाबर (वय २०) हे आठ मित्र मुळशी धरण परिसरात फिरण्यासाठी आहे होते. हे आठ जण चाचिवली ढोकळवाडी येथेध रणाच्या पाण्यात पोहत होते. यावेळी पाण्याच्या खोलीचा अंदाज न आल्याने याठिकाणी यातील अनिश राऊत आणि विशाल राठोड हे दोन जण बुडाले.
पोलिस निरीक्षक संतोष गिरीगोसावी यांच्या मार्गदर्शनाखाली पोलिस उपनिरीक्षक योगेश जाधव, पौड पोलहस व आपत्ती व्यवस्थापनचे प्रमोद बलकवडे व पथक, हिंजवडी येथील स्क्युबा डायव्हींगचे पथक त्यांचा शोध घेत आहेत. रविवारी रात्री आठ वाजेपर्यंत दोघेही सापडून न आल्याने शोध मोहिम थांबविण्यात आली. या दोघांचा शोध पुन्हा सोमवारी (दि. १७) सकाळपासून घेण्यात येणार असल्याचे पोलिसांकडून सांगण्यात आले.
५० शाळेतील ४०० हून अधिक विद्यार्थ्यांनी दिला पर्यावरण संवर्धनाचा संदेश
Newsworldmarathi Pune : पर्यावरण विषयक गाणी, कविता, चित्रकलेतून पर्यावरण रक्षणाचा संदेश आणि प्रभावी नाट्य सादरीकरणातून पर्यावरण संवर्धनाचा जागर यातून आज पुण्यातील शालेय विद्यार्थ्यांनी त्यांची पर्यावरण रक्षणाप्रती असलेली जागरूकता दाखवून दिली. निमित्त होते, वनराई संस्थेचे संस्थापक, माजी केंद्रीय मंत्री, पद्मविभूषण डॉ. मोहन धारिया यांच्या जन्मशताब्दी वर्षांच्या पार्श्वभूमीवर आयोजित वनराई इको क्लब पर्यावरण शिक्षण उपक्रमाचे. या उपक्रमात 50 शाळांमधील 400 विद्यार्थी सहभागी झाले होते.
यावेळी प्रमुख पाहुणे म्हणून लिट्ल चॅम्प फेम गायिका अंजली गायकवाड, वनराई चे विश्वस्त डॉ. रोहिदास मोरे. सागर धारिया, वनराईचे सचिव अमित वाडेकर, बबनराव कानकिरड आदी उपस्थित होते.
यावेळी बोलताना सागर धारिया म्हणाले, वातावरणातील बदलामुळे गेल्या काही वर्षांपासून पावसाचे चक्र बदलले आहे. आपण हे बदलेल चक्र ठीक करण्यासाठी आपापल्या परीने प्रयत्न केले पाहिजेत. किमान आपल्या घरात येणाऱ्या पाण्याची बचत जरी केली तरी खूप मदत होईल. कारण छोट्या छोट्या गोष्टीच मोठे बदल घडवू शकतात.
डॉ. रोहिदास मोरे म्हणाले, पर्यावरणाचा जो ऱ्हास होत चाललेला आहे तो कमी करायचा असेल तर पर्यावरण सजग तरुण पिढी निर्माण होण्याची गरज आहे. डॉ. मोहन धारिया यांनी पर्यावरण जनजागृतीचे जे काम चाळीस वर्षापूर्वी सुरू केले ते आता देशभर सुरू आहे. यामध्ये आपल्या सर्वांना सहभागी व्हायचं आहे.
प्रास्ताविकपर भाषणात अमित वाडेकर म्हणाले, वनराई चे संस्थापक डॉ. मोहन धारिया यांनी 40 वर्षा पूर्वी जे रोप लावले त्याचा आता वटवृक्ष झाला आहे. शेकडो दुष्काळी गावांना त्याने दुष्काळ मुक्त केलं आहे. इको क्लबच्या माध्यमातून गेले 30 वर्ष पर्यावरण जनजागृती करत असून पर्यावरण शिक्षणाकडे आम्ही आता एक पाऊल पुढे टाकलेले आहे. पुढील काळात याची व्याप्ती वाढणार आहे.
लिट्ल चॅम्प फेम अंजली गायकवाड म्हणाली, पर्यावरण जनजागृतीचा संदेश देणाऱ्या वनराई संस्थेच्या कार्यातून प्रेरणा मिळाली. पर्यावरण बद्दल आपण किती जागरूक राहील पाहिजे, किती काळजी घेतली गेली पाहिजे याची जाणीव होते. पर्यावरणा प्रमाणेच आरोग्याची काळजी देखील घेणे गरजेचे आहे. कारण आरोग्य हीच संपत्ती आहे. अलीकडे दुषित पाण्यामुळे जीबीएस नावाचा आजार होत आहे. त्यामुळे आपल्याला पर्यावरण संवर्धनासाठी किती काम करण्याची गरज आहे यांची जाणीव होते.
बबनराव कानकीराड यांच्यासह परीक्षक राहुल देवकाते, किशोर नलावडे, आणि डॉ. अश्विनी पटवर्धन मनोगत व्यक्त केले.
संपूर्ण कार्यक्रमाचे नियोजन वनराई इको क्लबचे प्रकल्प संचालक बसवंत विठाबाई बाबाराव यांनी केले, कार्यक्रमाचे सूत्रसंचालन अंजली वाघे यांनी केले. आभार सुजाता मुळे यांनी मानले.
जतमधील अत्याचार प्रकरण फास्ट ट्रॅक कोर्टात : रुपाली चाकणकर
Newsworldmarathi Sangali : सांगली जिल्ह्यातील जत तालुक्यात चार वर्षाच्या अल्पवयीन मुलीवर अत्याचार करून हत्या प्रकरणाचा खटला फास्ट ट्रॅक कोर्टात चालेल असे महाराष्ट्र राज्य महिला आयोगाच्या अध्यक्षा श्रीमती रूपाली चाकणकर यांनी सांगितले. आज उमदी पोलीस ठाणे येथे पोलीस तपासाचा आढावा घेतल्यानंतर पीडित कुटुंबाची श्रीमती चाकणकर यांनी भेट घेतली.
सांगलीच्या जत मध्ये ५ वर्षाच्या अल्पवयीन मुलीवर परिसरात राहणाऱ्या ४५ वर्षीय व्यक्तीने अत्याचार केला. यामध्ये पीडित मुलगी मयत झाली. आरोपीने तिचा मृतदेह लपवून ठेवला होता. दरम्यान मुलगी बेपत्ता झाल्याची तक्रार प्राप्त झाल्यानंतर पोलीसांनी तातडीने केलेल्या तपासात सदर दुर्दैवी घटना उघडकीस आली होती.
आज राज्य महिला आयोगाच्या अध्यक्ष श्रीमती रूपाली चाकणकर यांनी जत मधील उमदी पोलीस ठाण्यात जाऊन पोलीस उपायुक्त यांच्याकडून या प्रकरणातील तपासाचा आढावा घेतला. १५ दिवसांत दोषारोपपत्र दाखल करून फास्ट ट्रॅक कोर्टात खटला चालेल असे श्रीमती चाकणकर यांनी यावेळी सांगितले. आयोगाच्या अध्यक्षा श्रीमती रूपाली चाकणकर यांच्या उपस्थितीत राज्याच्या महिला बाल विकास मंत्री आदिती तटकरे यांनी ही दूरध्वनीद्वारे पोलिसांना जलद तपास करण्याचे निर्देश दिले आहेत.
पोलिसांकडून आत्तापर्यंत झालेल्या कारवाईचा आढावा घेतल्यानंतर श्रीमती चाकणकर यांनी पीडित कुटुंबाची भेट घेतली. पीडित कुटुंबाला मनोधैर्य योजना तसेच मुख्यमंत्री सहायता निधीमधून तातडीने भरीव मदत मिळवून देण्यासाठी देखील चाकणकर यांनी प्रशासनाला निर्देश दिले आहेत.
या आधी राज्य महिला आयोगाने कोल्हापूर मधील खोची, मावळ मधील कोथुर्णे आणि वेल्हा मधील कातकरी समाजातील अल्पवयीन मुलींच्या अत्याचार प्रकरणात खटला जलद गतीने चालावा तसेच आरोपींना फाशीचे शिक्षा व्हावी यासाठी पाठपुरावा केला होता. या तिन्ही घटनेतील आरोपींना मा. न्यायालयाने फाशीची सुनावली होती. त्याच धर्तीवर जत मधील प्रकरणाचा तपास जलद व्हावा, खटला योग्यरीतीने चालावा आणि आरोपीला फाशीची शिक्षा व्हावी यासाठी आयोगाकडून पाठपुरावा करण्यात येईल असे चाकणकर म्हणाल्या.
पुणे आंतरराष्ट्रीय विमानतळाच्या नव्या टर्मिनलवर ‘डिजियात्रा’ सेवा कार्यान्वित
Newsworldmarathi Pune : पुणे आंतरराष्ट्रीय विमानतळाच्या नवीन टर्मिनलवर ‘डिजियात्रा’ या चेक इन प्रणालीचे लोकार्पण केंद्रीय नागरी हवाई वाहतूक व सहकार राज्यमंत्री मुरलीधर मोहोळ यांच्या हस्ते करण्यात आले. डिजियात्रा’ सुरु झाल्यामुळे प्रवाशांना मोठा दिलासा मिळणार असून विमानतळाच्या प्रवेशद्वारापासून तर विमानात बसेपर्यंतची प्रक्रिया सुलभ, सहज आणि सोपी झाली आहे. यामुळे प्रवाशांच्या रांगा टळणार असून वेळेची बतच होणार आहे.
देशांतर्गत प्रवाशांसाठी विमानतळ प्रवास सोपा आणि सोयीस्कर करण्यासाठी डिजीयात्रा सुविधा सुरू करण्यात आली आहे. पुणे आंतरराष्ट्रीय विमानतळाचा कायापालट होत असून हे विमानतळ अधिकाधिक अद्ययावत सोईसुविधांयुक्त करण्यासाठी विविध पातळ्यांवर काम सुरु आहे. डिजीयात्रा प्रणाली कार्यान्वित करणे हा त्यापैकीच एक भाग आहे. डिजी यात्रा पूर्णपणे बायोमेट्रिक सेल्फ-बोर्डिंग सिस्टम देते, ज्यामुळे प्रवाशांना प्रवेशद्वारापासून विमानात पोहोचेपर्यंत सर्व प्रक्रिया पेपरलेस आणि डिजिटल पद्धतीने पार पाडता येते.
यावेळी भारतीय जनता पार्टीचे प्रदेश कार्याध्यक्ष रविंद्र चव्हाण, स्थानिक आमदार बापूसाहेब पठारे, भाजपा प्रदेश सरचिटणीस राजेश पांडे, विमानतळ संचालक संतोष ढोके यांच्यासह विमानतळ प्राधिकरणाचे आणि सीआयएसएफचे अधिकारी उपस्थित होते.
देशभरात १ डिसेंबर २०२२ पासून डिजीयात्रा सेवेचा प्रारंभ करण्यात आला आहे. या प्रणाली अंतर्गत दीड कोंटींहून अधिक उपभोक्ते जोडले गेले आहेत. तसेच ४ कोटींहून अधिक वेळचा प्रवास या सेवेतून झालेला आहे. त्यामुळे दिवसेंदिवस या डिजीयात्राचे वापरकर्ते वाढत आहेत. पुणे विमानतळावरुन प्रवास करणाऱ्या डिजीयात्री वापरकर्त्यांची संख्या अधिक असल्याने याचा मोठा फायदा पुणेकरांना विमान प्रवाशांना होणार आहे.
धावपट्टीचा विस्तार वेगाने करणार :
पुणे विमानतळावरील धावपट्टीचा विस्तार करणे, आवश्यक आहे. त्यादृष्टीने पाऊले उचलत कामे सुरू केली आहेत. नुकताच ओएलएस सर्व्हे करण्यात आला आहे. या सर्व्हेचा अहवाल प्राप्त झाल्यावर आम्हाला येथे किती जागेचे भुसंपादन करावे लागेल, याची माहिती मिळणार आहे. माहिती मिळल्यावर खासगी जागा किती भुसंपादन करायची आणि डिफेन्सची किती जागा घ्यायची, यादृष्टीने कामे होती. जागा मिळाल्यावर लगेचच धावपट्टीचे विस्तारीकरण केले जाईल, अशी माहितीही मोहोळ यांनी दिली.
विश्वासराव नांगरे पाटील यांनी जिंकली पुणेकरांची मने
Newsworldmarathi Pune : जोपर्यंत संघर्षाचे मोल कळत नाही तोपर्यंत आयुष्य घडत नाही. त्यामुळे आपल्या मुलांना सगळे काही आयते मिळू देऊ नका. इन्स्टा व्हिडिओ बघून यश मिळत नसते. कष्टातून, संघर्षातूनच आयुष्याला खरा आकार मिळतो हे कायम लक्षात ठेवा असे प्रभावी भाषण करून पोलीस अधिकारी विश्वासराव नांगरे पाटील यांनी जिंकली पुणेकरांची मने जिंकली
चिंतामणी ज्ञानपीठ आणि अप्पा रेणुसे मित्र परिवाराच्या वतीने आयोजित करण्यात आलेल्या ऐश्वर्या व्याख्यानमालेच्या तिसऱ्या पर्वानिमित्त अण्णाभाऊ साठे सभागृहात ते बोलत होते.
ते पुढे म्हणाले, आयुष्यात इच्छाशक्ती असेल आणि त्यांना प्रयत्नांची जोड दिली तर अशक्य असे काहीच नाही. वयाच्या १६ व्या वर्षी सवंगड्यांना घेऊन छत्रपती शिवरायांनी हिंदवी स्वराज्याची मुहूर्तमेढ रोवली. या वयात मेंदू विकसित होत असतो पण चांगले-वाईट यातील भेद कळत नसतो. त्यामुळे या काळातच मुलांना जपायला हवे. स्वप्न सत्यात उतरवायची तर कसून प्रयत्न करावे लागतील हे कायम लक्षात ठेवा.
या प्रसंगी विजयशेठ जगताप, अभय मांढरे, पारस मलजी मोदी, नगरसेवक युवराज बेलदरे, नगरसेविका राणी भोसले, अश्विनी भागवत, रूपाली ठोंबरे, गौरी जाधव, प्रदीप देशमुख, शिवसेना जिल्हाप्रमुख रमेश कोंडे, विलासराव भणगे, नेमीचंद सोळंकी, शंकरराव कडू, युवराज रेणुसे, अॅड. दिलीप जगताप, सचिन डिंबळे, सर्जेराव शिळीमकर, आदी मान्यवर उपस्थित होते.
या निमित्ताने राष्ट्रीय स्तरावर कामगिरी केलेल्या साहिल मरगजे, स्वप्ना कुंभार, आलोक तोडकर आणि आदर्श फलफले या विद्यार्थ्यांना उत्कृष्ट कामगिरीसाठी विश्वास नांगरे पाटील यांच्या हस्ते सन्मानित करण्यात आले.
वरिष्ठ पत्रकार पराग पोतदार यांनी सूत्रसंचालन केले. अॅड. दिलीप जगताप यांनी आभार मानले. श्रावणी देशमुख व अक्षय लिमन यांनी पसायदान सादर केले.
जागतिक स्तरावरच्या स्पर्धेत महाराष्ट्र सर्वात पुढे दिसावा : मुख्यमंत्री देवेंद्र फडणवीस
Newsworldmarathi Pune : हिंदू गर्जना प्रतिष्ठान आणि पुनित बालन ग्रुप यांच्या संयुकक्त विद्यमाने आयोजित ‘हिंदू गर्जना चषक’ महिला व पुरूष राज्यस्तरीय कुस्ती स्पर्धेस आज राज्याचे मुख्यमंत्री मा. देवेंद्रजी फडणवीस यांनी भेट दिली. राज्यातील कुस्ती तज्ञांना घेऊन कुस्तीचा एक नीट कार्यक्रम आखण्यात यावा. भविष्यकाळामध्ये होणार्‍या एशियाड, ऑलंपिक्स् गेम्स्, कॉमनवेल्थ गेम्स्, वर्ल्ड कप अशा जागतिक स्तरावरच्या स्पर्धेत पदतालिकेमध्ये महाराष्ट्र सर्वात पुढे दिसावा अशी अपेक्षा मी व्यक्त करतो, असे मुख्यमंत्री देवेंद्र फडणवीस यांनी सांगितले.
यावेळी स्पर्धेचे आयोजक पुनीत बालन ग्रुपचे अध्यक्ष पुनीत बालन आणि हिंदू गर्जना प्रतिष्ठानचे अध्यक्ष धीरज रामचंद्र घाटे यांनी मा. देवेंद्र फडणवीस यांचा सत्कार केला. पुणे जिल्ह्याचे पहिली महाराष्ट्र केसरी पै. रघुनाथ पवार, महाराष्ट्र केसरी २०२५ पै. पृथ्वाराज मोहोळ आणि पहिल्या खो-खो विश्वचषक विजेत्या संघाचे प्रशिक्षक व पुण्याचे शिरीन गोडबोले, शिवछत्रपती पुरस्कार विजेता खेळाडू सुयश गरगटे, आदित्य गणपुले यांचा विशेष सत्कार मुख्यमंत्र्यांच्या हस्ते करण्यात आला. यावेळी पै. सिककंदर शेख याच्या थरारक सामन्याचा आनंद देवेंद्र फडणवीस यांनी घेतला. यावेळी श्री. देवेंद्र फडणवीस यांनी धीरज घाटे यांचे थोरले बंधू स्व. धनंजय घाटे यांना आदरांजली वाहीली.
कुस्तीपटूंना संबोधित करताना राज्याचे मुख्यमंत्री श्री. देवेंद्र फडणवीस म्हणाले की, कुस्ती क्रीडा प्रकार भारतामध्ये तसेच महाराष्ट्रामध्ये प्राचीन काळापासून लोकप्रिय असून त्याला एक पारंपारीक वारसासुद्धा आहे. राज्य तसेच पुणे जिल्हा हा पैलवानांचा जिल्हा म्हणून ओळखला जातो. पहिले महाराष्ट्र केसरी पै. रघुनाथ पवार यांचा सन्मान आपण आज केला असून ही जी परंपरा आपण पुढे नेली पाहीजे. त्यासाठी अशा भव्यदिव्य कुस्ती स्पर्धा आयोजनांची फार मोठ्या प्रमाणात आवश्यकता आहे.
मागच्या काळामध्ये कुस्ती खेळासाठी आणि कुस्तीपटूंसाठी राज्य सरकारने अनेक योजना सुरू केल्या. राष्ट्रीय, राज्य तसेच जिल्हा अशा वेगवेगळ्या स्तरांवर होणार्‍या स्पर्धांमध्ये राज्यांच्या कुस्तीपटूंची वाढ झाली पाहीजे, असा आमचा प्रयत्न आहे. आंतरराष्ट्रीय स्तरावरच्या स्पर्धेत पदतालिकामध्ये पाहिजे त्या प्रमाणात राज्याचे कुस्तीपटू जिंकत नाहीत. त्या दृष्टीने अजुन काय प्रयत्न करावे लागतील, उत्तम प्रशिक्षण कसे करता येईल, याचा विचार करावा लागेल, त्यासाठी राज्याचे सरकार पुढाकार घ्यायला तयार आहे. यासाठी राज्यातील कुस्ती तज्ञांना घेऊन कुस्तीचा एक नीट कार्यक्रम आखण्यात यावा, असेही देवेंद्र फडणवीस यांनी सांगितले.
स्पर्धा वादविवादा शिवाय व्हाव्यात : चंद्रकांत पाटील
घरात दुःख असतानाही खेळाडूंसाठी उभ्या राहिलेल्या कार्यकर्त्याच्या प्रयत्नांचे कौतुक करताना स्पर्धेदरम्यान वाद निर्माण होऊ नयेत याची जबाबदारी सर्वांनी घ्यावी, असा महत्त्वाचा सल्ला उच्च व तंत्रशिक्षणमंत्री चंद्रकांत पाटील यांनी दिला आहे.
हिंदू गर्जना चषक कुस्ती स्पर्धा ही राज्यस्तरीय स्पर्धा असून, तिचे आयोजन हिंदू गर्जना प्रतिष्ठान आणि पुनीत बालन ग्रुप यांच्या संयुक्त विद्यमाने करण्यात आले आहे. शिक्षण प्रसारक मंडळीच्या सहकार्याने ही स्पर्धा मोठ्या प्रमाणावर भरवली जात आहे.
या उपक्रमामुळे खेळाडूंना मोठे व्यासपीठ मिळत आहे, तसेच कुस्ती क्षेत्राला चालना मिळत आहे. अशा स्पर्धांमध्ये वाद किंवा गैरप्रकार होऊ नयेत यासाठी सर्वांनी जबाबदारीने वागावे, असा संदेशही त्यांनी दिला आहे.
या प्रसंगी क्रीडामंत्री दत्तात्रय भरणे, पुनीत बालन ग्रुपचे अध्यक्ष आणि उद्योजक पुनीत बालन, प्रतिष्ठानचे अध्यक्ष धीरज घाटे, हिंद केसरी योगेश दोडके, तात्यासाहेब भिंताडे, अमोल बुचडे यांसह मान्यवर उपस्थित होते. महाराष्ट्र राज्य कुस्तीगीर संघ व पुणे जिल्हा कुस्तीगीर संघ यांच्या मान्यतेने ही स्पर्धा भरविण्यात आली आहे.
परीक्षेला आत्मविश्वासाने सामोरे जा : प्रा. फुलचंद चाटे
Newsworldmarathi pune : विद्याथ्यांनी आत्मविश्वासाने आणि सकारात्मक दृष्टीने परीक्षेला सामोरे गेले पाहिजे. कारण, परीक्षेच्या काळात विद्यार्थी जेवढा शांततेने आणि सकारात्मक विचाराने अभ्यास करेल तेवढा त्या विद्यार्थ्यांना फायदा होईल, असे प्रा. फुलचंद चाटे यांनी सांगितले. पुढील आठवड्यात इयत्ता बारावी आणि दहावीच्या परीक्षेला सुरुवात होत आहे, त्यानिमित्ताने प्रा. चाटे यांनी विद्यार्थी व पालकांशी संवाद साधला.
प्रत्येक विद्यार्थ्यांचा अभ्यास झालेला असतो. परंतु, विद्यार्थी परीक्षेची विनाकारण भीती बाळगत असतात बरेचसे विद्यार्थी परीक्षा जवळ येईल तसे विद्यार्थी जागरण करीत रात्री उशिरापर्यंत अभ्यास करीत बसतात, जास्त वेळ जागत बसतात त्यामुळे विद्याथ्यर्थ्यांची पुरेशी झोप होत नाही, त्यामुळे विद्यार्थ्यांचा मेंदू थकून जातो आणि जो अभ्यास केलेला असतो तो लक्षात राहत नाही, त्यामुळे परिक्षेचा ताण न घेता नियोजनपूर्वक अभ्यास करावा.असेही त्यांनी सांगितले
