News World Marathi© 2024 Newsworld मराठी बाह्य इंटरनेट साइट्सच्या सामग्रीसाठी आम्ही जबाबदार नाही. बाह्य लिंक्सबद्दल आम्हाल काय वाटतं? इथे वाचा. बाह्य लिंक्सबद्दल आम्हाल काय वाटतं? इथे वाचा.

Newsworld Pune : देशात कसोटीच्या क्षणी, कायद्याची बूज राखण्यासाठी जागरूक व संघर्षरत राहणे ही काळाची गरज असुन, ‘संविधान व लोकशाही’च्या अस्तित्वासाठी वकील वर्गा कडून अपेक्षा अधिक असल्याने, कायद्याचे संरक्षक म्हणून वकील वर्गावर जबाबदारी अधिक असल्याचे प्रतिपादन काँग्रेस नेते व राज्य प्रवक्ते गोपाळदादा तिवारीयांनी केले. अध्यक्ष’स्थानी पुणे शहर जिल्हा काँग्रेस कमिटीचे अध्यक्ष अरविंद शिंदे होते. “राष्ट्रीय वकील दिना”च्या व काँग्रेसच्या लीगल सेल’च्या पदाधिकाऱ्यांच्या वाढदिवसाचे औचित्याने सदर कार्यक्रमाचे संयोजन पुणे काँग्रेसच्या लीगल सेल’ने केले होते. महाराष्ट्र प्रदेश इंटक’चे पदाधिकारी तसेंच प्रदेश सचिव ऍड फैयाज शेख, तसेच पुणे शहर कॅांग्रेस लिगल सेल चे उपाध्यक्ष ॲडव्होकेट श्रीकांत पाटील यांच्या जन्मदिन केक कापून व वकीलांचा सत्कार करून “राष्ट्रीय वकील दिन” साजरा करण्यात आला..! या प्रसंगी प्रदेश काँग्रेस लीगल सेल चे उपाध्यक्ष ऍड. शाहिद अख्तर शेख, ऍड. अनिल कांकरिया ऍड अयुब पठाण सि आय डी ॲड काळेबेरे, माजी नगरसेवक श्रीकांत पाटील, प्रदेश काँग्रेस प्रतिनिधी मेहबूब नदाफ यांनी शुभेच्छा दिल्या. या प्रसंगी ॲड विद्या पेळपकर, ॲड. रशिदा सय्यद, ॲड. डिसूझा, ॲड. अतुल गुंड पाटील, ॲड. राजाभाऊ चांदेरे, ॲड. चव्हाण, ॲड. सतीश कांबळे, ॲड. बलकवडे, ॲड भुंडे, ॲड सुरेश नांगरे, ॲड बाळासाहेब बावणे इ वकील मंडळी मोठ्या संख्येने ऊपस्थित होती.. तसेच राजीव गांधी स्मारक समितीचे सदस्य तसेच जेष्ठ काँग्रेसजन बाळासाहेब मारणे, रामचंद्र शेडगे, रमण पवार, सुभाष काळे, राजेश मंजरे, धनंजय भिलारे, सुनील तिखे, विकास दवे, गणेश शिंदे, नरेश आवटे इ उपस्थित होते.सुत्रसंचालन भोला वांजळे यांनी केले तर आभार प्रदर्शन काँग्रेस लीगलचे शहर उपाध्यक्ष ऍड. आरुडे यांनी केले.

Newsworld Mumbai : देवगिरी बंगल्यावर नागालँडच्या राष्ट्रवादी काँग्रेस पक्षाच्या आमदार व शिष्टमंडळाने उपमुख्यमंत्री अजित पवार यांची भेट घेऊन त्यांचे अभिनंदन केले. या भेटीत नागालँडमधील राष्ट्रवादी काँग्रेस पक्षाच्या कार्यप्रणाली आणि पक्षाच्या भविष्यातील योजनांवर चर्चा झाल्याची माहिती समोर आली आहे. यावेळी राष्ट्रवादी काँग्रेस पक्षाचे कार्याध्यक्ष प्रफुल पटेल देखील उपस्थित होते. या भेटीमुळे पक्षातील एकजूट आणि राष्ट्रीय स्तरावरील पक्षाच्या उपस्थितीवर भर देण्याकडे लक्ष दिले जाणार आहे. ही भेट राजकीय दृष्टिकोनातून महत्त्वाची मानली जात असून, पक्षसंघटन आणि विविध राज्यांमधील समन्वय वाढवण्यावर विशेष भर दिला जाणार आहे.

Newsworld Pune : अखंड महाराष्ट्राचे कुलदैवत मानल्या जाणाऱ्या जेजुरीच्या खंडोबा महाराजांचा चंपाषष्टी उत्सव जेजुरी गडावर मोठ्या जल्लोषात आणि भक्तीभावाने सुरू आहे. काल (सोमवारी) या उत्सवाला भव्य सुरुवात झाली असून, राज्यभरातून आलेले भाविक मोठ्या संख्येने या सोहळ्यात सहभागी होत आहेत. चंपाषष्ठी हा खंडोबा देवाचा विशेष उत्सव असून, या दिवशी खंडोबाची पारंपरिक पूजा, अभिषेक, महाप्रसाद, आणि विविध धार्मिक कार्यक्रम गडावर आयोजित केले जातात. जेजुरी गडावरची परंपरा, पिवळ्या हळदीच्या उधळणीसह साजरी होणारी हा उत्सवाची वैशिष्ट्ये भाविकांसाठी आकर्षणाचा केंद्रबिंदू ठरतात. गडावरचा उत्सव फक्त धार्मिकच नव्हे तर सांस्कृतिक दृष्टिकोनातूनही महत्त्वाचा मानला जातो. जेजुरी गडावर सध्या भक्तांनी गर्दी केली असून, भक्तांच्या सोयीसाठी प्रशासनानेही विशेष व्यवस्था केली आहे.

Newsworld Mumbai : आधुनिक महाराष्ट्राचे शिल्पकार, शाश्वत विकासाचे विकासपुरुष देवेंद्र फडणवीस यांची भाजपा महाराष्ट्र “विधिमंडळ गटनेतेपदी” निवड झाल्याबद्दल विधानपरिषद आमदार मा.उमाताई खापरे, आमदार अमित गोरखे,आमदार शंकर जगताप यांनी सागर निवास्थानी जाऊन त्यांचे मनःपूर्वक अभिनंदन करत शुभेच्छा दिल्या! देवेंद्र फडणवीस यांच्या दूरदृष्टीने आणि निर्णयक्षमतेने महाराष्ट्राच्या सर्वांगीण विकासात मोठे योगदान दिले आहे. त्यांची कार्यतत्परता, प्रामाणिकता आणि समाजातील प्रत्येक घटकांसाठी केलेले काम आम्हा सर्वांसाठी आदर्श आहे. त्यांच्या नेतृत्वाखाली महाराष्ट्र समृद्धीच्या आणि विकासाच्या नव्या उंचीवर जाईल तसेच राष्ट्र उभारणीच्या कार्यात महत्त्वपूर्ण योगदान देईल असे आमदार अमित गोरखे यांनी सांगितले.

Newsworld Delhi : आरबीआई यंत्रणेच्या असफलतेमुळे पीएमसी बँक घोटाळ्यातील ग्राहकांचे हक्काचे कोट्यवधी रुपये गेल्या अनेक वर्षापासून अडकले असून ते त्यांना तत्काल देण्यासाठी केंद्र सरकारने निर्णय घेऊन खातेदारांना न्याय द्यावा, अशी मागणी मुंबई उत्तर पश्चिम लोकसभा क्षेत्राचे खासदार रविंद्र वायकर यांनी लोकसभेत बँकिंग कायदा (सुधारणा) विधेयक २०२४ वर बोलताना केली. खातेदारांच्या न्याय, हित रक्षणासाठी तसेच सहकारी बँकेतिल ग्राहकांसाठी डिपॉजिट इन्शुरेंस योजना लागू करण्यात यावी, अशीही मागणी त्यांनी यावेळी व्यक्त केली. लोकसभेत मांडण्यात आलेल्या बँकिंग कायदा (सुधारणा) विधेयक २०२४ चे समर्थन करताना खासदार रविंद्र वायकर यांनी आपले विचार व सूचना मांडल्या. पीएमसी बँकेतील घोटाळ्यामुळे ग्राहकांनी आपल्या मेहनतीचे बँकेत ठेवलेले रुपये मिळणे कठीण झाले आहे. आरबीआई यंत्रणेला हा घोटाला रोखण्यात अपयश आले. यूनिटी बँकेतील ग्राहकांची पण तीच परिस्थिति आहे. यस बँकेला केवळ २० दिवसांमध्ये १५०० कोटी रुपये देऊन वाचवण्यात आले. परंतु पीएमसी बँक ज्यांचा एनपीए ६००० हजार करोंड होता व ज्यांचे १० लाखापेक्षा जास्त ग्राहक होते, आशा ग्राहकांना बेलआउटचा लाभ देण्यात आला नाही. एचडीआयएल कंपनीची संपत्ति व कर्जाच्या एकदाच सेटेलमेन्ट मूळे हजारो कोटी रुपयांची वसूली झाली आहे. हे संकट नुसते वित्तीय नसून, नैतिक आणि सामाजिक पण असल्याचे मत, खासदार वायकर यांनी व्यक्त केले. या घोटाळ्याची बंधित ग्राहकांना त्यांची संपूर्ण जमा रक्कम तत्काळ देण्यात यावी. एनसीएलटी सारख्या संस्थेमार्फत अशी प्रकरणे निकाली काढण्यात यावी. बँकेतील एनपीए खात्यांची ओळख करण्यासाठी रिस्क मॅनेजमेंट सिस्टमला सक्षम करण्यात यावे. सायबर फसवणुकीपासून ग्राहकांचे रक्षण करण्यासाठी बँकांना एआय वर आधारित सुरक्षा प्रणाली लागू करण्यात यावी. ग्रामीण भागात बँकांचे जाळे वाढवणे तसेच एटीएमची संख्या वाढवण्यात यावी. सहकारी बँकांना आधिक मजबूत करण्यासाठी केंद्र सरकारने विशेष फंड उभारला पाहिजे, आशा सूचनाही खासदार रविंद्र वायकर यांनी या बिलावर आपले मत व्यक्त करताना दिल्या.

Newsworld Pune : कसबा पेठ विधानसभा मतदारसंघाचे नवनिर्वाचित आमदार हेमंत रासने यांनी भवानी पेठ क्षेत्रातील कचऱ्याच्या समस्येवर त्वरित कारवाई केली आहे. त्यांनी भवानी पेठ क्षेत्रीय कार्यालयाच्या हद्दीत असलेल्या ‘क्रॉनिक स्पॉट्स’बाबत प्रशासनाला जाब विचारला होता. त्यानंतर महापालिकेने आठवड्याच्या आतच या समस्येवर उपाययोजना केल्याचा दावा केला आहे. पालिकेच्या या कृतीमुळे भवानी पेठ परिसरातील कचऱ्याच्या समस्येत लक्षणीय सुधारणा झाल्याची माहिती समोर आली आहे. ही कृती नागरिकांसाठी मोठा दिलासा ठरत असून, स्वच्छता अभियानासाठी सकारात्मक पाऊल मानले जात आहे. आमदार रासने यांच्या या प्रयत्नांमुळे स्थानिक पातळीवर प्रभावी नेतृत्वाची छाप पडल्याचे दिसत आहे. आमदार हेमंत रासने यांनी ‘कचरामुक्त कसबा’ या मोहिमेअंतर्गत भवानी पेठ भागातील कचऱ्याच्या समस्येवर तोडगा काढण्यासाठी ठोस पावले उचलली आहेत. त्यांनी महापालिका अधिकाऱ्यांसमवेत उघड्यावर कचरा टाकला जाणाऱ्या ठिकाणांची पाहणी केली आणि या समस्येच्या त्वरित सोडवणुकीसाठी प्रशासनाला १५ दिवसांत कचऱ्याच्या व्यवस्थापनाचा आराखडा तयार करण्याच्या सूचना दिल्या. महापालिकेने या सूचनेनुसार हालचाली सुरू केल्या असून भवानी पेठ क्षेत्रातील काही ‘क्रॉनिक स्पॉट्स’ आठवड्याभरातच बंद करण्यात आले आहेत. या मोहिमेमुळे परिसरातील स्वच्छता सुधारण्यास मदत होईल, तसेच भविष्यात कचऱ्याचे प्रभावी व्यवस्थापन होण्यासाठी ठोस उपाययोजना आखल्या जातील. ‘कचरामुक्त कसबा’ ही कल्पना नागरिकांमध्ये सकारात्मक बदल घडवून आणण्यास महत्त्वाची ठरणार आहे. भवानी पेठ क्षेत्रीय कार्यालयाच्या अखत्यारितील ताडी गुत्ता, गंज पेठ, गुरुवार पेठ दवाखाना आरोग्य कोठी आणि चांदतारा चौक परिसरातील कचरा व्यवस्थापनासाठी महत्त्वाचे पाऊल उचलण्यात आले आहे. या भागातील ‘क्रॉनिक स्पॉट’ बंद करून, महापालिकेने या ठिकाणी स्वच्छता अभियान राबवले आहे. या मोहिमेमुळे भवानी पेठ क्षेत्रातील स्वच्छता स्थितीत सकारात्मक बदल होण्याची अपेक्षा आहे. ‘कचरामुक्त कसबा’ या उपक्रमाला स्थानिक नागरिकांकडूनही चांगला प्रतिसाद मिळत आहे. भवानी पेठ क्षेत्रीय कार्यालयाच्या परिसरातील कचऱ्याच्या समस्येची पाहणी करण्यासाठी आमदार हेमंत रासने यांनी महापालिका अधिकाऱ्यांना विशेष बैठकीसाठी बोलावले होते. या पाहणीत अतिरिक्त आयुक्त पृथ्वीराज बी. पी. घनकचरा व्यवस्थापन विभागाचे प्रमुख संदीप कदम, तसेच इतर महापालिका अधिकारी उपस्थित होते. रासने यांनी भवानी पेठ क्षेत्रीय कार्यालयांतर्गत येणाऱ्या दूधभट्टी, गणेश पेठ, गंज पेठ रोड, भिकारदास मारुती चौक आणि रमणबाग प्रशाला याठिकाणी थेट पाहणी केली. या ठिकाणी असलेल्या कचऱ्याच्या समस्यांवर त्वरित उपाययोजना करण्याच्या सूचना त्यांनी अधिकाऱ्यांना दिल्या. त्यांनी कचऱ्याची योग्य विल्हेवाट लावण्याचे आणि नागरिकांपर्यंत नियमित कचरा संकलनाची व्यवस्था पोहोचवण्याचे आदेश दिले. या पाहणीनंतर महापालिकेने ‘क्रॉनिक स्पॉट्स’ बंद करण्यासाठी पुढाकार घेतला असून, कचऱ्याचे व्यवस्थापन अधिक प्रभावी होण्यासाठी उपाययोजना हाती घेण्यात आल्या आहेत. ‘कचरामुक्त कसबा’मोहिमेला या पाहणीमुळे अधिक गती मिळाल्याचे दिसून येत आहे. कसबा ही छत्रपती शिवाजी महाराज यांच्या पदस्पर्शाने पावन झालेली भूमी आहे. कसबा मतदारसंघातून देशाला दिशा देणारे असे अनेक थोर महापुरुष घडले आहेत. अनेक ऐतिहासिक वास्तू या कसबापेठेत आहेत त्याचं पावित्र्य जतन करणे हे माझं आद्य कर्तव्य मी मानतो. देश विदेशातून अनेक नागरिक कसबा पेठ पाहण्यासाठी येत असतात. माझा मतदारसंघ स्वच्छ सुंदर रहावा ही माझी इच्छा आहे. त्यामुळेच आमदार झाल्यानंतर कसबा कचरामुक्त करण्याची पहिली मोहीम हाती घेतली आणि ती यशस्वी झाली आणि इथून पुढेही अशा अनेक संकल्पना राबवून मतदार संघाच्या विकासासाठी प्रयत्न करणार आहे. हेमंत रासने, आमदार

Newsworld Pune : सदाशिव पेठ, पेरुगेट पोलिस चौकीसमोर एका दुचाकीला (इलेक्ट्रिक बाईक) अचानक आग लागली. स्थानिक नागरिकांनी अग्निशमन दलास माहिती देतात अग्निशामन दलाकडून ही आग आटोक्यात आणण्यात आली. सुदैवाने या आगीमध्ये कोणीही जखमी झाले नाही. दुचाकी ला लागलेल्या आगीचे कारण अद्याप स्पष्ट झालेले नाही.

Newsworld Pune : मुळशीच्या माण येथील राष्ट्रीय खेळाडू कुमार महाराष्ट्र केसरी पैलवान विक्रम पारखी याचे आज सकाळी जिममध्ये व्यायाम करताना आकस्मिक निधन झाले. पैलवान विक्रम याला हृदयविकाराचा झटका आला. त्यामध्ये त्याची प्राणज्योत मालवली. या घटनेने संपूर्ण माणगावसह मुळशी तालुक्यावर आणि कुस्ती क्षेत्रावर शोककळा पसरली आहे. पैलवान विक्रम पारखी याचे येत्या 12 डिसेंबरला लग्न होणार होते, मात्र काळाने त्याआधीच झडप घालून विक्रम ह्याला हिरावल्याने पारखी कुटुंबावर आनंदा ऐवजी दुःखाचा डोंगर कोसळलाय. पारखी कुटुंबावर कोसळलेल्या दुःखामुळे मुळशी तालुक्यात हळहळ व्यक्त होत आहे. पैलवान विक्रम पारखीने अनेक पदकं मिळवली मुळशीतल्या माणगावचा भूमिपुत्र असलेल्या विक्रम पारखी याने कुमार महाराष्ट्र केसरी पदावर आपलं नाव कोरून मानाची गदा मिळवली होती. २८ नोव्हेंबर २०१४ ला वारजे येथे महाराष्ट्र राज्य कुस्तीगीर परिषद आयोजित महाराष्ट्र राज्य कुमार अजिंक्यपद कुस्ती स्पर्धा २०१४ झाली होती. त्यात विक्रम याने अजिंक्यपद मिळवले. काळाचा घाला… 8 दिवसावर लग्न… पैलवान विक्रम चे 8 दिवसांवर लग्न असताना नियतीचा अमानुष खेळ..पैलवान विक्रम याचे जिममध्ये व्यायाम करताना हृदयविकाराच्या झटक्याने निधन झाले. त्याचे येत्या १२ डिसेंबरला लग्न होणार होते. या दुर्दैवी घटनेने कुस्ती क्षेत्रात आणि त्यांच्या कुटुंबावर शोककळा पसरली आहे

Newsworld Pune : पवना धरणात दोन तरुण बुडाले आहेत. बुधवार (दि.०४) रोजी दुपारी १२:०० वाजण्याच्या सुमारास दुधिवरे (ता. मावळ) येथे ही घटना घडली. मयूर रविंद्र भारसाके (वय २५) तर तुषार रविंद्र अहिरे (वय.२६ दोघेही सध्या रा.पुणे, मुळ, रा. लालजैन मंदिराच्या पाठिमागे, पद्मावती नगर, वरणगांव, भुसावळ) असे बुडाल्या पर्यटकांची नावे असून ते बालेवाडी येथे एका खाजगी कंपनी मध्ये नोकरी करत होते.मयुरचा मृतदेह सापडला आहे मात्र तुषार चा मृतदेह अद्याप मिळून आला नाही. उद्या सकाळी 9 वाजता परत शोध मोहीम चालू होईल.

Newsworld Pune : भारतीय जनता पार्टी प्रभाग क्रमांक 28 व शिवसेना, राष्ट्रवादी ,RPI (A) महायुतीच्या वतीने देवेंद्रज फडणवीस यांची भारतीय जनता पार्टीच्या विधिमंडळ गट नेते व मुख्यमंत्रीपदी निवड झाल्याबद्दल मनःपूर्वक अभिनंदन व लाडू वाटप करून जल्लोष करण्यात आला देवा भाऊ तूम आगे बढो हम तुम्हारे साथ है..महायुतीचा विजय असो अशा घोषणांनी परिसर दुमदुमून गेले. यावेळी गणेश शेरला, मा नगरसेवक श्रीकांत पुजारी, बाळासाहेब शेलार, श्वेता मुन्ना उर्फ संग्राम मोहनराव, राजेंद्र सरदेशपांडे,तुकाराम डुबेकर ,नजीर शेख, उपेंद्र सरदेशपांडे,बंटी मोकळं,अनिल कांबळे व व महायुतीचे अनेक कार्यकर्त्यांच्या उपस्थितीत होते. कार्यक्रमचे आयोजन भाजपा पदाधिकारी गणेश शेरला यांनी केले होते.

Newsworld Pune : मूत्राशयाच्या किचकट शस्त्रक्रियांचे प्रात्यक्षिक, मूत्राशय व प्रोस्टेट संबंधित गुंतागुंतीचे आजार, तसेच आधुनिक उपचार पद्धती याविषयी चर्चा करण्यासाठी बाणेर येथील युरोकुल युरोलॉजी इन्स्टिट्यूटच्या वतीने दोन दिवसीय आंतरराष्ट्रीय कार्यशाळा आयोजिली आहे. येत्या ७ व ८ डिसेंबर २०२४ रोजी ही कार्यशाळा होणार असल्याची माहिती युरोलॉजिकल सोसायटी ऑफ इंडियाचे अध्यक्ष डॉ. संजय कुलकर्णी यांनी पत्रकार परिषदेत दिली. प्रसंगी भारतातील पहिल्या महिला लॅप्रोस्कोपी सर्जन डॉ. ज्योत्स्ना कुलकर्णी, युरोलॉजिस्ट डॉ. पंकज जोशी आदी उपस्थित होते. डॉ. संजय कुलकर्णी म्हणाले, “दोन दिवसांच्या या कार्यशाळेत जवळपास ३५ ते ४० शस्त्रक्रिया होणार असून, ‘युरोकुल’मध्ये होणाऱ्या या शस्त्रक्रियांचे लाईव्ह प्रक्षेपण बंतारा भवन येथील सभागृहात जगभरातून आलेले युरोलॉजिस्ट पाहणार आहेत. डॉ. संजय कुलकर्णी, डॉ. पंकज जोशी यांच्यासह लंडन येथील प्रा. अँथनी मंडी, इटली येथील डॉ. गुइडो बार्बगली, तामिळनाडू येथील डॉ. गणेश गोपालकृष्णन, लंडन येथील ज्युलियन शाह, डॉ. मिरोस्लाव्ह दोर्डोव्हिक, कतार येथील डॉ. तारिक अब्बास, अमेरिकेतील डॉ. ली झाह, डॉ. दिमित्री निकोलावास्की या तज्ज्ञ डॉक्टरांच्या मार्गदर्शनात ही कार्यशाळा होणार आहे. भारतातील पाचशे, तर विदेशातील ८० तज्ज्ञ युरोलॉजिस्ट या कार्यशाळेत सहभागी होणार आहेत.” ‘युरेथ्रोप्लास्टी’मुळे मूत्राशय आणि संबंधित विकारांच्या रुग्णांना मोठा दिलासा मिळाला आहे. काही मुलांना जन्मतःच मूत्रविसर्गाची जागा शिश्नाच्या खालील बाजूस असते. अशा रुग्णांसाठी अद्ययावत शस्त्रक्रिया उपलब्ध आहे. तसेच संभोग करण्यास पुरुषाचे लिंग जर अकार्यक्षम असेल, तर रुग्णाच्या शरीरात ‘थ्री पीस पिनाईल प्रोस्थेसिस’ हे उपकरण शस्त्रक्रियेद्वारे बसवले जाते. त्यानंतर रुग्णाच्या इच्छेनुसार अंडकोषाजवळ बसवलेले बटन दाबल्यानंतर पुरुषाचे लिंग ताठ होते आणि तो संभोग करण्यास सक्षम होऊ शकतो, असे डॉ. संजय कुलकर्णी यांनी नमूद केले. पुरुषांचे लिंग जर ताठ झाल्यावर वाकत असेल, तर तेही ऑपरेशन करून सरळ करता येते. याला ‘पेरोनीज डिसीज ‘असे म्हणतात. ऑपरेशननंतर पेशंटची लघवी गळत असेल, तर लघवीच्या मार्गाभोवती आर्टिफिशियल स्नायू बसवला जाऊ शकतो, जेणेकरून पेशंटचे लघवी गळणे थांबते, हेही ऑपरेशन युरोकूलमध्ये केले जाते. अपघातामध्ये किडनी व लघवीची पिशवी जोडणारी नळी तुटली व पोटात लघवी होऊ लागली तर त्या रुग्णाची नाजूक नळी परत जोडण्याचे ऑपरेशन रोबोटच्या साह्याने केले जाणार आहे. जगातील सर्वात अद्ययावत टेक्नॉलॉजी, रोबोटिक सर्जरी युरोकुलमधे मागील दीड वर्ष होत आहेत. ही शस्त्रक्रिया ‘दा विंची रोबोट’ वापरून केली जात आहे. या कार्यशाळेत विविध प्रकारच्या क्लिष्ट शस्त्रक्रिया रोबोटमार्फत केल्या जाणार आहेत, असे डॉ. संजय कुलकर्णी म्हणाले. *’युरोकुल’ची बांधिलकी’* युरोलॉजी’ व ‘नेफ्फरोलॅाजी’साठी समर्पित १०५ बेडचे ‘युरोकुल’ भारतातील तिसरे मानांकित हॉस्पिटल आहे. मूत्रमार्गाच्या विकारांवरील अद्ययावत व सुसज्ज सेवा एकाच छताखाली २४ तास उपलब्ध आहेत. रुग्णांवर परवडणाऱ्या किंमतीत शस्त्रक्रिया, तसेच बिल भरण्यासाठी पैसे नाहीत म्हणून रुग्णाला परत पाठवले जात नाही, हे येथील वैशिष्ट्य आहे. या सामाजिक बांधिलकीमुळे देश-विदेशातील रुग्णांमध्ये ‘युरोकुल’ आपलेसे झाले आहे. जगातील सुमारे ५० देशांमध्ये जाऊन प्रात्यक्षिकांसह ‘युरेथ्रोप्लास्टी’ शस्त्रक्रिया करणारे डॉ. संजय कुलकर्णी ‘युरोकुल’चे प्रमुख आहेत, असे डॉ. ज्योत्स्ना कुलकर्णी यांनी सांगितले.

Newsworld Pune : मराठीच्या अभ्यासक-संशोधक स्वाती सुहास कर्वे (वय ७२) यांचे दीर्घकालीन आजाराने नुकतेच निधन झाले. त्यांच्यामागे पती, मुले, सुना व नातवंडे असा परिवार आहे. चिंचवड येथील फत्तेचंद विद्यालयात व पुण्यातील शिवाजीनगर येथील मॉडर्न महाविद्यालयात त्यांनी मराठीचे अध्यापन केले होते. स्वाती कर्वे यांनी ललित, वैचारिक, समीक्षा व संशोधनात्मक लेखन केले असून ‘दशावतार’, ‘भारतीय सण व उत्सव’, ‘चिरंजीव’, ‘पंचकन्या’ ही त्यांची पुस्तके प्रकाशित झाली आहेत. ‘लघुकादंबरीचे साहित्य स्वरूप’, ‘आठवणीतील पुस्तके’, ‘दळवींची नाटकेः एक अंतर्वेध’, ‘स्त्रियांच्या परिषदांचा इतिहास’ (१८५० ते २०१०) ही समीक्षात्मक पुस्तकेही त्यांच्या नावावर जमा आहेत. ‘स्त्री विकासाच्या पाऊलखुणा’ (१९५० ते २००७), ‘स्त्री विकासाचे नवे क्षितिज’ (१९५० ते २००७) हे स्त्रियांच्या वैचारिक लेखनाचे दोन खंड त्यांनी संपादित केले होते. ‘स्त्रियांच्या पत्रव्यवहाराचे सामाजिक मूल्यमापन’ या प्रकल्पाला महाराष्ट्र फाउंडेशनची शिष्यवृत्ती मिळाली होती. अभ्यासू संशोधक व समीक्षक म्हणून त्या साहित्य वर्तुळात परिचित होत्या. कर्वे यांच्या दोन ग्रंथांना महाराष्ट्र राज्य शासनाचे पुरस्कार, आचार्य अत्रे स्मृती पुरस्कार, ना.ह. आपटे पुरस्कार व आदर्श शिक्षक पुरस्कारही त्यांना मिळाले होते.

Newsworld Pune : दि.१ डिसेंबर २०२४ रोजी बालेवाडी, पुणे येथे झालेल्या ३९ व्या महाराष्ट्र राज्य शुटिंग चैम्पियनशिप स्पर्धा २०२४ मध्ये ६५० पैकी ६३५.१ गुण करुन कु.शांभवी श्रावण क्षिरसागर हिने सीनियर जूनियर युथ व सब यूथ या चार प्रकारात ४ गोल्ड मेडल व ४५०००/- रुपये कॅश प्राइज़ मिळवून शांभावी ही महाराष्ट्र स्टेट चैम्पियन २०२४ ची मानकरी ठरली आहे .शांभवी ही मुळची पुण्यातील असून सध्या ती कोल्हापूर येथे राहते. 39 व्या महाराष्ट्र राज्य शूटिंग चैम्पियन स्पर्धा 2024 चे आयोजन पुण्यातील बालेवाडी क्रीडा संकुलात एक डिसेंबर पासून सुरू आहे .शांभवी क्षीरसागर हिने सिनिअर ज्युनियर व सब यूथ अशा एकूण चारीही गटा मध्ये सुवर्ण पदक मिळवले असून ४५ हजार रुपयाचे विशेष पारितोषिक ही पटकावले आहे. अतिशय जिद्द आणि मेहनतीच्या बळावर तिने हे यश संपादन केले असून पुण्यातील क्रीडाप्रेमीनी व मार्गदर्शकांनी तिचे कौतुक करून अभिनंदन केले आहे .

Newsworld Pune : चीनने 1950 साली तिबेटवर आक्रमण केले त्यावेळी सरदार वल्लभभाई पटेल यांनी चीन कडून धोका असल्याचे म्हंटले होते. मात्र पुढे पं. जवाहरलाल नेहरूंनी हिंदी – चीनी भाई भाई ची घोषणा दिली, पुढे 1962 साली आपल्याला किंमत चुकवावी लागली. अलीकडे गलवान मध्ये तसे करण्याचा प्रयत्न केले मात्र आजच्या भारताने आरे ला कारे उत्तर दिले. आजच्या परिस्थितीत चीनमध्ये लोकशाही अस्तित्वात आली तर भारताला आणि जगाला देखील फायदा होईल असे मत माजी सनदी अधिकारी अविनाश धर्माधिकारी  यांनी व्यक्त केले.  चेतक बुक्सने प्रकाशित केलेल्या आणि पराग देव यांनी लिहिलेल्या ‘ड्रॅगनच्या लोकशाहीची प्रेमकथा’ या कादंबरीचे प्रकाशन करण्यात आले यावेळी प्रमुख पाहुणे म्हणून धर्माधिकारी बोलत होते. कार्यक्रमाच्या अध्यक्षस्थानी ज्येष्ठ साहित्यिक डॉ. सदानंद मोरे होते. यावेळी लेखक पराग देव, अनय जोगळेकर आदि मान्यवर उपस्थित होते.  कार्यक्रमाच्या अध्यक्ष स्थानावरून बोलताना डॉ. मोरे म्हणाले, बौद्ध धम्म चीन मध्ये गेला त्यावेळी अनेक चीनी अभ्यासक, विचारवंत भारतात आले, त्यांनी आपल्या देशाचा अभ्यास केला, इथले आणेक ग्रंथ चीनी, तिबेटी मध्ये अनुवादित केले. आपल्याकडे परकीय आक्रमणा नंतर अनेक ग्रंथ नष्ट झाले मात्र ते तिकडे उपलब्ध आहेत, त्यांचे आपल्याकडे पुन्हा येणे गरजेचे आहे. जागतिक राजकारणावर भाष्य करणारी ही कादंबरी योग्य वेळी प्रकाशित झाली असून ती इंग्रजी मध्ये भाषांतरीत व्हावी अशी अपेक्षा देखील त्यांनी व्यक्त केली. जोगळेकर म्हणाले की भारताच्या शेजारी असलेला आणि जागतिक राजकारणात महत्वाचा देश असलेल्या चीन बद्दल आपल्याला फार काही माहिती नसते पण अशा स्वरूपाच्या कादंबरीमुळे आपल्याला शेजारच्या देशाबद्दल नक्कीच माहिती मिळू शकते.  लेखक पराग देव यांनी मनोगत व्यक्त करताना पुस्तकामागील प्रेरणा आणि भूमिका मांडली.  पसायदानाने कार्यक्रमाची सांगता झाली.

Newsworld Mumbai : महायुतीच्या सरकार स्थापनेसाठी हालचाली वेगाने सुरू झाल्या असून, उद्या (5 नोव्हेंबर) आझाद मैदानावर होणारा शपथविधी सोहळा हा मोठ्या राजकीय घडामोडींचा केंद्रबिंदू ठरणार आहे. देवेंद्र फडणवीस मुख्यमंत्री पदाची शपथ घेणार असल्याची चर्चा आहे, तर अजित पवार आणि एकनाथ शिंदे उपमुख्यमंत्री म्हणून जबाबदारी स्वीकारतील अशी माहिती सूत्रांनी दिली आहे. सध्या घटक पक्षांमध्ये मंत्रिमंडळातील जागावाटपावर चर्चा सुरू असून, या प्रक्रियेनंतर इतर मंत्र्यांचा शपथविधी होईल. या घडामोडींवर संपूर्ण महाराष्ट्राचे लक्ष आहे. या शपथविधीच्या सोहळ्यासाठी मुंबईतील आझाद मैदानात भव्य दिव्य तयारी करण्यात आलेली आहे. या सोहळ्यात भगवा रंगाचा मोठ्या प्रमाणात वापर करण्यात आला आहे. सोहळ्यासाठी तीन वेगवेगळे स्टेज उभारण्यात आले असून. हजारो उपस्थितितांना बसण्याची व्यवस्था देखील करण्यात आलेली आहे. उद्याच्या सोहळ्यासाठी शपथविधी पंतप्रधान नरेंद्र मोदी उपस्थित राहणार आहेत आणि त्यामुळेच आझाद मैदानाच्या आजूबाजूला मोठ्या प्रमाणात सुरक्षा व्यवस्था पुरवण्यात आली आहे.

Newsworld Pune : संपत्ती व समृद्धीसाठी आवश्यक अशा महत्त्वाच्या गोष्टींची जाणिव करून देण्याचे काम वन्नेस मूव्हमेंटच्या वतीने करण्यात येते. वन्नेस मूव्हमेंटचे संस्थापक मुक्ती गुरु श्री. कृष्णाजी यांच्या “एक्सपिरीयन्स एनलाईटेनमेंट” या कार्यक्रमाचे आयोजन येत्या 8 डिसेंबर 2024 रोजी करण्यात आल्याची माहिती वन्नेस मूव्हमेंटच्या महाराष्ट्र प्रमुख रोमा दासाजी यांनी पत्रकार परिषदेत दिली. या पत्रकार परिषदेला ॲड वसंत पाटील, उद्योजक दत्ता बोडके, तृप्ती शहापूर, शेफ सर्वेश जाधव आदि मान्यवर उपस्थित होते. कार्यक्रमांबद्दल अधिक माहिती देताना रोमा दासाजी म्हणाल्या, कृष्णाजी, त्यांच्या पत्नी प्रीताजी यांच्यासह, वन्नेस संस्थेचे सह-संस्थापक आहेत. ते ज्ञानी ऋषी आणि गूढवादी, चेतनेचे तंत्रज्ञ आणि ज्ञानाचे जागतिक केंद्र असलेल्या एकमचे सह-संस्थापक आहेत. त्यांनी ध्यान, अंतर्दृष्टी, प्रक्रिया आणि पद्धतींची संपूर्ण परिसंस्था स्थापन केली आहे. जी असंख्य समस्यांचे निराकरण करण्यात, विपुलतेला चालना देण्यासाठी आणि व्यक्तींना चेतनेच्या शक्तिशाली अवस्थेत मार्गदर्शन करण्यास मदत करते. ते जागतिक नेते, साधक आणि जगभरातील लाखो तरुणांना मार्गदर्शन करतात. प्रबोधनाची उत्कट इच्छा जागृत करण्यासाठी ते सध्या 6 खंडांमध्ये जगाच्या दौऱ्यावर आहेत आणि त्यांच्या जागतिक दौऱ्याचा एक भाग म्हणून पुणे शहराला भेट देत आहेत. मुक्ती गुरु श्री.कृष्णाजी यांच्या नेतृत्वाखालील हा ४ तासांचा “एक्सपिरीयन्स एनलाईटेनमेंट” कार्यक्रम तुमच्यासाठी ऐश्वर्य चैतन्याचे एक प्रवेशद्वार म्हणून कार्य करते. तुमची आंतरिक स्थिती तुमच्या जीवनात घटना आणि परिस्थिती यावर भाष्य करते. जर तुम्ही संकटाचे, समस्यांचे प्रगतीमध्ये रूपांतर करू इच्छित असाल तर चैतन्याच्या शक्तिशाली अवस्थेला जागृत करण्यासाठी हा कार्यक्रम एक प्रेरणा असेल. ८ डिसेंबर २०२४ रोजी संध्याकाळी ४ ते रात्री ८ यावेळेत मुहूर्त लॉन्स सर्व्हे क्र. १२६, फ्लेम रिंग रोड, खंडोबा मंदिराजवळ, मुंडे वस्ती, बावधन, पुणे येथे होणार आहे. उद्योजक, व्यावसायिक, शिक्षक, पालक, विद्यार्थी, ध्यान करणारे व्यक्ती किंवा आर्थिक व वैयक्तिक बदल शोधणाऱ्या प्रत्येकासाठी हा कार्यक्रम उपयुक्त असून कार्यक्रम सर्वांसाठी विनामूल्य असल्याचे रोमा दासाजी यांनी सांगितले.

Newsworld Pune : भारतीय जनता पक्षाच्या गटनेतेपदी देवेंद्र फडणवीस यांची निवड झाल्या निमित्त पुण्यातील अलका टॉकीज चौकात भाजपच्या वतीने जल्लोष साजरा करण्यात आला. पुणे भाजप शहराध्यक्ष धीरज घाटे यांनी कार्यकर्त्यांसह स्वतः ढोल वादन करत देवेंद्र फडणवीस यांची मुख्यमंत्रीपदी वर्णी लागल्या निमित्त आनंद साजरा केला. यावेळी पुणे शहर सरचिटणीस , ,पुनीत जोशी, राघवेंद्र मानकर, राजेंद्र शिळीमकर, राहुल भंडारे, सुभाष जंगले,वर्षा तापकीर, प्रमोद कोंढरे,,रवींद्र साळे गावकर गणेश घोष,माजी नगरसेवक जयंत भावे आदित्य माळवे, अजय खेडेकर, राजेंद्र काकडे, पुष्कर तुळजापूरकर,राजू परदेशी ,प्रणव गंजीवाले, उमेश शाह, दिलीप उंबरकर, संदीप काळे उपस्थित होते. घाटे म्हणाले, देवेंद्र फडणवीस हे राज्याचे तिसऱ्यांदा मुख्यमंत्री पदावर विराजमान होत आहे. राज्यातील युवक आणि महिला यांचा सन्मान आणि उद्धार करण्यासाठी फडणवीस यांची निवड पदावर करण्यात आली आहे. राज्यातील लाडकी बहीण यांना त्यांचा हक्काचा देवाभाऊ मिळणार आहे. पुण्यातील सर्व पदाधिकारी आणि लोकप्रतिनिधी असे मोठ्या प्रमाणात कार्यकर्ते शपथविधीसाठी उद्या मुंबई मध्ये जाणार आहे. देवेंद्र फडणवीस हे समाजातील सर्व घटकांना सोबत घेऊन यापुढील काळात वाटचाल करतील. 2014 ते 2019 या दरम्यान देवेंद्र फडणवीस यांनी यशस्वीपणे राज्याची धुरा सांभाळलेली आहे .त्यामुळे ते पुन्हा एकदा चांगल्याप्रकारे राज्याला विकासाच्या वाटेवर नेतील असा विश्वास राज्यातील जनतेला आहे. लाडक्या बहिणी सोबत लाडके भाऊ देखील भाजपच्या पाठीशी विधानसभा निवडणूकीत राहिलेली आहे. महायुतीला राज्यात ऐतिहासिक यश मिळालेले असून विरोधकांचा सुफडा साफ झालेला आहे.

Newsworld Mumbai : Devednra Fadanvis मागील आठ दिवसापासून सुरु असलेल्या मुख्यमंत्री कोण होणार या चर्चेला आता पूर्णविराम मिळाला असून देवेंद्र फडणवीस यांच्या नावावरती भारतीय जनता पार्टीने शिक्कामोर्तब आहे. यामुळे देवेंद्र फडणवीस यांनी जे वाक्य बोलले होते. ते मी पुन्हा येईन .. मी पुन्हा येईन हे वाक्य खऱ्या अर्थाने खरे ठरत आहे. ते पुन्हा येत असल्याचे वास्तव पाहायला मिळत आहे. विधानसभा निवडणुकीनंतर राज्यातील राजकीय समीकरणे स्पष्ट झाली असून, देवेंद्र फडणवीसच नव्याने मुख्यमंत्री होणार असल्याचे निश्चित झाले आहे. भाजपच्या कोअर कमिटीच्या बैठकीत यावर शिक्कामोर्तब करण्यात आले. याचवेळी फडणवीस यांची विधीमंडळ गटनेतेपदी निवडही करण्यात आली आहे. भाजप विधीमंडळ गटाने फडणवीस यांना एकमताने गटनेतेपदी निवडले, ज्यामुळे त्यांचा मुख्यमंत्री होण्याचा मार्ग सुकर झाला आहे. या महत्त्वाच्या बैठकीसाठी पंजाबचे माजी मुख्यमंत्री विजय रुपाणी आणि केंद्रीय अर्थमंत्री निर्मला सीतारमण उपस्थित होते. देवेंद्र फडणवीस हे पूर्वीही राज्याचे मुख्यमंत्री राहिले आहेत आणि त्यांचा प्रशासकीय अनुभव तसेच राजकीय खेळ कौशल्याचा विचार करूनच हा निर्णय झाला आहे. फडणवीस यांच्या नेतृत्वाखालील सरकारची पहिली आव्हानं म्हणजे महागाई, रोजगार निर्मिती, शेतकऱ्यांच्या समस्या आणि विकासाच्या प्रकल्पांची अंमलबजावणी होणार आहेत. फडणवीसांच्या नेतृत्वाखाली भाजपकडून राज्यात स्थिर आणि विकासात्मक सरकार देण्याचे आश्वासन देण्यात आले आहे.

Newsworld Pune : महागाईने गेल्या काही महिन्यांपासून सर्वसामान्यांचे कंबरडे मोडले आहे. खाद्यतेल, धान्य, भाजीपाला, इंधन आणि इतर जीवनावश्यक वस्तूंच्या किमती गगनाला भिडल्या आहेत. महागाईमुळे घरगुती बजेट विस्कळीत झाले असून, लहान-मोठ्या वस्तूंच्या खरेदीसाठी अधिक पैसा खर्च करावा लागत आहे. विशेषतः घरकाम करणाऱ्या महिलांना या परिस्थितीचा मोठा फटका बसला आहे. सप्टेंबरपासून महागाईने देशभरात पुन्हा डोकं वर काढलं असून, सर्वसामान्य जनतेचं जगणं अधिक कठीण झालं आहे. भाज्यापासून खाद्यतेल आणि लसणापर्यंत अनेक वस्तूंच्या किमती गगनाला भिडल्या आहेत. विशेषतः गृहिणींच्या दैनंदिन बजेटला या दरवाढीचा मोठा फटका बसत आहे. खाद्यतेलाच्या किंमतीत मोठी वाढ झाली आहे, ज्यामुळे स्वयंपाकघरातील खर्च वाढला आहे. कांद्याच्या किंमतीत थोडासा उतार दिसला असला तरी लसणाच्या दरवाढीमुळे गृहिणींचे बजेट कोलमडले आहे. लहान कुटुंबांपासून मोठ्या घरांपर्यंत महागाईने आर्थिक व्यवस्थापन कठीण केले आहे. “संसाराचा गाडा कसा हाकायचा?” हा प्रश्न गृहिणींना सतावत आहे. महागाईचा सामना करताना महिलांना त्यांच्या आर्थिक व्यवस्थापन कौशल्याचा पूर्ण वापर करावा लागत आहे. तरीही वाढत्या किंमतींमुळे “सरकारने महागाई कमी करण्यासाठी ठोस उपाययोजना कराव्यात,” अशी मागणी गृहिणी करत आहेत. गृहिणींच्या “नाके नऊ” आणणाऱ्या या महागाईवर सरकारने त्वरित कारवाई केली नाही, तर सामान्य जनतेचा रोष वाढण्याची शक्यता आहे.

Newsworld Pune : बालाजीनगरला अतिरिक्त भुयारी मेट्रो स्टेशन, “स्वारगेट-कात्रज” मेट्रो मार्गिकेला सुधारित मान्यता देण्यात आली आहे. पुणे मेट्रो रेल प्रकल्पाच्या “स्वारगेट ते कात्रज” (टप्पा क्र. २) भुयारी मेट्रो मार्गिकेत आता ४ भुयारी मेट्रो स्थानके असणार आहेत, ज्यामध्ये बालाजीनगर हे नवीन स्टेशन समाविष्ट करण्यात आले आहे. हा निर्णय सुधारित प्रकल्प आराखड्यांतर्गत घेतला गेला असून, प्रकल्पाच्या अंमलबजावणीसाठी आर्थिक सहभाग मान्य करण्यात आला आहे. अतिरिक्त भुयारी स्टेशन: बालाजीनगर हे अतिरिक्त भुयारी स्टेशन मेट्रो प्रवास अधिक सुलभ आणि सोयीस्कर करण्यासाठी प्रस्तावित करण्यात आले आहे. स्थायी समितीचा प्रस्ताव: या प्रकल्पासाठी सुधारित प्रस्ताव स्थायी समितीसमोर मान्यतेसाठी ठेवण्यात आला आहे.समितीकडून मंजुरी मिळाल्यानंतर प्रकल्पाच्या पुढील टप्प्यांवर काम सुरू होईल. -स्थानिक प्रवाशांना मोठा लाभ: बालाजीनगर भागातील रहिवाशांना मेट्रो स्टेशनमुळे अधिक सोयीचा व जलद प्रवास शक्य होणार आहे. – वाहतुकीवरील ताण होणार कमी : या स्थानकामुळे स्वारगेट-कात्रज भागातील वाहतूक समस्या कमी होण्यास मदत होईल. – आर्थिक कार्यक्षमतेची खात्री: महापालिकेवर कोणतेही अतिरिक्त आर्थिक ओझे नसल्याने हा प्रकल्प आर्थिकदृष्ट्या शाश्वत ठरण्याची अपेक्षा आहे. या निर्णयामुळे पुणेकरांसाठी सार्वजनिक वाहतुकीचा दर्जा सुधारेल व मेट्रो प्रकल्पाचा विस्तार अधिक प्रभावी ठरेल.