Newsworldmarathi Mumbai: शहरातून एक संतापजनक बातमी समोर आली आहे. राष्ट्रवादीच्या पदाधिकाऱ्याकडून एका महिलेचा विनयभंग केल्याचा प्रकार उघडकीस आला आहे. इम्रान खान असे राष्ट्रवादी काँग्रेसच्या पदाधिकाऱ्याचे नाव आहे. या प्रकरणी पीडित महिलेने पोलीस ठाण्यात फिर्याद दिली आहे. त्यावरून त्याच्याविरोधात विनयभंगाचा गुन्हा दाखल करण्यात आला आहे. तसेच अंबरनाथ नगरपालिकेच्या बाहेर घटना घडल्याचा दावा करण्यात आला आहे.
याबाबत अधिक माहिती अशी की, अंबरनाथमध्ये राहणारी एक महिला तिच्या कामानिमित्त नगरपालिकेत गेली होती. त्यावेळी तिथे इम्रान खान याने त्याच्या कामानिमित्त आला होता. त्यावेळी त्याने एका महिलेचा विनयभंग केला. तसेच चलती है क्या? कितना लेगी? यासारख्या शब्दांचा वापर यावेळी केला आहे. एवढेच नाय तर त्याने मला चुकीच्या पद्धतीने स्पर्श केला,नको तिथे हात लावला. असे पीडित महिलेने फिर्यादीत म्हटले आहे.
दरम्यान, या प्रकरणी पोलिस ठाण्यात गुन्हा दाखल कऱण्यात आला आहे. राष्ट्रवादी काँग्रेसचा पदाधिकारी इम्रान खान यांच्याकडून याबाबत अध्याप कोणतीही प्रतिक्रिया देण्यात आलेली नाही. पुढील तपास पोलिस करीत आहेत.
Recent Comments