Newsworld Mumbai : महाराष्ट्र विधानसभेच्या विशेष अधिवेशनाला आज सुरुवात झाली असून 288 नवनिर्वाचित आमदारांचा शपथविधी पार पडणार आहे. हंगामी अध्यक्ष कालिदास कोळंबकर यांच्या अध्यक्षतेखाली हा शपथविधी सोहळा होईल. देवेंद्र फडणवीस यांनी 5 डिसेंबर रोजी मुख्यमंत्रिपदाची शपथ घेतल्यानंतर आता फडणवीस सरकारच्या कामकाजाला अधिकृतपणे सुरुवात झाली आहे.
विधिमंडळाच्या 9 डिसेंबरपर्यंत चालणाऱ्या या विशेष अधिवेशनात अनेक महत्त्वाचे निर्णय घेतले जाण्याची शक्यता आहे. यामध्ये मंत्रिमंडळ विस्ताराची चर्चा सध्या राजकीय वर्तुळात जोरदार सुरू आहे. शिवसेना नेते उदय सामंत यांनी मंत्रिमंडळाचा विस्तार लवकरच होईल, असे स्पष्ट केले आहे. मंत्रिमंडळ विस्तारामुळे राज्यातील प्रशासन अधिक गतिमान होईल, अशी अपेक्षा व्यक्त केली जात आहे.
फडणवीस सरकारचा मंत्रिमंडळ विस्तार कधी होईल याकडे सर्वांचे लक्ष लागले आहे, कारण यामुळे राजकीय समीकरणांवरही परिणाम होऊ शकतो.
