Newsworldmarathi Mumbai : मंत्रीपदाची शपथ घेण्यासाठी आपण गुलाबी जॅकेटच वापरणार असल्याचा चंग राष्ट्रवादीच्या नेत्यांनी बांधला असल्याचे वास्तव समोर आले आहे. अनेक नेते दुकानांमध्ये जाऊन गुलाबी जॅकेटची मागणी करत आहेत.
आपल्याला संधी मिळाल्यानंतर निश्चितपणे आपण अजितदादा जे जॅकेट वापरतात त्याच रंगाचे जॅकेट वापरून शपथ घेणार असल्याचे देखील हे नेते खाजगी मध्ये बोलताना सांगत आहेत. दुकानांमध्ये जाऊन ही नेते गुलाबी जॅकेट याच रंगाचं अशा क्वालिटीच पाहिजे ही देखील मागणी करीत असल्याचे पाहायला मिळत आहे. यामुळे गुलाबी जॅकेटला सध्या मागणी वाढल्याचे पाहायला मिळत आहे.
त्याचबरोबर राष्ट्रवादीचे कार्यकर्ते देखील शपथविधीला जाताना आपण देखील गुलाबी जॅकेट घालून जायचं आणि आपल्या नेत्याला शुभचिंतन करायचं हा विचार मनात ठेवून नागपूरकडे रवाना होताना दिसत आहेत. विधानसभेच्या निवडणुकीमध्ये प्रचार करत असताना अजित पवार यांनी गुलाबी जॅकेट वापरण्यास अधिक प्राधान्य दिल्याचे सातत्याने पाहायला मिळाले अजित पवार यांच्या अंगावरचे जॅकेट खूप चर्चेत आले त्यानंतर आता ह्याच रंगाचे जॅकेट आपल्यालाही हवं असा चंग कार्यकर्त्यांनी बांधला आहे.
